European Economic
and Social Committee
Ġranet tas-Soċjetà Ċivili 2021: Irkupru sostenibbli għall-ġejjieni taċ-ċittadini tal-Ewropa
Kif għandu jkun irkupru sostenibbli mill-COVID-19 għall-Ewropa? Liema huma l-punti ta’ saħħa ewlenin li l-UE għandha tuża biex tiżgura ġejjieni tajjeb għaċ-ċittadini tagħha? Dawn ser ikunu l-mistoqsijiet fil-qalba tal-Ġranet tas-Soċjetà Ċivili 2021 tal-KEE, li ser isir online mill-1 sal-5 ta’ Marzu.
Matul il-pandemija, is-soċjetà ċivili organizzata qdiet rwol ewlieni fl-indirizzar tal-għadd kbir ta’ sfidi li ġabet magħha l-COVID-19, inkluż l-appoġġ lill-awtoritajiet pubbliċi li kienu qed ibatu sew quddiem diffikultajiet wisq kbar għalihom.
Din l-esperjenza prattika tista’ toffri għarfien speċjalizzat prezzjuż għad-dibattitu dwar l-irkupru u anke tikkontribwixxi għall-Konferenza dwar il-Ġejjieni tal-Ewropa, hekk kif it-tmiem tal-istaġnar fir-rigward it-tmexxija jwitti t-triq biex tibda f’Mejju.
Il-Ġranet tas-Soċjetà Ċivili 2021 tal-KESE se joffri sensiela ta’ dibattiti interessanti ferm minn kelliema ta’ ispirazzjoni u ffokati fuq dawn it-suġġetti li ġejjin:
- id-demokrazija f’diversi livelli sostenibbli fl-Ewropa
- l-ekonomija soċjali u l-intraprenditorija fost iż-żgħażagħ għal irkupru sostenibbli
- ir-rwol tal-edukazzjoni u l-kultura fl-irkupru sostenibbli għall-Ewropa
- il-ġejjieni tax-xogħol fl-ekonomija tal-benessri
- l-attiviżmu fost iż-żgħażagħ, bidla sistemika u l-irkupru fl-Ewropa
- Patt Ekoloġiku soċjali għal irkupru sostenibbli
- ir-rwol tal-gruppi ewlenin tas-soċjetà ċivili fil-mewġa ta’ rinnovazzjoni
- Ir-rwol u l-valur ekonomiku tal-voluntiera fit-triq lejn l-irkupru u lil hinn minnu.
Individwi u organizzazzjonijiet li jixtiequ jieħdu sehem fil-konferenza jistgħu jsiru jafu iżjed u jirreġistraw hawnhekk. (dm)