Uair sa mhí, cuirimid pearsa phoiblí ar leith i láthair, ar foinse inspioráide í a cuid oibre agus an tiomantas atá léirithe aici, dar le mórán. Is díol sásaimh dúinn aird a tharraingt ar dhaoine mór le rá ó shaol an chultúir, na polaitíochta agus na heolaíochta a bhféadfadh an méid atá déanta acu daoine eile a spreagadh chun gnímh. Is daoine iad seo a imríonn tionchar ar an saol mar atá agus a chabhraíonn lena athrú.

In eagrán mhí Dheireadh Fómhair de nuachtlitir CESE info, labhraíomar leis an Ollamh Caroline Pauwels, Uachtarán Vrije Universiteit Brussel. Tharraing sí aird ar dhrochthionchar na paindéime ar an aos óg agus ar shaol na hollscoile. Lena chois sin, roinn sí trí phointe thábhachtacha maidir leis an saol i ndiaidh an paindéime agus maidir lena bhfuil i ndan do na mic léinn amach anseo.

Chuir an tOll. Caroline Pauwels tús lena dara téarma mar Uachtarán Vrije Universiteit Brussel i Meán Fómhair 2020. Rinne sí staidéar ar an bhfealsúnacht agus ar eolaíochtaí na cumarsáide, tá sí ag obair i Roinn na nEolaíochtaí Cumarsáide ó 1989, agus tá sí ina ceann roinne ann le cúpla bliain anuas. Bhain sí dochtúireacht amach in 1995 ach ar scríobh sí tráchtas ar bheartas closamhairc an Aontais Eorpaigh. Bhí sí ar an stiúir ar lárionad taighde SMIT ó 2000 go 2016, áit a ndéantar sainchúram de theicneolaíochtaí faisnéise agus cumarsáide. Thosaigh sí ag obair leis an eagraíocht iMinds (IMEC anois) in 2004. Bhí sí ina ceann ar an Rannóg um an tSochaí Dhigiteach san eagraíocht sin, áit a dtugtar le chéile grúpaí taighde ó ollscoileanna i nGent, i Lovain agus sa Bhruiséil. Bhronn Ollscoil Ghent Ollúnacht Francqui uirthi ó 2012 go 2014. Tá seal caite aici ar bhoird stiúrthóirí éagsúla, ina coimisinéir rialtais leis an gcraoltóir VRT, agus is comhalta í d’Acadamh Ríoga Pléimeannach na Beilge um Eolaíocht agus um Ealaíon. (ehp)