TÍR

BUAITEOIR

AN OSTAIR

#EUROPAgegenCovid19, tionscnamh arna gcur i láthair ag an gcuideachta neamhbhrabúsach Kommunikationswerkstatt 27, atá ag cur i gcoinne na bréagaisnéise, na bréagnuachta agus eolas míchruinn faoin bpaindéim agus a spreagann an pobal seasamh suas i gcoinne mí-ionramháil mothúchán agus cognaíochta

AN BHEILG

OKRA, trefpunt 55+, eagraíocht a thug aghaidh ar an bpaindéim tríd an tionscnamh cruthaitheach An teacht aniar atá in OKRA atá dírithe ar dhaoine aosta a choinneáil gníomhach agus nasctha le chéile go sóisialta

AN BHULGÁIR

Karin dom, fondúireacht a chuir oiliúint ar líne ar fáil chun tacú le teaghlaigh ina bhfuil leanaí a bhfuil riachtanais speisialta acu

AN CHRÓIT

Hrvatska mreža za beskućnike, líonra a thug tacaíocht do dhaoine gan dídean nuair a cuireadh an dianghlasáil i bhfeidhm sa tír agus nuair a bhuail crith talún í

AN CHIPIR

Oibrithe deonacha a thacaigh le grúpaí leochaileacha le linn phaindéim Covid-19 as na tionscnaimh éagsúla a bhí acu, lena n-áirítear bia agus cógais leighis a sheachadadh do dhaoine a bhí ag féinleithlisiú mar gheall ar a n-aois nó a sláinte. Ba í Erika Theofanidi a rinne comhordú ar na tionscnaimh sin

AN tSEICIA

Nevypusť Duši – eagraíocht arna bunú ag mic léinn agus iarchéimithe leighis, siceolaíochta agus oibre sóisialta ar chabhraigh a seimineáir ghréasáin ar líne le mic léinn meánscoile déileáil le fadhbanna meabhairshláinte agus cur leis an teacht aniar a bhí iontu le linn na paindéime.

AN FHRAINC

Bouge ton Coq, ardán a fhéachann le ceantair thuaithe na Fraince a choinneáil beo, as an tionscnamh C’est ma tournée! (Is é mo shealsa é!) trínar tugadh tacaíocht do shiopaí agus do ghnólachtaí faoin tuath a raibh sé ag dul crua orthu le linn na paindéime

AN GHEARMÁIN

Krisenchat, seirbhís comhairleoireachta 24 uair an chloig sa lá a chuir tacaíocht phraiticiúil saor in aisce ar fáil trí Whatsapp nó teachtaireachtaí téacs do dhaoine óga agus do leanaí

AN GHRÉIG

Steps, eagraíocht neamhbhrabúsach a d’athraigh an tionscadal seanbhunaithe One Stop go Many Stops, tionscadal trínar cuireadh béilí teo, uisce buidéalaithe agus táirgí sláinteachais phearsanta ar fáil do dhaoine a bhfuil cónaí orthu ar an tsráid nó atá ag maireachtáil ón lámh go dtí an béal

AN UNGÁIR

Magyar Helsinki Bizottság, nó Coiste Heilsincí na hUngáire, a chuir cúnamh dlí saor in aisce ar fáil i gcásanna a bhaineann le cearta an duine agus a raibh baint acu leis an ngéarchéim

ÉIRE

Alison – cúrsaí ar líne saor in aisce & ardán foghlama ar líne, as an tionscadal Coronavirus: What You Need to Know, cúrsa saor in aisce faoi eolas a bhaineann le COVID-19 agus atá aistrithe go os cionn 70 teanga agus a raibh baint ag os cionn 350 000 duine ar fud an domhain leis go dtí seo

 AN IODÁIL

Casetta Rossa – eagraíocht neamhbhrabúsach a dhéanann bia a sheachadadh do dhaoine leochaileacha, eolas a chraoladh ar stáisiún raidió agus a chraolann scéalta pearsanta chun misneach a thabhairt do dhaoine

AN LIOTUÁIN

Karolina Barišauskienė, saineolaí cumarsáide, as an tionscadal Priešakinėse linijose (Ar an Túslíne), feachtas digiteach scéalta agus eolais ó ghairmithe leighis a bhí ar an túslíne le linn na géarchéime

MÁLTA

Malta Chamber of SMEs as an tionscadal With You All the Way, a chuir comhairle agus tacaíocht piaraí ar fáil ar líne chun cabhrú leis na mílte fiontar beag agus meánmhéide dul in oiriúint don phaindéim

AN PHOLAINN

Krystyna Paszko – mac léinn meánscoile a chruthaigh Chamomiles and Pansies, siopa ar líne a chuireann cabhair ar fáil do dhaoine a d’fhulaing foréigean teaghlaigh le linn na dianghlasála

AN PHORTAINGÉIL

Vizinhos à Janela, tionscnamh comharsanachta faoi stiúir Íñigo Hurtado lenar tugadh roinnt faoisimh trí cheolchoirmeacha a eagrú go laethúil ar bhalcóiní agus bia a sheachadadh do dhaoine a bhí i ngátar

AN RÓMÁIN

Asociatia Prematurilor, cumann leanaí réamhaibí na Rómáine, as an tionscadal Tacaíocht d’fhoirne leighis agus do naíonáin nuabheirthe sna seirbhísí máithreachais – trealamh cosanta i gcoinne COVID-19 i mbardaí máithreachais

AN tSLÓIVÉIN

Društvo psihologov Slovenije, comhlachas de shíceolaithe Slóivéanacha, as an tionscadal Tacaíocht shíceasóisialta don phobal i gcoitinne agus tacaíocht ghairmiúil do shíceolaithe agus do ghairmithe eile sláinte le linn phaindéim COVID-19 sa tSlóivéin

AN tSLÓVAIC

Človek v ohrození, eagraíocht neamhrialtasach neamhbhrabúsach, as an tionscnamh Their Health is Also Our Health a chabhraigh le pobail de chuid na Romach a bhí buailte go dona le linn na paindéime

AN SPÁINN

Asociación de Familias y Mujeres del Medio Rural (AFAMMER), cumann teaghlach agus ban i gceantair thuaithe as an tionscadal Mórlíonra dlúthpháirtíochta tuaithe AFAMMER, inar tháinig na céadta ban as ceantair thuaithe na Spáinne le chéile agus a d’úsáid a scileanna fuála chun dul i ngleic leis an nganntanas masc aghaidhe agus leis an uaigneas a bhí ag fás i measc daoine scothaosta le linn na paindéime

AN tSUALAINN

Blivande – comhlacht neamhbhrabúsach agus spás pobail agus ealaíon as an tionscadal Crisis Response, tionscnamh foinse oscailte chun trealamh cosanta sláinte a chruthú ar mhórscála

AN RÍOCHT AONTAITHE

Cherwell Collective, CIC, as an tionscadal Live, Learn, Eat, Grow, a sholáthair bia agus earraí riachtanacha eile do dhaoine a bhí i ngátar agus a chuir oiliúint ar dhaoine chun a mbia féin a fhás

FÓCAS TRASTEORANN/EORPACH

Emergency, eagraíocht neamhrialtasach atá bunaithe san Iodáil, as an gcúnamh a chuir sí ar fáil san Eoraip agus ar fud an domhain chun srian a choinneáil ar an bpaindéim, go háirithe tríd an tsamhail inscálaithe Replicable Model of Safety and Protection Measures chun ospidéil a dhearadh agus a bhainistiú le linn na paindéime