Léirítear sa staidéar freisin dhá nós uile-Eorpacha atá tagtha chun cinn i réimse na hoibre deonaí: tá gníomhaithe nua ag éirí níos rannpháirtí maidir le daoine a spreagadh i dtreo na hoibre deonaí agus na daoine sin a mheaitseáil le deiseanna oibre deonaí, agus tá méadú ag teacht ar líon na ndaoine a dhéanann obair dheonach gan choinne mar gheall ar theicneolaíochtaí nua agus na meáin shóisialta.

Moltar sa staidéar infheistíocht a dhéanamh chun rannpháirtíocht tríú páirtí a fhorbairt agus chun bacainní ar shaorálaíocht spontáineach an duine aonair a bhaint. Moltar ann freisin cabhrú le heagraíochtaí deonacha na gníomhaíochtaí deonacha a chur in oiriúint níos fearr do roghanna na n-oibrithe deonaí a d’fhéadfadh a bheith ann.

Choimisiúnaigh CESE an staidéar arna iarraidh sin ag an nGrúpa ‘Éagsúlacht Eoraip’, a bhfuil a chomhaltaí i ndlúth-theagmháil le hoibrithe deonacha ar bhonn laethúil agus tá ról ríthábhachtach acu maidir le fuinneamh na n-oibrithe deonaí a eagrú agus a chothabháil.

Foilsíodh an staidéar i mí na Nollag i gcomhthéacs Lá Idirnáisiúnta na hOibre Deonaí agus cuireadh i láthair é ag ócáid ar líne a d’eagraigh an Grúpa ‘Éagsúlacht Eoraip’. Rinne Leas-Uachtarán an Ghrúpa ‘Éagsúlacht Eoraip’, Kinga Joó, an phreasócáid a stiúradh le réamhrá ó Uachtarán an Ghrúpa ‘Éagsúlacht Eoraip’, Séamus Boland, agus cur i láthair ó phríomhúdar an staidéir, an Dr Lucas Meijs, agus ón rapóirtéir don tuairim is déanaí ó CESE Oibrithe deonacha – Saoránaigh i mbun todhchaí na hEorpa a thógáil, Krzysztof Pater.

Is féidir tuilleadh eolais a fháil faoin staidéar, faoin tuairim ó CESE agus faoin gcur i láthair ar an staidéar ar shuíomh gréasáin CESE.