Hemm tendenza li xi ġrajjiet jiġu ttikkettati b’mod eċċessiv bħala mumenti u avvenimenti tas-seklu, li jwasslu għal użu eċċessiv ta’ din l-espressjoni. Madankollu, peress li l-Kummissjoni Ewropea l-ġdida waslet biex tiġi ffurmata, ninsabu f’wieħed minn dawk il-mumenti determinanti: il-lemin estrem qed jiżdied u l-iskuntentizza qed tinfirex fil-kontinent kollu, il-gwerra fl-Ukrajna għaddejja sew u hemm il-periklu li l-gwerra ta’ Gaża ssir gwerra reġjonali miftuħa.
Hemm tendenza li xi ġrajjiet jiġu ttikkettati b’mod eċċessiv bħala mumenti u avvenimenti tas-seklu, li jwasslu għal użu eċċessiv ta’ din l-espressjoni. Madankollu, peress li l-Kummissjoni Ewropea l-ġdida waslet biex tiġi ffurmata, ninsabu f’wieħed minn dawk il-mumenti determinanti: il-lemin estrem qed jiżdied u l-iskuntentizza qed tinfirex fil-kontinent kollu, il-gwerra fl-Ukrajna għaddejja sew u hemm il-periklu li l-gwerra ta’ Gaża ssir gwerra reġjonali miftuħa.
Id-damma għadha ma ġietx mitfugħa fuq in-naħa l-oħra tal-Atlantiku, iżda t-tariffi li qed jiżdiedu u l-gwerra kummerċjali li qed tikber maċ-Ċina għadhom hemm, li x’aktarx jirriżultaw f’xokkijiet sussegwenti fil-ktajjen tal-provvista u fil-prezzijiet tal-konsumatur li fl-aħħar mill-aħħar se jinħassu mill-popolazzjoni.
Sadanittant, fir-rebbiegħa, il-Parlament Ewropew u l-Kunsill tal-UE qablu dwar regoli ġodda ta’ awsterità għall-UE, u l-Istati Membri tal-UE “prudenti” jkomplu jimblukkaw riżorsi proprji addizzjonali jew għażliet ta’ self. L-UE qed tiffaċċja pressjoni klimatika, inkwiet soċjali, estremiżmu u faxxiżmu dejjem akbar, kif ukoll l-iskreditar tad-demokrazija u l-awtoritarjaniżmu li qed jiżdied, li – flimkien mat-theddida tal-qerda nukleari u l-gwerra miftuħa fil-fruntieri tagħha – għandhom jagħtu lill-mexxejja tal-UE ftit spinta biex jabbandunaw il-viżjoni qasira u l-ġlied intern tagħhom. Kwalunkwe politika li tinjora (jew li sempliċiment tindirizza b’mod xejn konkret) l-inugwaljanza u l-ġustizzja x’aktarx se tfalli. Iċ-ċittadini huma għajjenin jisimgħu diskorsi u kliem li donnhom jinstemgħu tajbin, imma fil-verità isibu ruħhom dejjem aktar f’sitwazzjonijiet diffiċli u qed jitħabtu biex ilaħħqu mal-ħajja, fejn jaraw biss li l-impjiegi tagħhom qed jisparixxu u l-introjtu tagħhom dejjem jonqos. Il-populiżmu tal-lemin estrem qed jieħu vantaġġ minn dan kollu, waqt li jevita mistoqsijiet fundamentali billi jpoġġi t-tort fuq l-immigranti.
Mingħajr il-ġustizzja soċjali mhu se jkun hemm l-ebda stabbiltà u l-ebda msieħeb affidabbli fi kwalunkwe Stat Membru. U mingħajrha, l-għaqda meħtieġa biex jiġi indirizzat dak li qed tiffaċċja l-UE mhux se tkun hemm. Ejjew nagħmlu progress soċjali l-forza li tgħaqqad wara din il-leġiżlatura l-ġdida tal-UE.
Jien raġel ixxurtjat. L-Olimpjadi f’Pariġi kienu d-disa’ edizzjoni ta’ dan l-avveniment li attendejt. L-ewwel darba kienet f’Barċellona, fl-1992. Ipparteċipajt bħala atleta u tlajt fuq il-podju f’erbgħa edizzjonijiet tal-Logħob. Il-ħames edizzjonijiet l-oħra esperjenzajthom minn kull perspettiva possibbli: bħala spettatur, bħala membru tal-Federazzjoni Internazzjonali tal-Irfigħ tal-Piżijiet u bħala kowċ għat-tim nazzjonali tal-Istati Uniti tal-Amerka.
Jien raġel ixxurtjat. L-Olimpjadi f’Pariġi kienu d-disa’ edizzjoni ta’ dan l-avveniment li attendejt. L-ewwel darba kienet f’Barċellona, fl-1992. Ipparteċipajt bħala atleta u tlajt fuq il-podju f’erbgħa edizzjonijiet tal-Logħob. Il-ħames edizzjonijiet l-oħra esperjenzajthom minn kull perspettiva possibbli: bħala spettatur, bħala membru tal-Federazzjoni Internazzjonali tal-Irfigħ tal-Piżijiet u bħala kowċ għat-tim nazzjonali tal-Istati Uniti tal-Amerka. Matul dawn l-għexieren ta’ snin ta’ ċaqliq fl-isferi Olimpiċi, rajt ħafna bidliet. Apparti l-bliet ospitanti, inbidlu ħafna karatteristiċi fl-Olimpjadi. L-iżviluppi fil-kopertura tat-televiżjoni ppermettew lill-ispettaturi jkunu eqreb tal-atleti, u saħansitra jistgħu jaraw l-emozzjonijiet fuq wiċċhom. L-introduzzjoni ta’ prattiki sportivi ġodda fil-programm Olimpiku ġibdet udjenzi żgħażagħ u familjarizzatna ma’ dixxiplini li qatt ma konna smajna dwarhom. Fl-istess ħin, il-kunċett tas-sigurtà jfakkarna lkoll li qed ngħixu f’dinja imprevedibbli, fi żminijiet ta’ taqlib.
Għalhekk, kollox qed jinbidel fil-Logħob Olimpiku. Kollox ħlief il-prinċipji tal-Olimpiżmu u l-ħolm tal-atleti li qed jieħdu sehem. Fid-dinja tal-lum, l-ideali Olimpiċi huma aktar rilevanti minn qatt qabel. Barra minn hekk, l-Olimpiżmu ta’ spiss ikun qabel iż-żmien tiegħu. Kunċetti bħall-inklużjoni, l-aċċettazzjoni tad-diversità u l-koeżistenza armonjuża ilhom jikkostitwixxu l-ispirtu Olimpiku għal għexieren ta’ snin, ħafna qabel ma ġew diskussi mis-soċjetajiet. Madankollu, bħala sportiv, bħala Olimpjan li jaf kemm huwa diffiċli li tipparteċipa fi sport kompetittiv f’livell daqshekk għoli, jeħtieġ li niffoka primarjament fuq l-atleti. Għal ħafna minn dawn iż-żgħażagħ, il-Logħob Olimpiku jirrappreżenta l-għan tal-eżistenza tagħhom – xi ħaġa li tagħti tifsira lil ħajjithom u li ssawwar il-ħolm tagħhom. Għal din ir-raġuni, u għalija personalment, li nsegwi l-Olimpjadi mhuwiex dwar it-tabella tal-punti jew il-lista ta’ klassifikazzjoni. Insegwi l-Olimpjadi biex nara l-espressjonijiet fuq l-uċuħ tal-atleti, il-ferħ u d-dieqa tagħhom, id-dmugħ u l-entużjażmu tagħhom. Insegwi l-Olimpjadi biex narahom jistinkaw biex jissuperaw lilhom innifishom.
L-impjiegi ta’ għada se jirrikjedu l-ħiliet meħtieġa biex tinkiseb it-tranżizzjoni doppja ekoloġika u diġitali u jiġu indirizzati l-bidliet demografiċi. Meta ninvestu fit-taħriġ u t-taħriġ mill-ġdid, kif nistgħu niżguraw li dawn il-miżuri jilħqu wkoll lil dawk l-aktar vulnerabbli? X’inhuma d-differenzi attwali fil-ħiliet u kif inhuma marbuta mal-faqar?
L-impjiegi ta’ għada se jirrikjedu l-ħiliet meħtieġa biex tinkiseb it-tranżizzjoni doppja ekoloġika u diġitali u jiġu indirizzati l-bidliet demografiċi. Meta ninvestu fit-taħriġ u t-taħriġ mill-ġdid, kif nistgħu niżguraw li dawn il-miżuri jilħqu wkoll lil dawk l-aktar vulnerabbli? X’inhuma d-differenzi attwali fil-ħiliet u kif inhuma marbuta mal-faqar?
Fl-10 ta’ Lulju, il-Grupp tal-Organizzazzjonijiet tas-Soċjetà Ċivili tal-KESE esplora dawn il-mistoqsijiet bħala parti minn dibattitu tematiku li matulu tniedastudju ġdid tal-KESE, intitolat Kif jista’ jinqered il-faqar tal-ħiliet fost dawk l-aktar vulnerabbli?. L-istudju ġie kkummissjonat mill-KESE fuq talba tal-Grupp b’rabta mas-Sena Ewropea tal-Ħiliet (2023). Dan jeżamina l-kunċett ġdid tal-faqar fil-ħiliet, jipproponi definizzjoni, jinvestiga l-ixprunaturi u s-soluzzjonijiet possibbli, u jwitti t-triq għal aktar riċerka dwar dan is-suġġett fil-futur. Waħda mill-konklużjonijiet tiegħu hija li l-organizzazzjonijiet tas-soċjetà ċivili għandhom rwol uniku x’jaqdu biex jidentifikaw u jappoġġjaw individwi vulnerabbli li jeħtieġu jtejbu l-ħiliet tagħhom. Huma għandhom jaħdmu mill-qrib mal-komunitajiet u l-awtoritajiet lokali, waqt li jagħmlu użu tajjeb min-networks tagħhom u jiżguraw li ħadd ma jitħalla jibqa’ lura fir-rigward tal-edukazzjoni u l-iżvilupp tal-ħiliet.
Id-dibattitu inkluda kontributi minn Juliana Wahlgren, Direttur tan-Network Ewropew Kontra l-Faqar (EAPN), li ddiskutiet il-fatturi sottostanti li jaffettwaw l-aċċess għall-ħiliet, u minn Agnieszka Maj, riċerkatriċi fiċ-Ċentru għar-Riċerka Soċjali u Ekonomika (CASE), li wettqet l-istudju.
Għall-artiklu kollu dwar id-dibattitu tematiku u intervista mal-awturi, ara s-sit web tal-avveniment.
L-istudju u s-sommarju eżekuttiv jinsabu hawnhekk.
Il-Grupp ta’ Min Iħaddem feraħ lill-President tal-Kummissjoni Ursula von der Leyen talli reġgħet ġiet eletta f’Lulju u laqa’ l-linji gwida politiċi tagħha. Dawn il-linji gwida jimmarkaw bidla sinifikanti lejn l-indirizzar tal-isfida tal-kompetittività li qed tikkrolla, waqt li jirrikonoxxu li din hija kwistjoni kritika importanti daqs it-tibdil fil-klima u s-sigurtà.
Il-Grupp ta’ Min Iħaddem feraħ lill-President tal-Kummissjoni Ursula von der Leyen talli reġgħet ġiet eletta f’Lulju u laqa’ l-linji gwida politiċi tagħha. Dawn il-linji gwida jimmarkaw bidla sinifikanti lejn l-indirizzar tal-isfida tal-kompetittività li qed tikkrolla, waqt li jirrikonoxxu li din hija kwistjoni kritika importanti daqs it-tibdil fil-klima u s-sigurtà.
Il-kompetittività u l-prosperità huma finalment prijoritajiet ewlenin. Il-Pjan għall-Prosperità Ewropea l-ġdid għandu l-għan li jiffaċilita l-operazzjonijiet tan-negozju fl-Ewropa, japprofondixxi s-Suq Uniku u jagħti spinta lill-produttività permezz ta’ teknoloġiji rivoluzzjonarji. Nilqgħu b’mod partikolari l-enfasi fuq l-iffaċilitar tal-ħajja għan-negozji billi jitnaqqsu l-piżijiet amministrattivi, tiġi ssimplifikata l-implimentazzjoni u billi Viċi President jikkoordina dan l-aspett.
Il-Grupp ta’ Min Iħaddem tal-KESE ilu jappella għal dan l-approċċ, kif jidher ċar mill-prijoritajiet tagħna: Nixprunaw il-Prosperità għal Kulħadd: Aġenda dwar il-Kompetittività għall-UE u aħna ħerqana li nikkollaboraw dwar l-allinjament tal-implimentazzjoni mal-kundizzjonijiet tad-dinja reali. Il-kompetittività tal-UE ilha taħt theddida serja għal xi żmien. Waqt li l-Ewropa għadha waħda mill-aktar reġjuni innovattivi, siguri u prosperi, qed taqa’ lura mill-Istati Uniti u qed titlef il-pożizzjoni tagħha fil-konfront taċ-Ċina fuq diversi metriċi ewlenin, bħat-tkabbir tal-PDG per capita, fejn l-Istati Uniti ilhom bi prestazzjoni aqwa minn dik tal-Ewropa għal dawn l-aħħar għaxar snin. Sinjali ta’ twissija aktar granulari ta’ din ix-xejra jinkludu l-għadd ta’ privattivi tat-teknoloġija tal-informazzjoni u tal-komunikazzjoni (ICT) u l-livelli ta’ investiment dirett barrani (IDB).
Din hija r-raġuni għaliex nilqgħu b’mod partikolari l-prijoritajiet li ġejjin fil-linji gwida politiċi għall-Kummissjoni li jmiss:
Kontroll tal-kompetittività mġedded u Ftehim Interistituzzjonali dwar is-simplifikazzjoni u t-tfassil aħjar tal-liġijiet
Investiment imsaħħaħ sew ma’ Unjoni Ewropea tat-Tfaddil u l-Investimenti
Żieda fl-infiq fuq ir-riċerka biex issir enfasi fuq prijoritajiet strateġiċi, riċerka rivoluzzjonarja u eċċellenza xjentifika
L-istabbiliment ta’ status legali ġdid fl-UE kollha biex jgħin lill-kumpaniji innovattivi jikbru
Patt għal Industrija Nadifa biex isir investiment fl-infrastruttura u fl-industrija, u biex b’hekk jitnaqqsu l-prezzijiet tal-enerġija u jiġu appoġġjati kumpaniji fl-isforzi tagħhom ta’ ekoloġizzazzjoni.
Il-valuri tal-isport ma jiqdiemu qatt: jgħaqqdu lin-nies u lill-pajjiżi
Għeżież qarrejja,
Il-KESE ħa l-inizjattiva Flimkienaktar b’saħħitna għall-valuri tal-isport biex japprova l-valuri minquxa fl-Olimpjadi tal-2024 f’Pariġi mill-perspettiva tas-soċjetà ċivili. L-inizjattiva enfasizzat il-ħidma tal-Kumitat li minn dejjem kien fuq quddiem nett fil-promozzjoni tal-isport bħala forza pożittiva għat-trawwim ta’ valuri b’saħħithom fis-sezzjonijiet kollha tas-soċjetà.
Il-valuri tal-isport ma jiqdiemu qatt: jgħaqqdu lin-nies u lill-pajjiżi
Għeżież qarrejja,
Il-KESE ħa l-inizjattiva Flimkienaktar b’saħħitna għall-valuri tal-isport biex japprova l-valuri minquxa fl-Olimpjadi tal-2024 f’Pariġi mill-perspettiva tas-soċjetà ċivili. L-inizjattiva enfasizzat il-ħidma tal-Kumitat li minn dejjem kien fuq quddiem nett fil-promozzjoni tal-isport bħala forza pożittiva għat-trawwim ta’ valuri b’saħħithom fis-sezzjonijiet kollha tas-soċjetà.
B’din l-inizjattiva, nixtiequ nqajmu simbolikament l-idea ta’ tregwa li ġiet introdotta għall-ewwel darba fl-Olimpjadi antiki fil-Greċja, li jmorru lura għas-seklu 9. It-tregwa, Ekecheiria bil-Grieg, matul iċ-ċelebrazzjoni tal-logħob kienet perjodu ta’ paċi fost l-istati bliet f’kunflitt, bil-għan li tippermetti parteċipazzjoni sikura fil-logħob għall-atleti u l-ispettaturi.
Illum il-ġurnata, l-idea ta’ tregwa tidher aktar f’waqtha minn qatt qabel minħabba x-xenarju ġeopolitiku fraġli attwali, meta wieħed iqis il-kunflitt u t-taqlib politiku fl-Ewropa u f’partijiet oħra tad-dinja.
Barra minn hekk, nixtiequ napprovaw il-valuri tal-isport li ma jiqdiemu qatt. Kif qal Nelson Mandela, l-isport jista’ joħloq tama fejn darba kien jirrenja biss id-disprament. Il-valuri li qed niddefendu għandhom is-setgħa li jbiddlu d-dinja u jgħaqqdu lin-nies u lill-pajjiżi b’mod li jġib il-paċi u l-armonija, u bi prevalenza tar-rispett u l-ħbiberija.
F’dan il-kuntest nedejna kampanja qasira li tirrifletti t-tliet valuri oriġinali tal-eċċellenza, ir-rispett u l-ħbiberija, li evolvew matul is-snin, b’kont meħud tal-persuni b’diżabilità.
Is-soċjetà ċivili organizzata hija favur l-ispirtu tal-bini ta’ dinja paċifika u aħjar permezz tal-edukazzjoni taż-żgħażagħ bi sport li jiġi pprattikat mingħajr diskriminazzjoni ta’ kwalunkwe tip, u fi spirtu ta’ ħbiberija, solidarjetà u logħob ġust.
L-artikli, l-elementi grafiċi, il-messaġġi bil-vidjow u d-dikjarazzjonijiet mill-membri tagħna ġew ippubbliċizzati fuq is-sit web tal-KESE u l-pjattaformi tal-media soċjali tal-KESE sa mill-bidu tal-Logħob ta’ Pariġi. Il-kampanja ssoktat matul il-Paraolimpjadi, u enfasizzat li din iċ-ċelebrazzjoni sportiva kbira tħalli stampa qawwija fuq is-soċjetà, billi tenniet messaġġi b’saħħithom għal opportunitajiet indaqs u trattament ugwali.
Il-valuri tal-isport fil-Logħob ta’ Pariġi jaqblu ħafna mal-valuri Ewropej tal-libertà, il-paċi, id-diversità u l-inklużjoni. Dawn il-valuri għandhom ikunu l-prinċipji gwida fil-ħajja tagħna ta’ kuljum, fejn id-differenzi u l-kunflitti għandhom jiġu ttrattati permezz tad-djalogu u r-rispett reċiproku.
Il-KESE, id-dar tas-soċjetà ċivili organizzata, dejjem iddefenda dawn il-valuri, billi ppromova soċjetà aktar inklużiva, ġusta u koeżiva, li tiżgura opportunitajiet indaqs u l-parteċipazzjoni attiva tal-membri kollha tiegħu.
Il-Kumitat Ekonomiku u Soċjali Ewropew, f’kollaborazzjoni mal-Kumitat tar-Reġjuni, qabel li jinkludi l-bini Van Maerlant (VMA) tiegħu fl-edizzjoni ta’ din is-sena tal-Jiem tal-Wirt, organizzata minn Urban Brussels, li saret fi tmiem il-ġimgħa tal-14 u l-15 ta’ Settembru.
Il-Kumitat Ekonomiku u Soċjali Ewropew, f’kollaborazzjoni mal-Kumitat tar-Reġjuni, qabel li jinkludi l-bini Van Maerlant (VMA) tiegħu fl-edizzjoni ta’ din is-sena tal-Jiem tal-Wirt, organizzata minn Urban Brussels, li saret fi tmiem il-ġimgħa tal-14 u l-15 ta’ Settembru.
Il-viżitaturi gawdew minn żjarat iggwidati tal-bini, li fihom setgħu jitilgħu t-taraġ tal-irħam tar-rotunda biex jiskopru l-arkitettura oriġinali mill-bidu tas-snin tmenin, ir-raba’ sular li ġie kompletament rinnovat u modernizzat bis-soluzzjonijiet innovattivi u ekoloġiċi tiegħu, kif ukoll l-aktar parti rikonoxxibbli tal-bini – il-pont pedonali b’żewġ sulari fuq Rue Belliard bl-iskultura magħrufa Le fil d'Ariane, magħmula mill-iskultur Belġjan Jean-Paul Laenen fl-1991.
Il-Jiem tal-Wirt ta’ Brussell (Journées du Patrimoine/Open Monumentendagen) huma avveniment annwali li jiċċelebra l-istorja rikka tal-Art Nouveau fil-belt. Kemm ir-residenti kif ukoll it-turisti huma mistiedna jesploraw diversi binjiet fil-belt kapitali kollha, b’fokus speċjali għal dawk normalment magħluqin għall-pubbliku.
Il-KESE minn dejjem kien fuq quddiem nett fil-promozzjoni tal-isport bħala forza pożittiva għat-trawwim ta’ valuri b’saħħithom f’kull qasam tas-soċjetà.
Il-KESE minn dejjem kien fuq quddiem nett fil-promozzjoni tal-isport bħala forza pożittiva għat-trawwim ta’ valuri b’saħħithom f’kull qasam tas-soċjetà.
Fl-Opinjoni tiegħu dwar L-isport u l-valuri Ewropej, imfassla mill-membru Bernardo Hernández Bataller, il-KESE jgħid li l-isport jgħin biex jintlaħqu l-objettivi strateġiċi tal-UE, jagħti prominenza lill-valuri edukattivi u kulturali ewlenin, u huwa mezz ta’ integrazzjoni, peress li huwa miftuħ għall-membri kollha tal-pubbliku, irrispettivament mill-ġeneru, l-oriġini etnika, ir-reliġjon, l-età, in-nazzjonalità, is-sitwazzjoni soċjali jew l-orjentazzjoni sesswali tagħhom. L-isport għandu rwol ċentrali bħala għodda biex jiġu indirizzati l-intolleranza, il-ksenofobija u r-razziżmu.
Fl-2022, il-ħidma tal-KESE dwar l-isport iffukat fuq l-Opinjoni tiegħu dwar L-azzjoni tal-UE għall-perjodu ta’ wara l-COVID-19: irkupru aħjar permezz tal-isport, abbozzat mill-membru Pietro Barbieri. Wara l-perjodu twil tal-pandemija, li kellu impatt serju fuq is-settur kollu tal-isport u fuq l-assoċjazzjonijiet sportivi lokali b’mod partikolari, il-Kumitat ressaq l-argument li kien meħtieġ approċċ strateġiku sabiex jissaħħaħ u jiġi promoss ir-rwol tal-isport u tal-attività fiżika fil-bini ta’ soċjetà aktar reżiljenti u sostenibbli, bħala parti mill-proċess usa’ ta’ rkupru ekonomiku u soċjali.
Il-Lexicon Ewropew taċ-Ċikliżmu tal-KESE (l-aħħar edizzjoni ppubblikata fl-2023) huwa eżempju prattiku tal-appoġġ tiegħu għaċ-ċikliżmu. Jiġbor flimkien vokabularju relatat maċ-ċikliżmu fil-lingwi kollha tal-UE u huwa utli għal kull min isuq ir-rota f’pajjiż Ewropew ieħor u lil hinn mill-kontinent.
F’dawn l-aħħar snin, il-KESE organizza u appoġġja wkoll avvenimenti taċ-ċikliżmu. F’Mejju 2024, il-membru tal-KESE Bruno Choix mexxa avveniment taċ-ċikliżmu madwar Franza u l-Belġju biex jippromovi l-elezzjonijiet Ewropej u jħeġġeġ lin-nies joħorġu jivvutaw. Fl-2019, għall-Grand Départ de Bruxelles 2019 (1-7 ta’ Lulju 2019) tat-Tour de France, il-Kumitat ippromova r-rwol u l-popolarità li qed tikber taċ-ċikliżmu bħala mezz ta’ trasport nadif. (mp)
Is-seminar tal-KESE “Nikkollegaw l-Ewropa”, li kull sena jlaqqa’ flimkien professjonisti tal-komunikazzjoni mill-organizzazzjonijiet tas-soċjetà ċivili, se jsir fi Brussell fis-17 u t-18 ta’ Ottubbru 2024. Se jiffoka fuq il-ġurnaliżmu u l-importanza li jitħarsu l-indipendenza u r-rilevanza tiegħu fil-kuntest tal-pressjoni politika dejjem tikber fuq il-media u l-mod kif kibret b’daqstant ħeffa l-IA ġenerattiva.
Is-seminar tal-KESE “Nikkollegaw l-Ewropa”, li kull sena jlaqqa’ flimkien professjonisti tal-komunikazzjoni mill-organizzazzjonijiet tas-soċjetà ċivili, se jsir fi Brussell fis-17 u t-18 ta’ Ottubbru 2024. Se jiffoka fuq il-ġurnaliżmu u l-importanza li jitħarsu l-indipendenza u r-rilevanza tiegħu fil-kuntest tal-pressjoni politika dejjem tikber fuq il-media u l-mod kif kibret b’daqstant ħeffa l-IA ġenerattiva.
Bit-titolu "Il-bażi tad-demokrazija: ngħinu lill-ġurnaliżmu jissopravivi u jikber”, is-seminar se jinkludi żewġ panels u sessjoni ta’ networking:
Ġurnaliżmu responsabbli fl-era ta’ post-verità – il-livelli tad-demokrazija qed jonqsu ħafna madwar id-dinja u l-ġurnalisti qed iħabbtu wiċċhom ma’ sfidi ġodda, bħall-użu dejjem aktar makakk tal-IA għat-tixrid ta’ aħbarijiet foloz. Barra minn hekk, l-isfidi l-antiki, bħan-nuqqas ta’ trasparenza tas-sjieda tal-media jew finanzjament insuffiċjenti, jidhru li se jibqgħu. X’se jkun meħtieġ biex il-ġurnaliżmu jibqa’ pedament tad-demokrazija? Il-ġurnaliżmu responsabbli huwa saħansitra vijabbli llum? F’dinja fejn il-mezzi tal-media qed jikkompetu mal-influwenzaturi jew mal-medja soċjali bħala s-sorsi tal-aħbarijiet, il-ġurnaliżmu se jkollu jerġa’ jivvinta lilu nnifsu biex jibqa’ ġid pubbliku? L-aħħar atti tal-UE jistgħu jgħinu biex l-IA ssir alleat tal-libertà tal-istampa?
Xogħol perikoluż– rapportar investigattiv – il-ġurnaliżmu investigattiv għandu storja twila li jġiegħel lil dawk fil-poter jagħtu rendikont ta’ azzjonijiethom u jagħti vuċi lil dawk li qed ifittxu li jirrapportaw abbuż ta’ pożizzjoni u privileġġ. X’tipi ta’ sfidi għandhom jaffrontaw il-ġurnalisti investigattivi biex jixħtu dawl fuq il-verità? X’protezzjoni għandhom għad-dispożizzjoni tagħhom biex jipproteġu lilhom infushom minn theddid? Il-leġiżlazzjoni l-ġdida tal-UE tista’ tiżgura aktar libertà u setgħa għalihom?
Xogħol bħala uffiċjal tal-istampa jew tal-komunikazzjoni fl-era ta’ Instagram, TikTok u IA – kif twassal il-messaġġ tiegħek (sessjoni ta’ networking u sessjonijiet ta’ ħidma) – Permezz ta’ preżentazzjonijiet u sessjonijiet ta’ ħidma prattiċi, is-sessjoni għandha l-għan li toffri ħarsa lejn dinja ġdida ta’ komunikazzjoni ma’ udjenzi differenti, inkluż iż-żgħażagħ.
Is-seminar “Nikkollegaw l-Ewropa” joffri pjattaforma fejn il-professjonisti tal-istampa u l-komunikazzjoni minn organizzazzjonijiet tas-soċjetà ċivili jistgħu jinteraġixxu u jiddiskutu dwar kwistjonijiet attwali ta’ interess komuni li jolqtu lill-Ewropa. Is-seminar ilaqqa’ membri tal-KESE u rappreżentanti oħra tal-UE, organizzazzjonijiet imsieħba mill-Istati Membri, ġurnalisti u riċerkaturi biex jiddiskutu l-kwistjonijiet jaħarqu tal-ġurnata. Il-programm sħiħ u l-lista tal-kelliema se jkunu disponibbli dalwaqt fis-sit web tal-KESE. Għal aktar informazzjoni jekk jogħġbok ikteb lil: pressofficers@eesc.europa.eu. (ll)
Il-Kumitat Ekonomiku u Soċjali Ewropew (KESE) jieħu l-inizjattiva li japprova l-valuri minquxa fl-Olimpjadi tal-2024 f’Pariġi, mill-perspettiva tas-soċjetà ċivili.
Il-Kumitat Ekonomiku u Soċjali Ewropew (KESE) jieħu l-inizjattiva li japprova l-valuri minquxa fl-Olimpjadi tal-2024 f’Pariġi, mill-perspettiva tas-soċjetà ċivili.
Fix-xenarju ġeopolitiku fraġli tal-lum, il-KESE qed iressaq b’mod simboliku l-idea ta’ tregwa matul iċ-ċelebrazzjoni tal-logħob, biex tirrifletti t-tliet valuri oriġinali tal-eċċellenza, ir-rispett u l-ħbiberija.Is-soċjetà ċivili organizzata hija favur l-ispirtu tal-bini ta’ dinja paċifika u aħjar permezz tal-edukazzjoni taż-żgħażagħ bi sport li jiġi pprattikat mingħajr diskriminazzjoni ta’ kwalunkwe tip, u fi spirtu ta’ ħbiberija, solidarjetà u logħob ġust.
Oliver Röpke, il-President tal-KESE, qal li: “Il-Logħob jirrappreżenta l-ispirtu ta’ għaqda u paċi, li ma jagħrfux fruntieri u jlaqqgħu flimkien lill-persuni minn kull qasam tas-soċjetà. Billi nirrakkomandaw dawn il-valuri, nittamaw li nispiraw moviment globali favur il-paċi u s-solidarjetà.”
LaurenţiuPlosceanu, il-Viċi President tal-KESE għall-Komunikazzjoni, qal li: “B’din l-inizjattiva nixtiequ napprovaw il-valuri tal-isport li ma jeqdiemu qatt. Il-valuri li qed niddefendu għandhom is-setgħa li jbiddlu d-dinja u jgħaqqdu lin-nies u lill-pajjiżi.”
Krzysztof Pater, il-Viċi President tal-KESE għall-Baġit, qal li: “Il-Logħob ta’ Pariġi juri li kulħadd għandu d-dritt li jagħmel parti minn din iċ-ċelebrazzjoni kbira tal-isports mingħajr diskriminazzjoni. Il-persuni b’diżabilità huma eżempju b’saħħtu għall-udjenzi madwar id-dinja, u jenfasizzaw il-valuri tal-kuraġġ, id-determinazzjoni u l-ugwaljanza.”
Dimitris Dimitriadis, eks President tal-KESE u President tas-Sezzjoni għar-Relazzjonijiet Esterni tal-KESE, qal: “It-tregwa, jew ‘Ekecheiria’ bil-Grieg oriġinali, issa tidher aktar f’waqtha minn qatt qabel. Jeħtieġ li din l-idea tat-tregwa nagħtuha l-ħajja u nħaddmuha fil-prattika bħala tama biex nispiraw l-umanità u nippromovu l-paċi u d-djalogu.”
Giulia Barbucci, eks Viċi President tal-KESE għall-Baġit u Membru tal-KESE, qalet: “Għall-ewwel darba fl-istorja, se jkun hemm parteċipazzjoni ugwali bejn l-irġiel u n-nisa fil-Logħob ta’ Pariġi. Iżda rridu niftakru li l-parità fil-parteċipazzjoni mhijiex l-ugwaljanza u għad hemm ħafna xi jsir fir-rigward ta’ dan l-objettiv fl-isport.”
Isabel Caño Aguilar, eks Viċi President tal-KESE għall-Komunikazzjoni u Membru tal-KESE, qalet: “Ix-xewqa tiegħi għal-Logħob ta’ Pariġi hija li l-kategoriji kollha ta’ persuni b’diżabilità jkun rappreżentati b’mod ekwu, bid-dritt li jikkompetu u jiġu protetti, speċjalment bl-inklużjoni tal-persuni b’diżabilità intelletwali”. (mt)
