F’dibattitu mal-Viċi President tal-Kummissjoni u l-Kummissarju għad-Demokrazija u d-Demografija Dubravka Šuica, il-KESE appella għal strateġija dwar id-djalogu ċivili bħala l-ewwel pass lejn it-tisħiħ tar-rwol tas-soċjetà ċivili u ż-żieda tal-parteċipazzjoni taċ-ċittadini fit-tfassil tal-politika tal-UE.
F’dibattitu mal-Viċi President tal-Kummissjoni u l-Kummissarju għad-Demokrazija u d-Demografija Dubravka Šuica, il-KESE appella għal strateġija dwar id-djalogu ċivili bħala l-ewwel pass lejn it-tisħiħ tar-rwol tas-soċjetà ċivili u ż-żieda tal-parteċipazzjoni taċ-ċittadini fit-tfassil tal-politika tal-UE.
Huwa enfasizza l-ħtieġa urġenti li tissaħħaħ l-implimentazzjoni tal-Artikolu 11 tat-Trattat tal-UE (TUE), li skontu l-istituzzjonijiet għandhom responsabbiltà konġunta biex jiżguraw li s-soċjetà ċivili organizzata tkun involuta b’mod attiv fil-formulazzjoni tal-liġijiet tal-UE.
Dan għandu jsir bħala segwitu għall-Konferenza dwar il-Futur tal-Ewropa, inizjattiva storika u eżerċizzju demokratiku ewlieni, li kienet tinkludi sensiela ta’ dibattiti mmexxija miċ-ċittadini dwar kwistjonijiet li jaffettwawhom direttament f’ħajjithom.
“Ilkoll nistgħu naqblu li l-ilħna taċ-ċittadini jridu jinstemgħu lil hinn mill-kaxxa tal-voti. Aħna, fl-istituzzjonijiet u l-korpi tal-UE, ilkoll għandna ninvolvu aħjar lis-soċjetà ċivili fi djalogu sinifikanti lil hinn minn sempliċi informazzjoni u konsultazzjoni”, qal il-President tal-KESE Oliver Röpke.
Il-bini ta’ UE aktar trasparenti, inklużiva u demokratika jeħtieġ impenn ċiviku akbar u sħubija b’saħħitha bejn l-istituzzjonijiet tal-UE u l-korpi governattivi nazzjonali. “L-isforzi kollettivi tagħna se jiżguraw li l-UE tibqa’ xempju ta’ tama u mudell ta’ demokrazija parteċipattiva għad-dinja”, saħqet il-Kummissarju Šuica.
Pietro Barbieri, relatur tal-Opinjoni, qal: “Permezz ta’ din l-Opinjoni, il-KESE qed jistieden lill-istituzzjonijiet tal-UE jieħdu pass konkret ’il quddiem: biex jadottaw strateġija għad-djalogu ċivili, li tagħti ħajja lil pjan ta’ azzjoni u ftehim interistituzzjonali li jinvolvi kull livell tal-UE. L-impenn tal-KESE huwa sinjal ta’ ħtieġa urġenti li ma tistax tiġi rinunzjata jew posposta”.
Miranda Ulens, korelatur, żiedet tgħid li: “Diġà għandna prattiki tajbin għad-djalogu soċjali. Il-proposti li nagħmlu se jiżguraw li l-ilħna ta’ organizzazzjonijiet leġittimi u rappreżentattivi oħra jkunu jistgħu jinstemgħu wkoll. Ejjew noħolqu Ewropa reali u demokratika għaċ-ċittadini tagħha! #TogetherStrong!' (ll)
L-Ewropa qed tinjora din il-battalja iebsa u mhux qed jirnexxielha tlaħħaq magħha. Li nreġġgħu lura l-progress tal-lemin estrem bħalissa qed jidher li huwa kompitu diffiċli. Meta fl-1945 ingħeleb in-Nażi-Faxxiżmu, kien maħsub li movimenti estremisti se jitilfu l-influwenza u l-ispazju tagħhom biex joperaw. Dan ma kienx il-każ. Il-mudell demokratiku ppermetta lil-lemin estrem biex jibqa’ attiv u jissaħħaħ permezz tar-riżentiment u l-frustrazzjoni tan-nies.
L-Ewropa qed tinjora din il-battalja iebsa u mhux qed jirnexxielha tlaħħaq magħha. Li nreġġgħu lura l-progress tal-lemin estrem bħalissa qed jidher li huwa kompitu diffiċli. Meta fl-1945 ingħeleb in-Nażi-Faxxiżmu, kien maħsub li movimenti estremisti se jitilfu l-influwenza u l-ispazju tagħhom biex joperaw. Dan ma kienx il-każ. Il-mudell demokratiku ppermetta lil-lemin estrem biex jibqa’ attiv u jissaħħaħ permezz tar-riżentiment u l-frustrazzjoni tan-nies. Il-lemin estrem ibbenefika minn tmenin sena ta’ tolleranza u kompjaċenza tad-demokraziji liberali Ewropej. Il-lemin estrem għamel ta’ bir-ruħu li qed jilgħab il-logħba demokratika, madankollu huwa qatt ma warrab l-ambizzjoni tiegħu li jeqred id-demokrazija minn ġewwa, ladarba jikseb il-poter li jagħmel dan.
U wasal qrib li jirnexxi; bħala parti minn qafas li huwa jsejjaħ “sovranità nazzjonali”, il-lemin estrem diġà kiseb is-setgħa fil-gvern f’diversi pajjiżi bħall-Ungerija ta’ Orban u s-Slovakkja ta’ Fico. Fil-Polonja huwa kien kien fil-poter għal tmien snin permezz tal-gvern PiS (Prawo i Sprawiedliwosc/Liġi u Ġustizzja) sal-elezzjonijiet reċenti ta’ Ottubru.
Fl-Unjoni Ewropea, il-lemin estrem qed jipprova wkoll inawwar id-demokrazija u jwassal għall-implożjoni tagħha. L-iżviluppi fit-teknoloġiji tal-informazzjoni u tal-komunikazzjoni matul dawn l-aħħar tletin sena, permezz ta’ pjattaformi diġitali u l-media soċjali, żiedu b’mod drammatiku l-kapaċità tal-gruppi neo-Nażisti u neo-Faxxisti biex jinteraġixxu, u jiksbu viżibbiltà u setgħa fuq skala globali. Huma jużaw il-libertà tal-espressjoni tad-demokraziji biex jamplifikaw u jtennu l-ideoloġiji ksenofobiċi u razzisti tagħhom. Huma jikkoordinaw l-istrateġiji u jimmobilizzaw l-isfidi, f’ħin reali, għall-ordni ċiviku li jagħmlu parti minnu. Il-fatt huwa li d-demokrazija tipprovdi l-movimenti li qed jippruvaw jeqirduha b’kundizzjonijiet oġġettivi li jwasslu għall-iżvilupp u l-penetrazzjoni soċjali tagħhom – inkluż il-finanzjament mill-Istat.
Il-lemin estrem sab art fertili fejn jikber fl-Ewropa, peress li l-politiki neoliberali u l-kapitaliżmu finanzjarju ispirati minn Reaganomics ikkawżaw l-interruzzjoni tal-progress u l-benesseri soċjali tal-klassijiet medji – is-sinjali tal-bini tal-Ewropa u s-suċċess tagħha. In-neoliberaliżmu għamel deregolamentazzjoni u fixkel l-iżvilupp ekonomiku u soċjali; huwa naqqas l-introjtu reali mix-xogħol favur il-kapital; naqqas l-appoġġ soċjali u s-servizzi pubbliċi; u ħalla s-settur tal-akkomodazzjoni f’idejn l-ispekulazzjoni tal-proprjetà. Il-gvernijiet Ewropej qed jikkompetu b’mod perikoluż ma’ xulxin fil-bejgħ ta’ viżi tad-deheb lil kleptokrati u oligarki minn madwar id-dinja kollha. Il-kriżi tas-suq u d-dumping fiskali, li jagħmlu l-kompetizzjoni fis-suq intern inġusta, appoġġ dgħajjef minn Brussell u Frankfurt lill-SMEs, kif ukoll protezzjoni dgħajfa tal-impjiegi u kapaċità tal-akkwist dgħajfa, żiedu l-iskuntentizza fl-Ewropa matul dawn l-aħħar ħmistax-il sena.
Huwa żball politiku traġiku li huwa responsabbli għal tnaqqis konsekuttiv fl-għadd ta’ persuni li jipparteċipaw fl-elezzjonijiet Ewropej u ż-żieda tal-lemin estrem fil-Parlament Ewropew. Il-qawmien mill-ġdid tal-ideoloġija Nażi-Faxxista hija r-riżultat tal-mudell ta’ awsterità użat fl-Ewropa. Dan il-mudell ipproteġa s-sistema finanzjarja iżda naqas milli jipproteġi l-ġustizzja ekonomika u fiskali u milli jwieġeb għall-problemi, ix-xewqat u l-aspettattivi taċ-ċittadini. Dan wassal għal propaganda antika ta’ ideoloġiji suprematisti u identitarji, li dejjem ikunu qed iħufu fl-isfond jistennew għall-opportunità li l-umanità tiddiġenera fil-livell taċ-ċivilizzazzjoni. Dan it-trawwim ta’ mibegħda kulturali u reliġjuża huwa preżenti f’ħajjitna llum, fuq l-iskrins tagħna, fuq il-midja soċjali tagħna, fid-diżinformazzjoni li tiġi promossa kull minuta. It-trawwim tal-biża’ u n-nuqqas ta’ sigurtà taċ-ċittadini, l-evokazzjoni tal-Iżlamizzazzjoni, it-tmiem tas-supremazija bajda jew tal-identità Ġudeo-Kristjana u d-demonizzazzjoni tal-komunità Rom bħala dipendenti fuq il-benefiċċji, huma strateġiji li storikament intużaw biex tiżdied il-popolarità ta’ dittaturi jew mexxejja awtoritarji.
Illum, il-gvernijiet Ewropej qed jippermettulhom jindikaw il-“periklu tal-immigrazzjoni” f’Ewropa li qed tixjieħ li assolutament teħtieġ li timporta parti mill-forza tax-xogħol tagħha sabiex issostni lilha nnifisha u tikber ekonomikament. Dan minkejja l-fatt li l-għadd ta’ refuġjati u migranti li jidħlu fl-UE llum huwa baxx – fil-fatt, huwa aktar baxx minn dak li jeħtieġu l-popolazzjoni u l-forza tax-xogħol Ewropej. Madankollu, ir-retorika ksenofobika u razzista tippersisti, f’Ewropa li għadha nieqsa minn qafas legali sikur u effiċjenti biex tilqa’ u tintegra lill-migranti, minflok tkompli tikkontribwixxi għall-mafja tat-traffikar tal-bnedmin. Il-ħaddiema migranti kienu essenzjali fir-rikostruzzjoni tal-Ewropa ta’ wara l-gwerra u fil-bini tal-UE. Il-kontribut tal-migranti se jibqa’ kruċjali għall-progress tal-Ewropa fid-deċennji li ġejjin. Il-lemin estrem huwa konxju ta’ dan – ħafna mill-finanzjaturi tagħha jużaw il-migranti fl-industriji u n-negozji tagħhom.
Iżda l-lemin estrem se jkompli jilgħab il-logħob tiegħu, joħloq biżgħat, u jimmanipula l-kuxjenza, kif ukoll il-kompjaċenza ta’ mexxejja nazzjonali u Ewropej dgħajfa u instabbli fir-rigward ta’ viżjoni strateġika, il-valuri tagħna u l-prinċipji tagħna. Jista’ jkun hemm rispons wieħed biss mid-demokraziji u l-Ewropej – li niġġieldu għall-valuri tagħna. Għad-demokrazija, għal-libertà, għad-dinjità u għall-paċi fl-Ewropa.
L-adozzjoni ta’ Opinjoni dwar id-djalogu ċivili ma tistax tkun it-tmiem tal-proċess. Bla dubju hija pass fundamentali lejn il-progress, peress li tfasslet fuq talba tal-Presidenza Belġjana u għalhekk tista’ tiżdied mal-aġenda tal-Unjoni Ewropea.
L-adozzjoni ta’ Opinjoni dwar id-djalogu ċivili ma tistax tkun it-tmiem tal-proċess. Bla dubju hija pass fundamentali lejn il-progress, peress li tfasslet fuq talba tal-Presidenza Belġjana u għalhekk tista’ tiżdied mal-aġenda tal-Unjoni Ewropea.
Minflok ma tiġi deskritta l-Opinjoni, ikun aktar utli li wieħed jifhem il-proċess. Id-djalogu ċivili huwa l-ewwel u qabel kollox post fejn in-nies jistgħu jiddiskutu l-aġendi u l-objettivi tagħhom, fejn il-partijiet ikkonċernati istituzzjonali u mhux istituzzjonali jiltaqgħu fuq l-istess livell.
Madankollu, id-demokrazija rappreżentattiva trid tiġi salvagwardjata minn tentattivi illiberali biex tiġi mminata. Diversi forom ta’ populiżmu huma kawża profonda ta’ tħassib peress li qed inaqqsu l-ispazju għall-parteċipazzjoni ċivika. Għal din ir-raġuni huwa essenzjali kif ukoll urġenti li jkun implimentat l-Artikolu 11 tat-TUE. Meta nkiteb dan l-Artikolu għall-ewwel darba, kien ċar li d-demokrazija liberali teħtieġ il-parteċipazzjoni ta’ korpi intermedjarji, bħall-imsieħba soċjali u l-organizzazzjonijiet tas-soċjetà ċivili. Dawn il-korpi jwasslu l-fehmiet tan-nies – intraprendituri li jmexxu kumpaniji kbar jew SMEs, ħaddiema, professjonisti, konsumaturi, minoranzi bħal migranti, persuni b’diżabilità u Rom, u kull min huwa involut f’assoċjazzjonijiet Ewropej u internazzjonali tad-drittijiet tal-bniedem. “Il-libertà, id-demokrazija, id-drittijiet tal-bniedem u l-istat tad-dritt huma fost il-valuri fundamentali li fuqhom hija msejsa l-Unjoni Ewropea. Dawn huma minquxa fit-Trattati tal-UE u jinsabu fil-qalba tal-identità tal-UE. Madankollu, dawn il-valuri spiċċaw taħt pressjoni kbira f’dawn l-aħħar snin. L-Ewropa ffaċċjat kriżijiet mingħajr preċedent, li amplifikaw l-inugwaljanzi soċjali u ekonomiċi u xeħtu dubju fuq il-fiduċja taċ-ċittadini tal-UE fl-istituzzjonijiet demokratiċi,” qal Oliver Röpke fid-diskors tiegħu ta’ inawgurazzjoni. Id-djalogu ċivili huwa essenzjali biex jiġu indirizzati dawn l-isfidi u kif indika l-President il-ġdid meta tkellem dwar il-KESE bħala istituzzjoni tal-UE, il-bibien tal-istituzzjonijiet tal-UE dejjem iridu jkunu miftuħa biex jinstema’ dak li jridu jgħidu n-nies.
Id-dibattitu fil-Grupp ta’ Studju li ħejja din l-Opinjoni kien eżempju tajjeb ta’ djalogu ċivili, fejn il-parteċipanti semgħu lil xulxin u nnegozjaw dwar il-kliem, il-kontenut u l-għanijiet.
Kien hemm qbil dwar xi talbiet li jiġu ppreżentati lill-istituzzjonijiet Ewropej bil-ħsieb li jissaħħaħ id-djalogu ċivili. L-għan kien li jintlaħaq ftehim interistituzzjonali, bażi għal strateġija u pjan ta’ azzjoni.
Dan huwa progress, pass ’il quddiem bħall-ħafna oħrajn li l-KESE wettaq mill-1999 permezz ta’ diskussjonijiet interni bejn l-entitajiet li jirrappreżenta. Madankollu, dan il-pass issa jrid jiġi implimentat u appoġġjat u jkompli fit-triq biex jiġi adottat mill-Unjoni Ewropea.
Il-mistiedna sorpriża tagħna hija Ana Gomes, diplomatiku u politiku Portugiża, u membru tal-Partit Soċjalista Portugiż. Hija tikteb dwar il-periklu tal-populiżmu, il-qawmien tal-partiti tal-lemin estrem, u l-ħtieġa li dan jiġi miġġieled u li jiġu difiżi l-valuri.
Il-mistiedna sorpriża tagħna hija Ana Gomes, diplomatiku u politiku Portugiża, u membru tal-Partit Soċjalista Portugiż. Hija tikteb dwar il-periklu tal-populiżmu, il-qawmien tal-partiti tal-lemin estrem, u l-ħtieġa li dan jiġi miġġieled u li jiġu difiżi l-valuri.
Għandha karriera fid-diplomazija li tmur lura sal-1980, u okkupat diversi karigi, inkluż fin-Nazzjonijiet Uniti f’Ġinevra u f’New York. Fl-1999 kienet Kap tat-Taqsima tal-Interessi Portugiżi u mbagħad, sal-2003, Ambaxxatriċi f’Jakarta, fejn kellha rwol fil-proċess li wassal għall-indipendenza ta’ Timor-Leste u biex jiġu stabbiliti mill-ġdid ir-relazzjonijiet diplomatiċi bejn il-Portugall u l-Indoneżja.
Bħala Membru tal-Parlament Ewropew mill-2004 sal-2019, kienet partikolarment attiva dwar ir-relazzjonijiet barranin, id-drittijiet tal-bniedem, is-sigurtà u d-difiża, l-iżvilupp internazzjonali, l-ugwaljanza bejn il-ġeneri u l-ġlieda kontra l-evażjoni tat-taxxa, il-ħasil tal-flus u l-iffinanzjar tat-terroriżmu.
Fl-2021 ħarġet għall-elezzjoni presidenzjali f’isem is-Soċjalisti u kienet kandidata kontra Marcelo Rebelo de Sousa, il-president li kien se jtemm il-mandat tiegħu. Irnexxielha tiġi t-tieni, qabel il-kandidat tal-partit tal-lemin estrem, Chega.
Illum qed tkompli l-attiviżmu politiku tagħha f’kampanji għad-drittijiet tal-bniedem, l-integrità u t-trasparenza fil-ħajja pubblika, kontra l-korruzzjoni u l-kriminalità organizzata. Għandha programm kummentarju ta’ kull ġimgħa fuq l-istazzjon televiżiv Portugiż SIC Notícias (L-Opinjoni ta’ Ana Gomes).
Il-kittieb mistieden tagħna huwa l-membru tal-KESE Pietro Vittorio Barbieri li qasam magħna l-fehmiet tiegħu dwar l-importanza tad-djalogu ċivili u l-iżgurar li dan ikollu post adegwat fuq l-aġenda Ewropea.
Il-kittieb mistieden tagħna huwa l-membru tal-KESE Pietro Vittorio Barbieri li qasam magħna l-fehmiet tiegħu dwar l-importanza tad-djalogu ċivili u l-iżgurar li dan ikollu post adegwat fuq l-aġenda Ewropea.
Tlabna lil Tetyana Ogarkova - ġurnalista Ukrena li tgħix fi Kiev - biex tieħu immaġni għalina li tissimbolizza l-Ukrajna llum, sentejn wara l-invażjoni tar-Russja fl-24 ta’ Frar 2022. Hija bagħtitilna ritratt li ħadet waqt li kienet qed tivvjaġġa fil-pajjiż u tgħin lit-truppi Ukreni. Dan huwa r-ritratt li s-Sinjura Ogarkova tixtieq taqsam mal-qarrejja tagħna, u l-istorja warajh.
Tlabna lil Tetyana Ogarkova - ġurnalista Ukrena li tgħix fi Kiev - biex tieħu immaġni għalina li tissimbolizza l-Ukrajna llum, sentejn wara l-invażjoni tar-Russja fl-24 ta’ Frar 2022.Hija bagħtitilna ritratt li ħadet waqt li kienet qed tivvjaġġa fil-pajjiż u tgħin lit-truppi Ukreni. Dan huwa r-ritratt li s-Sinjura Ogarkova tixtieq taqsam mal-qarrejja tagħna, u l-istorja warajh.
Tetyana Ogarkova għandha dottorat fil-letteratura mill-Università ta’ Pariġi XII Val-de-Marne; hija lecturer fl-Università ta’ Mohyla fi Kiev, ġurnalista u Kap tas-Sensibilizzazzjoni Internazzjonali fi Crisis Media Center fl-Ukrajna. Hija tgħix fi Kiev.
Dar irvinata fir-raħal ta’ Vremivka, qrib Nova Novosilka, l-epiċentru tal-kontrooffensiva Ukrena fis-sajf tal-2023.
Dawn l-irħula fl-isteppa Ukrena, fl-intersezzjoni ta’ tliet reġjuni (Donetsk, Dnipro u Zaporizhzhia) u ‘l bogħod ħafna mill-bliet il-kbar, ilhom popolati minn Griegi spostati mill-Krimea sa mis-seklu 18. Huma rreżistew l-offensiva Russa fl-2022 bir-riżultat li nqerdu kompletament mill-artillerija tal-għadu. Hawnhekk, f’dan il-post strateġiku li jista’ jkun iċ-ċavetta biex jinħelsu x-xtut tal-Baħar ta’ Azov, l-Ukrajna llum qed tirreżisti, sentejn wara l-invażjoni tar-Russja.
L-applikazzjonijiet għat-tielet edizzjoni tal-Premjijiet tal-UE għall-Produzzjoni Organika jistgħu jitressqu mill-4 ta’ Marzu 2024.
Il-Premjijiet tal-UE għall-Produzzjoni Organika jirrikonoxxu l-eċċellenza fil-katina tal-valur organika kull sena. Din is-sena iċ-ċerimonja tal-premjazzzjoni se ssir fit-23 ta’ Settembru 2024: il-Jum Organiku tal-UE.
Total ta’ tmien premjijiet se jingħataw f’seba’ kategoriji. Huma jippremjaw lill-atturi tal-katina tal-valur organika għal proġetti eċċellenti, innovattivi, sostenibbli u ta’ ispirazzjoni li qed jipprovdu valur miżjud reali għall-produzzjoni u l-konsum organiku. L-L-ewwel edizzjoni tal-Premjijiet tal-UE għall-Produzzjoni Organika saret fl-2022. (ks)
