Wirja reċenti ta’ ritratti fil-KESE xeħtet dawl fuq is-sitwazzjoni tal-priġunieri politiċi fil-Belarussja, u fuq il-perikli tar-reġim awtoritarju u oppressiv tal-pajjiż.

Il-wirja, “Heroes of Dark Times” (Eroj taż-żminijiet tad-dlam) saret online u kienet turi 32 immaġni minn erba’ fotografi, li wrew persuni li ġew kundannati u nżammew priġunieri mill-gvern tal-Belarussja.

Ir-reġim Belaruss xeħet il-ħabs aktar minn 1 000 priġunier politiku. Dawn ir-ritratti jenfasizzaw il-ksur tad-drittijiet tal-bniedem u tal-libertà tal-kelma fil-Belarussja, u huma xhieda ħajja tar-ripressjonijiet mingħajr preċedent li jxekklu lill-poplu tal-Belarussja fit-taqbida kuraġġuża tiegħu favur id-demokrazija.

B’din il-wirja, il-Kumitat Ekonomiku u Soċjali Ewropew ried jagħti ġieħ lil dawn l-eroj minsija, kif ukoll iqajjem kuxjenza dwar is-sitwazzjoni prekarja ta’ dawk fl-oppożizzjoni politika f’dan il-pajjiż ġar.

Il-wirja saret mit-12 t’April sas-6 ta’ Mejju. (kc)

Skopri aktar fuq: https://europa.eu/!fdhy6F