Tá sé leagtha síos in Airteagal 299 den Chomhaontú Comhlachais idir an tAontas Eorpach agus an Úcráin go mbunóidh gach páirtí Grúpa Comhairleach um fhorbairt inbhuanaithe chun comhairle a thabhairt faoi shaincheisteanna a bhaineann leis an gcaibidil ar thrádáil agus forbairt inbhuanaithe.
Is éard atá sna Grúpaí Comhairleacha sin eagraíochtaí sochaí sibhialta atá neamhspleách agus ionadaíoch, is é sin le rá déantar ionadaíocht chothrom sna grúpaí ar eagraíochtaí fostóirí agus eagraíochtaí oibrithe, ar eagraíochtaí neamhrialtasacha, agus ar gheallsealbhóirí ábhartha eile.
Bunaíodh Grúpa Comhairleach an Aontais Eorpaigh don Úcráin i mí na Samhna 2016 agus tá sé comhdhéanta de chomhaltaí ó CESE agus ó eagraíochtaí sochaí sibhialta eile san Eoraip.