Minkejja li r-rapporti ta’ Letta u Draghi jvarjaw b’mod sinifikanti fl-analiżi u fl-istrateġiji proposti tagħhom, hemm elementi ta’ trikkib konsiderevoli bejn dawn iż-żewġ ir-rapporti.
Minkejja li r-rapporti ta’ Letta u Draghi jvarjaw b’mod sinifikanti fl-analiżi u fl-istrateġiji proposti tagħhom, hemm elementi ta’ trikkib konsiderevoli bejn dawn iż-żewġ ir-rapporti.
Bħala eżempju se nħarsu lejn il-politika ta’ koeżjoni. Fir-rapport ta’ Letta, il-politika ta’ koeżjoni għandha rwol ċentrali billi tiżgura li l-benefiċċji tas-suq uniku jiġu kondiviżi fost iċ-ċittadini u r-reġjuni kollha tal-Unjoni. Ir-rapport jenfasizza wkoll ir-rabta bejn il-politika ta’ koeżjoni u s-servizzi ta’ interess ġenerali, li huma essenzjali biex l-Ewropej ikunu jistgħu jgħixu u jaħdmu fejn jixtiequ huma. B’kuntrast ma’ dan, ir-rapport ta’ Draghi jidher li jnaqqas l-importanza tal-politika ta’ koeżjoni u d-dimensjonijiet soċjali u territorjali tal-kompetittività. Huwa jiddiskuti l-kompetittività Ewropea mingħajr ma jqis id-disparitajiet territorjali, u jimplika li sempliċiment it-tisħiħ tal-kompetittività ġenerali tal-UE jsolvi kwistjonijiet reġjonali. Huwa jinjora l-fatt li, għal ħafna reġjuni, il-kompetittività baxxa u l-iżvantaġġ territorjali huma żewġ naħat tal-istess munita.
Iż-żewġ rapporti jirrikonoxxu li l-Unjoni m’għadx għandha l-għażla li “tibqa’ miexja kif timxi s-soltu”. L-urġenza u l-kumplessità tal-kriżijiet tal-lum jeħtieġu bidla sinifikanti fit-tfassil tal-politika Ewropea, possibbilment anke permezz ta’ bidliet fit-Trattat. Nistgħu verament niddiskutu t-tkabbir mingħajr ma nindirizzaw il-ħtieġa għal integrazzjoni politika aktar profonda? Din il-bidla għandha tinvolvi wkoll bidla fl-iskala. Il-Qafas Finanzjarju Pluriennali (QFP) attwali huwa insuffiċjenti, ankrat fi ftit aktar minn 1 % tal-introjtu nazzjonali gross tal-UE u ristrett mil-loġika skaduta ta’ “juste retour”. Jenħtieġ approċċ ġdid, ispirat mill-mudell Next Generation EU. L-isfidi straordinarji jridu jiġu indirizzati b’soluzzjonijiet kuraġġużi, inkluż il-ħruġ ta’ “assi sikuri komuni” kif deher matul il-pandemija.
Il-QFP 2028-2034 li jmiss se jittestja l-intenzjonijiet veri tal-UE, peress li jistabbilixxi prijoritajiet għas-seba’ snin li ġejjin. F’dan il-kuntest, huwa raġonevoli li wieħed jistenna dibattitu miftuħ dwar l-isfidi li qed tiffaċċja l-UE, minħabba d-diversi kriżijiet li għaddejjin bħalissa, kif ukoll dwar l-objettivi ewlenin tagħha u l-beni komuni Ewropej li għandha l-għan li twassal liċ-ċittadini tagħha.
Meta titqies ir-riforma regolatorja, kif rakkomandat fiż-żewġ rapporti, huwa importanti li wieħed jiftakar li l-UE hija l-aktar “ekonomija soċjali tas-suq” avvanzata fid-dinja. L-istandards ekonomiċi, soċjali u ambjentali għoljin tagħha huma essenzjali għas-suċċess ta’ dan il-mudell, u mhux ostakli għalih. Għalhekk, it-tqabbil tar-regolamenti tal-UE ma’ dawk tal-Istati Uniti jew taċ-Ċina huwa fundamentalment żbaljat. Kwalunkwe sforz biex jiġu ssemplifikati r-regoli tal-UE xorta jrid jipproteġi l-kundizzjonijiet tax-xogħol, is-sikurezza tal-ħaddiema, id-drittijiet tal-konsumatur, il-koeżjoni soċjali u ekonomika, u t-tkabbir sostenibbli.
L-Ewropa waslet biex tifhem, għalkemm tard, li l-fatt li wieħed ikun suq kbir m’għadux biżżejjed. Biex timxi ’l quddiem, jeħtiġilha tistinka għal għaqda akbar, fosthom integrazzjoni politika aktar profonda u politiki verament unifikati dwar l-ekonomija, l-industrija, il-kummerċ, l-affarijiet barranin u d-difiża. Ix-xhur li ġejjin se jkunu deċiżivi fit-tiswir tal-futur tal-Ewropa.
Minn Giuseppe Guerini Grupp tal-Organizzazzjonijiet tas-Soċjetà Ċivili tal-KESE
Is-sena l-oħra, il-Kummissjoni Ewropea u l-Kunsill Ewropew inkarigaw lil Mario Draghi u lil Enrico Letta biex jabbozzaw rapporti dwar il-kompetittività tal-UE u dwar it-titjib tas-suq uniku, rispettivament. Dawn ir-rapporti stabbilixxew aġenda politika ambizzjuża għall-Unjoni Ewropea, u qed iservu kemm bħala pjan direzzjonali kif ukoll bħala punt ta’ riferiment għall-valutazzjoni tal-impenn tal-istituzzjonijiet u ta’ dawk li jfasslu l-politika biex isawru l-futur tal-UE u l-kapaċità tagħhom li jagħmlu dan.
Minn Giuseppe Guerini Grupp tal-Organizzazzjonijiet tas-Soċjetà Ċivili tal-KESE
Is-sena l-oħra, il-Kummissjoni Ewropea u l-Kunsill Ewropew inkarigaw lil Mario Draghi u lil Enrico Letta biex jabbozzaw rapporti dwar il-kompetittività tal-UE u dwar it-titjib tas-suq uniku, rispettivament. Dawn ir-rapporti stabbilixxew aġenda politika ambizzjuża għall-Unjoni Ewropea, u qed iservu kemm bħala pjan direzzjonali kif ukoll bħala punt ta’ riferiment għall-valutazzjoni tal-impenn tal-istituzzjonijiet u ta’ dawk li jfasslu l-politika biex isawru l-futur tal-UE u l-kapaċità tagħhom li jagħmlu dan.
Dawn ir-rapporti jistgħu jintużaw biex ikejlu kemm l-istituzzjonijiet u l-mexxejja qed jirrispondu b’mod effettiv għall-isfidi kumplessi tal-lum.
L-Opinjoni tal-KESE dwar ir-rapporti sservi ta’ għodda siewja għall-evalwazzjoni tal-passi bikrija ta’ dan iċ-ċiklu politiku ġdid. L-ewwel pass jinsab rifless fil-Boxxla għall-Kompetittività, imnedija mill-Kummissjoni Ewropea fid-29 ta’ Jannar. Dan jinkludi diversi proposti ta’ prijorità għolja li ġew enfasizzati wkoll fl-Opinjoni tagħna, bħat-tnaqqis tad-distakk fil-kompetittività, l-ikkompletar tas-suq uniku, is-semplifikazzjoni tar-regolamenti mingħajr deregolamentazzjoni, u r-rikonoxximent li l-kompetittività tiddependi fuq in-nies u l-ħiliet.
Madankollu, lil hinn mid-distakk fil-kompetittività, hemm ukoll nuqqas ta’ azzjoni konkreta. Sa issa, il-Kummissjoni ppreżentat dokumenti strateġiċi, komunikazzjonijiet u impenji, iżda l-miżuri tanġibbli għadhom xhur ’il bogħod. Dan id-dewmien jenfasizza l-ħtieġa, kif innutat fl-Opinjoni tagħna, li l-istituzzjonijiet tal-UE u l-Istati Membri jibdew ukoll dibattitu dwar ir-regoli fundamentali tal-UE u r-rilevanza tat-Trattati attwali fl-indirizzar tal-isfidi attwali, li jeħtieġu azzjoni rapida.
Azzjoni rapida ma tfissirx li l-kwalità tiġi kompromessa. Fl-2020, il-Kummissjoni Ewropea wriet li kapaċi tagħmel dan meta implimentat f’qasir żmien l-inizjattiva Next Generation EU. Illum għandha turi l-istess aġilità.
Il-kisba ta’ dawn l-għanijiet teħtieġ approċċ multidimensjonali. It-tlestija rapida tas-suq uniku hija kruċjali, iżda trid timxi id f’id ma’ impenn qawwi għas-sostenibbiltà ambjentali, il-prosperità ekonomika u l-koeżjoni soċjali u territorjali, peress li dawn huma muturi ewlenin tal-kompetittività.
Din il-viżjoni titlob ukoll politika industrijali koeżiva li tmur lil hinn minn approċċi nazzjonali frammentati, appoġġjata minn inċentivi fiskali u doganali strateġiċi. Fl-istess ħin, it-tnaqqis tal-piżijiet burokratiċi u tal-ispejjeż tal-konformità permezz ta’ regolamentazzjoni aktar intelliġenti u proċessi amministrattivi semplifikati huwa essenzjali biex jitrawwem ambjent tan-negozju aktar dinamiku.
Fis-settur tal-enerġija, it-tnaqqis tad-disparitajiet fil-prezzijiet bejn l-Istati Membri u ekonomiji globali oħra huwa vitali. Dan se jirrikjedi aktar investiment fl-enerġija rinnovabbli, li jiżgura suq tal-enerġija aktar kompetittiv u sostenibbli.
Biex tappoġġja dawn l-ambizzjonijiet, l-UE jeħtiġilha tiżviluppa wkoll politika komuni dwar il-beni pubbliċi Ewropej, li tiddefinixxi b’mod ċar il-prijoritajiet strateġiċi tagħha u ssaħħaħ ir-rwol tagħha fix-xena globali.
Il-KESE se jkompli jissorvelja l-implimentazzjoni ta’ dawn il-politiki, u fl-istess ħin jiżgura li l-vuċi tas-soċjetà ċivili Ewropea titqies u tingħata widen.
L-ewwel u l-iżjed rakkomandazzjoni importanti li l-KESE jagħti fl-Opinjoni tiegħu hija li tittieħed azzjoni urġenti biex jiġu implimentati r-rakkomandazzjonijiet tar-rapporti ta’ Letta u ta’ Draghi. Fil-fehma tiegħi, dan għandu jsir b’mod komprensiv; ma nistgħux nagħżlu biss dak li jaqblilna miż-żewġ rapporti. Dawn iridu jiġu implimentati b’mod globali, mingħajr ma nillimitaw il-proposti u l-attenzjoni tagħna għal aspetti inqas impenjattivi, u mingħajr ma jiġu evitati l-aktar kwistjonijiet kritiċi u diviżivi, bħall-investimenti.
L-ewwel u l-iżjed rakkomandazzjoni importanti li l-KESE jagħti fl-Opinjoni tiegħu hija li tittieħed azzjoni urġenti biex jiġu implimentati r-rakkomandazzjonijiet tar-rapporti ta’ Letta u ta’ Draghi. Fil-fehma tiegħi, dan għandu jsir b’mod komprensiv; ma nistgħux nagħżlu biss dak li jaqblilna miż-żewġ rapporti. Dawn iridu jiġu implimentati b’mod globali, mingħajr ma jiġu limitati l-proposti u l-attenzjoni għal kull ħaġa li sirna mdorrijin għaliha, u mingħajr ma jiġu evitati l-aktar kwistjonijiet kritiċi u diviżivi, bħall-investimenti.
Jekk nibdew mir-rapport ta’ Draghi, u minħabba l-importanza ovvja tal-enfasi tiegħu fuq il-kompetittività tal-UE kollha kemm hi, inqis li r-rakkomandazzjonijiet tiegħu dwar il-politika industrijali tal-UE huma kruċjali. B’mod partikolari, l-insistenza tiegħu dwar il-ħtieġa li tiġi adottata politika industrijali li tkun kapaċi tegħleb l-approċċ frammentat attwali. Illum għandna 27 politika industrijali nazzjonali li mhux dejjem ikunu kkoordinati. F’dan ir-rigward, sforz Ewropew strutturat biss jippermettilna niżguraw Il-aħjar bilanċ ta’ miżuri tat-taxxa, regolatorji, kummerċjali/doganali u inċentivi finanzjarji li jikkaratterizzaw l-iżjed politiki industrijali reċenti tal-Istati Uniti u ċ-Ċina, b’benefiċċji kbar għas-suq uniku.
Madankollu, dan għandu jimxi id f’id ma’ tnaqqis drastiku tal-piżijiet burokratiċi għan-negozji, li b’rabta miegħu napprezza b’mod partikolari t-talba ta’ Letta biex ikun hemm “suq uniku li jgħaġġel u jirnexxi”. Fost ir-rakkomandazzjonijiet ewlenin tiegħu, Letta huwa favur is-semplifikazzjoni tal-piż burokratiku, is-semplifikazzjoni tal-proċeduri amministrattivi, u azzjonijiet ulterjuri biex “titnaqqas il-burokrazija”, speċjalment għall-intrapriżi ż-żgħar u ta’ daqs medju (SMEs). F’dan il-kuntest, fl-Opinjoni tiegħu, il-KESE jilqa’ b’sodisfazzjon il-proposta tal-Kummissjoni li jitnaqqas il-piż tar-rappurtar b’25% għan-negozji kollha u li tiġi stabbilita mira ta’ mill-inqas 50% għall-SMEs. Barra minn hekk, bil-ħsieb li niżviluppaw u nibnu fuq ir-rakkomandazzjoni ta’ Letta biex jiġi kkunsidrat mekkaniżmu li jassisti lill-koleġiżlaturi b’valutazzjoni tal-impatt dinamika, il-KESE jappoġġja bis-sħiħ l-idea ta’ kontroll tal-kompetittività li għandu jitwettaq matul il-proċeduri leġiżlattivi.
Hekk kif l-intelliġenza artifiċjali qed tbiddel għal kollox il-post tax-xogħol, huwa kruċjali li titkompla l-promozzjoni tal-IA ċċentrata fuq il-bniedem u l-promozzjoni ta’ politiki li jibbilanċjaw l-iżvilupp b’saħħtu tal-IA fl-Ewropa mal-ġustizzja soċjali u d-drittijiet tal-ħaddiema, intqal waqt dibattitu ta’ livell għoli fil-KESE.
Hekk kif l-intelliġenza artifiċjali qed tbiddel għal kollox il-post tax-xogħol, huwa kruċjali li titkompla l-promozzjoni tal-IA ċċentrata fuq il-bniedem u l-promozzjoni ta’ politiki li jibbilanċjaw l-iżvilupp b’saħħtu tal-IA fl-Ewropa mal-ġustizzja soċjali u d-drittijiet tal-ħaddiema, intqal waqt dibattitu ta’ livell għoli fil-KESE.
Fis-sessjoni plenarja tiegħu ta’ Jannar, il-KESE kellu dibattitu dwar l-użu tal-intelliġenza artifiċjali fuq il-post tax-xogħol, b’dikjarazzjonijiet mill-President tal-KESE Oliver Röpke, il-Viċi President Eżekuttiv tal-Kummissjoni Ewropea Roxana Mînzatu, u l-Viċi Ministru tal-Familja, ix-Xogħol u l-Politika Soċjali tal-Polonja Katarzyna Nowakowska, fost l-oħrajn.
Waqt li fetaħ id-dibattitu, is-Sur Röpke stqarr li: “L-intelliġenza artifiċjali hja waħda mix-xejriet l-aktar trasformattivi ta’ żmienna, u toffri potenzjal immens waqt li tippreżenta wkoll sfidi kritiċi. Id-dibattitu tal-lum afferma mill-ġdid l-importanza li l-politika dwar l-IA tiġi ankrata fil-prinċipji tal-Pilastru Ewropew tad-Drittijiet Soċjali.”
Is-Sinjura Mînzatu enfasizzat li: “Meta naħsbu dwar l-IA, b’mod partikolari fuq il-post tax-xogħol, għandna nħarsu lejn modi kif nagħtu spinta lill-investiment tagħna fir-riċerka u l-innovazzjoni, u kif nissimplifikaw il-modi li bihom il-kumpaniji Ewropej jistgħu jiżviluppaw f’dan il-qasam sabiex ikollna t-teknoloġiji tagħna stess imħarrġa skont id-data Ewropea u bbażati fuq il-valuri Ewropej. Waqt li nħarsu l-valuri tagħna dwar id-drittijiet soċjali u l-ugwaljanza, niżguraw li l-ħaddiema Ewropej ikollhom l-istess drittijiet f’dinja bl-IA jew mingħajrha – li jkunu protetti, u li jiġi implimentat kontroll iċċentrat fuq il-bniedem.”
Is-Sinjura Nowakowska ddikjarat li l-intelliġenza artifiċjali fid-dinja tax-xogħol qed toffri opportunitajiet tremendi biex jiżdiedu l-produttività u l-kompetittività għan-negozji, iżda tqajjem ukoll għadd ta’ mistoqsijiet dwar l-impatt potenzjali tagħha fuq l-impjiegi, is-saħħa u s-sikurezza tal-ħaddiema, il-kundizzjonijiet tax-xogħol, il-kwalità ġenerali tal-impjiegi, u r-rwol tad-djalogu soċjali.
Adozzjoni tal-Opinjoni dwar l-IA favur il-ħaddiema u l-kontropinjoni mehmuża
Fl-Opinjoni, il-KESE jenfasizza li l-involviment tal-ħaddiema u d-djalogu soċjali għandhom rwol kruċjali fil-preżervazzjoni tad-drittijiet fundamentali tal-ħaddiema u fil-promozzjoni ta’ IA “affidabbli” fid-dinja tax-xogħol. Iżżid tgħid li r-regoli attwali għandhom jindirizzaw il-lakuni fil-protezzjoni tad-drittijiet tal-ħaddiema fuq il-post tax-xogħol u jiżguraw li l-bnedmin jibqgħu fil-kontroll fl-interazzjonijiet kollha bejn il-bniedem u l-magni.
Il-kontropinjoni tal-Grupp ta’ Min Iħaddem ġiet mehmuża mal-Opinjoni. Il-membri tal-Grupp spjegaw li, fil-fehma tagħhom, l-UE diġà għandha l-għodod biex tħaddan ir-rivoluzzjoni tal-IA, u l-qafas legali eżistenti jiżgura l-implimentazzjoni bla xkiel tagħha. (lm)
L-intelliġenza artifiċjali qed tittrasforma d-dinja tax-xogħol b’pass bla preċedent, u ġġib magħha kemm opportunitajiet kif ukoll sfidi għall-ħaddiema, għan-negozji u għal dawk li jfasslu l-politika. Fit-3 ta’ Frar, il-Kumitat Ekonomiku u Soċjali Ewropew (KESE) u l-Organizzazzjoni Internazzjonali tax-Xogħol (ILO) organizzaw flimkien konferenza ta’ livell għoli dwar “Il-Ġustizzja Soċjali fl-Era Diġitali: L-impatt tal-IA fuq ix-xogħol u s-soċjetà”.
L-intelliġenza artifiċjali qed tittrasforma d-dinja tax-xogħol b’pass bla preċedent, u ġġib magħha kemm opportunitajiet kif ukoll sfidi għall-ħaddiema, għan-negozji u għal dawk li jfasslu l-politika. Fit-3 ta’ Frar, il-Kumitat Ekonomiku u Soċjali Ewropew (KESE) u l-Organizzazzjoni Internazzjonali tax-Xogħol (ILO) organizzaw flimkien konferenza ta’ livell għoli dwar “Il-Ġustizzja Soċjali fl-Era Diġitali: L-impatt tal-IA fuq ix-xogħol u s-soċjetà”.
Fil-Konferenza ta’ livell għoli pparteċipaw mexxejja prominenti – inkluż diversi ministri għax-xogħol tal-UE – fejn dawn iddeliberaw dwar strateġiji biex jiġi sfruttat il-potenzjal tal-IA filwaqt li jiġu indirizzati r-riskji li din toħloq għad-drittijiet tal-ħaddiema u s-swieq tax-xogħol. Dan l-avveniment immarka kontribut kbir għall-Koalizzjoni Globali għall-Ġustizzja Soċjali, u enfasizza l-ħtieġa għal approċċ ikkoordinat għall-governanza tal-IA kemm fil-livell Ewropew kif ukoll f’dak globali. Din il-konferenza konġunta ta’ livell għoli ġiet organizzata b’mod konġunt mis-Sezzjoni għax-Xogħol, l-Affarijiet Soċjali u ċ-Ċittadinanza (SOC) tal-KESE u l-ILO.
Sejħa għal żvilupp etiku u inklużiv tal-IA
Fil-ftuħ tal-konferenza, il-President tal-KESE Oliver Röpke enfasizza l-ħtieġa urġenti għal approċċ iċċentrat fuq il-bniedem għall-IA, u ddikjara li: “L-intelliġenza artifiċjali diġà qed issawwar mill-ġdid is-soċjetajiet u s-swieq tax-xogħol tagħna, u ġġib magħha kemm opportunitajiet kif ukoll sfidi. Il-KESE u l-organizzazzjonijiet imsieħba tiegħu huma impenjati li jiżguraw li l-IA sservi bħala forza għall-ġustizzja soċjali, it-tisħiħ tad-drittijiet tal-ħaddiema, il-promozzjoni tal-inklużjoni, u l-prevenzjoni ta’ inugwaljanzi ġodda. Jekk fil-futur irridu li l-IA tkun ġusta u ċċentrata fuq il-bniedem tenħtieġ azzjoni kollettiva – minn dawk li jfasslu l-politika sal-imsieħba soċjali u s-soċjetà ċivili – biex jiġi żgurat li t-teknoloġija taħdem għan-nies u mhux kontrihom.”
Id-Direttur Ġenerali tal-ILO Gilbert F. Houngbo enfasizza l-importanza ta’ politiki proattivi sabiex jittaffa l-impatt ta’ tfixkil tal-IA fuq l-impjiegi u l-postijiet tax-xogħol: “Jeħtieġ li niżguraw li nsawru l-IA b’modi li javvanzaw il-ġustizzja soċjali. Dan ifisser diversi azzjonijiet: li jiġu appoġġjati l-ħaddiema, inkluż bil-ħiliet u l-protezzjoni soċjali; li jiġi ffaċilitat l-aċċess mill-intrapriżi ta’ kull daqs u fil-partijiet kollha tad-dinja għat-teknoloġija tal-IA biex jiġu sfruttati l-benefiċċji tal-produttività; u li jiġi żgurat li l-integrazzjoni tal-IA fuq il-post tax-xogħol tipproteġi d-drittijiet tal-ħaddiema u tippromovi d-djalogu soċjali fit-tranżizzjoni diġitali.”
Waqt żewġ panels, kelliema ta’ livell għoli qasmu l-għarfien tagħhom dwar l-isfidi u l-opportunitajiet li jipperċepixxu fl-isfruttar tal-IA biex jippromovu xogħol deċenti u swieq tax-xogħol inklużivi u jikkontribwixxu għall-ugwaljanza bejn il-ġeneri fis-snin li ġejjin. Fost il-membri tal-panels kien hemm il-ministri għax-xogħol tal-UE Agnieszka Dziemianowicz-Bąk (il-Polonja), Yolanda Díaz (Spanja), Níki Keraméos (il-Greċja) u Maria do Rosário Palma Ramalho (il-Portugall), kif ukoll id-delegat tal-Gvern Franċiż għall-ILO u għall-G7-G20, Anousheh Karvar (fost oħrajn).
Id-diskussjonijiet li saru enfasizzaw il-fatt li, għalkemm hemm riskju assoċjat mat-tnedija tal-IA, ma hemmx bżonn li nopponu din it-teknoloġija l-ġdida. Madankollu, huwa essenzjali li ssir enfasi fuq id-djalogu soċjali u li l-ħaddiema jiġu inklużi fl-użu tal-IA, u li tingħata attenzjoni partikolari lill-isforzi ta’ taħriġ mill-ġdid u ta’ titjib tal-ħiliet. L-introduzzjoni u r-regolamentazzjoni adegwata u kkontrollata tal-IA se jgħinu biex jiġu evitati xokkijiet kbar u jippermettu li din it-teknoloġija tnaqqas il-kompiti ripetittivi mingħajr ma neċessarjament twassal għal sensji fuq skala kbira.(lm)
Fit-13 u l-14 ta' Marzu 2025, il-Kumitat Ekonomiku u Soċjali Ewropew (KESE) se jospita l-avveniment taż-żgħażagħ annwali,L-Ewropa Tiegħek, Leħnek!(YEYS),li jlaqqa’ flimkien aktar minn 130 parteċipant minn madwar l-Ewropa u lil hinn minnha. Dan l-avveniment uniku jgħaqqad lill-istudenti tal-iskejjel sekondarji, lir-rappreżentanti tal-organizzazzjonijiet taż-żgħażagħ, u lid-delegati mill-kunsilli nazzjonali taż-żgħażagħ, li għandhom bejn 16 u 25 sena, mis-27 Stat Membru kollha tal-UE, minn 9 pajjiżi kandidati, u mir-Renju Unit.
Fit-13 u l-14 ta' Marzu 2025, il-Kumitat Ekonomiku u Soċjali Ewropew (KESE) se jospita l-avveniment taż-żgħażagħ annwali,L-Ewropa Tiegħek, Leħnek! (YEYS)li jlaqqa’ flimkien aktar minn 130 parteċipant minn madwar l-Ewropa u lil hinn minnha. Dan l-avveniment uniku jgħaqqad lill-istudenti tal-iskejjel sekondarji, lir-rappreżentanti tal-organizzazzjonijiet taż-żgħażagħ, u lid-delegati mill-kunsilli nazzjonali taż-żgħażagħ, li għandhom bejn 16 u 25 sena, mis-27 Stat Membru kollha tal-UE, minn 9 pajjiżi kandidati, u mir-Renju Unit.
B'sensiela ta’ sessjonijiet ta’ ħidma, panels u diskussjonijiet, l-avveniment ser jipprovdi pjattaforma għaż-żgħażagħ biex jikkontribwixxu b’mod attiv għat-tiswir tal-futur tal-Ewropa. Din is-sena, l-avveniment huwa intitolat “Nagħtu vuċi liż-żgħażagħ” u l-parteċipanti se jindirizzaw suġġetti kruċjali bħas-sostenibbiltà, l-inklużjoni soċjali, it-trasformazzjoni diġitali, u oħrajn.
L-eżiti ta’ dawn id-diskussjonijiet u l-għarfien miġbur se jservu ta’ kontribut għat-tieni Ġimgħa tas-Soċjetà Ċivili tal-KESE u se jiġu promossi wkoll fl-Avveniment Ewropew taż-Żgħażagħ f’Ġunju 2025, organizzat mill-Parlament Ewropew fi Strasburgu.
L-avveniment jenfasizza kemm hu importanti li l-involviment taż-żgħażagħ jissarraf fl-azzjoni ċivika, id-demokrazija parteċipattiva, u t-tfassil tal-politiki Ewropej.
Segwi l-eżiti u l-inizjattivi li joħorġu minn din il-laqgħa importanti. (kc)
Qabel il-Jum Internazzjonali tan-Nisa fit-8 ta’ Marzu u d-69 sessjoni tal-Kummissjoni dwar l-Istatus tan-Nisa (UNCSW69) – il-korp globali ewlieni li jippromovi d-drittijiet tan-nisa – Maria Nikolopoulou, membru tal-KESE u relatur tal-Opinjoni dwar Il-kontribut tal-KESE għall-prijoritajiet tal-UE fid-69 sessjoni tal-Kummissjoni tan-NU dwar l-Istatus tan-Nisa, tikteb dwar il-progress tal-UE fl-ugwaljanza bejn il-ġeneri. Ħafna titjib jistħoqqlu rikonoxximent iżda n-nisa għadhom ’il bogħod milli jkollhom l-istess drittijiet bħall-irġiel. Għad iridu jingħalqu ħafna lakuni, u jridu jintrebħu ħafna aktar battalji.
Qabel il-Jum Internazzjonali tan-Nisa fit-8 ta’ Marzu u d-69 sessjoni tal-Kummissjoni dwar l-Istatus tan-Nisa (UNCSW69) – il-korp globali ewlieni li jippromovi d-drittijiet tan-nisa – Maria Nikolopoulou, membru tal-KESE u relatur tal-Opinjoni dwar Il-kontribut tal-KESE għall-prijoritajiet tal-UE fid-69 sessjoni tal-Kummissjoni tan-NU dwar l-Istatus tan-Nisa, tikteb dwar il-progress tal-UE fl-ugwaljanza bejn il-ġeneri. Ħafna titjib jistħoqqlu rikonoxximent iżda n-nisa għadhom ’il bogħod milli jkollhom l-istess drittijiet bħall-irġiel. Għad iridu jingħalqu ħafna lakuni, u jridu jintrebħu ħafna aktar battalji.
Ftit jiem qabel ma niċċelebraw il-Jum Internazzjonali tan-Nisa u hekk kif qed nantiċipaw id-69 sessjoni tal-Kummissjoni dwar l-Istatus tan-Nisa fi New York, issa huwa ż-żmien opportun biex nirriflettu dwar il-kisbiet fl-ugwaljanza bejn il-ġeneri u nevalwawhom. Huwa wkoll mument tajjeb biex inħarsu lejn il-futur u nkomplu nwittu t-triq ’il quddiem.
Ftit jiem qabel ma niċċelebraw il-Jum Internazzjonali tan-Nisa u hekk kif qed nantiċipaw id-69 sessjoni tal-Kummissjoni dwar l-Istatus tan-Nisa fi New York, issa huwa ż-żmien opportun biex nirriflettu dwar il-kisbiet fl-ugwaljanza bejn il-ġeneri u nevalwawhom. Huwa wkoll mument tajjeb biex inħarsu lejn il-futur u nkomplu nwittu t-triq ’il quddiem.
Fir-rigward tal-qafas leġiżlattiv, nosservaw titjib: hemm aktar nisa attivi fis-suq tax-xogħol, li qed jaqilgħu introjtu aħjar, jiksbu livelli ogħla ta’ edukazzjoni, jokkupaw aktar pożizzjonijiet ta’ poter u jżidu r-rappreżentanza politika tagħhom. Madankollu, il-progress kien kajman u mhuwiex uniformi fl-Istati Membri kollha.
Iżda sakemm jippersistu l-inugwaljanzi strutturali, l-istereotipi marbuta mal-ġeneru u r-rigressi tad-drittijiet tan-nisa, in-nisa se jkomplu jkunu sottorappreżentati fl-isfera pubblika, fil-politika u fl-istudji STEM, se jkunu esposti għal vjolenza online u offline u se jkollhom nuqqas ta’ aċċess għar-riżorsi u l-kapital għall-intraprenditorija. Se jkunu wkoll aktar vulnerabbli għal faqar tal-ħin u tal-flus u d-differenzi fil-pagi u l-irtirar se jieħdu wisq snin biex jingħelbu.
It-taħriġ, il-finanzjament u l-impenn huma lkoll meħtieġa biex nimxu ’l quddiem. Neħtieġu riżorsi biex nagħtu spinta lill-ħiliet tan-nisa għal tranżizzjoni doppja ekoloġika u diġitali li tkun ġusta, biex niffinanzjaw pjani ta’ azzjoni nazzjonali għall-ġlieda kontra l-vjolenza fuq in-nisa, u biex nipprovdu taħriġ għall-persunal kollu li jaħdem mas-superstiti tal-vjolenza.
Jeħtieġ li niffinanzjaw proġetti intraprenditorjali u nistabbilixxu servizzi ta’ kura tat-tfal u tal-anzjani affordabbli, aċċessibbli u ta’ kwalità għolja biex jitneħħa l-piż tar-responsabbiltajiet ta’ għoti ta’ kura mhux imħallsa minn fuq in-nisa. Barra minn hekk, neħtieġu impenn qawwi biex noħolqu spazji sikuri, ninvolvu aktar nisa fil-parlamenti lokali, nazzjonali u tal-UE, u niżguraw il-parteċipazzjoni attiva tagħhom fi proċessi ta’ riżoluzzjoni mhux vjolenti tal-kunflitti u ta’ bini tal-paċi, u fl-istess ħin nippromovu wkoll approċċi inklużivi fir-rigward tal-ġeneru f’dawn l-isforzi.
Barra minn hekk, strateġija Ewropea wiesgħa għall-Aġenda 2030 tgħinna nimxu ħafna aktar malajr biex nagħmlu l-ugwaljanza bejn il-ġeneri parti ewlenija tal-politiki tagħna. L-Għanijiet ta’ Żvilupp Sostenibbli għandhom jiġu indirizzati b’mod komprensiv, u mhux individwalment.
Fl-UE, il-progress huwa “tajjeb”. Iżda “tajjeb” mhuwiex biżżejjed għall-irġiel, in-nisa u l-bniet fl-UE li qed jiġġieldu għal ugwaljanza effettiva bejn il-ġeneri fis-snin li ġejjin. Ir-rwol tagħna bħala soċjetà ċivili huwa li nżidu l-pressjoni fuq dawk li jfasslu l-politika biex l-affarijiet jimxu ’l quddiem malajr.
Meta mqabbla mal-pari globali tagħha bħall-Istati Uniti, iż-żona tal-euro qed tiffaċċja sfidi urġenti: produttività tax-xogħol baxxa, kompetittività li qed tiddgħajjef u tnaqqis fil-momentum ekonomiku. Sabiex din it-tendenza titreġġa’ lura, il-Kumitat Ekonomiku u Soċjali Ewropew (KESE) qed jappella għal strateġija urġenti u kkoordinata.
Meta mqabbla mal-pari globali tagħha bħall-Istati Uniti, iż-żona tal-euro qed tiffaċċja sfidi urġenti: produttività tax-xogħol baxxa, kompetittività li qed tiddgħajjef u tnaqqis fil-momentum ekonomiku. Sabiex din it-tendenza titreġġa’ lura, il-Kumitat Ekonomiku u Soċjali Ewropew (KESE) qed jappella għal strateġija urġenti u kkoordinata.
Fl-Opinjoni tiegħu dwar Il-politika ekonomika taż-żona tal-euro 2025, il-KESE jiddeskrivi pjan biex jixpruna t-tkabbir billi japprofondixxi s-suq intern, inaqqas il-burokrazija regolatorja u jiżgura s-sostenibbiltà fiskali. Fl-istess ħin, il-politiki jridu jindirizzaw xejriet trasformattivi bħall-intelliġenza artifiċjali (IA) u l-pressjonijiet ta’ popolazzjoni li qed tixjieħ.
Wara x-xokkijiet esterni tal-pandemija tal-COVID-19 u l-kriżi tal-enerġija, iż-żona tal-euro issa qed tiffaċċja sfidi ekonomiċi kbar. Għalkemm saru sforzi ta’ stabbilizzazzjoni, l-indirizzar tal-kwistjonijiet bħall-inċertezza domestika, il-bidliet demografiċi u l-pressjonijiet fiskali li qed jiżdiedu jirrikjedi riformi kuraġġużi.
Il-KESE jipproponi approċċ fi tliet stadji biex jissaħħu l-produttività u l-kompetittività: l-approfondiment tas-suq intern, il-koordinazzjoni tal-politika industrijali u t-tnaqqis tal-burokrazija. Is-sostenibbiltà fiskali hija kruċjali, u teħtieġ qafas ibbilanċjat, kollaborazzjoni aktar b’saħħitha tal-UE u sforzi biex jintuża bis-sħiħ id-dħul mhux sfruttat. L-investiment għadu punt dgħajjef, u għad hemm bżonn ta’ kapital ta’ riskju estiż u politiki favur l-innovazzjoni.
Ir-reżiljenza tas-suq tax-xogħol hija wkoll kruċjali, u teħtieġ flessibbiltà, pagi ġusti, riformi tas-sigurtà soċjali u żvilupp tal-ħiliet xprunat mill-IA. Il-KESE jenfasizza l-ħtieġa għal responsabbiltà kondiviża bejn l-UE u l-Istati Membri tagħha, u jippromovi koordinazzjoni msaħħa tal-politika. B’azzjoni deċiżiva u investimenti strateġiċi, iż-żona tal-euro tista’ tibni ekonomija reżiljenti, kompetittiva u sostenibbli għall-futur (tk).
Hekk kif Marzu daqt magħna u r-rebbiegħa tieħu post ix-xitwa, il-KESE ħejja sett ta’ avvenimenti dinamiċi, li jixħtu dawl fuq leħen iż-żgħażagħ u s-soċjetà ċivili.
Hekk kif Marzu daqt magħna u r-rebbiegħa tieħu post ix-xitwa, il-KESE ħejja sett ta’ avvenimenti dinamiċi, li jixħtu dawl fuq leħen iż-żgħażagħ u s-soċjetà ċivili.
L-ewwel avveniment se jkun is-16-il edizzjoni tal-avveniment “L-Ewropa Tiegħek, Leħnek”. Fit-13 u l-14 ta’ Marzu 2025, l-avveniment “L-Ewropa Tiegħek, Leħnek”, kif inhu magħruf sew, se jlaqqa’ flimkien kważi 100 parteċipant żagħżugħ minn organizzazzjonijiet taż-żgħażagħ, kunsilli nazzjonali taż-żgħażagħ u skejjel sekondarji, kif ukoll 37 għalliem mill-Istati Membri tal-UE, il-pajjiżi kandidati u r-Renju Unit. Ilkoll kemm huma se jaqsmu esperjenza unika li fiha se jsemmgħu leħinhom biex isawru l-Ewropa li jixtiequ jgħixu fiha.
Ir-rakkomandazzjonijiet tagħhom jistgħu jservu ta’ kontribut għat-tieni Ġimgħa tas-Soċjetà Ċivili tal-KESE, bħala bażi għal diskussjonijiet iffukati fuq iż-żgħażagħ li se jsiru ftit wara. Ir-rakkomandazzjonijiet jistgħu jiġu kondiviżi wkoll mar-rappreżentanti ta’ livell għoli mill-istituzzjonijiet Ewropej.
Wara l-ewwel edizzjoni promettenti fl-2024, din is-sena l-Ġimgħa tas-Soċjetà Ċivili se ssir mis-17 sal-21 ta’ Marzu u se tiffoka fuq It-tisħiħ tal-koeżjoni u l-parteċipazzjoni f’soċjetajiet polarizzati.L-instabbiltà soċjali, it-tnaqqis fir-ritmu ekonomiku u l-iskuntentizza mifruxa, b’mod partikolari fost dawk li ma jħossux li qed jingħataw widen u li tħallew jaqgħu lura, komplew jaggravaw d-diviżjonijiet tas-soċjetà.
Biex tindirizza dan it-tħassib urġenti, il-Ġimgħa tas-Soċjetà Ċivili 2025 se tlaqqa’ flimkien firxa wiesgħa ta’ partijiet interessati tas-soċjetà ċivili mill-Ewropa u lil hinn minnha, u tipprovdilhom pjattaforma unika biex jinvolvu ruħhom f’dibattiti kritiċi, jikkondividu l-aħjar prattiki, u jikkollaboraw biex jiżviluppaw soluzzjonijiet li jrawmu l-koeżjoni soċjali u jsaħħu l-involviment demokratiku.
Din is-sena l-aġenda se tiġbor flimkien tliet inizjattivi ewlenin: l-organizzazzjonijiet u n-networks Ewropej tas-soċjetà ċivili (panels tal-Gruppi ta’ Kuntatt tal-KESE), diskussjoni dwar kif l-Istrateġija tas-Soċjetà Ċivili Ewropea tista’ trawwem koeżjoni akbar; Jum l-Inizjattiva taċ-Ċittadini Ewropej (IĊE) u r-rwol tal-IĊE fil-ġlieda kontra l-polarizzazzjoni; u ċ-ċerimonja tal-għoti tal-Premju għas-Soċjetà Ċivili. It-tema tal-15-il Premju għas-Soċjetà Ċivili, li jippremja l-eċċellenza fl-inizjattivi tas-soċjetà ċivili, hija l-ġlieda kontra l-polarizzazzjoni dannuża tas-soċjetà Ewropea. Ir-rebbieħa ġejjin mill-Belġju, irrappreżentati mill-organizzazzjoni tas-soċjetà ċivili “Diversity”; minn Franza “Réporteurs d’Espoirs”; u mis-Slovakkja “Slovenská debatná asociácia”. Il-klassifikazzjoni se titħabbar matul iċ-ċerimonja tal-premjazzjoni!
Il-Ġimgħa tas-Soċjetà Ċivili tagħna taġixxi bħala pjattaforma f’waqtha, u tappella lis-soċjetà ċivili organizzata u liċ-ċittadini biex jesprimu ruħhom dwar kwistjonijiet ewlenin, mill-isfidi dejjem jikbru tat-tibdil fil-klima, iż-żieda fl-għoli tal-ħajja u d-distakki dejjem jikbru fl-introjtu, għall-eżiti tal-elezzjonijiet tal-2024 fid-dinja kollha, li lkoll ħolqu art fertili għal polarizzazzjoni mifruxa.
Nistiednek tieħu sehem f’dan l-iskambju sinifikanti billi tingħaqad mad-diskussjonijiet tagħna u taħtaf l-opportunità biex il-konverżazzjoni nsarrfuha f’bidla. Il-vuċijiet tagħna huma importanti u jistgħu jinstemgħu dment li nibqgħu flimkien, proattivi u lesti li nikkontribwixxu għal Ewropa aktar koeżiva u parteċipattiva. Ir-reġistrazzjonijiet huma miftuħin! Titlifx din l-opportunità!
