Fil-kolonna tagħna “Mistoqsija lil...”, Jacques Glorieux, wieħed mill-aktar membri b’esperjenza fil-Kummissjoni Konsultattiva dwar il-Bidliet Industrijali (CCMI) tal-KESE, jikkummenta dwar l-20 anniversarju li ġej tas-CCMI.

Jacques Glorieux huwa fuq il-bord ta’ diversi kmamar tal-kummerċ fil-Belġju u fil-Lussemburgu u huwa l-Viċi President tal-Kmamar tal-Belġju. Mill-1998 sa Lulju 2002, huwa rrappreżenta lis-settur tal-faħam tal-Belġju fil-Kummissjoni Konsultattiva tal-Komunità Ewropea tal-Faħam u l-Azzar. Huwa ngħaqad mal-KESE fis-Kummissjoni Konsultattiva dwar il-Bidliet Industrijali li kienet għadha kif ġiet stabbilita fl-2002 u bħalissa huwa membru tal-korp ta’ tmexxija tagħha, il-Bureau. Huwa jipparteċipa b’mod attiv fl-attivitajiet kollha relatati mal-faħam tas-CCMI, bħar-round tables dwar il-faħam u l-inizjattiva “Reġjuni tal-faħam fi tranżizzjoni” bħala parti mill-Pjattaforma għal Tranżizzjoni Ġusta tal-Kummissjoni Ewropea.