Sheol Oogvereniging (Cumann Súl na hÍsiltíre), le cabhair ó líonra Aontas na nDall san Eoraip (EBU), an tionscnamh ‘Sport Accessibility’ a fhéachann le réitigh phraiticiúla a mholadh maidir le deireadh a chur le bacainní a fhágann nach féidir le daoine dalla agus leathdhalla páirt a ghlacadh i gclubanna agus i gcumainn spóirt san Aontas Eorpach. Rinne an gníomhaí ar son cearta daoine faoi mhíchumas atá ina oibrí deonach in Oogvereniging agus in EBU, Peter van Bleijswijk, cur síos dúinn ar an gcomhthionscadal ceannródaíoch seo a réitíonn an bealach le haghaidh earnáil spóirt atá cuimsitheach dáiríre san Eoraip. Is féidir cabhrú leis an tionscadal trí fhreagra a thabhairt ar ansuirbhé faoin teacht a bhíonn ag daoine a bhfuil lagú radhairc orthu ar ghníomhaíochtaí spóirt agus caithimh aimsire i do réigiúnsa.
Sheol Oogvereniging (Cumann Súl na hÍsiltíre), le cabhair ó líonra Aontas na nDall san Eoraip (EBU), an tionscnamh ‘Sport Accessibility’ a fhéachann le réitigh phraiticiúla a mholadh maidir le deireadh a chur le bacainní a fhágann nach féidir le daoine dalla agus leathdhalla páirt a ghlacadh i gclubanna agus i gcumainn spóirt san Aontas Eorpach. Rinne an gníomhaí ar son cearta daoine faoi mhíchumas atá ina oibrí deonach in Oogvereniging agus in EBU, Peter van Bleijswijk, cur síos dúinn ar an gcomhthionscadal ceannródaíoch seo a réitíonn an bealach le haghaidh earnáil spóirt atá cuimsitheach dáiríre san Eoraip. Is féidir cabhrú leis an tionscadal trí fhreagra a thabhairt ar ansuirbhé faoin teacht a bhíonn ag daoine a bhfuil lagú radhairc orthu ar ghníomhaíochtaí spóirt agus caithimh aimsire i do réigiúnsa.
Le Peter van Bleijswijk
D’fhonn an chuimsitheacht sa spórt a chur chun cinn, tá tionscnamh ceannródaíoch seolta san Ísiltír – ‘Sport Accessibility’ – ina ndírítear ar na dúshláin uathúla a bhíonn le sárú ag daoine dalla agus leathdhalla. Is éard atá i gceist leis an tionscadal sin deireadh a chur leis na bacainní a fhágann nach féidir le daoine a bhfuil lagú radhairc orthu páirt iomlán a ghlacadh i ngníomhaíochtaí spóirt agus coirp i gclubanna agus i gcumainn spóirt.
Tá an tionscadal bunaithe ar thuiscint dhomhain ar na constaicí a bhíonn roimh na daoine sin. Tar éis taighde fairsing agus tástálacha a dhéanamh, aithníodh go bhfuil 10 mbacainn mhóra ann, mar shampla an teacht a bhíonn ar chóitseáil shonrach agus ar cláir mheantóireachta, inrochtaineacht áiseanna spóirt agus fadhbanna iompair. Is minic a thugtar neamhaird ar na bacainní sin, ach is iad is cúis leis go mbíonn bac ar dhaoine a bhfuil lagú radhairc orthu leas a bhaint as an tairbhe atá sa spórt.
Chun dul i ngleic leis na dúshláin sin, tugadh isteach leis an tionscnamh an coincheap ‘Sport Proeftuinen’ nó ‘Saotharlanna Spóirt’. Is éard a dhéantar ná go mbunaítear na saotharlanna sin i gclubanna spóirt atá ann cheana nó go dtéitear i gcomhpháirtíocht le soláthraithe spóirt ar mhaithe le fíorthimpeallacht a chruthú chun réitigh fhéideartha a thástáil. Maidir le gach bacainn a aithníodh, moltar trí réiteach éagsúla a dhéantar a thástáil. Ina dhiaidh sin, déantar an réiteach is éifeachtaí a mhionchoigeartú agus a thástáil arís agus arís eile chun praiticiúlacht agus éifeachtúlacht an réitigh a chinntiú.
Cuirtear torthaí na dtástálacha sin i dtoll a chéile mar ‘Threoirphlean don Spórt Digiteach’, treoir chuimsitheach a chuirfear ar fáil do chlubanna spóirt, do sholáthraithe spóirt agus do bhardais. Tá sé i gceist go mbeidh an treoirphlean ina acmhainn lena bhféadfar feabhas a chur ar an inrochtaineacht agus ar an gcuimsitheacht sa spórt, trí réitigh phraiticiúla atá infheidhme i suíomhanna éagsúla a chur ar fáil.
Ní san Ísiltír amháin a bhainfear leas as an tionscadal, áfach. Rinne ‘Sport Accessibility’ teagmháil le comhpháirtithe éagsúla san Eoraip le déanaí, lena n-áirítear EBU, chun léargais agus dea-chleachtais a bhailiú ó thíortha éagsúla. Tá an-fháilte curtha roimh an tionscnamh, agus chuir a lán eagraíochtaí agus tíortha in iúl go bhfuil siad toilteanach páirt a ghlacadh ann. Féachann an comhar Eorpach seo leis an inrochtaineacht agus an chuimsitheacht sa spórt a fheabhsú ar scála níos leithne, le go bhféadfaidh daoine a bhfuil lagú radhairc orthu ar fud na hEorpa tairbhe a bhaint as an tionscnamh.
Is é cur chuige comhoibritheach an tionscnaimh an neart atá ann. Faigheann an tionscadal tacaíocht ó chomhghuaillíocht de rialtais áitiúla, Oogvereniging, the Knowledge Centre for Sport and Physical Activity, Cónaidhm na Lúthchleasaíochta san Ísiltír agus eagraíochtaí eile a oibríonn go dícheallach chun an chuimsitheacht a chur chun cinn. Trí na comhpháirtithe éagsúla sin a thabhairt le chéile, baintear leas as raon leathan saineolais agus acmhainní chun réitigh inbhuanaithe a bhfuil éifeacht leo a chruthú.
De réir mar a leanann an tionscadal de bheith ag bailiú nirt, tá ‘Sport Accessibility’ ag iarraidh go mbeadh institiúidí oideachais agus eagraíochtaí sláinte súl san Eoraip páirteach ann. Dar leis an bhfoireann gur céim thábhachtach é sin maidir le cultúr spóirt fíorchuimsitheach a chothú ar fud na hEorpa, le gur féidir le gach duine, gan beann ar a bhfad radhairc, páirt a ghlacadh sa spórt agus taitneamh a bhaint as.
Ní tionscadal tús agus deireadh scéil ‘Sport Accessibility’, áfach; is gluaiseacht atá ann ar mhaithe le saol níos fearr a chruthú le nach bhfágfar aon duine ar an taobhlíne. Trí chomhiarrachtaí na gcomhpháirtithe díograiseacha ar fud na hEorpa, tá an tionscnamh dírithe ar thionchar buan a imirt ar an inrochtaineacht sa spórt, rud a réiteoidh an bealach do thimpeallacht níos cuimsithí agus níos cothroime do chách.
Más spéis leat páirt a ghlacadh sa ghluaiseacht chlaochlaitheach seo nó tuilleadh a fhoghlaim faoi, molann ‘Sport Accessibility’ duit do chuid féin a dhéanamh agus a chinntiú go mbeidh an deis ag gach duine taitneamh agus tairbhe a bhaint as an spórt. Is féidir cabhrú leis an tionscadal tríd an suirbhé faoin teacht a bhíonn ag daoine dalla agus leathdhalla ar ghníomhaíochtaí spóirt agus caithimh aimsire i do bhaile nó i do réigiún a líonadh isteach faoin 27 Meán Fómhair.
Iar-stiúrthóir nuálaíochta, bainistíochta saoráidí agus TFC agus bainisteoir in eagraíochtaí brabúis agus neamhbhrabúis araon é Peter van Bleijswijk, atá ag díriú le blianta beaga anuas ar an abhcóideacht ar son leasanna cliant. Tá sé an-tiomanta don chuimsitheacht agus d’fheabhas a chur ar an inrochtaineacht sa spórt do dhaoine dalla agus leathdhalla. Ina theannta sin, oibríonn sé go deonach in Oogvereniging agus in EBU agus tá sé páirteach sna meithleacha a bhíonn ag comhoibriú leis na rialtais áitiúla agus náisiúnta. Tá a chuid oibre fréamhaithe go domhain san iarracht an cháilíocht saoil a fheabhsú agus comhdheiseanna a chruthú do ghrúpaí leochaileacha sa tsochaí.
Tá an hidrigin ghlas ar cheann de bhunchlocha an aistrithe fuinnimh, rud a fhágann go bhfuil sé thar a bheith tábhachtach í a leathadh amach go tapa ar mhaithe leis an gcóras fuinnimh a bheidh ann amach anseo agus le folláine eacnamaíoch agus shóisialta an Aontais.
Tá an hidrigin ghlas ar cheann de bhunchlocha an aistrithe fuinnimh, rud a fhágann go bhfuil sé thar a bheith tábhachtach í a leathadh amach go tapa ar mhaithe leis an gcóras fuinnimh a bheidh ann amach anseo agus le folláine eacnamaíoch agus shóisialta an Aontais.
Mar sin féin, a mhéid a bhaineann le hidrigin, is iomaí dúshlán atá ag baint leis an soláthar, an t-éileamh, an bonneagar agus an táirgeadh a chinneadh. Tá costas ard ag baint le hidrigin agus braitheann sí ar chreatchoinníollacha iomchuí. Ar thaobh amháin, ní mór díriú ar dtús ar an úsáid a bhaintear aisti in earnálacha ar deacair iad a leictriú agus mar mhodh stórála fuinnimh. Ar an taobh eile, ní mór a áirithiú go gcruthófar na dálaí is gá chun bonneagar hidrigine a leathnú go tapa agus go héifeachtúil.
I ndáil leis an méid sin, tá tábhacht ar leith ag baint le trí phointe:
Ní mór an cistiú is gá don bhonneagar a áirithiú. Ós rud é go mbeidh costais shuntasacha i gceist le bonneagar iompair a thógáil, cuireann CESE i bhfios go láidir a thábhachtaí atá sé acmhainní a leithdháileadh ar bhealach éifeachtúil. Chuige sin, beidh gá le pleanáil chliste chomhtháite, lena n-áirítear thar theorainneacha, agus córas rialála lena gcumasófar na hinfheistíochtaí is gá sa bhonneagar agus, ag an am céanna, inbhuanaitheacht chomhshaoil an chórais fuinnimh ina iomláine a chur chun cinn agus úsáideoirí gréasáin a chosaint ar mhuirir iomarcacha ghréasáin. Ag an am céanna, is cinnte gur gá ualaí breise i bhfoirm thras-fhóirdheonú na heangaí hidrigine ag úsáideoirí eangacha gáis a sheachaint. Is tábhachtaí fós é sin ós rud é nach iad úsáideoirí reatha na heangaí gáis a bhainfidh úsáid as bonneagar na heangaí hidrigine amach anseo. Tá sé tábhachtach, dá bhrí sin, an prionsabal ‘íoc mar a úsáidtear’ a chur i bhfeidhm a mhéid is féidir agus, ar an gcaoi sin, a áirithiú gurb iad úsáideoirí an bhonneagair sin a mhaoineoidh an bonneagar hidrigine go príomha.
Chomh maith le maoiniú, is gá a chinntiú go bhfuil an lucht saothair riachtanach ar fáil chun leathnú agus táirgeadh a chur i gcrích. Mar aon le poist nua ardcháilíochta a chruthú, tá tábhacht ar leith ag baint le hath-imlonnú na n-oibrithe atá ann cheana. Ciallaíonn sé sin nach mór oiliúint, athsciliú agus uas-sciliú cuí a chur ar oibrithe atá ann cheana, agus nach mór an lucht saothair a choinneáil trí dhálaí maithe oibre a chur ar fáil. Mar shampla, ní mór d’oibreoirí gréasáin a bheith faoi cheangal ag gnáth-chomhaontuithe comhchoiteanna agus ní mór na dálaí oibre a fheabhsú chun lucht saothair oilte a mhealladh. Dá bhrí sin, tá CESE ag iarraidh go mbeadh idirphlé sóisialta éifeachtúil dochloíte ann in earnáil an gháis ar an leibhéal Eorpach agus ar an leibhéal náisiúnta.
Ba cheart deimhniú aonfhoirmeach, inrianaithe agus éigeantach hidrigine arna riar ag comhlacht lárnach Eorpach a áirithiú. Chomh maith le critéir chomhshaoil, ní mór do na scéimeanna deimhniúcháin sin caighdeáin shóisialta a ráthú freisin. Ní mór dálaí oibre atá cóir agus sábháilte agus comhlíonadh ceart saothair, sóisialta agus ceardchumainn a bheith san áireamh sna caighdeáin sin.
Dá bhrí sin, tá CESE ag iarraidh ar an gCoimisiún athbhreithniú a dhéanamh ar an straitéis hidrigine. Cháin Cúirt Iniúchóirí na hEorpa an straitéis sin, agus an láncheart aici. I gcomhar leis an tsochaí shibhialta ar an leibhéal náisiúnta agus ar an leibhéal Eorpach, ní mór a áirithiú go ndréachtófar straitéis chuimsitheach, stráitéis lena gcuirfear deimhniú, maoiniú, ceanglais saothair, cur chun cinn agus cosaint tomhaltóirí san áireamh. Is tríd an méid sin a dhéanamh, agus sin amháin, a bheidh todhchaí a bhfuil gealladh fúithi ag tionscal hidrigine na hEorpa.
Is é Pyrros Dimas, fear na dtrí bhonn óir Oilimpeacha agus iar-thógálaí meáchan Gréagach, an t-aoi speisialta atá againn agus insíonn sé dúinn cad air a ndíríonn sé agus é ag breathnú ar na Cluichí Oilimpeacha. In ainneoin na n-athruithe ar fad atá tagtha ar na Cluichí Oilimpeacha le himeacht ama, is beag athrú a tháinig ar phrionsabail an Oilimpeachais ná ar mhothúcháin na lúthchleasaithe iomaíocha.
Is é Pyrros Dimas, fear na dtrí bhonn óir Oilimpeacha agus iar-thógálaí meáchan Gréagach, an t-aoi speisialta atá againn agus insíonn sé dúinn cad air a ndíríonn sé agus é ag breathnú ar na Cluichí Oilimpeacha. In ainneoin na n-athruithe ar fad atá tagtha ar na Cluichí Oilimpeacha le himeacht ama, is beag athrú a tháinig ar phrionsabail an Oilimpeachais ná ar mhothúcháin na lúthchleasaithe iomaíocha.
Tá an tUasal Dimas ina Leas-Uachtarán ar Chónaidhm Idirnáisiúnta na Tógála Meáchan agus ina chóitseálaí ar fhoireann náisiúnta na Stát Aontaithe. Bhuaigh sé trí bhonn óir Oilimpeacha agus bonn cré-umha amháin. Bhí sé ina chomhalta de Pharlaimint na Gréige agus ina Uachtarán ar Chónaidhm Heilléanach na Tógála Meáchan.
Ar mhaith leat a bheith i do shaoránach Eorpach níos eolaí, níos rannpháirtí agus níos gníomhaí? Is cuma más mac léinn, gairmí óg nó ball gníomhach den phobal thú, beidh an Pas Eorpach um Dhaonlathas de chuid CESE ina uirlis ríthábhachtach chun gur féidir leat leas iomlán a bhaint as do chearta sibhialta.
Ar mhaith leat a bheith i do shaoránach Eorpach níos eolaí, níos rannpháirtí agus níos gníomhaí? Is cuma más mac léinn, gairmí óg nó ball gníomhach den phobal thú, beidh an Pas Eorpach um Dhaonlathas de chuid CESE ina uirlis ríthábhachtach chun gur féidir leat leas iomlán a bhaint as do chearta sibhialta.
Sa Phas seo, is féidir teacht ar bhileoga eolais, eolas cúlra, treoracha agus roghnóirí a bhaineann le gach gné de dhaonlathas nua-aimseartha na hEorpa, lena n-áirítear sraith uirlisí d’acmhainní rannpháirtíochta agus lámhleabhar mionsonraithe maidir leis an Tionscnamh Eorpach ó na Saoránaigh.
An bhfuil spéis agat san eagrán nua (2023-2024) de bhróisiúr an Phas Eorpach um Dhaonlathas? Scríobh chugainn agus seolfaimid chugat é – tá sé ar fáil anois i ngach ceann de 24 theanga oifigiúla an Aontais.
Is féidir leat an leagan idirghníomhach a sheiceáil ar líne freisin i mBéarla, i bhFraincis nó i nGearmáinis (cuirfear leis an rogha teangacha de réir a chéile) agus a bheith páirteach i ndomhan ina bhfuil fíorthábhacht le do ghuth! (ep)
Tá an nós ann scéal áibhéileach thar na bearta a dhéanamh d’imeachtaí nuair nach gá sin ar chor ar bith, rud a fhágann gur deacair a aithint nuair is fíorchor cinniúnach atá ann. Mar a tharlaíonn, áfach faoi láthair, agus an Coimisiún Eorpach nua á chur ar bun, tá cor cinniúnach den chineál sin os ár gcomhair amach i ndáiríre: tá méadú ag teacht ar na páirtithe atá i bhfad amach ar an eite dheis, tá an mhíshástacht á scaipeadh ar fud na mór-roinne, tá cogadh á fhearadh fós san Úcráin agus tá an baol ann go mbeidh cogadh Gaza ina chogadh réigiúnach oscailte.
Tá an nós ann scéal áibhéileach thar na bearta a dhéanamh d’imeachtaí nuair nach gá sin ar chor ar bith, rud a fhágann gur deacair a aithint nuair is fíorchor cinniúnach atá ann. Mar a tharlaíonn, áfach faoi láthair, agus an Coimisiún Eorpach nua á chur ar bun, tá cor cinniúnach den chineál sin os ár gcomhair amach i ndáiríre: tá méadú ag teacht ar na páirtithe atá i bhfad amach ar an eite dheis, tá an mhíshástacht á scaipeadh ar fud na mór-roinne, tá cogadh á fhearadh fós san Úcráin agus tá an baol ann go mbeidh cogadh Gaza ina chogadh réigiúnach oscailte.
Ar thaobh eile an Atlantaigh, ní fios go fóill céard atá i ndán dóibh ach is ann i gcónaí do na taraifí méadaitheacha agus don chogadh trádála leis an tSín atá ag géarú, agus is cinnte go mbeidh tionchar aige sin ar shlabhraí soláthair agus ar phraghsanna do thomhaltóirí, rud a rachaidh i bhfeidhm ar deireadh thiar ar an daonra.
Idir an dá linn, san earrach, tháinig Parlaimint na hEorpa agus Comhairle an Aontais Eorpaigh ar chomhaontú maidir le rialacha nua déine don Aontas, agus tá bac á chur go fóill ag Ballstáit ‘coigilteacha’ an Aontais ar acmhainní dílse breise nó ar roghanna iasachtaíochta. Tá méadú ag teacht san Aontas ar an mbrú aeráide, ar an gcorraíl shóisialta, ar an antoisceachas agus an faisisteachas, ar mhíchlú an daonlathais agus ar an údarásaíochas atá ag dul i méid. Is rudaí iad sin ar cheart dóibh, mar aon leis an mbagairt go ndéanfaí léirscrios núicléach nó cogadh oscailte ar theorainneacha an Aontais, brú beag breise a chur ar cheannairí an Aontais deireadh a chur leis na comhraic inmheánacha agus leis an dearcadh gearrbhreathnaitheach atá acu. Aon bheartas nach gcuirtear neamhionannais agus ceartas san áireamh ann (nó nach dtéann ródhomhain sa scéal sin), is beag seans go n-éireoidh leis. Tá saoránaigh bréan de bheith ag éisteacht leis na seanóráidí céanna nach bhfuil iontu ach cur i gcéill, go háirithe nuair a bhíonn siad fós in umar na haimléise i ndeireadh na dála; iad ag streachailt le cuid a chur le costas agus gan i ndán dóibh ach caillteanas post agus titim ioncaim. Is scéal é sin a théann chun tairbhe do lucht phobalachas na heite deise. Is féidir leo ceisteanna bunúsacha a sheachaint tríd an milleán a chur ar inimircigh.
Gan ceartas sóisialta, ní bheidh cobhsaíocht ná comhpháirtíochtaí iontaofa in aon cheann de na Ballstáit. Ina éagmais sin, ní bheidh an tAontas aontaithe mar is gá chun aghaidh a thabhairt ar na dúshláin a bheidh os a chomhair amach. Cuirimis an dul chun cinn sóisialta chun tosaigh ar son na haontachta le linn an téarma reachtaigh nua seo de chuid an Aontais.
Nach méanar dom! Na Cluichí Oilimpeacha i bPáras an naoú huair dom ag freastal ar an ócáid seo. Barcelona 1992 an chéad uair. Ceithre huaire bhí mé i measc na lúthchleasaithe. Ceithre huaire a bhuaigh mé bonn. Cúig uaire a bhí mé ann ar bhealaí eile: sa lucht féachana uair; i mo bhall den Chónaidhm Idirnáisiúnta um Chrochadh Meáchan uair eile; agus i mo chóitseálaí ar fhoireann náisiúnta Stáit Aontaithe Mheiriceá uair eile fós.
Nach méanar dom! Na Cluichí Oilimpeacha i bPáras an naoú huair dom ag freastal ar an ócáid seo. Barcelona 1992 an chéad uair. Ceithre huaire bhí mé i measc na lúthchleasaithe. Ceithre huaire a bhuaigh mé bonn. Cúig uaire a bhí mé ann ar bhealaí eile. Sa lucht féachana uair; i mo bhall den Chónaidhm Idirnáisiúnta um Chrochadh Meáchan uair eile; agus i mo chóitseálaí ar fhoireann náisiúnta Stáit Aontaithe Mheiriceá uair eile fós. Le linn na mblianta seo ag dul ó réimse go réimse dom sna Cluichí Oilimpeacha, is iomaí sin athrú a chonaic mé. Na hionaid ina mbíonn na Cluichí á n-óstáil – sin athrú amháin. Agus is iomaí tréith ag roinnt leis na Cluichí Oilimpeacha faoin am seo nach raibh ann tráth den tsaol. De bharr fhorbairt na teilifíse, tá an lucht féachana in ann teacht i gcóngar na lúthchleasaithe, agus sa lá atá inniu ann, feiceann siad na mothúcháin ar fad greannta ar a gceannaghaidh. Mealladh lucht féachana óg chuig an gclár Oilimpeach nuair a tugadh isteach cluichí nua, agus thug sé léargas dúinn ar chleasa nár chuala muid trácht orthu riamh. Mar sin féin, leis an mbéim atá ar chúrsaí slándála, is maith a thuigimid go bhféadfadh an mí-ádh teacht aniar aduaidh orainn lá ar bith. Ní bréag a rá gur corrach an saol é.
Dá bhrí sin, tá athrú as éadan ar na Cluichí Oilimpeacha. Má tá féin, tá rud buan ann: prionsabail an Oilimpeachais agus aisling na lúthchleasaithe a ghlacann páirt sna cluichí. Tá tábhacht leis na hidéil Oilimpeacha lenár linn féin seachas mar a bhí riamh. Rud eile, is minic meon an Oilimpeachais chun cinn ar mheon na linne. An cuimsiú, tábhacht na héagsúlachta agus an chómhaireachtáil shíochánta – sin iad na coincheapa is sprid agus is spreagadh do na Cluichí Oilimpeacha le fada an lá, agus is amhlaidh a bhí sular raibh baint ag na cumainn mhóra leis an scéal. Is fear spóirt mé féin agus Oilimpeach, agus is rómhaith a thuigim an dua agus an fhulaingt atá ag dul leis an iomaíocht sa spórt ar leibhéal chomh hard sin. Is iad na lúthchleasaithe féin an príomhrud domsa más ea. I gcás go leor de na daoine óga, is é cuspóir atá acu i leith na gCluichí Oilimpeacha a bheith i láthair ar chor ar bith. Sin rud a thugann treoir dóibh ina saol, rud is lón aislinge dóibh. Ar an ábhar sin, agus is fíor dom féin go pearsanta é, ní hé an breathnú ar an scórchlár ná an fhéachaint ar liosta na mbonn an rud is tábhachtaí ar chor ar bith sna Cluichí Oilimpeacha. Ní hea ach an lúcháir agus an briseadh croí, an ríméad agus an mórtas a fheiceáil snoite greannta ar cheannaghaidh na lúthchleasaithe. Tabhair lúcháir agus ríméad air! An dólás agus sileadh na ndeor! An duine ar a sheacht ndícheall le feabhas a chur air féin: sin é atá i gceist leis na Cluichí Oilimpeacha.
Beidh na scileanna ag teastáil i gcomhair na bpost a bheidh ann san am atá romhainn chun an t-aistriú glas agus an t-aistriú digiteach a thabhairt i gcrích, sin agus chun aghaidh a thabhairt ar na hathruithe déimeagrafacha atá ag tarlú. Nuair atá infheistíocht á déanamh san oiliúint agus san athsciliú, conas is féidir linn a chinntiú go sroichfidh na bearta sin na daoine is leochailí freisin? Cé na réimsí a bhfuil cuid de na daoine ar easpa scileanna iontu faoi láthair agus conas atá an easpa sin nasctha leis an mbochtaineacht?
Beidh na scileanna ag teastáil i gcomhair na bpost a bheidh ann san am atá romhainn chun an t-aistriú glas agus an t-aistriú digiteach a thabhairt i gcrích, sin agus chun aghaidh a thabhairt ar na hathruithe déimeagrafacha atá ag tarlú. Nuair atá infheistíocht á déanamh san oiliúint agus san athsciliú, conas is féidir linn a chinntiú go sroichfidh na bearta sin na daoine is leochailí freisin? Cé na réimsí a bhfuil cuid de na daoine ar easpa scileanna iontu faoi láthair agus conas atá an easpa sin nasctha leis an mbochtaineacht?
An 10 Iúil, rinne Grúpa Eagraíochtaí na Sochaí Sibhialta in CESE iniúchadh ar na ceisteanna sin mar chuid de dhíospóireacht théamach inar seoladh staidéar nua le CESE áit a bhfiosraítear Conas is féidir deireadh a chur leis an mbochtaineacht scileanna i measc na ndaoine is leochailí. Is ar iarratas ón nGrúpa atá ag obair i ndáil le Bliain Eorpach na Scileanna (2023) a rinne CESE an staidéar a choimisiún. Is éard is ábhar scrúdaithe dó coincheap nua seo na bochtaineachta scileanna. Tá buille faoi shainmhíniú sa staidéar ar an gcoincheap seo, sin agus imscrúdú ar gach ab fhéidir le spreagadh agus réiteach a dhéanamh i gcomhair taighde breise ar an ábhar seo lá is faide anonn. Seo ceann de na conclúidí atá le baint as an staidéar: tá ról uathúil ag eagraíochtaí na sochaí sibhialta i sainaithint na ndaoine leochaileacha ar gá dóibh uas-sciliú a dhéanamh agus ról uathúil ag tacú leis na daoine sin. Is i bpáirt agus i gcomhar leis na pobail agus leis na húdaráis áitiúla ba cheart dóibh a gcuid oibre a dhéanamh, sin agus a gcuid líonraí a ghiaráil, agus ba cheart dóibh a áirithiú nach bhfágfar aon duine ar an trá fholamh fad atá an t-oideachas agus forbairt na scileanna atá i gceist.
Labhair Juliana Wahlgren le linn na díospóireachta. Ise Stiúrthóir an Líonra Eorpaigh um Fhrithbhochtaineacht (EAPN). Rinne sí trácht ar na bunfhachtóirí a dhéanann difear don rochtain ar scileanna. Labhair Agnieszka Maj chomh maith. Is taighdeoir ise san Ionad um Thaighde Sóisialta agus Eacnamaíoch (CASE) áit ar cuireadh an staidéar i dtoll a chéile.
Más mian leat an t-alt ar an díospóireacht téamach a fheiceáil ina iomláine, mar aon leis an agallamh leis na húdair, féach leat suíomh gréasáin na hócáide.
Tá an staidéar féin maille leis an achoimre feidhmiúcháin ar fáil anseo.
Rinne Grúpa na bhFostóirí comhghairdeas le hUachtarán an Choimisiúin, Ursula von der Leyen, nuair a toghadh arís i mí Iúil í, agus ghlac siad go fonnmhar lena cuid treoirlínte polaitiúla. Is maith an léargas atá sna treoirlínte ar athrú mór atá ann: tá iomaíochas an Aontais ag dul ó mhaith agus sin dúshlán nach féidir neamhaird a dhéanamh de. Admháítear sna treoirlínte gur ceist róphráinneach í seo, ceist atá ar aon tábhacht leis an athrú aeráide agus le cúrsaí slándála.
Rinne Grúpa na bhFostóirí comhghairdeas le hUachtarán an Choimisiúin, Ursula von der Leyen, nuair a toghadh arís i mí Iúil í, agus ghlac siad go fonnmhar lena cuid treoirlínte polaitiúla. Is maith an léargas atá sna treoirlínte ar athrú mór atá ann: tá iomaíochas an Aontais ag dul ó mhaith agus sin dúshlán nach féidir neamhaird a dhéanamh de. Admháítear sna treoirlínte gur ceist róphráinneach í seo, ceist atá ar aon tábhacht leis an athrú aeráide agus le cúrsaí slándála.
I ndeireadh na dála, caithfear tosaíocht a thabhairt don iomaíochas agus don rathúnas. Is é is aidhm don Phlean Rathúnais Eorpach nua obair na gnólachtaí san Eoraip a éascú, doimhneas a chur sa Mhargadh Aonair, agus borradh a chur faoin táirgiúlacht trí bhíthin na dteicneolaíochtaí ceannródaíochta. Is mór an díol sásaimh dúinn an fócas ar shaol an ghnó a thabhairt chun éascaíochta, rud a tharlóidh ach na hualaí riaracháin a laghdú tríd an gcur chun feidhme a shimpliú agus trí leas-uachtarán a cheapadh chun an ghné sin den obair a chomhordú.
Is fada Grúpa na bhFostóirí in CESE i bhfách leis an gcur chuige sin, rud is léir ach féachaint ar na tosaíochtaí atá acu: A chion féin den rathúnas a shaothrú do chách, agus ba dheas linn comhoibriú le chéile d’fhonn an cur chun feidhme a chur in oiriúint do na dálaí atá i réim. Tá iomaíochas an Aontais faoi bhagairt throm chráite le tamall anuas. Cé go bhfuil an Eoraip ar cheann de na réigiúin is nuálaí is sláine agus is rathúla dá bhfuil ann fós, tá na Stáit Aontaithe chun cinn uirthi feasta, agus tá an tSín ag baint na mbonn di i gcuid de na goirt is tábhachtaí, an fás OTI per capita, cuir i gcás, gort ar fearr a bhfuil na Stáit Aontaithe ag cruthú ann ná an Eoraip le deich mbliana anuas. Sin cor sa scéal a bhfuil a shliocht go láidir ar líon na bpaitinní teicneolaíochta faisnéise agus cumarsáide (TFC), sin agus ar leibhéil na hinfheistíochta dírí ón coigrích (FDI).
Sin é an fáth a bhfuilimid sásta go bhfuil na tosaíochtaí seo a leanas sna treoirlínte polaitiúla a bheidh ag an gcéad Choimisiún eile:
Seiceáil ar mhodh nua ar an iomaíochas agus Comhaontú Idirinstitiúideach maidir le simpliú agus feabhsú na reachtóireachta.
Comaoin mhór a chur ar an infheistíocht le hAontas Coigiltis agus Infheistíochta i gcomhair na hEorpa.
An caiteachas ar thaighde a mhéadú chun díriú ar thosaíochtaí straitéiseacha, ar thaighde ceannródaíochta agus ar fheabhas na heolaíochta.
Stádas dlíthiúil nua uile-Aontais a bhunú chun fás a chur ar chuideachtaí nuálacha.
Comhaontú Tionsclaíoch Glan chun infheistíocht a dhéanamh sa bhonneagar agus sa tionsclaíocht, chun praghsanna fuinnimh a laghdú, agus tacú le cuideachtaí sa dícheall atá á dhéanamh acu ar son ghlasú an chomhshaoil.
