Għal kważi 500 atleta Ukrena maqtula fil-gwerra li r-Russja qed twettaq kontra pajjiżhom, il-ħolma li jieħdu sehem fl-Olimpjadi, jew kwalunkwe kompetizzjoni sportiva futura, inqerdet għal dejjem. Biex iżżomm il-memorja tagħhom ħajja, l-NGO Ukrena BRAND UKRAINE qed tirrakkonta storja traġika ta’ sitt atleti deċeduti biex, għal mument qasir biss, tqajjimhom mill-mewt permezz tal-intelliġenza artifiċjali. Tkellimna ma’ Tim Makarov, Kap tat-Tim Digital & Content ta’ BRAND UKRAINE, li qalilna li l-idea aħħarija tal-proġett, li ġie ppreżentat fil-Logħob ta’ Pariġi, kienet li n-nies jieqfu u jaħsbu dwar il-valur tal-ħajja tal-bniedem.
Għal kważi 500 atleta Ukrena maqtula fil-gwerra li r-Russja qed twettaq kontra pajjiżhom, il-ħolma li jieħdu sehem fl-Olimpjadi, jew kwalunkwe kompetizzjoni sportiva futura, inqerdet għal dejjem. Biex iżżomm il-memorja tagħhom ħajja, l-NGO Ukrena BRAND UKRAINE qed tirrakkonta storja traġika ta’ sitt atleti deċeduti biex, għal mument qasir biss, tqajjimhom mill-mewt permezz tal-intelliġenza artifiċjali. Tkellimna ma’ Tim Makarov, Kap tat-Tim Digital & Content ta’ BRAND UKRAINE, li qalilna li l-idea aħħarija tal-proġett, li ġie ppreżentat fil-Logħob ta’ Pariġi, kienet li n-nies jieqfu u jaħsbu dwar il-valur tal-ħajja tal-bniedem.
Kif feġġet l-idea għall-proġett?
Din l-idea nibtet fl-aġenzija BBDO ta’ Berlin. Ġie propost kunċett qafas, idea, biex tintwera l-istorja traġika tal-atleti Ukreni li ma setgħux jipparteċipaw fl-Olimpjadi. L-aġenzija ġiet għandna bil-kunċett, u aħna żviluppajna l-idea u estendejna ċ-ċirku ta’ msieħba, billi laqqajna l-Ministeru Ukren taż-Żgħażagħ u l-Isport u dak tal-Affarijiet Barranin u l-Uffiċċju tal-President tal-Ukrajna. Ħdimna flimkien fuq it-tfassil finali tal-proġett, mentri l-parti teknika baqgħet f’idejn il-BBDO. Bnejna strateġija ta’ komunikazzjoni, u pprovdejna distribuzzjoni tal-kontenut u appoġġ legali. Il-proġett ġie ppreżentat f’Volia House, is-sit uffiċjali tal-Ukrajna fl-Olimpjadi ta’ Pariġi, bis-saħħa wkoll tal-parteċipazzjoni ta’ ċerti influwenzaturi.
Kemm kien diffiċli li jinġabru stejjer u li jsir il-filmat?Liema tekniki ntużaw biex “tingħata ħajja mill-ġdid” lill-protagonisti?
L-idea nnifisha hija sempliċi u ċara ħafna – li nirrakkontaw l-istejjer tal-atleti Ukreni li mietu traġikament u noħolqu l-avatars diġitali tagħhom. Għamilna biċċa xogħol inkredibbli. Użajna reġistrazzjonijiet tal-vuċi li ġew iddiġitalizzati, użajna ritratti tal-arkivji u materjali tal-vidjow, u pproċessajna dan kollu bl-għajnuna tal-IA. L-għan tagħna kien li noħolqu kopja diġitali tal-persuna li tkun umana ħafna, ritratt misterjuż li jkun kemm reali kif ukoll irreali. Din kienet l-intenzjoni. L-istejjer tagħhom huma b’saħħithom ħafna, u msaħħa bit-teknoloġija tal-IA, ma jħallu lil ħadd indifferenti. Se nkun onest – dan il-proġett huwa “fix-xifer” ħafna. Meta ddiskutejnieh, bżajna li mhux se jinftiehem, li minħabba s-sens ta’ skumdità li jqanqlu l-filmati, in-nies ma jarawx ir-realtà ġenwina, il-vulnerabbiltà, l-uġigħ u d-disprament li esprimejna fil-kliem tal-atleti mejtin. Il-proġett jippreżenta idea sempliċi ħafna – persuni li sinċerament iħobbu lil pajjiżhom, li jixtiequ jgħixu u jiksbu riżultati, isiru vittmi taċ-ċirkostanzi meta l-ħolm, il-pjani u ħajjiethom jintemmu ħabta u sabta. Iżda għandhom jiġu mfakkra. Kull att għandu prezzu u sikwit jitkejjel f’termini ta’ ħajjiet u destini tal-bniedem.
Żgur li kienet diffiċli ħafna għall-familji tal-atleti li nqatlu biex jieħdu sehem fil-proġett u jaraw il-filmati. X’feedback irċevejt mingħandhom fl-aħħar?
Naturalment, proġett bħal dan seta’ jsir biss bil-kunsens tal-eqreb qraba. Dan huwa punt estremament importanti: urejniehom u spjegajnielhom x’konna se nagħmlu. Kien hemm diversi tużżani ta’ stejjer fil-lista twila – iżda fl-aħħar, qbilna fuq sitta biss. Dan kollu involva ġimgħat ta’ negozjati kkumplikati. Iżda meta urejna r-riżultat finali, il-ġenituri ma setgħux iżommu lura d-dmugħ. Qalulna: “Grazzi. Qed tagħmlu biċċa xogħol straordinarja li se żżomm ħajja l-memorja ta’ uliedna.” Sa fejn naf jien, ħadd ma ddispjaċih li ħa sehem. Iffirmajna d-dokumenti legali kollha meħtieġa, u huwa biss wara dan li l-proġett ingħata l-approvazzjoni. Kollox kien lest għal-Logħob Olimpiku, u morna Pariġi għal ġimagħtejn biex nuru u nirrakkontaw sitt stejjer straordinarji. Tali livell ta’ suċċess ma kienx mistenni – ir-reazzjoni għall-proġett qabżet l-aspettattivi kollha tagħna. U dan mhuwiex sorprendenti, peress li fid-dinja moderna tal-komunikazzjoni globali stejjer veri jipprovokaw emozzjonijiet kumplessi u kontradittorji.
X’inhu l-messaġġ ewlieni tal-proġett – x’tittama li jiftakru t-telespettaturi wara li jaraw il-filmati?
BRAND UKRAINE hija impenjata biex ixxerred il-verità dwar l-Ukrajna u r-realtajiet tagħha fil-kuntest tal-aggressjoni Russa. Għal dan l-għan nużaw stejjer umani. Ninsab ċert li dawn iwasslu bl-aħjar mod l-uġigħ, il-kburija, l-entużjażmu, ir-rebħiet u t-telfiet tagħna, dak li jagħmilna bnedmin, nazzjon b’saħħtu u kuraġġuż. Din hija l-missjoni tagħna – mhux biss li nitkellmu dwar l-Ukrajna, iżda wkoll li nagħmluha lovemark (kunċett li jevoka konnessjoni emottiva profonda) għad-dinja kollha. Din hija l-linja li qed naħdmu fuqha issa u se jkun hemm aktar proġetti kbar bħal dan li jmissu l-qlub tan-nies u jagħtu opportunità biex wieħed jieqaf u jaħseb dwar il-valur tal-ħajja tal-bniedem.
Tistgħu taraw il-filmati u r-ritratti hawnhekk u fuq Instagram:
Tim Makarov huwa l-Kap tat-Tim Content & Digital ta’ BRAND UKRAINE. Huwa għandu 20 sena esperjenza fil-ġurnaliżmu, il-kummerċjalizzazzjoni u l-komunikazzjoni diġitali. Il-vokazzjoni tiegħu hija li jirrakkonta l-istejjer u joħloq proġetti li jbiddlu d-dinja għall-aħjar.
L-Assoċjazzjoni tal-Għajnejn Netherlandiża (Oogvereniging), bl-għajnuna tan-network tal-Unjoni Ewropea għall-Għomja (EBU), nediet l-inizjattiva tal-Aċċessibbiltà għall-Isport, li tfittex li toffri soluzzjonijiet prattiċi dwar kif jistgħu jitneħħew l-ostakli li jiskoraġġixxu lill-persuni għomja u b’vista parzjali milli jingħaqdu ma’ klabbs u assoċjazzjonijiet sportivi fl-UE. Attivist u voluntier tad-diżabilità għal Oogvereniging u EBU, Peter van Bleijswijk, jitkellem fit-tul dwar dal-proġett kollaborattiv rivoluzzjonarju, li jwitti t-triq għal sport verament inklużiv. Tista’ tgħin ukoll billi twieġeb għall-istħarriġ dwar l-aċċessibbiltà tal-attivitajiet sportivi u rikreattivi għal persuni b’vista batuta fir-rokna tiegħek tal-Ewropa.
L-Assoċjazzjoni tal-Għajnejn Netherlandiża (Oogvereniging), bl-għajnuna tan-network tal-Unjoni Ewropea għall-Għomja (EBU), nediet l-inizjattiva tal-Aċċessibbiltà għall-Isport, li tfittex li toffri soluzzjonijiet prattiċi dwar kif jistgħu jitneħħew l-ostakli li jiskoraġġixxu lill-persuni għomja u b’vista parzjali milli jingħaqdu ma’ klabbs u assoċjazzjonijiet sportivi fl-UE. Attivist u voluntier tad-diżabilità għal Oogvereniging u EBU, Peter van Bleijswijk, jitkellem fit-tul dwar dal-proġett kollaborattiv rivoluzzjonarju, li jwitti t-triq għal sport verament inklużiv. Tista’ tgħin ukoll billi twieġeb għall-istħarriġ dwar l-aċċessibbiltà tal-attivitajiet sportivi u rikreattivi għal persuni b’vista batuta fir-rokna tiegħek tal-Ewropa.
Min Peter van Bleijswijk
Fl-insegwiment ta’ inklużività vera fl-isport, l-inizjattiva tal-Aċċessibbiltà għall-Isport min-Netherlands qed twitti triq ġdida billi tiffoka fuq l-isfidi uniċi li jiffaċċjaw persuni għomja u b’vista parzjali. Dan il-proġett li jħares ’il quddiem għandu l-għan li jindirizza u jelimina l-ostakli li jipprevjenu lill-persuni neqsin mid-dawl milli jipparteċipaw bis-sħiħ fl-attivitajiet sportivi u fiżiċi fi klabbs u assoċjazzjonijiet sportivi.
Il-proġett huwa mibni fuq fehim profond tal-ostakli li jiffaċċjaw dawn l-individwi. Wara riċerka estensiva u esperimenti preċedenti, l-Aċċessibbiltà għall-Isport identifikat 10 ostakli ewlenin, li jinkludu d-disponibbiltà ta’ coaching speċjalizzat, programmi ta’ akkumpanjament, l-aċċessibbiltà fiżika tal-faċilitajiet sportivi u kwistjonijiet ta’ trasport. Dawn l-ostakli spiss jiġu injorati iżda għandhom rwol sinifikanti fil-prevenzjoni ta’ persuni b’vista batuta milli jgawdu l-benefiċċji tal-isport.
Biex tindirizza dawn l-isfidi b’mod dirett, l-inizjattiva introduċiet il-kunċett ta’ “Sport proeftuinen”, jew “Sport Labs”. Dawn il-laboratorji huma stabbiliti fi klabbs sportivi eżistenti jew bi sħubija ma’ fornituri tal-isport, u b’hekk jinħoloq ambjent tad-dinja reali biex jiġu ttestjati soluzzjonijiet potenzjali. Għal kull ostaklu identifikat, jiġu proposti u ttestjati tliet soluzzjonijiet differenti. Is-soluzzjoni l-aktar effettiva mbagħad tiġi rfinata u ttestjata diversi drabi biex jiġu żgurati l-prattiċità u l-effettività tagħha.
Is-sejbiet minn dawn l-esperimenti jinġabru fi “Pjan ta’ Azzjoni għall-Isport Diġitali”, gwida komprensiva li se tkun disponibbli għall-klabbs, il-fornituri u l-muniċipalitajiet sportivi. Il-pjan ta’ azzjoni għandu l-għan li jservi bħala riżorsa għat-titjib tal-aċċessibbiltà u l-inklużività fl-isport, billi jipprovdi soluzzjonijiet prattiċi li jistgħu jiġu implimentati f’diversi kuntesti.
L-ambizzjoni tal-proġett mhijiex limitata għan-Netherlands. Reċentement, l-Aċċessibbiltà għall-Isport għamlet kuntatt mal-imsieħba Ewropej, inkluża l-EBU, biex tiġbor għarfien u l-aħjar prattiki minn pajjiżi differenti. L-inizjattiva ntlaqgħet b’entużjażmu, u bosta organizzazzjonijiet u pajjiżi esprimew ir-rieda li jipparteċipaw fiha. Din il-kollaborazzjoni Ewropea tfittex li ttejjeb l-aċċessibbiltà u l-inklużività tal-isport fuq skala usa’, waqt li tiżgura li l-individwi b’vista batuta madwar il-kontinent ikunu jistgħu jibbenefikaw mill-isforz.
Is-saħħa tal-Aċċessibbiltà għall-Isport tinsab fl-approċċ kollaborattiv tagħha. Il-proġett huwa appoġġjat minn koalizzjoni ta’ gvernijiet lokali, l-Assoċjazzjoni tal-Għajnejn Netherlandiża, iċ-Ċentru tal-Għarfien għall-Isport u l-Attività Fiżika, l-Unjoni tal-Atletika u organizzazzjonijiet oħra ddedikati għall-promozzjoni tal-inklużività. Billi tlaqqa’ flimkien dawn id-diversi msieħba, l-inizjattiva tingrana firxa wiesgħa ta’ għarfien espert u riżorsi biex jinħolqu soluzzjonijiet sostenibbli u li jħallu impatt.
Hekk kif il-proġett ikompli jżid il-momentum, l-Aċċessibbiltà għall-Isport qed tappella għal aktar parteċipazzjoni mill-istituzzjonijiet edukattivi Ewropej u mill-organizzazzjonijiet tas-saħħa tal-għajnejn. It-tim iqis dan bħala pass kruċjali lejn it-trawwim ta’ kultura sportiva verament inklużiva madwar l-Ewropa, fejn kulħadd, irrispettivament mill-ħiliet viżivi tiegħu, jista’ jipparteċipa fl-isport u jgawdi minnu.
L-aċċessibbiltà għall-Isport hija aktar minn sempliċiment proġett; hija moviment lejn futur fejn ħadd ma jitħalla fil-ġenb. Permezz tal-isforzi kkombinati ta’ msieħba ddedikati madwar l-Ewropa, l-inizjattiva għandha l-għan li tagħmel impatt dejjiemi fuq l-aċċessibbiltà tal-isport, waqt li twitti t-triq għal ambjent aktar inklużiv u ekwu għal kulħadd.
Peter van Bleijswijk, eks direttur tal-innovazzjoni, il-ġestjoni tal-faċilitajiet u l-ICT u maniġer f’organizzazzjonijiet kemm bi skop ta’ qligħ kif ukoll mingħajr skop ta’ qligħ, f’dawn l-aħħar snin iffoka fuq il-promozzjoni tal-interessi tal-klijenti. Huwa impenjat b’mod attiv għall-inklużjoni u t-titjib tal-aċċessibbiltà tal-isport għal persuni għomja u b’vista parzjali. Barra minn hekk, huwa jservi bħala voluntier iddedikat għall-Assoċjazzjoni tal-Għajnejn Netherlandiża u l-EBU u huwa involut b’mod attiv fil-gruppi ta’ ħidma li jikkollaboraw mal-gvernijiet lokali u nazzjonali. Xogħlu għandu għeruq fondi fid-dedikazzjoni għat-titjib tal-kwalità tal-ħajja u l-ħolqien ta’ opportunitajiet indaqs għall-gruppi vulnerabbli fis-soċjetà.
L-idroġenu ekoloġiku huwa wieħed mill-elementi kostitwenti tat-tranżizzjoni tal-enerġija tagħna, li jagħmel l-introduzzjoni rapida tiegħu importanti ferm għas-sistema tal-enerġija futura kif ukoll għall-benesseri ekonomiku u soċjali tal-UE.
L-idroġenu ekoloġiku huwa wieħed mill-elementi kostitwenti tat-tranżizzjoni tal-enerġija tagħna, li jagħmel l-introduzzjoni rapida tiegħu importanti ferm għas-sistema tal-enerġija futura kif ukoll għall-benesseri ekonomiku u soċjali tal-UE.
Madankollu, l-istabbiliment tal-provvista, id-domanda, l-infrastruttura u l-produzzjoni fir-rigward tal-idroġenu jinvolvi firxa ta’ sfidi. L-idroġenu huwa sew għali sew jiddependi minn kundizzjonijiet qafas adatti. Minn naħa, l-ewwel irridu nimmiraw l-użu tiegħu f’setturi li diffiċilment jiġu elettrifikati, u bħala mezz ta’ ħżin tal-enerġija. Min-naħa l-oħra, irridu niżguraw li jinħolqu l-kundizzjonijiet meħtieġa għal espansjoni rapida u effiċjenti tal-infrastruttura tal-idroġenu.
Tliet punti huma partikolarment kruċjali hawnhekk:
Għandu jiġi żgurat il-finanzjament meħtieġ tal-infrastruttura. Peress li biex tinbena infrastruttura tat-trasport ser ikun hemm kostijiet sinifikanti, il-KESE jenfasizza l-importanza tal-allokazzjoni effiċjenti tar-riżorsi. Dan ser jirrikjedi ppjanar intelliġenti u integrat, inkluż bejn il-fruntieri, u reġim regolatorju li jippermetti l-investimenti meħtieġa fl-infrastruttura waqt li tiġi promossa s-sostenibbiltà ambjentali tas-sistema tal-enerġija kollha kemm hi u jiġu protetti l-utenti tan-network minn tariffi eċċessivi tan-network. Fl-istess ħin, ċertament jeħtieġ li jiġu evitati piżijiet addizzjonali fil-forma ta’ sussidjar reċiproku tal-grilji tal-idroġenu mill-utenti tal-grilja tal-gass. Dan huwa partikolarment importanti peress li l-utenti futuri tal-infrastruttura tal-grilja tal-idroġenu jvarjaw b’mod konsiderevoli mill-utenti tal-grilja tal-gass tal-lum il-ġurnata. Għalhekk, huwa importanti li jiġi applikat kemm jista’ jkun il-prinċipju ta’ min juża jħallas u b’hekk jiġi żgurat li l-infrastruttura tal-idroġenu tiġi ffinanzjata primarjament mill-utenti ta’ tali infrastruttura.
Minbarra l-finanzjament, trid tiġi żgurata l-forza tax-xogħol meħtieġa għall-espansjoni u l-produzzjoni. Minbarra l-ħolqien ta’ impjiegi ġodda ta’ kwalità tajba, ir-riallokazzjoni tal-ħaddiema eżistenti hija partikolarment importanti. Dan ifisser li l-ħaddiema eżistenti jeħtieġ li jitħarrġu kif imiss, u jitħarrġu mill-ġdid u aħjar, u l-forza tax-xogħol jeħtieġ li tinżamm billi jiġu offruti kundizzjonijiet tax-xogħol tajbin. Pereżempju, l-operaturi tan-network jeħtieġ li jkunu marbuta bi ftehimiet kollettivi konswetudinarji u l-kundizzjonijiet tax-xogħol jeħtieġ li jittejbu biex jattiraw ħaddiema tas-sengħa. Il-KESE jappella għalhekk għal djalogu soċjali effiċjenti u konklużiv fis-settur tal-gass kemm fil-livell Ewropew kif ukoll f’dak nazzjonali.
Trid tiġi żgurata ċertifikazzjoni uniformi, traċċabbli u obbligatorja tal-idroġenu prodott minn skema ċentrali tal-UE. Minbarra l-kriterji ambjentali, dawn l-iskemi ta’ ċertifikazzjoni jeħtieġ li jiggarantixxu wkoll standards soċjali. Dawn għandhom jinkludu kundizzjonijiet tax-xogħol ġusti u sikuri u konformità mad-drittijiet tax-xogħol, dawk soċjali u tat-trade unions.
Għalhekk, il-KESE jistieden lill-Kummissjoni teżamina mill-ġdid l-istrateġija għall-idroġenu, li ġustament ġiet ikkritikata mill-Qorti Ewropea tal-Awdituri. F’kooperazzjoni mas-soċjetà ċivili fil-livell nazzjonali u Ewropew, għandu jiġi żgurat li titfassal strateġija komprensiva, li tqis iċ-ċertifikazzjoni, il-finanzjament, il-ħtiġijiet tax-xogħol, il-promozzjoni u l-protezzjoni tal-konsumatur. Huwa biss meta dan iseħħ li l-industrija Ewropea tal-idroġenu jista’ jkollha futur sabiħ.
Il-mistieden sorpriża tagħna huwa l-eks weightlifter Grieg u rebbieħ ta’ tliet midalji tad-deheb fl-Olimpjadi, Pyrros Dimas, li spjegalna x’jolqtu fil-Logħob Olimpiku. Minkejja l-fatt li, maż-żmien, l-Olimpjadi ndiblu b’ħafna modi, il-prinċipji tal-Olimpiżmu u l-emozzjonijiet tal-atleti kompetituri baqgħu l-istess bħal qatt qabel.
Il-mistieden sorpriża tagħna huwa l-eks weightlifter Grieg u rebbieħ ta’ tliet midalji tad-deheb fl-Olimpjadi, Pyrros Dimas, li spjegalna x’jolqtu fil-Logħob Olimpiku. Minkejja l-fatt li, maż-żmien, l-Olimpjadi ndiblu b’ħafna modi, il-prinċipji tal-Olimpiżmu u l-emozzjonijiet tal-atleti kompetituri baqgħu l-istess bħal qatt qabel.
Is-Sur Dimas huwa Viċi President tal-Federazzjoni Internazzjonali tal-Irfigħ tal-Piżijiet u l-kowċ tat-tim nazzjonali tal-Istati Uniti tal-Amerka. Huwa rebaħ tliet midalji tad-deheb u midalja waħda tal-bronż fl-Olimpjadi, u kien membru tal-Parlament Grieg u President tal-Federazzjoni Ellenika tal-Irfigħ tal-Piżijiet.
Lest li tibda vjaġġ li jawtonomizzak issir ċittadin Ewropew aktar infurmat, involut u attiv? Kemm jekk student, professjonist żagħżugħ jew membru attiv tal-komunità, il-Passaport għad-Demokrazija Ewropea tal-KESE huwa l-muftieħ biex tagħmel użu sħiħ mid-drittijiet ċiviċi tiegħek.
Lest li tibda vjaġġ li jawtonomizzak issir ċittadin Ewropew aktar infurmat, involut u attiv? Kemm jekk student, professjonist żagħżugħ jew membru attiv tal-komunità, il-Passaport għad-Demokrazija Ewropea tal-KESE huwa l-muftieħ biex tagħmel użu sħiħ mid-drittijiet ċiviċi tiegħek.
Dan il-passaport jipprovdi skedi informattivi, informazzjoni ta’ sfond, gwidi u navigaturi għall-aspetti kollha tad-demokrazija Ewropea moderna, inklużi sett ta’ għodod għall-parteċipazzjoni u manwal dettaljat dwar l-Inizjattiva taċ-Ċittadini Ewropej.
Interessat fl-edizzjoni l-ġdida (2023-2024) tal-fuljett dwar il-Passaport għad-Demokrazija Ewropea? Iktbilna u nibagħtuhulek – issa huwa disponibbli bl-24 lingwa kollha tal-UE.
Tista’ wkoll tikkonsulta l-verżjoni interattiva online bl-Ingliż, bil-Franċiż jew bil-Ġermaniż (se jiżdiedu iżjed lingwi gradwalment), u tidħol f’dinja li fiha l-vuċi tiegħek tagħmel impatt ġenwin! (ep)
Hemm tendenza li xi ġrajjiet jiġu ttikkettati b’mod eċċessiv bħala mumenti u avvenimenti tas-seklu, li jwasslu għal użu eċċessiv ta’ din l-espressjoni. Madankollu, peress li l-Kummissjoni Ewropea l-ġdida waslet biex tiġi ffurmata, ninsabu f’wieħed minn dawk il-mumenti determinanti: il-lemin estrem qed jiżdied u l-iskuntentizza qed tinfirex fil-kontinent kollu, il-gwerra fl-Ukrajna għaddejja sew u hemm il-periklu li l-gwerra ta’ Gaża ssir gwerra reġjonali miftuħa.
Hemm tendenza li xi ġrajjiet jiġu ttikkettati b’mod eċċessiv bħala mumenti u avvenimenti tas-seklu, li jwasslu għal użu eċċessiv ta’ din l-espressjoni. Madankollu, peress li l-Kummissjoni Ewropea l-ġdida waslet biex tiġi ffurmata, ninsabu f’wieħed minn dawk il-mumenti determinanti: il-lemin estrem qed jiżdied u l-iskuntentizza qed tinfirex fil-kontinent kollu, il-gwerra fl-Ukrajna għaddejja sew u hemm il-periklu li l-gwerra ta’ Gaża ssir gwerra reġjonali miftuħa.
Id-damma għadha ma ġietx mitfugħa fuq in-naħa l-oħra tal-Atlantiku, iżda t-tariffi li qed jiżdiedu u l-gwerra kummerċjali li qed tikber maċ-Ċina għadhom hemm, li x’aktarx jirriżultaw f’xokkijiet sussegwenti fil-ktajjen tal-provvista u fil-prezzijiet tal-konsumatur li fl-aħħar mill-aħħar se jinħassu mill-popolazzjoni.
Sadanittant, fir-rebbiegħa, il-Parlament Ewropew u l-Kunsill tal-UE qablu dwar regoli ġodda ta’ awsterità għall-UE, u l-Istati Membri tal-UE “prudenti” jkomplu jimblukkaw riżorsi proprji addizzjonali jew għażliet ta’ self. L-UE qed tiffaċċja pressjoni klimatika, inkwiet soċjali, estremiżmu u faxxiżmu dejjem akbar, kif ukoll l-iskreditar tad-demokrazija u l-awtoritarjaniżmu li qed jiżdied, li – flimkien mat-theddida tal-qerda nukleari u l-gwerra miftuħa fil-fruntieri tagħha – għandhom jagħtu lill-mexxejja tal-UE ftit spinta biex jabbandunaw il-viżjoni qasira u l-ġlied intern tagħhom. Kwalunkwe politika li tinjora (jew li sempliċiment tindirizza b’mod xejn konkret) l-inugwaljanza u l-ġustizzja x’aktarx se tfalli. Iċ-ċittadini huma għajjenin jisimgħu diskorsi u kliem li donnhom jinstemgħu tajbin, imma fil-verità isibu ruħhom dejjem aktar f’sitwazzjonijiet diffiċli u qed jitħabtu biex ilaħħqu mal-ħajja, fejn jaraw biss li l-impjiegi tagħhom qed jisparixxu u l-introjtu tagħhom dejjem jonqos. Il-populiżmu tal-lemin estrem qed jieħu vantaġġ minn dan kollu, waqt li jevita mistoqsijiet fundamentali billi jpoġġi t-tort fuq l-immigranti.
Mingħajr il-ġustizzja soċjali mhu se jkun hemm l-ebda stabbiltà u l-ebda msieħeb affidabbli fi kwalunkwe Stat Membru. U mingħajrha, l-għaqda meħtieġa biex jiġi indirizzat dak li qed tiffaċċja l-UE mhux se tkun hemm. Ejjew nagħmlu progress soċjali l-forza li tgħaqqad wara din il-leġiżlatura l-ġdida tal-UE.
Jien raġel ixxurtjat. L-Olimpjadi f’Pariġi kienu d-disa’ edizzjoni ta’ dan l-avveniment li attendejt. L-ewwel darba kienet f’Barċellona, fl-1992. Ipparteċipajt bħala atleta u tlajt fuq il-podju f’erbgħa edizzjonijiet tal-Logħob. Il-ħames edizzjonijiet l-oħra esperjenzajthom minn kull perspettiva possibbli: bħala spettatur, bħala membru tal-Federazzjoni Internazzjonali tal-Irfigħ tal-Piżijiet u bħala kowċ għat-tim nazzjonali tal-Istati Uniti tal-Amerka.
Jien raġel ixxurtjat. L-Olimpjadi f’Pariġi kienu d-disa’ edizzjoni ta’ dan l-avveniment li attendejt. L-ewwel darba kienet f’Barċellona, fl-1992. Ipparteċipajt bħala atleta u tlajt fuq il-podju f’erbgħa edizzjonijiet tal-Logħob. Il-ħames edizzjonijiet l-oħra esperjenzajthom minn kull perspettiva possibbli: bħala spettatur, bħala membru tal-Federazzjoni Internazzjonali tal-Irfigħ tal-Piżijiet u bħala kowċ għat-tim nazzjonali tal-Istati Uniti tal-Amerka. Matul dawn l-għexieren ta’ snin ta’ ċaqliq fl-isferi Olimpiċi, rajt ħafna bidliet. Apparti l-bliet ospitanti, inbidlu ħafna karatteristiċi fl-Olimpjadi. L-iżviluppi fil-kopertura tat-televiżjoni ppermettew lill-ispettaturi jkunu eqreb tal-atleti, u saħansitra jistgħu jaraw l-emozzjonijiet fuq wiċċhom. L-introduzzjoni ta’ prattiki sportivi ġodda fil-programm Olimpiku ġibdet udjenzi żgħażagħ u familjarizzatna ma’ dixxiplini li qatt ma konna smajna dwarhom. Fl-istess ħin, il-kunċett tas-sigurtà jfakkarna lkoll li qed ngħixu f’dinja imprevedibbli, fi żminijiet ta’ taqlib.
Għalhekk, kollox qed jinbidel fil-Logħob Olimpiku. Kollox ħlief il-prinċipji tal-Olimpiżmu u l-ħolm tal-atleti li qed jieħdu sehem. Fid-dinja tal-lum, l-ideali Olimpiċi huma aktar rilevanti minn qatt qabel. Barra minn hekk, l-Olimpiżmu ta’ spiss ikun qabel iż-żmien tiegħu. Kunċetti bħall-inklużjoni, l-aċċettazzjoni tad-diversità u l-koeżistenza armonjuża ilhom jikkostitwixxu l-ispirtu Olimpiku għal għexieren ta’ snin, ħafna qabel ma ġew diskussi mis-soċjetajiet. Madankollu, bħala sportiv, bħala Olimpjan li jaf kemm huwa diffiċli li tipparteċipa fi sport kompetittiv f’livell daqshekk għoli, jeħtieġ li niffoka primarjament fuq l-atleti. Għal ħafna minn dawn iż-żgħażagħ, il-Logħob Olimpiku jirrappreżenta l-għan tal-eżistenza tagħhom – xi ħaġa li tagħti tifsira lil ħajjithom u li ssawwar il-ħolm tagħhom. Għal din ir-raġuni, u għalija personalment, li nsegwi l-Olimpjadi mhuwiex dwar it-tabella tal-punti jew il-lista ta’ klassifikazzjoni. Insegwi l-Olimpjadi biex nara l-espressjonijiet fuq l-uċuħ tal-atleti, il-ferħ u d-dieqa tagħhom, id-dmugħ u l-entużjażmu tagħhom. Insegwi l-Olimpjadi biex narahom jistinkaw biex jissuperaw lilhom innifishom.
L-impjiegi ta’ għada se jirrikjedu l-ħiliet meħtieġa biex tinkiseb it-tranżizzjoni doppja ekoloġika u diġitali u jiġu indirizzati l-bidliet demografiċi. Meta ninvestu fit-taħriġ u t-taħriġ mill-ġdid, kif nistgħu niżguraw li dawn il-miżuri jilħqu wkoll lil dawk l-aktar vulnerabbli? X’inhuma d-differenzi attwali fil-ħiliet u kif inhuma marbuta mal-faqar?
L-impjiegi ta’ għada se jirrikjedu l-ħiliet meħtieġa biex tinkiseb it-tranżizzjoni doppja ekoloġika u diġitali u jiġu indirizzati l-bidliet demografiċi. Meta ninvestu fit-taħriġ u t-taħriġ mill-ġdid, kif nistgħu niżguraw li dawn il-miżuri jilħqu wkoll lil dawk l-aktar vulnerabbli? X’inhuma d-differenzi attwali fil-ħiliet u kif inhuma marbuta mal-faqar?
Fl-10 ta’ Lulju, il-Grupp tal-Organizzazzjonijiet tas-Soċjetà Ċivili tal-KESE esplora dawn il-mistoqsijiet bħala parti minn dibattitu tematiku li matulu tniedastudju ġdid tal-KESE, intitolat Kif jista’ jinqered il-faqar tal-ħiliet fost dawk l-aktar vulnerabbli?. L-istudju ġie kkummissjonat mill-KESE fuq talba tal-Grupp b’rabta mas-Sena Ewropea tal-Ħiliet (2023). Dan jeżamina l-kunċett ġdid tal-faqar fil-ħiliet, jipproponi definizzjoni, jinvestiga l-ixprunaturi u s-soluzzjonijiet possibbli, u jwitti t-triq għal aktar riċerka dwar dan is-suġġett fil-futur. Waħda mill-konklużjonijiet tiegħu hija li l-organizzazzjonijiet tas-soċjetà ċivili għandhom rwol uniku x’jaqdu biex jidentifikaw u jappoġġjaw individwi vulnerabbli li jeħtieġu jtejbu l-ħiliet tagħhom. Huma għandhom jaħdmu mill-qrib mal-komunitajiet u l-awtoritajiet lokali, waqt li jagħmlu użu tajjeb min-networks tagħhom u jiżguraw li ħadd ma jitħalla jibqa’ lura fir-rigward tal-edukazzjoni u l-iżvilupp tal-ħiliet.
Id-dibattitu inkluda kontributi minn Juliana Wahlgren, Direttur tan-Network Ewropew Kontra l-Faqar (EAPN), li ddiskutiet il-fatturi sottostanti li jaffettwaw l-aċċess għall-ħiliet, u minn Agnieszka Maj, riċerkatriċi fiċ-Ċentru għar-Riċerka Soċjali u Ekonomika (CASE), li wettqet l-istudju.
Għall-artiklu kollu dwar id-dibattitu tematiku u intervista mal-awturi, ara s-sit web tal-avveniment.
L-istudju u s-sommarju eżekuttiv jinsabu hawnhekk.
