Tá ról ríthábhachtach ag na comharchumainn agus na pobail fuinnimh chun go mbeidh rath ar an aistriú glas. Mar sin féin, ní thugann an Coimisiún aird chuí orthu ina phlean gníomhaíochta Eorpach um chumhacht ghaoithe. Is cosúil go dtugtar neamhaird sa phlean sin ar an méadú atá ag teacht ar an míshásamh i leith feirmeacha gaoithe nua a chruthú.
Tá ról ríthábhachtach ag na comharchumainn agus na pobail fuinnimh chun go mbeidh rath ar an aistriú glas. Mar sin féin, ní thugann an Coimisiún aird chuí orthu ina phlean gníomhaíochta Eorpach um chumhacht ghaoithe. Is cosúil go dtugtar neamhaird sa phlean sin ar an méadú atá ag teacht ar an míshásamh i leith feirmeacha gaoithe nua a chruthú.
I mí Dheireadh Fómhair, chuir an Coimisiún Eorpach an Plean Gníomhaíochta Eorpach um Chumhacht Ghaoithe i láthair chun a áirithiú go mbeidh an t-aistriú chuig fuinneamh glan fite fuaite leis an iomaíochas tionsclaíoch agus go leanfaidh an chumhacht ghaoithe san Eoraip de bheith ina scéal ratha.
Is cuid ríthábhachtach de tháirgeadh leictreachais glan-nialasach don todhchaí í an chumhacht ghaoithe. Tríd an gcinéal cumhachta seo, gintear níos mó ná aon trian de leictreachas in-athnuaite na hEorpa agus níos mó ná 17 % dá táirgeadh iomlán leictreachais.
Is cosúil, áfach, go ndéantar neamhaird i bPlean Gníomhaíochta an Choimisiúin ar an méadú atá tagtha ar mhíshásamh na gcosantóirí tírdhreacha agus na gcaomhantóirí dúlra i leith feirmeacha gaoithe nua a chruthú. Léirítear an míshásamh sin leis an dearcadh‘NIMBY’(Not in My Backyard).
Tá ról fíorthábhachtach ag na comharchumainn agus ag na pobail maidir leis an míshásamh sin a shárú agus na tairbhí a bhaineann leis an aistriú sin a chomhroinnt go forleathan trí phróiseas áitiúil faoi stiúir na saoránach a spreagadh lenar féidir leis na saoránaigh an t-aistriú a threorú. Tá sé ríthábhachtach iad a chur san áireamh más rud é go bhfuiltear ag iarraidh go mbeidh córas giniúna cumhachta nua níos díláraithe ann mar thoradh ar ghiniúint in-athnuaite.
Ina ionad sin, is ar chuideachtaí móra amháin a dhíríonn Plean Gníomhaíochta um Chumhacht Ghaoithe an Choimisiúin. Déanfaidh an cur chuige sin dochar don phróiseas, agus laghdófar ráta glactha an aistrithe agus cuirfear an t-aistriú i mbaol. Ba cheart don Choimisiún athbhreithniú a dhéanamh ar raon feidhme a phlean gníomhaíochta agus rannpháirtíocht na saoránach a áireamh i gcolún 7.
Ba cheart dó a áirithiú nach bhfuil tairiscintí bunaithe ar phraghsanna amháin agus go gcuirfear san áireamh leo ábhair imní maidir leis an gcomhshaol, an tsláinte agus an tsábháilteacht ag an obair, agus an cómhargáil, mar a mhol CESE le déanaí sa tuairim uaidh a bhaineann leis an ábhar seo.
I mí an Mhárta, ghlac CESE páirt sa 68ú seisiún de Choimisiún na Náisiún Aontaithe um Stádas na mBan, an príomhchomhlacht idirnáisiúnta agus idir-rialtasach atá ag troid ar son an chomhionannais inscne, a bhí ar siúl i Nua-Eabhrac.
I mí an Mhárta, ghlac CESE páirt sa 68ú seisiún de Choimisiún na Náisiún Aontaithe um Stádas na mBan, an príomhchomhlacht idirnáisiúnta agus idir-rialtasach atá ag troid ar son an chomhionannais inscne, a bhí ar siúl i Nua-Eabhrac.
Ba é sin an chéad uair do CESE páirt a ghlacadh sa chruinniú bliantúil is mó de chuid na Náisiún Aontaithe maidir le cumhachtú na mban. Díríodh i mbliana ar dheireadh a chur le bochtaineacht na mban. Trí ghuth a thabhairt do shochaí shibhialta na hEorpa agus iad ag troid ar son an chomhionannais inscne, chuir CESE leis an téama trí dhearbhú a chur chun cinn ina raibh deich bpointe gníomhaíochta maidir le cumhachtú eacnamaíoch agus cosaint shóisialta na mban.
Bhí an tUachtarán Oliver Röpke, a bhfuil an comhionannas inscne ina thosaíocht lárnach dá chuid oibre agus dá uachtaránacht, i gceannas ar thoscaireacht CESE. Seo an méid a bhí le rá ag an Uachtarán Röpke: ‘Tá stair fhada ag CESE maidir le beartais an Aontais agus beartais dhomhanda a mholadh chun an comhionannas inscne a chur chun cinn agus aghaidh a thabhairt ar an neamhionannas eacnamaíoch agus sóisialta a mbíonn mná agus cailíní ag streachailt leis sa lá atá inniu ann. Mar sin féin, is é seo an chéad uair do shochaithe sibhialta na hEorpa dul i bpáirt le chéile agus a ndícheall a dhéanamh sa chomhrac comhchoiteann seo chun an comhionannas inscne a bhaint amach ar fud an domhain. Níl an bhochtaineacht neodrach ó thaobh inscne de, mar sin, ní féidir freagairt neodrach a thabhairt uirthi’.
Sna pointí gníomhaíochta a liostaítear sa dearbhú ó CESE, léirítear seasamh CESE maidir le téama an 68ú seisiúin de Choimisiún na Náisiún Aontaithe um Stádas na mBan. Tá siad dírithe ar an gcomhionannas inscne a chur chun cinn, ar dhul i ngleic leis an mbochtaineacht agus ar institiúidí a neartú trí ghné na hinscne, i gcomhréir le tosaíochtaí an Aontais. I measc nithe eile, áirítear orthu freisin mná a chosaint ar gach cineál foréigin, seirbhísí cúraim sláinte atá inrochtana a áirithiú, ionadaíocht chothrom na mban i margadh an tsaothair, ceannaireacht na mban a chur chun cinn agus comhdheiseanna a áirithiú tríd an oideachas.
‘Bliain as seo amach, tá súil agam go mbeidh mé in ann a rá gur chuidigh rannpháirtíocht CESE i gcruinniú Choimisiún na Náisiún Aontaithe um Stádas na mBan le guth níos láidre a thabhairt do na héilimh sin. Is féidir linn a bheith criticiúil agus sin ba cheart dúinn a bheith. Is éard atá de dhíth ná guthanna criticiúla na sochaí sibhialta, na bpáirtithe leasmhara, na n-eagraíochtaí neamhrialtasacha agus na n-institiúidí agus iad ag obair i dtreo sprioc chomhchoiteann, mar atá, Eoraip agus domhain atá níos cothroime a bhaint amach. Is féidir linn agus ba cheart dúinn díriú ar an mbealach atá romhainn’, a dúirt an tUachtarán Röpke. Bhí CESE ina chuid de thoscaireacht de chuid an Aontais a ndearna Uachtaránacht an Aontais ionadaíocht uirthi. Bhí ról breathnóra aige, in éineacht le Parlaimint na hEorpa. I dteannta an Uachtaráin, bhí na comhaltaí seo a leanas ar thoscaireacht CESE: Christa Schweng, Mariya Mincheva, Cinzia del Rio, Maria Nikolopoulou, Chiara Corazza agus Sif Holst, Cathaoirleach an Ghrúpa um an gComhionannas in CESE. (ll)
Dé Sathairn, an 4 Bealtaine 2024, sin an lá a osclóidh Coiste Eacnamaíoch agus Sóisialta na hEorpa (CESE) a dhoirse do Lá Oscailte idirinstitiúideach bliantúil an Aontais Eorpaigh. Ceiliúrfaimid daonlathas na hEorpa agus díreoimid ar na toghcháin Eorpacha a reáchtálfar i mí an Mheithimh. Deis atá ann foghlaim faoin Aontas Eorpach, dul i dteagmháil leis an tsochaí shibhialta agus a fháil amach conas is féidir do ghuth agus do vóta a úsáid chun todhchaí na hEorpa a mhúnlú.
Dé Sathairn, an 4 Bealtaine 2024, sin an lá a osclóidh Coiste Eacnamaíoch agus Sóisialta na hEorpa (CESE) a dhoirse do Lá Oscailte idirinstitiúideach bliantúil an Aontais Eorpaigh. Ceiliúrfaimid daonlathas na hEorpa agus díreoimid ar na toghcháin Eorpacha a reáchtálfar i mí an Mheithimh. Deis atá ann foghlaim faoin Aontas Eorpach, dul i dteagmháil leis an tsochaí shibhialta agus a fháil amach conas is féidir do ghuth agus do vóta a úsáid chun todhchaí na hEorpa a mhúnlú.
Cén fáth ar cheart duit cuairt a thabhairt ar Lá Oscailte CESE?
Foirgneamh Jacques Delors: beidh deis agat féachaint thart ar fhoirgneamh aitheanta CESE ar Rue Belliard, croílár na sochaí sibhialta eagraithe san Eoraip. Gheobhaidh tú amach conas a chuireann ionadaithe ó eagraíochtaí fostóirí, oibrithe, gníomhaithe comhshaoil, tomhaltóirí agus eile le próiseas ceaptha beartais an Aontais.
Foghlaim idirghníomhach: beidh tú in ann páirt a ghlacadh i bpléití bríomhara le comhaltaí CESE maidir le hábhair atá tábhachtach agat. Foghlaimeoidh tú conas a mhúnlaíonn an t-idirphlé sóisialta reachtaíocht an Aontais agus cén chaoi ar féidir do bharúil a chur in iúl.
Gníomhaíochtaí do gach aois: bainfidh tú sult as atmaisféar bríomhar, as ceol beo den chéad scoth agus as cluichí idirghníomhacha a thástálfaidh an t-eolas atá agat ar an Aontas, agus beidh péinteáil éadan ar fáil do pháistí. Beidh deis agat cuimhneachán nó scigphictiúr a thabhairt abhaile leat, maille le grianghraf ón mboth grianghraf.
Dianphlé: gheobhaidh tú dearcadh an duine a bhfuil an cos istigh aige/aici ar ról CESE maidir le hEoraip inbhuanaithe, rathúil agus chuimsitheach a mhúnlú don uile dhuine. Beidh an deis agat páirt a ghlacadh i bplé tapa spriocdhírithe le comhaltaí CESE maidir le hábhair faoi leith is cás leatsa. Deis uathúil a bheidh ann léargas luachmhar a fháil i gcroílár phróiseas ceaptha beartais an Aontais.
Cumhacht na sochaí sibhialta: foghlaimeoidh tú faoin gcaoi a n-oibríonn CESE chun an bhearna idir na saoránaigh agus an tAontas a dhúnadh. Feicfidh tú conas a thagann guthanna éagsúla le chéile chun tacú leis an gceartas sóisialta, le cosaint an chomhshaoil agus i bhfad eile ar son Aontas Eorpach níos láidre a bhaint amach.
Céiliúradh dhá roth!
Agus murar leor an méid sin, beidh grúpa rothaithe ag teacht chuig CESE an 4 Bealtaine freisin! Tá 500 km á rothaíocht ag cuid de chomhaltaí tiomnaithe CESE agus daoine aonair eile ón bhFrainc go dtí an Bhruiséil chun feasacht a mhúscailt faoi na toghcháin Eorpacha. Bí linn ag spreagadh iad agus iad ag teacht chuig CESE agus foghlaim tuilleadh faoin misean spreagúil atá acu, faoina n-aistear agus faoi na dúshláin rompu ar an mbealach chugainn.
Eispéireas seachas cuairt atá ann
Is deis é Lá Oscailte CESE chun teagmháil a dhéanamh leis an Eoraip, an daonlathas a cheiliúradh agus eolas a chur ar chumhacht na sochaí sibhialta. Is cuma más duine thú a bhfuil spéis aige nó aici san Aontas Eorpach, más sceipteach thú nó más duine nua fiosrach thú, beidh rud éigin ar fáil do chách. Tar isteach chugainn agus foghlaim i gcroílár dhaonlathas na hEorpa.
Fan i dteagmháil linn más mian leat tuilleadh sonraí a fháil
Ní gá clárú roimh ré. Beidh tuilleadh eolais faoi ghníomhaíochtaí ar leith á roinnt againn, maille le buaicphointí spreagúla, sna seachtainí amach romhainn. Más mian leat an t-eolas is déanaí a fháil, is féidir sinn a leanúint ar na meáin shóisialta agus dul chuig ár suíomh gréasáin (www.eesc.europa.eu/openday).
Ná caill an deis uathúil seo taithí phearsanta a fháil ar an Aontas Eorpach! (cg)
An 27 Feabhra, shínigh Uachtarán Choiste Eacnamaíoch agus Sóisialta na hEorpa (CESE), Oliver Röpke, agus Uachtarán Pharlaimint na hEorpa, Roberta Metsola, Meabhrán Tuisceana maidir le comhar chun ullmhú do na toghcháin Eorpacha.
An 27 Feabhra, shínigh Uachtarán Choiste Eacnamaíoch agus Sóisialta na hEorpa (CESE), Oliver Röpke, agus Uachtarán Pharlaimint na hEorpa , Roberta Metsola, Meabhrán Tuisceana maidir le comhar chun ullmhú do na toghcháin Eorpacha.
Is é is aidhm don chomhpháirtíocht neartú ar an gcomhar idir an dá institiúid ar mhaithe leis na toghcháin Eorpacha a chur chun cinn, borradh a chur faoin ráta vótála – go háirithe i measc daoine nach gcaitheann vóta de ghnáth agus daoine atá ag vótáil den chéad uair – agus an ionramháil ar fhaisnéis a chomhrac.
I measc bearta eile, chomhaontaigh na hinstitiúidí dlús a chur leis an gcomhar eatarthu maidir le cumarsáid a dhéanamh faoi na toghcháin, eagrú imeachtaí a chomhordú, amhail Lá Doirse Oscailte nó Seachtain na Sochaí Sibhialta, agus faisnéis a chomhroinnt ar na hardáin ‘together.eu’ agus ‘Na nithe a dhéanann an Eoraip dom’.
Bhí an méid seo le rá ag Oliver Röpke, Uachtarán CESE: 'Beidh na toghcháin Eorpacha ina dtástáil litmis ar dhaonlathas na hEorpa. Is féidir CESE a bheith ina ardán trínar féidir leis an tsochaí shibhialta seasamh suas ar son an daonlathais sin. Is díol sásaimh dom an Meabhrán Tuisceana a d'aontaíomar inniu le Parlaimint na hEorpa toisc go gcuireann sé ar ár gcumas ról níos gníomhaí a imirt sa tréimhse roimh na toghcháin agus teagmháil a dhéanamh le vótálaithe ar mhaithe leis an ráta vótála a ardú. Is comhpháirtithe agus comhghuaillithe iad CESE agus Parlaimint na hEorpa.’
Leagtar amach sa Mheabhrán réimsí sonracha inar cheart leanúint den chomhar idir CESE agus Parlaimint na hEorpa agus é a neartú sa tréimhse roimh na toghcháin Eorpacha in 2024. (kn/ll)
Labhraíomar leis faoi na rudaí is mó is cúis imní dúinn i dtoghcháin Eorpacha. Ina measc sin tá an bhréagaisnéis agus líon mór na vótálaithe óga atá ar nós cuma liom faoi chúrsaí polaitíochta. Is iriseoir agus saineolaí polaitiúil é Régis Genté. Is í an tréimhse iar-Shóivéadach a bhíonn faoi chaibidil aige. Bíonn sé ag tuairisciú do na meáin phríomhshrutha le Radio France Internationale, France 24 TV agus Le Figaro.
Labhraíomar leis faoi na rudaí is mó is cúis imní dúinn i dtoghcháin Eorpacha. Ina measc sin tá an bhréagaisnéis agus líon mór na vótálaithe óga atá ar nós cuma liom faoi chúrsaí polaitíochta. Is iriseoir agus saineolaí polaitiúil é Régis Genté. Is í an tréimhse iar-Shóivéadach a bhíonn faoi chaibidil aige. Bíonn sé ag tuairisciú do na meáin phríomhshrutha le Radio France Internationale, France 24 TV agus Le Figaro.
Tá na páirtithe is faide ar dheis ag teacht chun cinn i láthair na huaire. An dóigh leat go mbeidh tionchar aige sin ar thorthaí na dtoghchán Eorpach?
Ní saineolaí mise ar an eite dheis san Eoraip, ach ag féachaint dom ar na suirbhéanna atá i mo thír féin (an Fhrainc), chaithfinn a rá go bhfuil an eite dheis chun cinn. Is deis pholaitiúil atá sna toghcháin Eorpacha do shaoránaigh na hEorpa chun teachtaireacht faoina dtír féin a chur in iúl dá gcuid polaiteoirí nó chun teachtaireacht a thabhairt dóibh faoina dtír féin. Is ar an staid pholaitiúil ina dtír féin is túisce a smaoiníonn saoránaigh na hEorpa. Ní smaoiníonn siad ar chás na hEorpa ach ar an dara rud. Dá reir, is dócha go mbeidh tionchar ag na páirtithe is faide ar dheis ar na toghcháin sin. Tá méadú ar cheisteanna faoi chúrsaí ceannasachta ar thaobh amháin den scéal agus ar an lánpháirtiú sa Eoraip ar an taobh eile de.
An gceapann tú go bhfuil sé de spreagadh sna daoine óga vóta a chaitheamh sna toghcháin Eorpacha?
Freagróidh mé do cheist i mo ghnáthshaoránach, duine a bhfuil cónaí air i gcríoch iar-Shóivéadach le 22 bliain anuas, duine a labhraíonn go minic le daoine óga san Eoraip. Tá an chuma ar an scéal nach bhfuil siad an-toilteanach chun vótála. Is é an scéal céanna é sa tSeoirsia áit a bhfuil cónaí orm. Tá luí ag na daoine óga leis an bpolaitíocht, ach níl siad i bhfabhar páirtí ar leith thar a chéile, páirtí rialtais ná páirtí freasúra. Is mian leo a bheith páirteach i saol polaitiúil na tíre, ach níl siad sásta vóta a chaitheamh mar níl páirtí ná a ceannaire ann a labhródh ar a son. Is spéisiúil an dearcadh é. Tá meas agam féin air. Ba bhealach é le doirse a oscailt ionas gur pholaitíocht de chineál eile a bheadh á cleachtadh. Rud seachas an daonlathas ionadaíoch. Rud lasmuigh de na páirtithe. Mar sin féin, idir an dá linn, fágann sé gort na polaitíochta faoi na pholaiteoirí agus faoi na fórsaí polaitiúla éagsúla. Fágann sé go bhfuil an óige as an áireamh.
Cé chomh mór féidir leis an mbréagaisnéis tionchar a imirt ar na vótálaithe sna toghcháin Eorpacha atá le bheith ann go gairid?
Éiríonn go maith leis an mbréagaisnéis nuair is ar ghrúpa lag atá sí ag dul i dtír. Is orainne – muintir na hEorpa – atáthar ag iarraidh dul i dtír sa chás seo. Maidir le bréagaisnéis na Rúise, ní hé cruthú na faidhbe an modh oibre atá acu sin ach úsáid na faidhbe atá ann cheana. Agus, ar ndóigh, is maith a thuigimid go léir go bhfuil an tsochaí s’againn féin i lúba na géarchéime go polaitiúil agus go morálta faoi láthair. Ar an drochuair, ciallaíonn sé sin gur dóichí gur féidir an bhréagaisnéis a úsaid go héifeachtúil inár gcoinne. Bíodh sin mar atá, is dóigh liom féin gur mó oideachais agus gur mó taithí atá againn feasta inár saoránaigh de chuid na hEorpa agus de chuid an domhain mhóir leis an nuacht ar na meáin shóisialta a láimhseáil. Is mór atá foghlamtha againn e deich mbliana anuas. Is fearr a thuigimid leis an nuacht a scagadh ar ardáin na meán sóisialta, mar is maith is eol dúinn go mbíonn bréaga á n-insint agus eolas á chur as a riocht. Níor cheart dúinn géilleadh don éadóchas. Sin cuid den toradh a bhíonn ar an mbréagaisnéis. Tá deireadh le ré na saontachta sa tsochaí, agus tuigeann na daoine gur féidir le tíortha eile agus le gníomhaithe polaitiúla eile na líonraí sóisialta a úsáid chun tuairimí an phobail a mhúnlú dá mbuíochas. Ní bhíonn ach mionlach de na daoine gníomhach ar na meáin shóisialta dar liom. Is minic an gnáthdhuine ina thost. An cineál duine a bhfuil oideachas air. Agus ní baol don chineál sin duine géilleadh don tseafóid ar fad a bhíonn á scríobh ar na meáin shóisialta.
An 20 Márta, ghlac CESE rún inar iarr sé ar shaoránaigh na hEorpa ceann dá gcearta daonlathacha a chur in úsáid agus vóta a chaitheamh sna toghcháin Eorpacha atá ag druidim linn go tapa.
An 20 Márta, ghlac Coiste Eacnamaíoch agus Sóisialta na hEorpa (CESE) rún inar iarr sé ar shaoránaigh na hEorpa ceann dá gcearta daonlathacha a chur in úsáid agus vóta a chaitheamh sna toghcháin Eorpacha atá ag druidim linn go tapa.
Sa rún ó CESE, chuir sé in iúl nach bhfuil aon dabht ann ‘go raibh deacrachtaí againn le tamall anuas, ach [nach] féidir le haon duine a shéanadh go bhfuil an tsíocháin, an daonlathas, rathúnas eacnamaíoch agus an dul chun cinn sóisialta ráthaithe ag an Aontas Eorpach do na Ballstáit agus do na saoránaigh. A bhuí leis an Aontas, tá an tsaoirse againn oibriú, staidéar agus gnó a dhéanamh i dtíortha uile an Aontais.’
‘Ní hiad an náisiúnachas, an pobalachas ná réitigh aonstáit an réiteach ar an bhfadhb,’ is ea a dúirt CESE. Dar leis gurb ‘iad comhoibriú, comhar agus cóineasú an réiteach is fearr ar an bhfadhb sin,’ agus béim á leagan aige air go bhfuil dúshláin ar leith ann nach féidir le tír ar bith san Aontas aghaidh a thabhairt orthu ina haonar, an boilsciú atá ag dul i méid, cogaí, imirce nó an ghéarchéim aeráide, cuir i gcás.
Glacadh an rún ag an seisiún iomlánach a bhí ag CESE i mí an Mhárta tar éis díospóireacht a dhéanamh ar an ábhar ‘Dearcadh na sochaí sibhialta i dtaobh na dToghchán Eorpach in 2024’. Orthu siúd a ghlac páirt sa díospóireacht, bhí gníomhaithe ar son na sochaí sibhialta chomh maith le comhairlí náisiúnta eacnamaíocha agus sóisialta ón bhFrainc agus ón mBulgáir.
Chuir CESE in iúl gur mian leis an líonra atá ag an gCoiste ar fud an Aontais, ina bhfuil ar a laghad 90 milliún duine, a spreagadh chun vótála leis na daoine a ndéanfaidh ionadaíocht dóibh i bParlaimint na hEorpa sna cúig bliana amach romhainn a roghnú.
Ag labhairt dó ag an seisiún iomlánach maidir leis na heagraíochtaí a ndéanann comhaltaí CESE ionadaíocht dóibh, chuir Oliver Röpke, Uachtarán CESE, in iúl go bhfuil fréamhacha seanbhunaithe ag na heagraíochtaí sin sa tsochaí shibhialta ar an leibhéal náisiúnta: ‘Tá sé ar ár gcumas dul i gcion ar an uile dhuine; tá sé ar ár gcumas tabhairt ar dhaoine vóta a chaitheamh agus is é sin is gá dúinn a dhéanamh. Is dualgas morálta orainn déanamh amhlaidh.’
Chomh maith leis sin, tá CESE agus Parlaimint na hEorpa ag obair as lámha a chéile chun cuidiú le borradh a chur faoin ráta vótála. Is gnách an ráta vótála le haghaidh na dtoghchán Eorpach a bheith i bhfad faoi bhun an ráta le haghaidh na dtoghchán náisiúnta, go háirithe i mBallstáit ar leith.
Chuir Uachtarán CESE i bhfios go láidir gur mór atá i gceist le toghcháin 2024, agus meath ag teacht ar an daonlathas ar fud an domhain agus i mBallstáit áirithe.
‘Na toghcháin seo, ní hiad fuascailt ár dtrioblóidí iad, ní leigheasfaidh siad an imní atá orainn ná ní mhaolóidh siad buairt na saoránach. Sin ráite, is bealach dlisteanach iad trínar féidir linn gach a bhfuil uainn a chur in iúl, todhchaí níos fearr a éileamh, agus iad siúd atá i gcumhacht a thabhairt chun cuntais’, arsa an tUasal Röpke.
Ba iad Christa Schweng, Cinzia del Rio agus Ioannis Vardakastanis, ar comhaltaí de chuid CESE iad agus ionadaithe thar ceann Ghrúpa na bhFostóirí, Ghrúpa na nOibrithe agus Ghrúpa Eagraíochtaí na Sochaí Sibhialta, rapóirtéirí an rúin. Labhair an triúr acu d’aon ghuth ag an seisiún iomlánach agus iad ag áitiú ar mhuintir na hEorpa vóta a chaitheamh chun ionadaithe a thoghadh a sheasfaidh an fód ar son Eoraip aontaithe, dhaonlathach, inbhuanaithe agus shóisialta.
Glacfaidh CESE rún eile i mí Iúil ina ndíreofar ar éilimh na sochaí sibhialta ar an bParlaimint agus an Coimisiún nuathofa.(II)
Mar fhreagairt chomhpháirteach ar an Tionscnamh maidir le hathléimneacht i réimse an uisce a bheith curtha siar ag an gCoimisiún Eorpach, sheol ionadaithe ó Choiste Eacnamaíoch agus Sóisialta na hEorpa (CESE), ó Mheitheal Uisce na bhFeisirí i bParlaimint na hEorpa, agus ó Choiste Eorpach na Réigiún (CnaR) litir oscailte chuig an Leas-Uachtarán Feidhmiúcháin Maroš Šefčovič, inar iarr siad ar an gCoimisiún cur chuige cuimsitheach a ghlacadh i leith an uisce agus inar athdhearbhaigh siad an glao uathu go gcuirfí Comhaontú Gorm don Eoraip ar bun.
Mar fhreagairt chomhpháirteach ar an Tionscnamh maidir le hathléimneacht i réimse an uisce a bheith curtha siar ag an gCoimisiún Eorpach, sheol ionadaithe ó Choiste Eacnamaíoch agus Sóisialta na hEorpa (CESE), ó Mheitheal Uisce na bhFeisirí i bParlaimint na hEorpa, agus ó Choiste Eorpach na Réigiún (CnaR) litir oscailte chuig an Leas-Uachtarán Feidhmiúcháin Maroš Šefčovič, inar iarr siad ar an gCoimisiún cur chuige cuimsitheach a ghlacadh i leith an uisce agus inar athdhearbhaigh siad an glao uathu go gcuirfí Comhaontú Gorm don Eoraip ar bun.
Léirítear sa litir na hábhair imní chomhroinnte atá ag na hinstitiúidí sin a mhéid a bhaineann leis an Tionscnamh maidir le hathléimneacht i réimse an uisce a chur siar. Measann siad gur cúis imní é sin a léiríonn easpa tiomantais an Aontais aghaidh a thabhairt ar dhúshláin uisce na hEorpa atá ag dul i méid. Déanann na trí institiúid ionadaíocht ar shochaí shibhialta an Aontais, ar na saoránaigh agus ar na rialtais áitiúla.
Molann siad cur chuige iomlánaíoch agus comhoibríoch lena gcomhtháthaítear an t-uisce sna beartais uile chun rochtain chothrom shóisialta, mar aon le rochtain do na feirmeoirí, do na tionscail agus don bhonneagar, agus gnéithe sóisialta, eacnamaíocha agus comhshaoil an uisce a áirithiú.
Is é is aidhm don aistriú sin dul níos faide ná an cur chuige ilroinnte atá ann cheana, agus straitéis uisce neamhspleách níos cuimsithí agus níos éifeachtaí a chothú. Leis an nglao idirinstitiúideach sin, iarrtar ar an gCoimisiún leanúint dá chuid oibre ar an Tionscnamh maidir le hathléimneacht i réimse an uisce agus príomhthosaíocht de chuid an Aontais a dhéanamh den uisce sa téarma atá le teacht (2024-2029).
D’fhonn léargas a thabhairt ar iarrachtaí na sochaí sibhialta an eipidéim fhaillí a bhaineann le neamhoird mheabhairshláinte san Aontas a shrianadh, tá bróisiúr foilsithe ag CESE ina bhfuil roinnt iontrálacha a cuireadh isteach ar Dhuais na Sochaí Sibhialta maidir le meabhairshláinte. Is féidir an bróisiúr a léamhanseo.
D’fhonn léargas a thabhairt ar iarrachtaí na sochaí sibhialta an eipidéim fhaillí a bhaineann le neamhoird mheabhairshláinte san Aontas a shrianadh, tá bróisiúr foilsithe ag CESE ina bhfuil roinnt iontrálacha a cuireadh isteach ar Dhuais na Sochaí Sibhialta maidir le meabhairshláinte. Is féidir an bróisiúr a léamhanseo.
Ón 4-7 Márta, rinne Coiste Eacnamaíoch agus Sóisialta na hEorpa (CESE) Seachtain na Sochaí Sibhialta a reáchtáil den chéad uair riamh. Lena linn sin, tháinig os cionn 800 ionadaí le chéile ó eagraíochtaí na sochaí sibhialta agus grúpaí óige chun plé a dhéanamh ar na toghcháin atá le teacht agus todhchaí an Aontais. An méid a tháinig chun cinn an tseachtain sin, beidh sé ina ábhar rúin ag CESE i mí Iúil, ceann ina leagfar amach a bhfuil an tsochaí shibhialta ag súil leis ó cheannairí nua Pharlaimint na hEorpa agus an Choimisiúin.
Ón 4-7 Márta, rinne Coiste Eacnamaíoch agus Sóisialta na hEorpa (CESE) Seachtain na Sochaí Sibhialta a reáchtáil den chéad uair riamh. Lena linn sin, tháinig os cionn 800 ionadaí le chéile ó eagraíochtaí na sochaí sibhialta agus grúpaí óige agus na toghcháin atá le teacht agus todhchaí an Aontais mar ábhar plé acu. An méid a tháinig chun cinn an tseachtain sin, beidh sé ina ábhar rúin ag CESE i mí Iúil, ceann ina leagfar amach a bhfuil an tsochaí shibhialta ag súil leis ó cheannairí nua Pharlaimint na hEorpa agus an Choimisiúin.
a chur ar chumas na saoránach dul i ngleic leis an Aontas agus a gcearta daonlathacha a fheidhmiú;
bagairtí ar luachanna an daonlathais a aithint agus aghaidh a thabhairt orthu, an bhréagaisnéis agus easpa spéise na vótálaithe, cuir i gcás; agus
moltaí de chuid na sochaí sibhialta a bhailiú lena gcur san áireamh i bpleananna an Aontais amach anseo.
Ón gcéad léargas a fuarthas ar na teachtaireachtaí a bhí ag eagraíochtaí na sochaí sibhialta do cheannairí nua an Aontais, ba léir an bhéim a bhí leagtha ar an rialachas freagrúil, an beartas cuimsitheach agus an todhchaí inbhuanaithe do na hEorpaigh go léir.
An mhífhaisnéis a chomhrac
I bhfianaise na dtoghchán Eorpach atá ar na bacáin, rinne ionadaithe an aosa óig agus na n-iriseoirí a n-imní a chur in iúl faoi scaipeadh rábach na mífhaisnéise agus faoin easaontas atá ag dul in olcas ar líne, agus chuir siad i bhfáth go bhfuil gá le creata láidre dlíthiúla. D’éiligh ionadaithe na sochaí sibhialta go rachadh na rialtais, na scoileanna agus na comhlachtaí teicneolaíochta i gcomhar chun an litearthacht dhigiteach a chur chun cinn agus timpeallacht chuimsitheach lán eolais a chothú ar líne.
Geilleagar a théann chun leasa na ndaoine agus an Domhain araon
Rud eile a d’éiligh ionadaithe na sochaí sibhialta aistriú a dhéanamh ó shamhlacha atá dírithe ar an bhfás, agus air sin amháin, chuig cur chuige iomlánaíoch a thugann tús áite don fholláine, don rathúnas agus don chomhshaol le chéile. Chuige sin, bhí na heagraíochtaí óige i bhfabhar Treoir maidir leis an Inbhuanaitheacht Chorparáideach agus mhol siad cánacha ar leith a ghearradh ar earraí atá díobhálach don chomhshaol.
Leag na rannpháirtithe béim freisin ar an ról atá ag an Aontas sa chlaochlú digiteach. Iarradh ar an Aontas a bheith ar thús cadhnaíochta ó thaobh eitic an Intleachta Saorga agus oideachas na saoránach de. Leis na bearta sin, táthar ag iarraidh a chinntiú gur fás freagrach an fás eacnamaíoch a dhéanfar agus a chur ar chumas na saoránach dul i ngleic leis an gcomhthéacs teicneolaíochta a bhfuil athruithe móra ag teacht air.
Cumhacht a thabhairt don aos óg
Bhí sé ina éileamh ag lucht na sochaí sibhialta an chumhacht a thabhairt don aos óg a chruth féin a chur ar thodhchaí na hEorpa. Moladh ‘tástáil na hóige’ a dhéanamh ar gach beartas Eorpach lena thionchar ar na glúnta óga a mheas. Thar aon rud eile, mhol na grúpaí óige cuótaí óige a thabhairt isteach le haghaidh thoghcháin na Parlaiminte Eorpaí d’fhonn an ionadaíocht a dhéantar dóibh a fheabhsú.
An daonlathas a neartú
Theastaigh ó na rannpháirtithe an daonlathas Eorpach a dhéanamh níos athléimní agus níos cuimsithí fós, agus leag siad béim ar thábhacht an idirphlé shibhialta struchtúrtha ar gach leibhéal den rialachas. An t-idirphlé sin, in éineacht leis an bhfothú acmhainneachta, is é is aidhm leis an tsochaí shibhialta a neartú sna tíortha is iarrthóirí, agus timpeallacht shábháilte fhabhrach a chothú le go mbeidh rath ar an tsochaí shibhialta ar fud na hEorpa.
Taobh anonn don bhosca moltaí
Maidir leis an Tionscnamh Eorpach ó na Saoránaigh, tháinig idir na buanna agus na laigí chun tosaigh le linn na seachtaine. Cé gur tugadh aitheantas don mhéid a baineadh amach, ba léir gur údar mór frustrachais a laghad a thugann institiúidí an Aontais aird ar an sásra. Éilíodh go dtabharfaí freagraí substainteacha ar na tionscnaimh, go gcothófaí comhpháirtíochtaí ní ba shuntasaí agus go gcuirfí le rannpháirteachas na saoránach tríd an dea-chleachtas a roinnt.
Súil chun tosaigh
Cuirfear na moltaí sin san áireamh i rún atá le teacht ó CESE, ina leagfar amach a bhfuil an tsochaí shibhialta ag súil leis ó chéad téarma eile Pharlaimint na hEorpa agus an Choimisúin. (gb)
