Neħtieġu Ewropa fejn leħen iż-żgħażagħ huwa importanti
Il-Parlament Ewropew li għadu kif ġie elett ser jorganizza l-ewwel seduta plenarja tiegħu f’Lulju. Minkejja li għad hemm maġġoranza prodemokratika, iż-żieda tal-forzi tal-lemin estrem u tal-Ewroxettiċi wara l-elezzjonijiet ta’ Ġunju hija xejra inkwetanti. Rajna wkoll li l-ġenerazzjoni żagħżugħa qed tinġibed aktar lejn il-partiti tal-lemin estrem, li b’mod ċar hija suxxettibli għal dawn ix-xejriet. Dan huwa ż-żmien biex il-forzi demokratiċi jieħdu r-responsabbiltà, jaħdmu flimkien u juru impenn ċar għal Ewropa b’saħħitha, fejn leħen iż-żgħażagħ huwa importanti.
Neħtieġu Ewropa fejn leħen iż-żgħażagħ huwa importanti
Il-Parlament Ewropew li għadu kif ġie elett ser jorganizza l-ewwel seduta plenarja tiegħu f’Lulju. Minkejja li għad hemm maġġoranza prodemokratika, iż-żieda tal-forzi tal-lemin estrem u tal-Ewroxettiċi wara l-elezzjonijiet ta’ Ġunju hija xejra inkwetanti. Rajna wkoll li l-ġenerazzjoni żagħżugħa qed tinġibed aktar lejn il-partiti tal-lemin estrem, li b’mod ċar hija suxxettibli għal dawn ix-xejriet. Dan huwa ż-żmien biex il-forzi demokratiċi jieħdu r-responsabbiltà, jaħdmu flimkien u juru impenn ċar għal Ewropa b’saħħitha, fejn leħen iż-żgħażagħ huwa importanti.
L-involviment taż-żgħażagħ fit-tfassil tal-politika tal-UE huwa essenzjali għal Ewropa reżiljenti, sostenibbli u li tħares ’il quddiem. Irridu nirduppjaw l-isforzi tagħna biex nintegraw bis-sħiħ leħen iż-żgħażagħ fl-impenji li saru fil-livell tal-UE. L-elezzjonijiet m’għandhomx ikunu l-uniku żmien meta leħen iż-żgħażagħ jgħodd: il-KESE qed jirrakkomanda modi sistemiċi u regolari biex iż-żgħażagħ isemmgħu leħinhom.
Li bibien il-KESE jinfetħu għaż-żgħażagħ – inklużi dawk minn pajjiżi kandidati – huwa wieħed mill-prijoritajiet tal-mandat tiegħi. F’Mejju 2024, il-KESE sar l-ewwel istituzzjoni tal-UE li applikat it-Test taż-Żgħażagħ – għodda mfassla biex tiżgura li l-proposti jkunu ta’ benefiċċju għaż-żgħażagħ – għar-rakkomandazzjonijiet ta’ politika tiegħu. Billi napplikaw it-Test taż-Żgħażagħ għall-Opinjonijiet tagħna, niżguraw li l-perspettiva taż-żgħażagħ tiġi inkluża fil-politiki, li jitqies l-impatt fuq iż-żgħażagħ u li ntaffu l-effetti negattivi potenzjali li l-politiki jista’ jkollhom fuqhom.
Qabel ma introduċejna t-Test taż-Żgħażagħ, mexxejna proġett pilota biex naraw kif test bħal dan jaħdem fil-prattika. Ħdimna maż-żgħażagħ madwar l-Ewropa u lil hinn minnha, li ssieħbu fil-laqgħat tagħna u għenu fl-abbozzar tal-Opinjonijiet. Kienet ta’ ispirazzjoni naraw l-impenn, id-dedikazzjoni, l-ideat brillanti u l-għarfien espert tagħhom. Issa nedejna s-sejħa għall-applikazzjoni għat-Test taż-Żgħażagħ uffiċjali tal-KESE, li ngħalqet fit-30 ta’ Ġunju. Nixtieq nirringrazzja lir-rappreżentanti kollha taż-żgħażagħ li ħadu sehem fil-proġett pilota u lill-membri tal-Grupp taż-Żgħażagħ tal-KESE għad-dedikazzjoni tagħhom biex jittrasformaw it-Test taż-Żgħażagħ f’realtà.
L-UE teħtieġ iż-żgħażagħ. U huwa għalhekk li l-istituzzjonijiet tal-UE jridu jagħmlu l-istess biex jipprovdu Ewropa mmexxija miż-żgħażagħ. Waqt li l-Parlament Ewropew ser jissawwar matul ix-xahar id-dieħel u l-Kummissjoni Ewropea ser tħejji għall-mandat li jmiss tagħha fil-ħarifa, il-KESE ser ikompli jippromovi investiment akbar fiż-żgħażagħ: wasal iż-żmien li nagħmlu pass ieħor!
Hekk kif beda s-sajf, nieħu din l-opportunità biex nirringrazzja mill-qalb lill-kollegi kollha li għamluha possibbli li jinkiseb pass importanti ieħor għall-Kumitat tagħna.
It-traineeships jirrappreżentaw perkors għaż-żgħażagħ biex jiffamiljarizzaw ruħhom mad-dinja tax-xogħol, għal skopijiet ta’ gwida u taħriġ. Dawn żviluppaw b’mod konsiderevoli fl-Ewropa kollha, inkluż bis-saħħa tal-programm Garanzija Ewropea għaż-Żgħażagħ. Ir-Rakkomandazzjoni tal-Kunsill dwar qafas ta’ kwalità għat-traineeships tal-2014 ipprovdiet linji gwida siewja lill-Istati Membri għall-implimentazzjoni tal-istrument.
It-traineeships jirrappreżentaw perkors għaż-żgħażagħ biex jiffamiljarizzaw ruħhom mad-dinja tax-xogħol, għal skopijiet ta’ gwida u taħriġ. Dawn żviluppaw b’mod konsiderevoli fl-Ewropa kollha, inkluż bis-saħħa tal-programm Garanzija Ewropea għaż-Żgħażagħ. Ir-Rakkomandazzjoni tal-Kunsill dwar qafas ta’ kwalità għat-traineeships tal-2014 ipprovdiet linji gwida siewja lill-Istati Membri għall-implimentazzjoni tal-istrument.
Sfortunatament, maż-żmien kien hemm abbużi u distorsjonijiet fil-mod kif jitwettqu t-traineeships, b’żieda fil-każijiet ta’ sfruttament tat-trainees żgħażagħ li ntużaw biex jissostitwixxu lill-ħaddiema b’xogħol bi rħis mingħajr aċċess għal salvagwardji u protezzjoni soċjali adegwati.
Għal din ir-raġuni, il-KESE japprova l-għan tal-Kummissjoni Ewropea li ttejjeb il-qafas ta’ kwalità għat-traineeships fl-Ewropa kollha, speċjalment fir-rigward tat-tisħiħ tal-kontenut tat-tagħlim u t-taħriġ, u l-ġlieda kontra l-abbuż u l-użu ħażin tat-traineeships.
Madankollu, iż-żewġ proposti tal-Kummissjoni – li jinkludu Rakkomandazzjoni tal-Kunsill aġġornata u Direttiva – jindirizzaw biss uħud mill-kwistjonijiet u għandhom xi aspetti problematiċi:
dawn jirreferu b’mod indiskriminat għall-forom kollha ta’ traineeships, u jonqsu milli jqisu b’mod adegwat id-differenzi eżistenti bejn id-diversi tipi ta’ traineeships u l-iskopijiet tagħhom jew l-applikazzjonijiet differenti tagħhom fl-Istati Membri;
il-miżuri meħtieġa għall-prevenzjoni tal-użu ħażin tat-traineeships upstream mhumiex previsti, u hemm nuqqas ta’ regoli vinkolanti biex jogħlew l-istandards tal-kwalità; u
fir-rigward tad-Direttiva proposta, il-kamp ta’ applikazzjoni tagħha jkopri biss trainees li huma kkunsidrati bħala ħaddiema jew li huma f’relazzjoni ta’ impjieg, li huwa l-każ f'inqas minn nofs l-Istati Membri. Dan jillimita l-għadd ta’ persuni kkonċernati u jżid ir-riskju li ma jinkisbux ir-riżultati mistennija.
Fil-fehma tiegħi, biex tittejjeb il-kwalità tat-traineeships, l-ewwel nett għandhom jiġu stabbiliti kriterji minimi ta’ kwalità għal kull tip ta’ traineeship, u b’hekk jiġi limitat l-użu tagħhom upstream. Dawn il-kriterji għandhom jipprovdu salvagwardji bażiċi u enfasi qawwija fuq it-taħriġ kif ukoll impenji biex jiġu miġġielda l-każijiet kollha ta’ użu ħażin b’miżuri adegwati, inkluż billi tissaħħaħ is-sistema ta’ spezzjoni.
Barra minn hekk, sabiex l-esperjenza tat-traineeship tkun aċċessibbli għal kulħadd – għalkemm b’mod ġenerali ma nistgħux nitkellmu dwar il-pagi peress li t-trainees fil-parti l-kbira tal-każijiet ma jitqisux bħala ħaddiema u t-traineeship jitqies l-aktar barra mill-kuntest tal-impjieg – huwa importanti li nrażżnu t-traineeships mhux imħallsa billi nistabbilixxu allowance obbligatorju kkalkulat mhux biss abbażi tal-kompiti u r-responsabbiltajiet involuti fit-traineeships, iżda wkoll abbażi tal-ispejjeż li t-trainees iridu jġarrbu biex ikunu jistgħu jipparteċipaw fit-traineeships.
Fl-aħħar nett, għandha nqisu aktar ir-rwol li l-imsieħba soċjali jista’ jkollhom fl-implimentazzjoni tar-regolament fil-livell nazzjonali kif ukoll fil-monitoraġġ u l-kontroll tal-użu tal-istrument.
minn Rieke Smit, editriċi ta’ Social News Daily/ #UseTheNews
Il-mistiedna speċjali tagħna hija l-ġurnalista żagħżugħa, Rieke Smit minn #UseTheNews, inizjattiva tal-aġenzija tal-aħbarijiet Ġermaniża DPA li tiffoka fuq il-konsum tal-aħbarijiet tal-Ġenerazzjoni Z u tirsisti biex ittejjeb il-litteriżmu medjatiku ta’ din il-ġenerazzjoni. B’ċifri li juru li inqas minn terz ta’ dawk bejn it-18 u l-24 sena huma interessati fl-aħbarijiet u li 23 % jiksbu l-aħbarijiet tagħhom esklużivament minn TikTok, Rieke tikteb dwar kif għandna nilħqu lil Ġenerazzjoni Z mhux biss fuq TikTok iżda wkoll fuq pjattaformi oħrajn tal-media soċjali – u biex tqajjem l-interess taż-żgħażagħ għal aħbarijiet importanti li jaffettwawlhom direttament ħajjithom.
minn Rieke Smit, editriċi ta’ Social News Daily/ #UseTheNews
Il-mistiedna speċjali tagħna hija l-ġurnalista żagħżugħa, Rieke Smit minn #UseTheNews, inizjattiva tal-aġenzija tal-aħbarijiet Ġermaniża DPA li tiffoka fuq il-konsum tal-aħbarijiet tal-Ġenerazzjoni Z u tirsisti biex ittejjeb il-litteriżmu medjatiku ta’ din il-ġenerazzjoni. B’ċifri li juru li inqas minn terz ta’ dawk bejn it-18 u l-24 sena huma interessati fl-aħbarijiet u li 23 % jiksbu l-aħbarijiet tagħhom esklużivament minn TikTok, Rieke tikteb dwar kif għandna nilħqu lil Ġenerazzjoni Z mhux biss fuq TikTok iżda wkoll fuq pjattaformi oħrajn tal-media soċjali – u biex tqajjem l-interess taż-żgħażagħ għal aħbarijiet importanti li jaffettwawlhom direttament ħajjithom.
Qed nitilfu ġenerazzjoni – għall-inqas hekk jidher. M’aħniex qed nilħqu lil Gen Z bl-aħbarijiet. Inqas minn terz ta’ dawk bejn it-18 u l-24 sena juru interess fl-aħbarijiet. Taħt l-età ta’ 18 sena, il-perċentwal huwa saħansitra ogħla.
Dan il-fenomenu b’mod ġenerali mhuwiex ġdid. Issa kulħadd sema’ dwar l-eżawriment minħabba l-aħbarijiet u l-evitar tal-aħbarijiet. Ma’ dan tiżdied l-importanza dejjem tikber tal-influwenzaturi u tal-pjattaformi li joffru filmati qosra, speċjalment fost iż-żgħażagħ, kif ikkonfermat mill-aħħar Rapport dwar l-Aħbarijiet Diġitali mill-Istitut Reuters għall-Istudju tal-Ġurnaliżmu.
Iż-żgħażagħ qed jikkunsmaw dejjem anqas aħbarijiet peress li jsibuha diffiċli biex isibu aħbarijiet affidabbli fuq pjattaformi bħal TikTok, iżda wkoll minħabba li ma jifhmux il-konnessjoni bejn l-aħbarijiet u ħajjithom. Dan il-punt sar f’wieħed mill-istudji tagħna ta’ #UseTheNews minn tifla ta’ 16-il sena, u jpoġġi x-xejra allarmanti f’perspettiva. Il-mistoqsija ewlenija hija: Kif se nilħqu lill-Ġenerazzjoni TikTok?
L-ewwel nett, jeħtieġ li nkunu preżenti fuq il-pjattaformi li jużaw – bl-aħbarijiet, perspettivi u informazzjoni ġenerali. Imbagħad, jeħtieġ li nuru liż-żgħażagħ għaliex huwa daqshekk importanti li jibqgħu infurmati għal ħajjithom. Fl-istess ħin, qisu b’kumbinazzjoni, insaħħu l-litteriżmu medjatiku tagħhom.
Dan huwa wkoll l-għan tal-inizjattiva #UseTheNews u t-tim editorjali ta’ Social News Daily, li din is-sena ħoloq “Is-Sena tal-Aħbarijiet” biex isaħħaħ is-soċjetà u d-demokrazija b’aktar litteriżmu fl-aħbarijiet, speċjalment fost l-adolexxenti u ż-żgħażagħ.
Social News Daily jindirizza dan bl-aħbarijiet fuq TikTok, Instagram u YouTube. Aħbarijiet fuq il-media soċjali? Kif jaħdem dan? Nużaw l-istess metodi li l-ħallieqa tal-kontenut fehmu ferm qabilna: tista’ tkun qed tagħmel il-make-up, issajjar jew tmur mixja u xorta tkun qed titkellem dwar suġġetti serji. Dan huwa eżattament dak li nagħmlu permezz ta’ Social News Daily – iżda nitkellmu dwar l-aħbarijiet.
Nadattaw għad-drawwiet tal-ispettaturi – dan huwa dak li qed nesperimentaw. Nagħmlu sintesi ta’ temi f’filmati ta’ 40 sekonda u ngħidu għaliex dan huwa importanti għal persuna ta’ 16-il sena llum.
Barra minn hekk, aħna nużaw clickbaits – waqt li nżommu f’moħħna l-istandards ġurnalistiċi. Għaliex? Għax fuq TikTok, għandek biss żewġ sekondi biex tiġbed l-attenzjoni ta’ xi ħadd. Jekk il-filmat tiegħek ma jqajjimx biżżejjed interess f’dawn il-ftit mumenti, ħadd ma jarah. Għalhekk, fil-bidu aħna nużaw mistoqsija provokattiva jew xi fatt mhux tas-soltu – biex niġbdu l-attenzjoni tal-ispettaturi bi clickbait – iżda xorta nagħtu t-tweġibiet fi tmiem il-filmat. In-nies jibqgħu jaraw u b’hekk jikkunsmaw kontenut ġurnalistiku. Dan huwa kollox?
Huwa biżżejjed li tkun strument tal-media fuq il-media soċjali? It-tweġiba qasira hija le. Jeħtieġ li jkun hemm aktar punti ta’ kuntatt bejn iż-żgħażagħ u l-ġurnalisti. Jeħtieġ li nsaħħu l-fiduċja fil-media u li l-ġurnaliżmu jsir trasparenti. Pereżempju, inħeġġu lill-għalliema biex jippromovu l-kompetenzi tal-media fl-iskejjel jew nintensifikaw il-kuntatt bejn il-klassijiet u l-uffiċċji editorjali, kif qed nagħmlu fil-“Proġetti pilota” u “Newscamps” ta’ #UseTheNews tagħna.
Għax huwa biss jekk inkunu fejn jinsabu ż-żgħażagħ, fl-iskejjel, fil-festivals, fuq il-media soċjali u jekk naqbdu konverżazzjonijiet magħhom dwar aħbarijiet foloz, il-media u t-tifsira tagħhom li jkollna ċ-ċans li nerġgħu nilħqu l-Ġenerazzjoni Z bl-aħbarijiet.
Bħala editur, Rieke żżomm rekord tax-xogħol editorjali ta’ kuljum fuq Social News Daily. Mill-2021 ’il hawn kellha diversi rwoli f’#UseTheNews u issa hija responsabbli għall-ippjanar, il-koordinazzjoni u l-approvazzjoni tal-kontribuzzjonijiet għal Social News Daily. Wara li lestiet il-lawrji tagħha ta’ Baċellerat u Masters b’enfasi fuq il-ġurnaliżmu u l-għajnuna umanitarja, hija lestiet traineeship fil-FUNKE Zentralredaktion.
#UseTheNews, inizjattiva tal-aġenzija tal-aħbarijiet Ġermaniża DPA, tmur dritt għall-punt tal-kompetenzi medjatiċi taż-żgħażagħ. Bl-għajnuna ta’ Leibniz-Institut għar-riċerka tal-media, jiġu żviluppati formati innovattivi tal-aħbarijiet f’laboratorju tal-litteriżmu tal-aħbarijiet u fl-uffiċċju tal-aħbarijiet soċjali. Flimkien ma’ dan, #UseTheNews toħloq workshops għall-għalliema u tipprovdilhom materjal. Il-proġett huwa appoġġjat minn ħafna imsieħba mill-media, l-edukazzjoni u r-riċerka, b’bord ta’ trustees magħmul minn personalitajiet ta’ fama mill-media u l-politika.
20 sena wara li s-Slovenja ssieħbet fl-UE, il-Kumitat Ekonomiku u Soċjali Ewropew (KESE) ġabar mexxejja politiċi u tas-soċjetà ċivili f’Ljubljana biex ifakkru dan l-anniversarju simboliku, waqt li enfasizza l-benefiċċji fundamentali tas-sħubija fl-UE u afferma mill-ġdid li l-futur tar-reġjun tal-Balkani tal-Punent jinsab fl-Unjoni Ewropea.
20 sena wara li s-Slovenja ssieħbet fl-UE, il-Kumitat Ekonomiku u Soċjali Ewropew (KESE) ġabar mexxejja politiċi u tas-soċjetà ċivili f’Ljubljana biex ifakkru dan l-anniversarju simboliku, waqt li enfasizza l-benefiċċji fundamentali tas-sħubija fl-UE u afferma mill-ġdid li l-futur tar-reġjun tal-Balkani tal-Punent jinsab fl-Unjoni Ewropea.
Il-Konferenza “Continuing the success story of EU enlargement – Bringing benefits to the Western Balkans in advance of accession” (Inkomplu l-istorja ta’ suċċess tat-tkabbir tal-UE – Inwasslu l-benefiċċji lill-Balkani tal-Punent qabel l-adeżjoni), organizzata mill-KESE f’kooperazzjoni mill-qrib mal-Kummissjoni Ewropea u l-Open Society Foundation-Western Balkans, xeħtet dawl fuq ir-riformi meħtieġa biex isir progress fit-triq tal-adeżjoni, inkluża l-importanza li jiġu rispettati l-valuri fundamentali tal-UE.
Waqt li tkellem fil-konferenza, il-President Oliver Röpke kien akkumpanjat mill-Ministru Sloven għall-Affarijiet Barranin, Tanja Fajon, il-Ministru Sloven għax-Xogħol, Luka Mesec, u s-Segretarju Ġenerali tal-Kunsill għall-Kooperazzjoni Reġjonali, Majlinda Bregu.
Kif enfasizza l-President tal-KESE Oliver Röpke: “Post il-Balkani tal-Punent jinsab fl-UE; sa ma jseħħ dan, il-familja tagħna tal-UE mhux se tkun kompluta. Tistgħu sserrħu fuq il-KESE li se jkompli jagħmel l-parti tiegħu billi jorganizza ‘Summit dwar it-Tkabbir tas-Soċjetà Ċivili’ f’Settembru”.
Tanja Fajon, il-Ministru Sloven għall-Affarijiet Barranin, qalet: “Nemmen li fis-sitwazzjoni ġeopolitika attwali neħtieġu lil xulxin aktar minn qatt qabel. Għal dan il-proċess, neħtieġu li s-soċjetà ċivili tagħmel pressjoni fuq il-politika u l-gvern biex jimxi fid-direzzjoni li joqrob lejn l-UE”.
Luka Mesec, il-Ministru Sloven għax-Xogħol, il-Familja, l-Affarijiet Soċjali u l-Opportunitajiet Indaqs, qal: “Is-Slovenja u l-pajjiżi tal-Balkani tal-Punent għandhom storja komuni twila. Id-dar komuni tagħna hija l-Unjoni Ewropea, għalhekk se naħdem flimkien mal-gvern Sloven biex niffaċilitaw l-adeżjoni tal-pajjiżi tal-Balkani tal-Punent mal-Unjoni Ewropea”. (mt)
Kważi nofs it-trainees fl-UE mhumiex imħallsa u ħafna jinsabu fi traineeships “fittizji” fejn jintużaw bħala xogħol irħis mingħajr aċċess għall-protezzjoni soċjali jew drittijiet oħra. Il-Proposta reċenti tal-Kummissjoni Ewropea biex ittejjeb il-kwalità tat-traineeships fl-UE, għalkemm milqugħa bħala pass fid-direzzjoni t-tajba, madankollu ġiet ikkritikata talli mhijiex biżżejjed. Aħna tlabna lir-relatur tal-Opinjoni dwar id-Direttiva dwar it-traineeship u qafas ta’ kwalità msaħħaħ għat-traineeships, Nicoletta Merlo, biex tagħtina l-fehma tal-KESE dwar il-Proposta tal-Kummissjoni u biex taqsam magħna l-proposti tal-KESE dwar kif għandha tittejjeb il-kwalità tat-traineeships u jiġi żgurat li jkunu aċċessibbli għal kulħadd – u mhux biss għaż-żgħażagħ li jistgħu jaffordjawhom.
Kważi nofs it-trainees fl-UE mhumiex imħallsa u ħafna jinsabu fi traineeships “fittizji” fejn jintużaw bħala xogħol irħis mingħajr aċċess għall-protezzjoni soċjali jew drittijiet oħra. Il-Proposta reċenti tal-Kummissjoni Ewropea biex ittejjeb il-kwalità tat-traineeships fl-UE, għalkemm milqugħa bħala pass fid-direzzjoni t-tajba, madankollu ġiet ikkritikata talli mhijiex biżżejjed. Aħna tlabna lir-relatur tal-Opinjoni dwar id-Direttiva dwar it-traineeship u qafas ta’ kwalità msaħħaħ għat-traineeships, Nicoletta Merlo, biex tagħtina l-fehma tal-KESE dwar il-Proposta tal-Kummissjoni u biex taqsam magħna l-proposti tal-KESE dwar kif għandha tittejjeb il-kwalità tat-traineeships u jiġi żgurat li jkunu aċċessibbli għal kulħadd – u mhux biss għaż-żgħażagħ li jistgħu jaffordjawhom.
Iż-żgħażagħ fl-Albanija se jkollhom rwol importanti ħafna biex iqarrbu l-pajjiż iktar lejn l-UE. Madankollu, ir-rieda tagħhom li jsiru aġenti tal-bidla u l-entużjażmu tagħhom għall-UE spiss ma jkunux akkumpanjati minn riżorsi xierqa li jippermettulhom jipparteċipaw b’mod sinifikanti fi programmi, proġetti u teħid ta’ deċiżjonijiet. Dak li huwa meħtieġ huwa l-koordinazzjoni tal-partijiet interessati li tinkludi kollox u li tiffoka fuq iż-żgħażagħ, tikteb il-mistiedna sorpriża tagħna Dafina Peci, Direttur Eżekuttiv tal-Kungress Nazzjonali taż-Żgħażagħ tal-Albanija.
Iż-żgħażagħ fl-Albanija se jkollhom rwol importanti ħafna biex iqarrbu l-pajjiż iktar lejn l-UE. Madankollu, ir-rieda tagħhom li jsiru aġenti tal-bidla u l-entużjażmu tagħhom għall-UE spiss ma jkunux akkumpanjati minn riżorsi xierqa li jippermettulhom jipparteċipaw b’mod sinifikanti fi programmi, proġetti u teħid ta’ deċiżjonijiet. Dak li huwa meħtieġ huwa l-koordinazzjoni tal-partijiet interessati li tinkludi kollox u li tiffoka fuq iż-żgħażagħ, tikteb il-mistiedna sorpriża tagħna Dafina Peci, Direttur Eżekuttiv tal-Kungress Nazzjonali taż-Żgħażagħ tal-Albanija.
Dafina Peci saret id-direttur eżekuttiv tal-Kungress Nazzjonali taż-Żgħażagħ tal-Albanija fl-2016, wara li serviet bħala l-president tiegħu għal sentejn konsekuttivi. Mill-2017, Dafina għallmet ukoll fid-Dipartiment tax-Xjenzi Politiċi tal-Università ta’ Tirana. Hija kienet membru tal-grupp ta’ ħidma biex jitwaqqaf l-Uffiċċju Reġjonali għall-Kooperazzjoni taż-Żgħażagħ (RYCO), u sussegwentement irrappreżentat lill-Albanija fil-Bord tad-Direttorju tal-RYCO, kif ukoll kienet rappreżentanta taż-żgħażagħ fuq il-Bord tat-Tmexxija tiegħu. Għandha baċellerat fix-Xjenzi Politiċi u r-Relazzjonijiet Internazzjonali u Masters fix-Xjenzi fil-Politika u s-Sikurezza Reġjonali. Hija lestiet ukoll speċjalizzazzjoni postgradwatorja fis-Sigurtà wara Kunflitt, il-Bini taI-Istituzzjonijiet ta’ Paċi u Intermedjazzjoni.
Minn Dafina Peci, Direttur Eżekuttiv tal-Kungress Nazzjonali taż-Żgħażagħ tal-Albanija
Iż-żgħażagħ huma kollaboraturi importanti attwalment fil-preżent, u mhux biss bħala mexxejja futuri. L-ispinta, l-immaġinazzjoni u r-rieda tagħhom li jaraw ideat tajbin sakemm jitlestu huma vitali għall-avvanz tas-soċjetà. L-involviment attiv taż-żgħażagħ jippromovi l-valuri demokratiċi, il-progress soċjali u t-tkabbir personali. Dan jagħti lil dawk li jieħdu d-deċiżjonijiet għarfien intuwittiv dwar il-problemi li jeħtieġu attenzjoni.
Minn Dafina Peci, Direttur Eżekuttiv tal-Kungress Nazzjonali taż-Żgħażagħ tal-Albanija
Iż-żgħażagħ huma kollaboraturi importanti attwalment fil-preżent, u mhux biss bħala mexxejja futuri. L-ispinta, l-immaġinazzjoni u r-rieda tagħhom li jaraw ideat tajbin sakemm jitlestu huma vitali għall-avvanz tas-soċjetà. L-involviment attiv taż-żgħażagħ jippromovi l-valuri demokratiċi, il-progress soċjali u t-tkabbir personali. Dan jagħti lil dawk li jieħdu d-deċiżjonijiet għarfien intuwittiv dwar il-problemi li jeħtieġu attenzjoni.
Iż-żgħażagħ fl-Albanija huma entużjasti ħafna dwar l-integrazzjoni fl-UE, iżda l-entużjażmu tagħhom mhuwiex appoġġjat minn informazzjoni, għarfien jew mezzi xierqa biex jipparteċipaw.
L-Albanija tista’ tikseb ħafna billi tagħti s-setgħa liż-żgħażagħ biex jipparteċipaw b’mod sinifikanti fi programmi u proġetti. Dan se jgħin liż-żgħażagħ Albaniżi jesprimu l-ħtiġijiet u l-prijoritajiet tagħhom u jieħdu azzjoni biex jagħmlu l-bidliet li jixtiequ jaraw.
L-involviment kontinwu tal-Kungress Nazzjonali taż-Żgħażagħ tal-Albanija maż-żgħażagħ iffoka parti kbira mill-isforzi tiegħu fuq il-fehim tal-punt sa fejn l-attiviżmu tas-soċjetà ċivili u l-parteċipazzjoni taż-żgħażagħ biddlu s-soċjetà. Sabiex jissaħħu l-attivitajiet u l-parteċipazzjoni taż-żgħażagħ fil-proċess ta’ integrazzjoni tal-Albanija fl-UE, huwa imperattiv li nqisu serjament it-tagħlimiet li ttieħdu, billi nibdew bi sħubijiet b’saħħithom li jagħtu prijorità liż-żgħażagħ, jinvestu fiż-żgħażagħ bħala assi prezzjuż, u jrawmu sinerġiji akbar fost il-partijiet ikkonċernati rilevanti kollha. Fil-fehma tiegħi, dawn huma kruċjali.
Sħubija maż-żgħażagħ u s-soċjetà ċivili biex isir progress fil-proċess ta’ integrazzjoni tal-UE fl-Albanija
Minbarra li huma t-tama vera tagħna, iż-żgħażagħ huma l-aġenti ewlenin tagħna għall-bidla, li jgħinu lill-Albanija timxi ’l quddiem – mhux biss lejn futur aħjar, iżda wkoll lejn l-ifjen preżenti possibbli. Huma għandhom il-qlubija, l-ideali u r-rieda li jagħtu l-ħajja lil kunċetti mill-aktar diffiċli. L-adolexxenti li jipparteċipaw b’mod attiv fis-soċjetà mhux biss isaħħu t-tkabbir personali u soċjali tagħhom, iżda wkoll irawmu soċjetà aktar demokratika u joffru lil dawk li jieħdu d-deċiżjonijiet perspettivi siewja dwar firxa ta’ kwistjonijiet u xejriet li jeħtieġu riżoluzzjonijiet. It-tisħiħ tal-pożizzjoni u l-involviment taż-żgħażagħ permezz ta’ parteċipazzjoni sinifikanti f’attivitajiet u programmi li jindirizzaw il-ħtiġijiet u l-objettivi tagħhom ikunu ta’ benefiċċju kbir għall-Albanija.
Il-parteċipazzjoni mhux biss hija kunċett tad-drittijiet fundamentali tal-bniedem, iżda hija wkoll mezz prattiku għall-promozzjoni ta’ ċittadinanza attiva għal kulħadd. Anke jekk li wieħed jivvota jew ikun kandidat għal kariga pubblika huma komponenti kruċjali tal-involviment demokratiku, il-parteċipazzjoni taż-żgħażagħ fil-ħajja ta’ kuljum tinvolvi aktar minn dawn l-attivitajiet biss. Il-prerekwiżiti għal ċittadinanza attiva jinkludu li wieħed ikollu d-dritt u l-opportunitajiet li jipparteċipa, iżda wkoll li jkollu l-mezzi, l-ispazju, l-għodod u, fejn meħtieġ, l-appoġġ finanzjarju biex ikun jista’ jinfluwenza t-teħid tad-deċiżjonijiet u jieħu sehem f’azzjonijiet u attivitajiet li jsaħħu u jsostnu s-soċjetà u jagħmluha aktar reżiljenti.
F’dan is-sens, l-espansjoni tan-networks tal-organizzazzjonijiet tas-soċjetà ċivili hija essenzjali biex jiġu pprovduti postijiet addizzjonali biex iż-żgħażagħ jiġu involuti u jingħataw is-setgħa. L-organizzazzjonijiet tas-soċjetà ċivili jistgħu jsibu l-aħjar prattiki, jitgħallmu minn xulxin, jiskambjaw informazzjoni u jiskopru ideat ġodda billi jikkollaboraw, jibnu networks u jiġġeneraw sinerġiji. Barra minn hekk, dan jippermettilhom jużaw finanzjament addizzjonali fost il-pilastri tal-ħidma kondiviża tagħhom u jikkoordinaw il-politiki u l-programmi. Iż-żgħażagħ jingħataw is-setgħa mill-ħidma mwettqa mill-organizzazzjonijiet tas-soċjetà ċivili, li jgħin ukoll biex tissaħħaħ ir-rappreżentanza u l-parteċipazzjoni ta’ gruppi żgħażagħ fis-soċjetà.
Sabiex jintuża l-potenzjal u l-innovazzjoni li ż-żgħażagħ jistgħu jġibu fis-soċjetà Albaniża billi jwittu t-triq għat-tkabbir soċjali, kulturali u ekonomiku, nittama li din l-espansjoni tissawwar u ssir sejħa għaż-żgħażagħ u l-attiviżmu tas-soċjetà ċivili.
Hemm ħafna xi jsir u għandhom isiru aktar sforzi sabiex jiżdiedu l-parteċipazzjoni attiva, ir-rappreżentanza u t-tmexxija sinifikanti taż-żgħażagħ fis-soċjetà. L-involviment taż-żgħażagħ għandu jfisser ukoll il-ħolqien u l-prijoritizzazzjoni ta’ spazji għalihom biex jaċċessaw l-informazzjoni u l-opportunitajiet għad-djalogu u l-kondiviżjoni tal-għarfien mal-pari, mal-partijiet ikkonċernati u ma’ dawk li jieħdu d-deċiżjonijiet.
