Is é Fóram Eorpach na nÓg an t-ardán is mó d’eagraíochtaí óige san Eoraip, agus tar éis dó tréimhsí oiliúna ardchaighdeáin a mholadh le 10 mbliana anuas, tá sé ag tacú anois leis an iarraidh ó CESE cosc a chur ar thréimhsí oiliúna gan íocaíocht. Tá anailís déanta ag ár n-aoi speisialta, Cláudia Pinto ó Fhóram Eorpach na nÓg, ar an togra is déanaí ón gCoimisiún chun feabhas a chur ar cháilíocht tréimhsí oiliúna san Aontas agus tá na lochtanna uile liostaithe aici cé go bhfuil sí den tuairim gur céim mhór chun tosaigh é ar an iomlán.
Is é Fóram Eorpach na nÓg an t-ardán is mó d’eagraíochtaí óige san Eoraip, agus tar éis dó tréimhsí oiliúna ardchaighdeáin a mholadh le 10 mbliana anuas, tá sé ag tacú anois leis an iarraidh ó CESE cosc a chur ar thréimhsí oiliúna gan íocaíocht. Tá anailís déanta ag ár n-aoi speisialta, Cláudia Pinto ó Fhóram Eorpach na nÓg, ar an togra is déanaí ón gCoimisiún chun feabhas a chur ar cháilíocht tréimhsí oiliúna san Aontas agus tá na lochtanna uile liostaithe aici cé go bhfuil sí den tuairim gur céim mhór chun tosaigh é ar an iomlán.
Is minic, agus iad ag lorg post, nach mbíonn roimh dhaoine óga sa lá atá inniu ann ach sraith de thréimhsí oiliúna neamhíoctha. Cén gealltanas a thugtar? Deirtear gur bealach le dul isteach i margadh an tsaothair atá sna tréimhsí oiliúna sin gan phá. Maítear go dtugtar rochtain do dhaoine óga ar líonraí agus go gcuirtear taithí foghlama nua ar fáil dóibh.
Níl a leithéid de rud, áfach, agus neamhspleáchas airgeadais le tréimhsí intéirneachta den chineál sin. Conas is féidir bia a cheannach, cíos a íoc nó smacht a choinneáil ar na billí uile sin a mbíonn sa mhullach orainn ar fad más ag obair saor in aisce atá tú?
Is dúshaothrú ar dhaoine óga i margadh an tsaothair i ndáiríre iad na tréimhsí oiliúna gan phá. Cuireann siad leis an eisiamh sóisialta freisin ós rud é go bhfágtar ar lár láithreach bonn na daoine sin nach acmhainn dóibh a bheith ag obair saor in aisce, daoine óga ó chúlra faoi mhíbhuntáiste cuir i gcás. Mar bharr donais ar an scéal, ní ann do phoist ar an leibhéal iontrála mar gheall orthu, rud a fhágann gur forbhásaí fós an margadh saothair.
Tá tréimhsí oiliúna ar ardchaighdeán á gcur chun cinn ag Fóram Eorpach na nÓg le 10 mbliana anuas. Le dhá bhliain anuas, tá feachtas dar teideal An bhfuil sé d’acmhainn agatsa a bheith ag obair saor in aisce? á reáchtáil go gníomhach againn, agus treoir á éileamh againn chun cosc a chur ar thréimhsí oiliúna gan phá i margadh an tsaothair i mBallstáit uile an Aontais.
D’fhoilsigh an Coimisiún Eorpach togra chun feabhas a chur ar cháilíocht tréimhsí oiliúna san Aontas Eorpach ar deireadh i mí an Mhárta agus, go deimhin, rinne sé treoir a iarraidh ann! Is céim mhór chun cinn é seo agus tiomantas dochloíte na ndaoine óga ar fud na mór-roinne ba chúis leis. In ainneoin na céime chun tosaigh, áfach, ní áirithítear go soiléir faoin treoir go gcuirfear pá ar fáil do thréimhsí oiliúna i margadh an tsaothair.
Is é príomhábhar imní Fhóram Eorpach na nÓg maidir leis an téacs atá beartaithe nach dtéann sé i ngleic ach le gné amháin den fhadhb. Ní phléitear ann ach na tréimhsí oiliúna bréagacha (i.e. gnáthphoist atá faoi bhréagriocht tréimhsí oiliúna agus é d’aidhm acu dálaí oibre agus an pá go háirithe a ísliú) nuair ba cheart díriú ar gach intéirneach i margadh an tsaothair. Treoir um fhorfheidhmiú atá á moladh ag an gCoimisiún Eorpach, rud a chuireann cuid mhaith brú ar chigireachtaí saothair, daoine nach dtugtar acmhainní airgeadais leordhóthanacha dóibh agus a bhfuil ualach trom oibre orthu cheana féin.
Dá bhrí sin, is cúis imní é d’Fhóram Eorpach na nÓg cur chun feidhme praiticiúil na treorach agus an chaoi ar féidir cearta daoine óga a urramú go praiticiúil. Go bunúsach, ní dhéantar sa togra ach sainmhíniú a thabhairt ar cad nár cheart a dhéanamh le linn na dtréimhsí oiliúna seachas cearta a bhronnadh go soiléir ar intéirnigh. Cé go n-áirítear prionsabal ann nach ndéanfar idirdhealú ar intéirnigh is ábhar imní é d’Fhóram Eorpach na nÓg, mar sin féin, an chaoi a bhféadfadh na Ballstáit an prionsabal sin a thrasuí sa reachtaíocht náisiúnta ós rud é go bhféadfadh fostóirí leanúint fós de dhúshaothrú a dhéanamh ar dhaoine óga.
Sa bhreis ar an togra le haghaidh treorach, mhol an Coimisiún Eorpach Moladh nua ón gComhairle freisin chun an Creat Cáilíochta le haghaidh Tréimhsí Oiliúna a thabhairt cothrom le dáta, trína raon feidhme a leathnú chuig gach cineál intéirneachta agus trí phrionsabail maidir le rochtain ar phá agus ar chosaint shóisialta a áireamh ann. Is iontach an rud é na prionsabail sin a bheith le feiceáil i dtogra cé nach bhfuil an Moladh ón gComhairle ceangailteach faraor.
Leanfaidh Fóram Eorpach na nÓg de chearta daoine óga a chosaint agus de bheith ag troid ar son dálaí oibre cothroma. Iarraimid ar an gComhairle Eorpach agus ar Pharlaimint na hEorpa an téacs a neartú agus a áirithiú nach mbeidh aon lúb ar lár ann a d’fhéadfadh dúshaothrú leanúnach daoine óga a cheadú. Chun miondealú iomlán ar an togra seo a fháil, bí cinnte agus ár n-alt Two Steps Forward One Step Back a léamh.
Cláudia Pinto ó Fhóram Eorpach na nÓg atá i gceannas ar an obair thathanta maidir le haistriú daoine óga ón oideachas go margadh an tsaothair, ina ndírítear ar bheartais chun feabhas a chur ar cháilíocht na dtréimhsí oiliúna san Eoraip. Agus saineolas aici ar bheartas sóisialta agus saothair na hEorpa, d’oibrigh sí roimhe seo i gCónaidhm Eorpach na gCeardchumann Neamhspleách.
Infheistíochtaí coigríche isteach san Aontas a scagadh
le Christophe Préault, Stiúrthóir Dréachtaithe, Touteleurope.eu
I dtoghcháin Eorpacha na bliana 2024, is fearr a chruthaigh Rassemblement náisiúnta na Fraince, páirtí atá i bhfad ar dheis, ná an tuar a bhí sna pobalbhreitheanna, agus fuair siad an toradh ab fhearr ó bunaíodh iad. Rud eile, fuair siad os cionn trian de vótaí na ndaoine atá faoi bhun 35 bliana d’aois. Is é Christophe Préault, eagarthóir sinseartha Toute l’Europe: seo anailís an aoi speisialta ar thoradh mór an Rassemblement nationale (RN) agus ar a fheabhas a d’éirigh le ceannaire an pháirtí Jordan Bardella, fear ó bhruachbhailte Pháras nach bhfuil ach 28 bliain d'aois a mbíonn síorfheiceáil air ar TikTok.
le Christophe Préault, Stiúrthóir Dréachtaithe, Touteleurope.eu
I dtoghcháin Eorpacha na bliana 2024, is fearr a chruthaigh Rassemblement náisiúnta na Fraince, páirtí atá i bhfad ar dheis, ná an tuar a bhí sna pobalbhreitheanna, agus fuair siad an toradh ab fhearr ó bunaíodh iad. Rud eile, fuair siad os cionn trian de vótaí na ndaoine atá faoi bhun 35 bliana d’aois. Is é Christophe Préault, eagarthóir sinseartha Toute l’Europe: seo anailís an aoi speisialta ar thoradh mór an Rassemblement nationale (RN) agus ar a fheabhas a d’éirigh le ceannaire an pháirtí Jordan Bardella, fear ó bhruachbhailte Pháras nach bhfuil ach 28 bliain d'aois a mbíonn síorfheiceáil air ar TikTok.
Níor vótáil oiread daoine riamh don Rassemblement Nationale (RN) agus a vótáil i dtoghcháin Eorpacha i mí an Mheithimh 2024, agus mheall siad beagnach aon trian de na vótálaithe (31.4 %). Is é an RN is lionmhaire a mheall vótaí ó mórán gach aoisghrúpa agus gach grúpa soch-ghairmiúil, rud a tháinig aniar aduaidh ar an tír gan aon agó. Is fíor sin go háirithe i gcás na ndaoine óga: mheall liosta Jordan Bardella 32 % de na daoine idir 25 agus 34 bliana d’aois, ghnóthaigh siad os cionn 10 bpointe breise (26 %) san aoisghrúpa 18-24 bliana thar thoghcháin Eorpacha na bliana 2019.
Tá fachtóirí éagsúla le lua leis an chluain a chuir an RN ar an aos óg. Ar an gcéad dul síos, b’fhiú pearsantacht Jordan Bardella a lua. Ba é Bardella príomhiarrthóir an pháirtí sna dtoghchán Eorpach, agus is eisean Uachtarán an pháirtí, rud nach bhfuil de réir na gnáthnósmhaireachta. Is é guth na fírinne é dar leis na daoine óga, duine díreach dar leo, agus cuma na macántachta air nuair is ag tabhairt dhúshlán an tsaoil pholaitiúil a bhíonn sé. Tá tábhacht lena scéal féin chomh maith ós é is scéal do go leor. Is ar theallach meánaicmeach a rugadh é. I mbruachbhailte Pháras a tógadh é (Seine-Saint-Denis). Ní fear é a bhfuil oideachas ná ardléann air, níl céim ollscoile aige go deimhin, ach cothrom na hArdteistiméireachta. Sin fáth mór a bhfuil mealladh na hóige ann, agus mealladh chlann an lucht oibre, daoine nach léir dóibh céard atá i ndán dóibh, daoine a bhraitheann go bhfuil neamhaird á déanamh díobh, neamhaird nó dearmad glan.
Ní hiontas ar bith gur éirigh le Jordan Bardella oiread sin daoine idir 18 agus 34 bliana d'aois a mhealladh mar is fear é atá fós in aois na hóige é féin! Ina aois 28 mbliana dó más ea, tá cóid na glúine seo ar a thoil aige, agus is maith a éiríonn leis an tuiscint atá aige orthu a chur chun tairbhe dó féin. Tugtar faoi deara gurb é Emmanuel Macron ab urlabhraí do chaithréim na hóige in 2017, rud is díol spéise, ach is aicme eile den tsochaí a bhí i gceist sa chás sin.
Dá bhrí sin, baineann RN sochar agus tairbhe as pearsantacht an cheannaire agus as an íomhá a chothaítear go forleathan trí bhíthin na meán sóisialta. Bíonn síorfheiceáil ar Jordan Bardella ar TikTok, rud a bhfuil ról tábhachtach aige sa straitéis toghchánaíochta a chleachtann sé, nuair is fíor a rá ar an saol seo nach ó na meáin thraidisiúnta a fhásann na daoine óga a gcuid eolais feasta. Tá lucht a leanta ag dul i líon ar Tik Tol (i.6 milliún síntiúsóir). Ní ag trácht ar Chonarthaí na hEorpa a bhíonn sé na ar leasú na gConarthaí sin. Ní hé scéal na hÚcráine ná an Comhaontú Glas is cás leis. Is é a shaol féin ó lá go lá a bhíonn sé a thaispeáint. Ceiliúrann sé féile na máithreacha. Bíonn físeáin ann den oifig agus é féin i mbun a chuid oibre, é féin ar a thaisteal ó áit go chéile. Labhraíonn sé faoi chúrsaí an lae agus faoi na hábhair a bhfuil aird ag na daoine orthu ar ala na huaire. Is fear é a bhíonn ag tabhairt a ndúshláin do lucht na géimeála, idir óg eile, daoine a bhfuil suim thar na bearta acu do na cluichí físeáin.
Tá bearna idir an ghlúin óg agus an ghlúín a tógadh i saol na polaitíochta traidisiúnta, bearna atá ag méadú léi, agus sin rud is neartú ar íomhá Jordan Bardealla, an seasamh atá aige, agus dioscúrsa pobalach, nuair is amhlaidh atá ábhar imní ag na vótóirí nach raibh ann chomh mór céann nuair a bhí toghcháin Eorpacha 2019 ann. In 2019, is ag cur ar son an chomhshaoil a bhí an ghlúin óg, ach d’imigh sin agus tháinig seo: is ceisteanna eile atá ag déanamh tinnis dóibh feasta, ceisteanna de dhlúth agus d’inneacht an tsaoil laethúil iad mar sin féin. Sa lá atá inniu ann, is í an easpa slándála (rud atá fite fuaite leis an imirce thar tír isteach), sin agus luach an airgid atá ag duine le caitheamh - nó cumhacht an airgid sin – an dá chloch is mó ar an bpaidrín. Is uisce i muileann an RN atá sa tuile feirge atá sa tír, agus is maith atá ag éirí leis an bpáirtí teacht i dtír ar fhrustrachas na glúine óige seo a bhraitheann go bhfuil siad fágtha in áit na leithphingine. Ní bréag a rá nár thug na polaiteoiri aird a ndóthain ar iarmhairtí ghéarchéim COVID in 2020. De dheasca phaindéim COVID-19, is mór a tháinig an neamhionannas i measc na ndaoine óga chun suntais sa bhFrainc agus san Eoraip, agus is chun donais a chuaigh an neamhionannas sin le linn na géarchéime, rud is fíor ar mhargadh an tsaothair, sin agus an rochtain ar oideachas agus a dheacra atá sé don té atá ag dul don oideachas a chúrsa a choinneáil. Is é fírinne an scéil gurb éard a síleadh go soineanta simplí i gcás na hoiliúna gur leor de réiteach an digitiú ar gach uile ghné den oideachas!
Dá bhrí sin, in áit a bheith ag gol ag gárthach faoin RN, ba chóir féachaint go grinn ar vótálaithe an RN, go háirithe óige na meánaicme. Ní mór freagraí soiléire nithiúla a chur ar fáil, freagraí a bheadh in oiriúint do nithe is cúis imní dóibh: an foréigean atá ag méadú sa tsochaí; na seirbhísí poiblí á gciorrú sna ceantair thuaithe; a dheacra atá sé post nó oiliúint a fháil; an inimirce a bheith ó smacht dar le daoine go leor. Maidir leis na páirtithe polaitiúla traidisiúnta, beidh orthu bíogadh ar deireadh agus aird a thabhairt ar an aicme daoine a mbítear gan dáimh leo, daoine nárbh fhiú leis na polaiteoirí bacadh leo toisc iad a bheith gan claonadh chun polaitíochta, toisc iad a bheith ina dtost. I bhfearadh an chomhraic sin, ní mór dúinn a admháil gur ar chúl sceiche atá an tAontas Eorpach, ainneoin líon mór na gclár atá tiomnaithe don óige, don oideachas, don tacaíocht fostaíochta agus don chomhrac i gcoinne na héiginnteachta. Is maith an tús Erasmus, an tsoghluaisteacht agus eispéiris a chur chun cinn do dhaonra ar bhreis éagsúlachta (printísigh, daoine dífhostaithe, etc.), ach is léir nach leor é sa lá atá inniu ann. Réiteach ar bith dá mbeidh ann, beidh cuimsiú ann ar fhadhb na himirce. Sin fadhb atá i gcearlár na díospóireachta anseo san Eoraip. Fadhb atá ina ding ag scoilteadh na sochaí orainn. Fadhb atá fós idir chamáin – ainneoin gur glacadh an comhaontú Eorpach maidir le hImirce agus Tearmann le déanaí.
Is iriseoir é Christophe Préault, eagarthóir ar Touteleurope.eu, suíomh faisnéise oideachais maidir le feidhmiú agus beartais an Aontais Eorpaigh. Tá taithí na mblianta aige ar an obair i ngort na gcúrsaí reatha, go háirithe ceisteanna Eorpacha agus eacnamaíocha. Is céimí de chuid l'Institut d'études politiques de Bordeaux atá ann agus de chuid an École Nationale d’Administration. Is é atá freagrach faoi láthair as an dréachtú le Touteleurope.eu. Is minic díospóireachtaí agus comhdhálacha faoi chúrsaí na hEorpa á stiúrú aige.
Teastaíonn Eoraip ina dtuigtear an tábhacht le guth na ndaoine óga
I mí Iúil, tionólfar an chéad suí iomlánach de Pharlaimint nua-thofa na hEorpa. Cé go bhfuil tromlach na bhFeisirí nua fós ar son an daonlathais, is ábhar imní é an méadú atá tagtha tar éis thoghcháin mhí an Mheithimh ar pháirtithe na heite fíordheise agus ar pháirtithe Eoraisceipteacha. Chonaiceamar freisin méadú ar an tóir atá ag an nglúin óg ar na páirtithe atá i bhfad amach ar dheis, agus is léir nach bhfuil an t-aos óg saor ó thionchar na bpáirtithe sin. Is mithid do lucht an daonlathais freagracht a ghlacadh, oibriú le chéile agus tiomantas soiléir a léiriú d’Eoraip láidir ina bhfuil tábhacht le guth na ndaoine óga.
Teastaíonn Eoraip ina dtuigtear an tábhacht le guth na ndaoine óga
I mí Iúil, tionólfar an chéad suí iomlánach de Pharlaimint nua-thofa na hEorpa. Cé go bhfuil tromlach na bhFeisirí nua fós ar son an daonlathais, is ábhar imní é an méadú atá tagtha tar éis thoghcháin mhí an Mheithimh ar pháirtithe na heite fíordheise agus ar pháirtithe Eoraisceipteacha. Chonaiceamar freisin méadú ar an tóir atá ag an nglúin óg ar na páirtithe atá i bhfad amach ar dheis, agus is léir nach bhfuil an t-aos óg saor ó thionchar na bpáirtithe sin. Is mithid do lucht an daonlathais freagracht a ghlacadh, oibriú le chéile agus tiomantas soiléir a léiriú d’Eoraip láidir ina bhfuil tábhacht le guth na ndaoine óga.
Tá sé thar a bheith tábhachtach go mbeadh daoine óga rannpháirteach i bpróiseas ceaptha beartas an Aontais, sin le go mbeidh an Eoraip acmhainneach, inbhuanaithe agus ag amharc chun cinn. Ní mór dúinn iarracht bhreise a dhéanamh chun guth na hóige a chomhtháthú go hiomlán sna gealltanais a thugtar ar leibhéal an Aontais. Ní tráth toghcháin amháin ba cheart guth na hóige a chur san áireamh: tá sé á mholadh ag CESE teacht ar bhealaí córasacha agus rialta trína bhféadfadh daoine óga labhairt leis an Eoraip.
Ar cheann de thosaíochtaí mo théarma oifige féin tá doirse CESE a oscailt do dhaoine óga, daoine óga ó thíortha is iarrthóirí san áireamh. I mí na Bealtaine 2024, ba é CESE an chéad institiúid Eorpach a rinne promhadh na hóige ar a mholtaí beartais. Uirlis atá ann a ceapadh lena chinntiú go rachaidh na tograí chun tairbhe do dhaoine óga. Trí phromhadh na hóige a dhéanamh ar ár dtuairimí, cinntímid go gcuirtear dearcadh an aosa óig san áireamh sna beartais, go gcuirtear an tionchar ar dhaoine óga san áireamh i gcoitinne agus go maolaímid na héifeachtaí diúltacha a d’fhéadfadh a bheith ag na beartais orthu.
Sular tugadh promhadh na hóige isteach, reáchtálamar treoirthionscadal lena fháil amach conas a d’oibreodh tástáil den sórt sin go praiticiúil. D’oibríomar i gcomhar le daoine óga ar fud na hEorpa agus níos faide i gcéin, daoine a ghlac páirt inár gcruinnithe agus a chuidigh linn na tuairimí a dhréachtú. Ba mhór an spreagadh é a dtiomantas, a ndiongbháilteacht, a sár-smaointe agus a saineolas. Sheolamar an glao ar iarratais ar phromhadh na hóige in CESE, agus dúnadh an glao sin an 30 Meitheamh. Ba mhaith liom buíochas a ghabháil leis na hionadaithe óige uile a ghlac páirt sa treoirthionscadal agus le comhaltaí Ghrúpa Óige CESE as a dtiomantas promhadh na hóige ar bheartais an Aontais a fhíorú.
Tá daoine óga de dhíth ar an Aontas Eorpach. Sin é an fáth nach mór d’institiúidí an Aontais beart a dhéanamh chun Eoraip atá dírithe ar an aos óg a chur ar fáil. Cé gur le linn na míosa seo chugainn a mhúnlófar an cruth nua a bheidh ar Pharlaimint na hEorpa agus a thosóidh an Coimisiún Eorpach ag ullmhú dá chéad théarma oifige eile san fhómhar, leanfaidh CESE d’infheistíocht bhreise i ndaoine óga a chur chun cinn: seo an t-am ceart le céim chun cinn a ghlacadh!
Agus an samhradh linn anois, ba mhaith liom an deis seo a thapú chun buíochas ó chroí a ghabháil leis na comhghleacaithe go léir a d’fhág gurbh fhéidir cloch mhíle mhór eile a bhaint amach dár gCoiste.
Stop a chur le dúshaothrú na n-oiliúnaithe (le Nicoletta Merlo)
Léargas ar an óige san Aontas Eorpach: tá an tionscnamh ceannródaíoch de chuid CESE, Promhadh na hóige ar bheartais an Aontais, ag dul ó neart go neart
Mar a bhaineann Tionól Náisiúnta na Fraince leas as vótáil na n-óg (le Christophe Préault, Touteleurope.eu)
Cén bealach le teagmháil a choinneáil le Glúin ‘TikTok’? (le Rieke Smit, Social News Daily / #UseTheNews)
Stop a chur le dúshaothrú na n-oiliúnaithe (le Nicoletta Merlo)
Léargas ar an óige san Aontas Eorpach: tá an tionscnamh ceannródaíoch de chuid CESE, Promhadh na hóige ar bheartais an Aontais, ag dul ó neart go neart
Mar a bhaineann Tionól Náisiúnta na Fraince leas as vótáil na n-óg (le Christophe Préault, Touteleurope.eu)
Cén bealach le teagmháil a choinneáil le Glúin ‘TikTok’? (le Rieke Smit, Social News Daily / #UseTheNews)
Is bealach iad na tréimhsí oiliúna do dhaoine óga chun dul i dtaithí ar shaol na hoibre, agus bealach le treoir agus oiliúint a fháil. Tá forbairt mhór tagtha ar na tréimhsí oiliúna ar fud na hEorpa, a bhuíochas sin le Clár Ráthaíochta na hEorpa le haghaidh an Aosa Óig i measc rudaí eile. Sa Mholadh ón gComhairle maidir le Creat Cáilíochta le haghaidh Cúrsaí Oiliúna (2014), tugadh treoirlínte luachmhara do na Ballstáit chun an ionstraim a chur chun feidhme.
Is bealach iad na tréimhsí oiliúna do dhaoine óga chun dul i dtaithí ar shaol na hoibre, agus bealach le treoir agus oiliúint a fháil. Tá forbairt mhór tagtha ar na tréimhsí oiliúna ar fud na hEorpa, a bhuíochas sin le Clár Ráthaíochta na hEorpa le haghaidh an Aosa Óig i measc rudaí eile. Sa Mholadh ón gComhairle maidir le Creat Cáilíochta le haghaidh Cúrsaí Oiliúna (2014), tugadh treoirlínte luachmhara do na Ballstáit chun an ionstraim a chur chun feidhme.
Is trua a rá gur tharla mí-úsáid agus saobhadh le himeacht ama ar an gcaoi a dtugtar faoi chúrsaí oiliúna, agus tháinig méadú ar chásanna dúshaothraithe ar oiliúnaithe óga a úsáideadh chun oibrithe a ionadú, oiliúnaithe nár tugadh luach saothair dóibh agus iad gan coimirce a ndóthain agus gan cosaint shóisialta dá réir.
Ar an ábhar sin, tacaíonn CESE leis an aidhm atá ag an gCoimisiún Eorpachh is é sin feabhas a chur ar an gcreat cáilíochta le haghaidh cúrsaí oiliúna ar fud na hEorpa, go háirithe an t-ábhar foghlama agus oiliúna a neartú, sin idir mhí-úsáid na gcúrsaí oiliúna agus an drochíde a thugtar do na hoiliúnaithe a chomhrac.
Mar sin féin, ní thugann an dá thogra ón gCoimisiún aghaidh ach ar chuid de na saincheisteanna – an Moladh nuashonraithe ón gComhairle agus Treoir san áireamh – agus tá gnéithe díobh ann atá crosta go leor:
tagraíonn siad gan idirdhealú do gach cineál tréimhse oiliúna, gan na difríochtaí atá ann faoi láthair idir na cineálacha éagsúla tréimhsí oiliúna gona gcuspóirí nó gona n-iarratais éagsúla sna Ballstáit a chur san áireamh go sásúil;
ní fhoráiltear do na bearta is gá chun mí-úsáid na dtréimhsí oiliúna réamhtheachtacha a chosc, go díreach mar atá easpa rialacha ceangailteacha ann chun caighdeáin na cáilíochta a ardú;
a mhéid a bhaineann leis an togra le haghaidh treorach, leis an raon feidhme srianta do na hoiliúnaithe a mheastar a bheith ina n-oibrithe nó atá i gcaidreamh fostaíochta — rud is amhlaidh i níos lú ná leath de na Ballstáit — cuirtear teorainn le raon na dtairbhithe agus tá an baol ann nach mbainfear amach na torthaí a bhfuil súil leo.
Is éard is dóigh liom fein, chun cáilíocht na gcúrsaí oiliúna a fheabhsú, ba cheart, ar an gcéad dul síos, na híoschritéir cháilíochta a shocrú do gach cineál cúrsa oiliúna, rud a chuirfeadh teorainn lena n-úsáid go réamhtheachtach. Ba cheart go soláthródh na critéir sin coimircí bunúsacha agus béim láidir ar oiliúint chomh maith le gealltanais chun cur i gcoinne gach cás mí-úsáide le bearta iomchuí, lena n-áirítear neartú an chórais cigireachta.
Rud eile; ionas go mbeidh rochtain ag cách ar an tréimhse oiliúna, cé nach féidir linn labhairt go ginearálta ar phá ós rud é nach meastar gur oibrithe iad na hoiliúnaithe i bhformhór na gcásanna agus ós amhlaidh a mheastar go bhfuil an tréimhse oiliúna lasmuigh den chomhthéacs fostaíochta den chuid is mó, ba thábhachtach deireadh a chur le tréimhsí oiliúna gan íocaíocht trí liúntas éigeantach nach ndéantar paraiméadarú air ach amháin ar bhonn na gcúraimí agus na bhfreagrachtaí atá i gceist leis an tréimhse oiliúna, ach liúntas ina gcuirtear san áireamh freisin aon speansas a thabhaíonn na oiliúnaithe chun an taithí sin a fháíl.
Agus an focal scoir: ba cheart aird bhreise a thabhairt ar an ról a d’fhéadfadh a bheith ag na comhpháirtithe sóisialta i gcur chun feidhme an rialacháin ar an leibhéal náisiúnta agus san fhaireachán agus sa rialú ar úsáid na hionstraime.
le Rieke Smit, eagarthóir Social News Daily/ #UseTheNews
Iriseoir óg an t-aoi speisialta atá linn inniu, Rieke Smit ó #UseTheNews. Is tionscnamh ó DPA, gníomhaireacht nuachta Ghearmánach, é #UseTheNews atá dírithe ar aird Ghlúin Z ar an nuacht agus é mar sprioc aige inniúlacht na glúine sna meáin chumarsáide a fheabhsú. De réir na bhfigiúirí, tá sciar na ndaoine idir 18 agus 24 bliana d’aois a chuireann spéis sa nuacht faoi bhun an tríú cuid agus is ar TikTok, agus air sin amháin, a fhaigheann 23 % díobh a gcuid nuachta. Agus an scéal sin amhlaidh, scríobh Rieke píosa maidir leis an mbealach le haird Ghlúin Z a fháil ar Tiktok agus ar ardáin eile na meán sóisialta, agus faoin gcaoi le spéis a mhúscailt iontu i nuacht thábhachtach, nuacht a bhfuil tionchar díreach aici ar a saol.
le Rieke Smit, eagarthóir Social News Daily/ #UseTheNews
Iriseoir óg an t-aoi speisialta atá linn inniu, Rieke Smit ó #UseTheNews. Is tionscnamh ó DPA, gníomhaireacht nuachta Ghearmánach, é #UseTheNews atá dírithe ar aird Ghlúin Z ar an nuacht agus é mar sprioc aige inniúlacht na glúine sna meáin chumarsáide a fheabhsú. De réir na bhfigiúirí, tá sciar na ndaoine idir 18 agus 24 bliana d’aois a chuireann spéis sa nuacht faoi bhun an tríú cuid agus is ar TikTok, agus air sin amháin, a fhaigheann 23 % díobh a gcuid nuachta. Agus an scéal sin amhlaidh, scríobh Rieke píosa maidir leis an mbealach le haird Ghlúin Z a fháil ar Tiktok agus ar ardáin eile na meán sóisialta, agus faoin gcaoi le spéis a mhúscailt iontu i nuacht thábhachtach, nuacht a bhfuil tionchar díreach aici ar a saol.
Tá glúin á cailleadh againn... Ar a laghad, sin mar a mhothaíonn sé. Tá an nuacht a bhíonn á cur amach againn na laethanta seo i ngan fhios do Ghlúin Z. Is lú ná duine as gach triúr líon na ndaoine idir 18 agus 24 bliana d’aois a chuireann spéis sa nuacht. Is airde an céatadán sin fós maidir le daoine faoi bhun 18 mbliana d’aois.
Ní feiniméan nua é seo i gcoitinne. Tá cloiste ag gach aon duine na laethanta seo faoi thuirse nuachta agus seachaint nuachta. Anuas ar an méid sin, tá tionchairí agus ardáin ar a mbíonn físeáin ghairide á gcomhroinnt ag dul ó neart go neart, go háirithe i measc daoine óga, mar a dheimhnítear sa Tuarascáil is déanaí ar an Nuacht Dhigiteach ó Institiúid Reuters um Léinn na hIriseoireachta.
Tá aird an aosa óig ar an nuacht ag dul i laghad le tamall anuas toisc nach mbíonn sé éasca orthu nuacht iontaofa a aimsiú ar ardáin ar nós TikTok. Rud eile de, ní fheictear dóibh an bhaint atá ag an nuacht lena saol féin. Tháinig an pointe sin chun cinn i bhfreagra a thug cailín 16 bliana d’aois i staidéar #UseTheNews dár gcuid. Lón machnaimh atá sa phointe sin faoin treocht scanrúil seo. Is é an cheist mhór atá ann ná: Conas is féidir linn aird ghlúin TikTok a tharraingt?
Ar an gcéad dul síos, caithfimid dul ar na hardáin ar a bhfuil siadsan, agus nuacht, dearcthaí agus faisnéis chúlra a scaipeadh. Ina dhiaidh sin, ní mór dúinn a chur in iúl do dhaoine óga cén fáth a bhfuil sé chomh tábhachtach sin dá saol fanacht ar an eolas faoi chúrsaí reatha. Má dhéanaimid é sin, neartóimid – is maith mar a tharlaíonn – litearthacht daoine óga sna meáin chomh maith.
Sin is aidhm don tionscnaimh #UseTheNews agus foireann eagarthóireachta Social News Daily, ar thug siad orthu féin é ‘Bliain na Nuachta’ a dhéanamh de 2024 d’fhonn an tsochaí agus an daonlathas a neartú trí litearthacht nuachta a mhéadú, i measc déagóirí agus aosaigh óga go háirithe.
Tugann Social News Daily aghaidh ar an dúshlán sin trí nuacht a scaipeadh ar TikTok, ar Instagram agus ar YouTube. Nuacht? Ar na meáin shóisialta? Cad é mar a oibríonn sé sin? Bhuel trí leas a bhaint as na modhanna a thuig lucht na gcruthaitheoirí i bhfad romhainn: is féidir leat a bheith ag cur smideadh ort, a bheith ag cócaireacht nó a bheith amuigh ar shiúlóid agus fós a bheith ag labhairt faoi ábhair throma. Sin go díreach a dhéanaimid ag SND – ach leis an nuacht.
Nósanna féachana lucht úsáidte na meán a athrú: is é sin atáimid ag iarraidh a dhéanamh trí dhul i ngleic le hábhair ollmhóra laistigh d’fhíseáin 40 soicind. Caithfimid freisin a chur in iúl don déagóir 16 bliana d’aois cén tábhacht atá ag an méid sin dó/di i saol an lae inniu.
Bíonn clicmhealladh á úsáid againn leis – ach gan na caighdeáin iriseoireachta a ligean le sruth. An chúis? Mar ní bhíonn ach dhá shoicind agat ar TikTok aird an úsáideora a fháil. Mura spreagann an físeán fiosracht an úsáideora san am fíorghairid sin, ní bhreathnóidh duine ar bith air. Leis sin, cuirimid ceist chonspóideach nó tugaimid fíric neamhghnách ar dtús – i.e. clicmhealladh a úsáid le haird an lucht féachana a fháil – ach tugaimid na freagraí ag deireadh an fhíseáin fós. Ar an gcaoi sin, fanann an t-úsáideoir linn agus, i ngan fhios dó/di féin, súnn sé/sí isteach ábhar iriseoireachta. Agus sin é?
An leor é sin chun eagraíocht meán a bhunú ar na meáin shóisialta? A fhad ar a ghiorracht, ní leor. Is gá tuilleadh pointí teagmhála a bheith ann idir daoine óga agus iriseoirí. Sin d’fhonn muinín sna meáin a neartú agus trédhearcacht a chur san iriseoireacht. Is féidir sin a dhéanamh, mar shampla, trí na múinteoirí a spreagadh le hinniúlachtaí meán a chur chun cinn sna scoileanna nó trína thuilleadh teagmhála idir an seomra ranga agus oifigí eagarthóireachta a bhunú, mar atá á dhéanamh againn leis na ‘Tionscadail shamplacha’ agus ‘Newscamps’ faoi #UseTheNews.
Tá an deis ann, má táimid san áit ina bhfuil na daoine óga, bíodh sé sin ar scoil, ag féile, nó ar na meáin shóisialta, agus má thosaímid comhrá leo faoin mbréagnuacht, faoi na meáin agus faoi impleachtaí an méid sin, tá an deis ann go dtabharfaidh Glúin Z aird ar an nuacht arís eile.
Agus Rieke ina heagarthóir ar dualgas, coinníonn sí súil ar an obair eagarthóireachta laethúil ag Social News Daily (SND). Ó 2021, bíonn róil éagsúla á ndéanamh ag Rieke le #UseTheNews. Inniu tá sí freagrach as pleanáil, comhordú agus formheas ábhar SND. Tar éis di céim bhaitsiléara agus céim mháistreachta a chur i gcrích i réimsí na hiriseoireachta agus na cabhrach daonnúla, thug sí faoi thréimhse oiliúna le FUNKE Zentralredaktion.
Fiosraíonn #UseTheNews, tionscnamh de chuid na gníomhaireacht nuachta Gearmánaí, DPA, bun agus barr inniúlachtaí na ndaoine óga sna meáin. Le cabhair ó Institiúid Leibniz um Thaighde sna Meáin, déantar formáidí nuálacha nuachta a fhorbairt i saotharlann litearthachta nuachta agus ag deasc na nuachta sóisialta. Ina theannta sin, cuireann #UseTheNews ceardlanna ar siúl do mhúinteoirí agus cuireann sé ábhair ar fáil dóibh. Tacaíonn roinnt mhaith comhpháirtithe ó na meáin, ón saol acadúil agus ón lucht taighde leis an tionscadal seo, agus Bord Iontaobhaithe ann ina bhfuil daoine mór le rá ó na meáin agus ón saol polaitiúil.
