Fil-kolonna tagħna “Jien se nivvota. U inti?” qed nippubblikaw l-artiklu ta’ Mihály Hardy, ġurnalist Ungeriż u kap editur ta’ Klubrádió, li jagħtina idea tal-klima ta’ qabel l-elezzjoni fl-Ungerija. Klubrádió huwa l-aħħar stazzjon tar-radju indipendenti ewlieni tal-pajjiż li l-ħin kollu jxandar l-aħbarijiet u jagħti analiżi tal-isfond dwar il-ġrajjiet kurrenti u l-kultura. L-awtorità statali tal-media neħħiet il-frekwenza tal-istazzjon tar-radju, iżda rnexxielu jissopravivi minħabba l-popolarità u l-finanzjament kollettiv tiegħu.
Fil-kolonna tagħna “Jien se nivvota. U inti?” qed nippubblikaw l-artiklu ta’ Mihály Hardy, ġurnalist Ungeriż u kap editur ta’ Klubrádió, li jagħtina idea tal-klima ta’ qabel l-elezzjoni fl-Ungerija. Klubrádió huwa l-aħħar stazzjon tar-radju indipendenti ewlieni tal-pajjiż li l-ħin kollu jxandar l-aħbarijiet u jagħti analiżi tal-isfond dwar il-ġrajjiet kurrenti u l-kultura. L-awtorità statali tal-media neħħiet il-frekwenza tal-istazzjon tar-radju, iżda rnexxielu jissopravivi minħabba l-popolarità u l-finanzjament kollettiv tiegħu.
Il-KESE adottariżoluzzjonili fiha jappella lill-Ewropej jivvutaw fl-elezzjonijiet Ewropej. It-tliet relaturi tar-riżoluzzjoni, il-membri tal-KESE Christa Schweng, Cinzia del Rio u Ioannis Vardakastanis, li jirrappreżentaw il-Gruppi tal-KESE ta’ Min Iħaddem, tal-Ħaddiema u tal-Organizzazzjonijiet tas-Soċjetà Ċivili rispettivament, kienu magħqudin fl-appelli tagħhom biex l-Ewropej jużaw id-dritt demokratiku tagħhom li jivvutaw u jeleġġu rappreżentanti li se jiddefendu Ewropa magħquda, demokratika, sostenibbli u soċjali. Fil-kolonna tagħna Mistoqsija lil..., staqsejna lil kull relatur xi tfisser din l-elezzjoni u għaliex kulħadd għandu juża l-vot tiegħu f’Ġunju li ġej.
Il-KESE adotta riżoluzzjoni li fiha jistieden lill-Ewropej jivvutaw fl-elezzjonijiet Ewropej. It-tliet relaturi tar-riżoluzzjoni, il-membri tal-KESE Christa Schweng, Cinzia del Rio u Ioannis Vardakastanis, li jirrappreżentaw il-Gruppi tal-KESE ta’ Min Iħaddem, tal-Ħaddiema u tal-Organizzazzjonijiet tas-Soċjetà Ċivili rispettivament, kienu magħqudin fl-appelli tagħhom biex l-Ewropej jużaw id-dritt demokratiku tagħhom li jivvutaw u jeleġġu rappreżentanti li se jiddefendu Ewropa magħquda, demokratika, sostenibbli u soċjali. Fil-kolonna tagħna Mistoqsija lil..., staqsejna lil kull relatur xi tfisser din l-elezzjoni u għaliex kulħadd għandu juża l-vot tiegħu f’Ġunju li ġej.
Christa Schweng, eks President tal-KESE u membru tal-Grupp ta’ Min Iħaddem tal-KESE
L-elezzjonijiet Ewropej huma l-avveniment fejn l-Ewropej jistgħu jiddeċiedu min se jmexxi l-Unjoni Ewropea tagħna għall-ħames snin li ġejjin. Din id-darba, se jsiru f’kuntest ġeopolitiku li qed jinbidel b’mod drammatiku, ikkaratterizzat mill-gwerra mhux ġustifikata kontra l-Ukrajna fuq l-għatba tagħna. Il-pajjiżi li qabel kienu għedewwa qed jiffurmaw alleanzi ġodda u qed isiru ostili għall-istil ta’ ħajja tagħna. Id-demokrazija hija fi stat li talinqas jista’ jissejjaħ inkwetanti u r-rigress tad-demokraziji jista’ jiġi osservat globalment. L-istat tad-dritt u l-libertà tal-istampa qed jonqsu, biex insemmu biss tnejn mill-aktar indikaturi komuni. Madwar l-Ewropa, qed naraw attakki dejjem aktar ħorox fuq id-demokraziji liberali. F’diversi Stati Membri, il-valuri ewlenin Ewropej ġew imminati, l-ispazji ċiviċi magħluqa u l-libertajiet tal-media tnaqqsu.
Id-diżinformazzjoni u l-aħbarijiet foloz jikkawżaw diviżjonijiet fis-soċjetà tagħna u jwasslu għal nuqqas ta’ fiduċja u mibegħda.
L-UE hija bbażata fuq il-valuri komuni tad-demokrazija, il-protezzjoni tad-drittijiet tal-bniedem, il-libertà tal-espressjoni, l-istat tad-dritt, it-tolleranza, il-ġustizzja, in-nondiskriminazzjoni, l-ugwaljanza, is-solidarjetà u l-parteċipazzjoni demokratika. Dawn il-valuri qatt m’għandhom jittieħdu bħala fatt; jeħtieġ li jissaħħu, jiġu difiżi u protetti kontinwament.
L-elezzjonijiet Ewropej huma opportunità biex nuru li nieħdu ħsieb id-demokrazija u l-valuri fundamentali tagħna – u din hija r-raġuni għaliex huwa importanti li aħna l-Ewropej nagħmlu użu mill-vot tagħna.
Cinzia del Rio, membru tal-Grupp tal-Ħaddiema tal-KESE
Qed nitolbu liċ-ċittadini joħorġu jivvutaw għall-Ewropa, għall-proġett Ewropew, għal Ewropa aktar integrata u solidali. L-Unjoni Ewropea hija bbażata fuq valuri, prinċipji, l-istat tad-dritt, id-drittijiet u l-parteċipazzjoni, li kollha kemm huma mhumiex negozjabbli, minħabba li jirrappreżentaw il-pedamenti tad-demokrazija tagħna u l-elementi ewlenin tal-mudell tagħna ta’ tkabbir inklużiv u sostenibbli. U jeħtieġ li niżguraw il-pedamenti demokratiċi tagħna.
L-Ewropa għandha sfidi ġodda x’tindirizza llum:
trid tlaħħaq ma’ kuntest ġeopolitiku frammentat u xprunat mill-kunflitti ma’ atturi u kompetituri ekonomiċi u politiċi globali ġodda;
trid tappoġġja t-tranżizzjoni ekoloġika, diġitali u demografika, kif ukoll it-tibdil teknoloġiku, l-innovazzjoni, u l-iżvilupp tal-IA b’approċċ iċċentrat fuq il-bniedem u fl-istess ħin tinvolvi liż-żgħażagħ f’dawn il-proċessi;
trid tibni politika industrijali komuni Ewropea mġedda flimkien ma’ strumenti finanzjarji komuni ġodda;
trid tiżgura l-investiment soċjali sabiex timplimenta bis-sħiħ il-Pilastru Ewropew tad-Drittijiet Soċjali, ittejjeb il-koeżjoni soċjali, toħloq impjiegi ta’ kwalità u tindirizza l-faqar, l-inugwaljanzi u l-esklużjoni soċjali.
L-ebda pajjiż Ewropew ma jista’ jagħmel dan kollu waħdu. Nappellaw liċ-ċittadini biex jużaw il-vot tagħhom biex jiżguraw integrazzjoni aktar b’saħħitha tal-Unjoni Ewropea, sabiex tkun tista’ tibni u tinvolvi ruħha f’paċi dejjiema u ssostni l-mudell ekonomiku u soċjali tagħna.
Ioannis Vardakastanis, membru tal-Grupp tal-Organizzazzjonijiet tas-Soċjetà Ċivili
L-elezzjonijiet tal-Parlament Ewropew li ġejjin huma importanti immens għall-futur tal-Unjoni tagħna u tal-kontinent tagħna kollu kemm hu. L-essenza tal-UE – l-unità, id-demokrazija, il-kompetittività, is-sostenibbiltà u l-ġustizzja soċjali tagħna – hija fil-periklu. Huwa kruċjali li ċ-ċittadini tal-UE jeżerċitaw id-dritt tagħhom li jivvutaw, peress li l-Parlament isawwar direttament l-UE ta’ għada.
L-UE tissimbolizza kooperazzjoni u opportunitajiet, u tiżgura l-paċi, id-demokrazija, l-inklużività u l-prosperità. Madankollu, l-isfidi li qed jiffaċċjaw iċ-ċittadini, bħal spejjeż tal-ħajja u tal-enerġija li qed jiżdiedu, it-tibdil fil-klima, u kunflitti, wasslu biex jikber in-nuqqas ta’ sigurtà fost l-Ewropej; dawn l-isfidi jeħtieġu soluzzjonijiet pan-Ewropej unifikati.
In-nazzjonaliżmu ma joffri l-ebda soluzzjoni. Neħtieġu kollaborazzjoni, solidarjetà u djalogu ċivili effettiv biex nindirizzaw dawn il-kwistjonijiet u nżommu l-valuri demokratiċi tagħna. L-UE trid ukoll tmexxi globalment, tippromovi l-paċi, il-multilateraliżmu u l-protezzjoni ambjentali. Tranżizzjoni lejn ekonomija diġitali u ekoloġika hija imperattiva. L-inklużività hija kruċjali. Iċ-ċittadini kollha għandhom jingħataw is-setgħa li jipparteċipaw fit-tiswir tal-futur tagħna. Bħala membri tal-Kumitat Ekonomiku u Soċjali Ewropew, aħna ddedikati għal dawn il-prinċipji. Il-vot tiegħek huwa kruċjali fit-tiswir tal-futur tal-Unjoni tagħna. Ejjew ningħaqdu għal UE demokratika, kompetittiva, sostenibbli u soċjali. Il-vot tiegħek jgħodd – użah għal futur Ewropew aħjar!
It-test tar-riżoluzzjoni jinsab fuq il-paġna web speċjali tal-KESE dwar l-elezzjonijiet Ewropej.
F’din il-ħarġa ngħaddu l-kelma lil Carlos Trindade, membru tal-KESE u relatur tal-Opinjoni dwar Nissalvagwardjaw id-demokrazija kontra d-diżinformazzjoni. Lejliet l-elezzjonijiet Ewropej, huwa jikteb dwar il-konsegwenzi dannużi li d-diżinformazzjoni jista’ jkollha għad-demokrazija, u kif nistgħu niġġielduha jekk irridu ngħixu f’waħda.
F’din il-ħarġa ngħaddu l-kelma lil Carlos Trindade, membru tal-KESE u relatur tal-Opinjoni dwar Nissalvagwardjaw id-demokrazija kontra d-diżinformazzjoni. Lejliet l-elezzjonijiet Ewropej, huwa jikteb dwar il-konsegwenzi dannużi li d-diżinformazzjoni jista’ jkollha għad-demokrazija, u kif nistgħu niġġielduha jekk irridu ngħixu f’waħda.
Il-Premjijiet tal-UE għall-Produzzjoni Organika jirrikonoxxu diversi partijiet ikkonċernati tul il-katina tal-valur organiku li ħolqu proġetti innovattivi, sostenibbli u ta’ ispirazzjoni li pproduċew valur miżjud reali għall-produzzjoni u l-konsum ta’ ikel organiku.
Iċ-ċerimonja tal-għoti tal-Premjijiet hija skedata għat-23 ta’ Settembru 2024, li huwa l-Jum Organiku tal-UE.
Applika online issa sat-12 ta’ Mejju 2024 23:59:59 CEST.
“Freedom is just another word for nothing left to lose” jgħid vers tal-kanzunetta popolari tal-mużika country miktuba minn Kris Kristofferson fl-1969, li saru hafna verzjonijiet tagħha minn artisti bħal Janis Joplin u Kenny Rogers. Madankollu, il-libertà fl-Ewropa llum, għall-kuntrarju tal-kanzunetta “Me and Bobby McGee”, tfisser li ħa nitilfu ferm jekk ma niddefendux il-libertà tagħna. Speċjalment fl-Ungerija.
“Freedom is just another word for nothing left to lose” jgħid vers tal-kanzunetta popolari tal-mużika country miktuba minn Kris Kristofferson fl-1969, li saru hafna verzjonijiet tagħha minn artisti bħal Janis Joplin u Kenny Rogers. Madankollu, il-libertà fl-Ewropa llum, għall-kuntrarju tal-kanzunetta “Me and Bobby McGee”, tfisser li ħa nitilfu ferm jekk ma niddefendux il-libertà tagħna. Speċjalment fl-Ungerija.
In-nies jidraw l-affarijiet tajbin malajr ħafna. Ma jitfgħux ħarsithom lura fil-passat biex japprezzaw il-libertajiet bħal-libertà tal-ivvjaġġar, il-libertà tal-istampa, il-libertà tal-impjieg jew il-libertà tal-edukazzjoni fl-Ewropa. In-nies tal-ġenerazzjoni tiegħi (boomer imwieled fl-aħħar tas-snin 50 meta l-Ungerija kienet għadha fil-Patt ta’ Varsavja) jiftakru t-triq twila li wasslet għal-libertà tal-lum, mill-waqgħa tal-ħajt ta’ Berlin sal-adeżjoni tal-Ungerija mal-UE, il-familja ta’ nazzjonijiet ħielsa, fl-2004. Għaddew erbatax-il sena mill-waqgħa tal-Komuniżmu sakemm pajjiżna seta’ jingħaqad, flimkien maċ-Ċekja, is-Slovakkja u l-Polonja. Fil-fehma tiegħi, bħalissa għandna erbatax-il sena oħra warajna, u l-Ungerija qed timxi lura bil-mod, u qed taqa’ lura, u jekk inqabblu s-sitwazzjoni fil-bidu tad-disgħinijiet, meta l-libertajiet ċivili u l-libertà tal-istampa kienu fuq quddiem nett, għall-populiżmu, l-awtokrazija u d-dittatorjat kostituzzjonali tal-lum, toħroġ fid-dieher kontradizzjoni.
Il-Gvern f’Budapest kważi ddikjara b’mod miftuħ gwerra fuq il-valuri komuni Ewropej: in-narrattiva tiegħu ssejjaħ lil “Brussell” għadu, u tpinġi lill-UE bħala x-xitan innifisu. Dan ilu għaddej għal kważi 14-il sena u juri d-diffikultà li jkun hemm appoġġ għal kwalunkwe kampanja favur l-Ewropa, kemm mill-oppożizzjoni (jew x’fadal minnha) kif ukoll mis-soċjetà ċivili u l-NGOs (hawn ukoll irridu ngħidu, jew x’fadal minnhom). Madankollu, nirrifjutaw li naqtgħu qalbna – nirrifjutaw li nħallu l-valuri Ewropej itiru mar-riħ sempliċement għax ċerti politiċi Ungeriżi ddeċidew li jiżfnu għad-daqqa li ġejja minn post imbiegħed ferm, forsi l-Kremlin.
Stħarriġ reċenti fl-Ungerija għadu juri li kważi 68-70%tal-popolazzjoni tal-età tal-vot jappoġġaw u jgawdu l-benefiċċji marbuta mal-Unjoni Ewropea u l-valuri komuni Ewropej. Il-mistoqsija l-kbira hija jekk humiex lesti li jivvutaw f’numri kbar fid-9 ta’ Ġunju 2024. Fl-Ungerija, din il-votazzjoni se ssir fl-istess jum tal-elezzjonijiet muniċipali u, fid-dawl tal-iskuntentizza li qed tikber fil-pajjiż, il-prospetti mhumiex ħżiena. Vot ta’ protesta kontra l-politiki tal-gvern se jfisser ukoll vot favur l-Ewropa.
Mihály Hardy huwa ġurnalista Ungeriż, Kap Editur ta’ Klubrádió
Il-Kumitat Ekonomiku u Soċjali Ewropew (KESE), fuq talba tal-Presidenza Belġjana tal-Kunsill tal-UE, żvela rakkomandazzjonijiet kruċjali maħsuba għat-tisħiħ tal-koeżjoni soċjali, il-ġestjoni tad-dejn u l-prijorità għall-investimenti fil-kura tas-saħħa u l-impjieg madwar l-Ewropa. Il-KESE wera t-tħassib tiegħu li baġits stretti jistgħu jnaqqsu r-ritmu tal-progress fil-ġlieda kontra l-faqar u t-tibdil fil-klima.
Il-Kumitat Ekonomiku u Soċjali Ewropew (KESE), fuq talba tal-Presidenza Belġjana tal-Kunsill tal-UE, żvela rakkomandazzjonijiet kruċjali maħsuba għat-tisħiħ tal-koeżjoni soċjali, il-ġestjoni tad-dejn u l-prijorità għall-investimenti fil-kura tas-saħħa u l-impjieg madwar l-Ewropa. Il-KESE wera t-tħassib tiegħu li baġits stretti jistgħu jnaqqsu r-ritmu tal-progress fil-ġlieda kontra l-faqar u t-tibdil fil-klima.
Il-KESE ressaq ir-rakkomandazzjonijiet tiegħu fl-Opinjoni dwar It-tisħiħ ta’ tkabbir inklużiv fit-tul permezz ta’ riformi u investimenti li ġiet adottata u diskussa fis-sessjoni plenarja tiegħu ta’ Marzu mal-Kummissarju għall-Impjiegi u d-Drittijiet Soċjali, Nicolas Schmit u l-Ministru Belġjana għall-Pensjonijiet u l-Integrazzjoni Soċjali, Karine Lalieux.
L-Opinjoni enfasizzat il-ħtieġa għal allinjament bejn l-oqfsa eżistenti bħas-Semestru Ewropew u l-Pilastru Ewropew tad-Drittijiet Soċjali. Il-kelliema fid-dibattitu ta’ livell għoli saħqu dwar il-ħtieġa li jintlaħaq progress fl-Ewropa Soċjali u biex jiġu indirizzati kwistjonijiet urġenti bħad-differenza bejn il-ġeneri fil-pensjonijiet u l-inklużjoni diġitali. Il-konferenza ta’ livell għoli dwar il-Pilastru Ewropew tad-Drittijiet Soċjali, li se ssir dalwaqt fil-Belġju, tindika impenn biex l-implimentazzjoni ta’ dan l-istrument tissokta.
Il-proposti tal-Kumitat jenfasizzaw l-użu effiċjenti tar-riżorsi finanzjarji, l-involviment tal-imsieħba soċjali u tas-soċjetà ċivili fil-proċessi tat-teħid tad-deċiżjonijiet, u l-importanza li jiġi żgurat li t-tranżizzjoni doppja ekoloġika u diġitali tkun waħda ġusta. L-inklużività hija tema ċentrali, l-istess bħall-isfruttar tal-impatt tal-investimenti soċjali waqt li jitrawmu l-istabbiltà ekonomika u l-koeżjoni soċjali fl-UE. (tk)
F’din il-ħarġa, il-persuna mistiedna sorpriża tagħna hija l-Professur Danuta Hübner, Membru tal-Parlament Ewropew, mill-Grupp tal-Partit Popolari Ewropew. Hija telenka r-raġunijiet kollha għaliex l-elezzjonijiet tal-2024 se jkunu battalja għall-Ewropa u għaliex il-partiti politiċi għandhom responsabbiltà kbira li jħeġġu lill-votanti potenzjali tagħhom joħorġu jivvutaw. Fl-2024, ma nistgħux inħallu lill-oħrajn jiddeċiedu min se jirrappreżentana fit-teħid tad-deċiżjonijiet Ewropej - din id-darba r-riskju huwa kbir wisq.
F’din il-ħarġa, il-persuna mistiedna sorpriża tagħna hija l-Professur Danuta Hübner, Membru tal-Parlament Ewropew, mill-Grupp tal-Partit Popolari Ewropew. Hija telenka r-raġunijiet kollha għaliex l-elezzjonijiet tal-2024 se jkunu battalja għall-Ewropa u għaliex il-partiti politiċi għandhom responsabbiltà kbira li jħeġġu lill-votanti potenzjali tagħhom joħorġu jivvutaw. Fl-2024, ma nistgħux inħallu lill-oħrajn jiddeċiedu min se jirrappreżentana fit-teħid tad-deċiżjonijiet Ewropej - din id-darba r-riskju huwa kbir wisq.
Kull ħames snin, iċ-ċittadini Ewropej imorru jivvutaw biex jeleġġu r-rappreżentanti tagħhom fil-Parlament Ewropew (PE), l-unika istituzzjoni tal-Unjoni Ewropea eletta direttament. Fl-2024, 720 membru elett ġdid se jagħmlu parti mill-għaxar leġiżlatura. Matul il-mandat ta’ ħames snin, se jkollhom rwol deċiżiv fit-tiswir tal-Ewropa, l-istituzzjonijiet u l-politiki tagħha, postha fid-dinja globali polarizzata u l-impenn tagħha lejn valuri komuni.
Kull ħames snin, iċ-ċittadini Ewropej imorru jivvutaw biex jeleġġu r-rappreżentanti tagħhom fil-Parlament Ewropew (PE), l-unika istituzzjoni tal-Unjoni Ewropea eletta direttament. Fl-2024, 720 membru elett ġdid se jagħmlu parti mill-għaxar leġiżlatura. Matul il-mandat ta’ ħames snin, se jkollhom rwol deċiżiv fit-tiswir tal-Ewropa, l-istituzzjonijiet u l-politiki tagħha, postha fid-dinja globali polarizzata u l-impenn tagħha lejn valuri komuni.
L-elezzjonijiet kollha huma importanti. Dan huwa l-mod kif tibda d-demokrazija. Iżda nafu li d-demokrazija hija ħafna aktar mill-elezzjonijiet. Nistgħu naraw gvernijiet eletti demokratikament li jipprattikaw id-demokrazija filwaqt li jgħawġu l-istat tad-dritt. L-elezzjonijiet, anke jekk ġusti u ħielsa, mhumiex l-unika garanzija tad-demokrazija, u lanqas ma huma l-uniku fattur li jiddetermina d-demokrazija. Huwa għalhekk li l-votanti għandhom ikunu involuti b’mod attiv fl-elezzjonijiet.
Dawn l-aħħar ħames snin kienu karatterizzati minn għadd ta’ sfidi kważi eżistenzjali għall-Unjoni Ewropea. Kellna nindirizzaw il-Brexit u l-konsegwenzi tiegħu. Dan kien segwit mill-pandemija tal-COVID, l-invażjoni brutali u inumana tal-Ukrajna mir-Russja, l-isfidi ekonomiċi li rriżultaw, inkluż il-kriżi tal-enerġija u l-livelli għoljin ta’ inflazzjoni. Iffaċċjajna dan it-tfixkil kollu mhux mistenni filwaqt li segwejna l-objettivi strateġiċi ewlenin tagħna ta’ tranżizzjoni doppja lejn ekonomija ekoloġika u diġitalment kompetittiva. Ambjent ġeopolitiku li qed jinbidel wassal għal sanzjonijiet estensivi imposti mill-UE u l-imsieħba demokratiċi tagħha fuq ir-Russja, u wassal ukoll għat-tneħħija tar-riskji tad-dipendenzi tagħna fuq iċ-Ċina u r-relazzjonijiet tagħna mal-Istati Uniti tqiegħdu fuq pedament sod bla preċedent. L-Unjoni nediet ukoll l-ewwel programm tal-industrija tad-difiża Ewropea li qatt sar, li se jagħti l-frott fis-snin li ġejjin.
L-elezzjonijiet tal-2024 se jkunu battalja għall-Ewropa. Il-kampanja elettorali se jkollha tissodisfa l-aspettattivi taċ-ċittadini u tirrispetta r-rwol tagħhom fit-teħid tad-deċiżjonijiet Ewropej. Ma hemm l-ebda dubju li kwistjonijiet bħall-migrazzjoni, it-tibdil fil-klima u l-appoġġ għall-Ukrajna li jiddefendu art twelidhom kontra l-aggressjoni Russa jikkonċernaw lilna lkoll li għandna għal qalbna l-libertà, id-demokrazija u l-paċi. Il-politiċi eletti se jkollhom jagħmlu kull sforz biex jiżguraw ir-rilanċ effettiv tal-politika tat-tkabbir. Meta jiddibattu mal-kandidati dwar il-kompitu tagħhom għall-ħames snin li ġejjin, iridu jkunu konxji li jekk jiġu eletti, ikollhom jikkunsidraw li l-Unjoni Ewropea hija parti minn dinja li qed tikkrolla, maqsuma bejn id-demokraziji u r-reġimi awtoritarji. L-2024 hija sena ta’ elezzjonijiet madwar id-dinja, f’pajjiżi b’popolazzjoni totali ta’ 4 biljun abitant.
Aħna, l-Ewropej, se nkunu qed nagħtu attenzjoni mill-qrib lid-deċiżjonijiet li se jieħdu l-Amerikani meta jmorru jivvutaw biex jeleġġu l-president tagħhom. Ir-relazzjoni transatlantika ser tkun kwistjoni importanti matul id-dibattiti elettorali Ewropej tagħna. Huwa d-dmir tal-politiċi u tal-partiti politiċi Ewropej li jagħmlu kull sforz biex jinvolvu ruħhom maċ-ċittadini u jinkoraġġuhom isemmgħu leħinhom. L-inċertezza ġeopolitika tagħmilha aktar importanti minn qatt qabel. Il-partiti politiċi li jippreżentaw il-kandidati tagħhom għall-elezzjonijiet spiss ikollhom fehmiet differenti dwar kwistjonijiet li huma ta’ importanza kruċjali għal ħajjitna. Jista’ jkollna vuċi u impatt fuq il-futur tal-Ewropa, li huwa l-futur tagħna, biss jekk, bħala ċittadini, ninvolvu ruħna fid-dibattitu mal-kandidati u mmorru nivvutaw. Xi drabi nkunu frustrati u rrabjati. Iżda din hija eżattament ir-raġuni għaliex il-parteċipazzjoni attiva tagħna fid-djalogu elettorali politiku hija ta’ importanza tant kbira.
Fl-2019, għall-ewwel darba, il-parteċipazzjoni fl-elezzjonijiet Ewropej qabżet bi ftit il-50 fil-mija. Kien il-vot taż-żgħażagħ Ewropej li għen biex tingħata spinta lir-rata ta’ parteċipazzjoni. Minn naħa waħda, hija aħbar tajba li nofs dawk eliġibbli biex jivvutaw użaw id-dritt tal-vot tagħhom. Iżda min-naħa l-oħra, dan ifisser li nofsna, ċittadini Ewropej bi drittijiet tal-vot, ma vvutawx. Fl-2024, ma nistgħux nippermettu lill-oħrajn jiddeċiedu min jirrappreżentana fit-teħid tad-deċiżjonijiet u l-leġiżlazzjoni Ewropea. Parteċipazzjoni baxxa tnaqqas il-leġittimità ta’ dawk eletti u tissarraf fir-rwol aktar dgħajjef tagħhom fil-Parlament Ewropew. Hija responsabbiltà ewlenija tal-partiti politiċi li jħeġġu lill-votanti potenzjali tagħhom biex imorru jivvutaw.
Għal għexieren ta’ snin, l-Ewropej raw lill-gvernijiet bħala r-rappreżentanti tagħhom fl-UE. L-elezzjonijiet tal-2024 joffru tieqa ta’ opportunità biex tintwera s-setgħa reali tal-PE bħala leħen iċ-ċittadini. Ser ikun hemm nies jivvutaw għall-ewwel darba. F’ħames Stati Membri, se jivvutaw dawk li għandhom 16-il sena. Iż-żgħażagħ se jkollhom aspettattivi differenti tal-politiċi. Rajna dan matul il-Konferenza dwar il-Futur tal-Ewropa, issa nisimgħuh fil-panels ta’ segwitu organizzati mill-Kummissjoni Ewropea. Il-politiċi għandhom jużaw l-elezzjonijiet Ewropej li ġejjin bħala proċess biex jibnu ġenerazzjoni ġdida ta’ votanti u politiċi, bħala tieqa ta’ opportunità biex tissaħħaħ l-edukazzjoni politika trasparenti, kif ukoll il-bini tal-identità u l-fiduċja.
L-istrateġija ta’ komunikazzjoni tal-PE għall-elezzjonijiet tal-UE tal-2024 qed tiffoka fuq il-mobilizzazzjoni ta’ dawk li jastjenu u dawk li se jivvutaw għall-ewwel darba, u tgħin lil oħrajn involuti, inklużi l-media, l-NGOs, il-kumpaniji u l-individwi, tappoġġja l-involviment ċiviku mhux partiġġjan taċ-ċittadini u l-organizzazzjonijiet Ewropej fil-promozzjoni tal-importanza li wieħed imur jivvota.
Diġà naraw interferenza barranija fl-elezzjonijiet Ewropej, operazzjonijiet ibridi ta’ diżinformazzjoni, il-qerda tal-fiduċja fl-istituzzjonijiet u l-politiċi u t-tiswir ta’ narrattivi diviżivi. Dan qed iseħħ qabel l-elezzjonijiet, se jkun hemm aktar minnu matul l-elezzjonijiet u se jkun hemm patoloġiji postelettorali. Il-liġijiet kontra d-diżinformazzjoni jridu jiġu infurzati. Azzjonijiet nazzjonali u Ewropej mhux se jkunu biżżejjed, neħtieġu finanzjament sinifikanti li jappoġġja approċċ ta’ “soċjetà sħiħa” biex tiġi esposta d-diżinformazzjoni u l-awturi tagħha, peress li din taffettwa l-ħajja ta’ kuljum tan-nies u l-għażliet strateġiċi tagħhom.
B’dawn l-elezzjonijiet, id-destin tad-demokrazija, il-libertà u s-sigurtà jinsab fix-xifer. U l-vot jgħodd.
Danuta Hübner, Membru tal-Parlament Ewropew (Grupp PPE)
Cinzia del Rio, membru tal-Grupp tal-Ħaddiema tal-KESE
