Inár roinn “Ceist amháin ar...” iarraimid ar chomhaltaí CESE a bhfreagra a thabhairt ar cheist atá go mór i mbéal an phobail agus atá, dar linn, an-ábhartha go deo.

In eagrán Bealtaine/Meithimh, d’iarramar ar Laurenţiu Plosceanu, Uachtarán na Rannóige um Fhostaíocht, Gnóthaí Sóisialta agus Saoránacht, barúil a thabhairt faoi na ceisteanna sóisialta a pléadh ag Cruinniú Mullaigh Porto, go háirithe i gcomhthéacs obair CESE sna blianta amach romhainn.

“Ní féidir gné shóisialta a bheith ann gan bunús eacnamaíoch láidir”.

Ceist CESE info: Ar an 7 agus 8 Bealtaine, d’fhreastail cinn stáit nó rialtais agus comhpháirtithe sóisialta ar an gCruinniú Mullaigh in Porto, ócáid a measadh mar ócáid stairiúil i dtaca le tiomantas na hEorpa do chearta sóisialta. Ba é an sprioc a bhí leis spreagadh láidir polaitiúil a thabhairt do Cholún Eorpach na gCeart Sóisialta agus do chur chun feidhme a Phlean Gníomhaíochta, arb é is aidhm dó borradh a chur faoin bhfostaíocht agus comhdheiseanna agus cosaint shóisialta a chinntiú do chách. Maidir le torthaí an chruinnithe mullaigh seo agus na saincheisteanna sóisialta a pléadh ann, cad iad na cúraimí is tábhachtaí dar leat do CESE sna blianta atá amach romhainn?