Tá saothar grianghrafadóireachta leis an ngrianghrafadóir Francach, Bruno Fert, dar teideal “Refuge: Private worlds in exile/Dans l’intimité de l’exil” á chur ar taispeáint ag CESE.

Is é atá sa taispeántas sraith painéal ar a bhfuil portráidí agus teistiméireachtaí, mar aon le híomhánna den taobh istigh de champaí dídeanaithe agus scáthláin gharbha sa Ghréig agus sa Fhrainc, agus tá “le jungle de Calais” mar a thugtar air ina measc.

Tá an taispeántas á eagrú ag Stiúrthóireacht na Cumarsáide agus an Chaidrimh Idirinstitiúidigh i gcomhar leis an Rannóg um Fhostaíocht, Gnóthaí Sóisialta agus Saoránacht (SOC) chun aird a tharraingt ar an obair atá déanta ag CESE ó thaobh beartais inimirce de agus maidir leis an gComhaontú Eorpach um Inimirce agus um Thearmann chomh maith.

De dheasca na paindéime, is go fíorúil atá an taispeántas á chur i láthair ó thús go deireadh. Ná lig tharat an deis!

Lean an nasc seo chun teacht ar an taispeántas:

https://www.eesc.europa.eu/en/agenda/our-events/events/refuge-private-worlds-exile (ck)