L-elezzjonijiet Ewropej li ġejjin huma kruċjali għall-UE hekk kif qed tiġġieled allarmiżmu Ewroxettiku u tal-lemin estrem. L-elezzjonijiet se jsawru l-pajsaġġ politiku tal-UE u se jiddefinixxu rwol attiv u inklużiv għaċ-ċittadini u l-organizzazzjonijiet tas-soċjetà ċivili.
L-elezzjonijiet Ewropej li ġejjin huma kruċjali għall-UE hekk kif qed tiġġieled allarmiżmu Ewroxettiku u tal-lemin estrem. L-elezzjonijiet se jsawru l-pajsaġġ politiku tal-UE u se jiddefinixxu rwol attiv u inklużiv għaċ-ċittadini u l-organizzazzjonijiet tas-soċjetà ċivili.
F’dan l-isfond, il-KESE, id-dar tas-soċjetà ċivili organizzata, se jorganizza l-ewwel Ġimgħa tas-Soċjetà Ċivili tiegħu bejn l-4 u s-7 ta’ Marzu 2024 u t-tema se tkun Ilkoll Flimkien għad-Demokrazija!
Dan l-avveniment se jlaqqa’ individwi ta’ kull età u minn kull sfond, inklużi żgħażagħ, ġurnalisti mill-Istati Membri kollha tal-UE, rappreżentanti tal-organizzazzjonijiet tas-soċjetà ċivili, partijiet ikkonċernati u istituzzjonijiet tal-UE, biex jipparteċipaw f’diskussjonijiet vivaċi li se jenfasizzaw il-kontribut tas-soċjetà ċivili għall-kwistjonijiet soċjali, politiċi u ekonomiċi li jolqtu l-ħajja tagħna ta’ kuljum.
Peress li d-demokrazija tibda bil-parteċipazzjoni, dan l-avveniment ewlieni tal-KESE se jgħaqqad ħames inizjattivi ewlenin:
il-Ġranet tas-Soċjetà Ċivili, li matulhom in-nies se jesprimu l-aspettattivi tagħhom dwar kwistjonijiet kruċjali għad-demokraziji tagħna;
l-Inizjattiva taċ-Ċittadini Ewropej (IĊE), il-laqgħa annwali ta’ livell għoli għall-organizzaturi futuri ta’ IĊE li matulha jiġu stabbiliti l-miri leġiżlattivi li jmiss;
L-Ewropa Tiegħek, Leħnek, avveniment uniku taż-żgħażagħ li jqarreb lill-UE lejn iż-żgħażagħ tal-Istati Membri kollha tal-UE u lil hinn, inklużi rappreżentanti taż-żgħażagħ mill-pajjiżi kandidati tal-UE u mir-Renju Unit;
il-Premju għas-Soċjetà Ċivili, li jippremja proġetti kreattivi u innovattivi mingħajr skop ta’ qligħ għall-appoġġ li joffru lil persuni b’kundizzjoni ta’ saħħa mentali;
u, l-aħħar iżda mhux l-inqas, is-Seminar għall-Ġurnalisti, li matulu ġurnalisti mill-Istati Membri kollha tal-UE se jesperjenzaw direttament kif jaħdem il-Kumitat u jirrapportaw lura lill-pajjiżi tagħhom.
Il-Ġimgħa tas-Soċjetà Ċivili tagħna se tkun pjattaforma f’waqtha għas-soċjetà ċivili organizzata u ċ-ċittadini biex jesprimu fehmiethom dwar kwistjonijiet ewlenin għal-leġiżlatura l-ġdida tal-Ewropa. Fuq kollox, se tħeġġeġ il-parteċipazzjoni tal-votanti u attitudni pro-Ewropea.
Il-kontribut li jipprovdu l-parteċipanti waqt il-Ġimgħa tas-Soċjetà Ċivili se jiġi integrat f’Riżoluzzjoni li twassal il-messaġġi ewlenin tas-soċjetà ċivili għal Ewropa aktar demokratika fid-dawl tal-elezzjonijiet Ewropej.
Nistidinkom tingħaqdu magħna f’dan l-isforz importanti: ikkontribwixxu għad-diskussjonijiet tagħna u ħeġġu liċ-ċittadini u lill-assoċjazzjonijiet biex jieħdu sehem fl-elezzjonijiet Ewropej. Titilfux din l-opportunità! L-UE teħtieġ li ċ-ċittadini tagħha jitkellmu u jkunu preżenti.
Fil-kolonna l-ġdida tagħna Jien se nivvota.U inti? li se tibqa’ għaddejja sa Ġunju 2024, se nippreżentaw il-fehmiet tal-kelliema mistiedna tagħna dwar kif u għaliex għandna nipparteċipaw fl-elezzjonijiet Ewropej. Din id-darba, il-mistieden tagħna huwa Andrej Matišák, deputat kap tal-uffiċċju tal-affarijiet barranin tal-akbar gazzetta ta’ kuljum tas-Slovakkja, Pravda.
Fil-kolonna l-ġdida tagħna “Jien se nivvota. U inti?” li se tibqa’ għaddejja sa Ġunju 2024, se nippreżentaw il-fehmiet tal-kelliema mistiedna tagħna dwar kif u għaliex għandna nipparteċipaw fl-elezzjonijiet Ewropej. Din id-darba, il-mistieden tagħna huwa Andrej Matišák, deputat kap tal-uffiċċju tal-affarijiet barranin tal-akbar gazzetta ta’ kuljum tas-Slovakkja, Pravda.
Le, mhux qed nitkellem dwar l-ammont eċċezzjonali ta’ kastelli, spas esklussivi jew muntanji sbieħ. Irrid infisser ir-rekords politiċi tal-Islovakkja. U sfortunatament, ninsabu l-aħħar fil-klassi.
L-Islovakki vvutaw għall-ewwel darba fl-elezzjonijiet tal-Parlament Ewropew fl-2004. Minn dak iż-żmien ’l hawn, il-pajjiż tiegħi dejjem kellu l-inqas parteċipazzjoni. Dejjem.
Le, mhux qed nitkellem dwar l-ammont eċċezzjonali ta’ kastelli, spas esklussivi jew muntanji sbieħ. Irrid infisser ir-rekords politiċi tal-Islovakkja. U sfortunatament, ninsabu l-aħħar fil-klassi.
L-Islovakki vvutaw għall-ewwel darba fl-elezzjonijiet tal-Parlament Ewropew fl-2004. Minn dak iż-żmien ’l hawn, il-pajjiż tiegħi dejjem kellu l-inqas parteċipazzjoni. Dejjem.
Fl-2014, din laħqet biss 13.05%. Dak iż-żmien, tant kont konvint li l-parteċipazzjoni kienet se tkun inqas minn 15% li kważi kkunsidrajt li nieħu self bankarju u li nifforma partit. Anke meta nħars lura, naħseb li kelli ċans li nsir Membru tal-Parlament Ewropew.
Madankollu, fuq nota aktar serja: illum, l-Islovakki kif jipperċepixxu l-Unjoni Ewropea? Bħala bank li minnu jistgħu jiġbdu l-flus? Ċertament, iżda l-problema hija li l-Islovakkja lanqas biss tista’ tuża l-fondi tal-UE b’mod effettiv. Aħna fost l-agħar f’dan il-qasam ukoll.
In-narrattiva li Brussell tiddetta kollox hija popolari. Bla dubju, tinzertaha kullimkien. Madankollu, il-politiċi Slovakki pperfezzjonawha. Jekk jiġri xi ħaġa tajba, jieħdu l-kreditu. Jekk tiġri xi ħaġa ħażina, “Brussell reġgħet falliet”, u ftit li xejn politiċi jirreżistu din in-narrattiva.
Madankollu, il-media tista’ titqies bħala problema wkoll. Il-mod kif ikopru s-suġġetti tal-UE spiss huwa superfiċjali. Il-ġurnalisti jevitaw aħbarijiet li jirrigwardaw l-UE għaliex jgħidu li huma tedjanti, bir-riżultat li meta jkopruhom jiffukaw primarjament fuq kwistjonijiet problematiċi, kemm jekk reali kif ukoll jekk ivvintati.
Ippermettuli ngħid ftit kelmiet dwar is-settur tan-negozju. L-intraprendituri rarament jitkellmu pubblikament dwar il-vantaġġi tal-UE. Anke huma jippreferu jilmentaw dwar ordnijiet u regolamenti minn Brussell.
Dawn il-fatturi kollha flimkien ifissru li, skont l-istħarriġ, l-Islovakki qed isiru dejjem aktar ewroxettiċi. Jekk inżidu ma’ dan id-diżinformazzjoni kollha, inkluż mir-Russja, li l-politiċi fil-gvern attwali jħobbu jużaw għall-finijiet tagħhom, nispiċċaw b’taħlita splussiva ta’ diżinteress u rabja.
Le, Slovakxit għad mhuwiex fuq l-aġenda. Iżda nistgħu nibdew nisimgħu aktar dwarha meta l-Islovakkja eventwalment issir pajjiż li m’għadux intitolat għall-fondi tal-UE.
Jekk irridu nevitaw xenarju mudlam, il-mexxejja politiċi fl-Islovakkja fl-aħħar iridu jħaddnu lill-UE bħala spazju li huwa essenzjali għall-funzjonament tal-pajjiż u jġibu ruħhom kif xieraq. Sfortunatament, diġà huwa ċar li parti konsiderevoli mir-rappreżentanza politika Slovakka attwali tippreferi tibda ġlieda mal-UE biex tipproteġi l-interessi tagħha irrispettivament minn kull konsiderazzjoni oħra.
Dan ifisser li l-votanti kollha li għandhom għal qalbhom l-UE jridu jitkellmu dwar l-importanza tagħha ma’ qrabathom, ħbiebhom u saħansitra ma’ stranġieri. Forsi qed nippretendi wisq u safejn se jwassal dan kollu għadu mhux ċar. Madankollu, kull alternattiva hija agħar.
Fl-aħħar sena, il-kompetittività telgħet ’il fuq fl-iskala tal-prijoritajiet tal-UE fil-politika Ewropea u ħadd ma jista’ jinjora l-importanza tagħha għall-futur tal-UE.
Fl-aħħar sena, il-kompetittività telgħet ’il fuq fl-iskala tal-prijoritajiet tal-UE fil-politika Ewropea u ħadd ma jista’ jinjora l-importanza tagħha għall-futur tal-UE.
Il-kompetittività kienet tema ewlenija tad-diskors annwali li l-President tal-Kummissjoni Ursula von der Leyen tat lill-Parlament Ewropew f’Settembru tas-sena l-oħra dwar l-Istat tal-Unjoni. Von der Leyen wiegħdet li tagħmel dak li hemm bżonn biex tiddefendi l-vantaġġ kompetittiv tal-Ewropa.
Il-kumpaniji Ewropej qed jitħabtu biex jirreklutaw ħaddiema tas-sengħa, ir-regolamentazzjoni tas-setturi ewlenin hija aktar stretta milli fil-pajjiżi kompetituri l-oħra, jiġifieri l-Istati Uniti u ċ-Ċina, il-livell tal-investiment fir-riċerka u l-iżvilupp huwa aktar baxx, u l-infrastruttura fiżika u diġitali qed iżżomm lura l-kummerċ u t-tkabbir ekonomiku. Dawn l-isfidi huma magħrufa sew u ġew dokumentati f’diversi studji.
Von der Leyen inkarigat ukoll lil Mario Draghi, eks kap tal-Bank Ċentrali Ewropew, biex iressaq proposti konkreti dwar kif tista’ tittejjeb il-kompetittività tal-UE. Dan jintlaqa’ tajjeb. Madankollu, is-suġġerimenti tajbin mhux se jkunu biżżejjed, irid ikun hemm ukoll ir-rieda politika u l-kapaċità biex jiġu implimentati.
L-UE stabbiliet għaliha nnifisha l-għan li ssaħħaħ ir-reżiljenza u l-influwenza tagħha fid-dinja, iżda qed titlef il-kompetittività meħtieġa biex jintlaħaq dan l-għan. Is-sehem tal-UE fl-ekonomija dinjija huwa mbassar li jonqos b’mod kostanti minn kważi 15% għal 9% biss sal-2050.
Għalhekk, bilfors iridu jittejbu l-produttività u l-kompetittività tal-UE. Għal dan il-għan, l-UE trid tadotta aġenda tal-kompetittività, li, b’konformità mal-prinċipji tas-suq uniku u tal-ekonomija soċjali tas-suq, tħares ’il quddiem, tkun definita tajjeb u kkoordinata, u tippromovi l-prosperità tan-negozji u tal-ħaddiema, ittejjeb il-kapaċità tagħhom li jinnovaw, jinvestu u jinnegozjaw u jikkompetu fis-suq globali għall-ġid komuni, kif ukoll tixpruna t-tranżizzjoni tagħna lejn in-newtralità klimatika. Dan huwa essenzjali mhux biss biex jiġu żgurati l-prosperità, l-innovazzjoni, l-investiment, il-kummerċ u t-tkabbir futuri, iżda wkoll biex jinħolqu impjiegi ta’ kwalità tajba u jogħlew l-istandards tal-għajxien.
Din hija r-raġuni għaliex il-kumpaniji tal-UE għandhom aspettattivi ċari b’dan il-momentum il-ġdid, u qed jitolbu pożizzjonament ġdid għall-kompetittività fi ħdan qafas ekonomiku u soċjetali usa’ fit-tul.
Il-KESE ilu jaħdem biex jidentifika l-fatturi u l-atturi li jinfluwenzaw il-kompetittività u l-produttività fit-tul u li jridu jiġu kkunsidrati f’viżjoni integrata. Ħdimna dwar l-ekosistemi tal-kompetittività bl-ambizzjoni li nispjegaw lis-servizzi tal-Kummissjoni liema huma l-indikaturi li għandhom ikomplu jtejbu jew jikkomplementaw.
Għalhekk, l-approċċ ibbażat fuq il-pajjiż għall-valutazzjoni tal-kwistjonijiet u kif għandhom jissolvew jidher li huwa angolu kruċjali li l-Kummissjoni ma indirizzatx biżżejjed fiż-żewġ komunikazzjonijiet tagħha dwar il-kompetittività fit-tul.
B’mod aktar ġenerali, il-Kummissjoni fasslet lista ta’ 17-il fattur ta’ prestazzjoni li għandhom jiġu vvalutati kull sena għad-9 dimensjonijiet tal-kompetittività identifikat. Iżda jeħtieġ ukoll li l-Istati Membri jirrispettawhom bis-sħiħ u li l-Kummissjoni jkollha l-mezzi adegwati ta’ infurzar biex tobbligahom jagħmlu dan. Dan huwa dak li qed nitolbu.
Dwar l-indikaturi, il-quċċata tal-lista tinkludi:
Aċċess għall-finanzi, b’kost raġonevoli iżda mingħajr ma jiġu ppenalizzati l-ġenerazzjonijiet futuri.
Fir-rigward tas-servizzi pubbliċi u l-infrastruttura kritika, jeħtieġ li ninvestu u nkejlu aħjar dawn l-investimenti. Nipproponu sitt parametri ta’ evalwazzjoni f’dan ir-rigward.
Dwar ir-riċerka u l-innovazzjoni: żieda fil-kooperazzjoni hija essenzjali, sew jekk pubblika/privata, reġjonali, kif ukoll jekk globali.
Dwar in-networks tad-data u l-enerġija, is-sigurtà, newtralità fil-prezzijiet u newtralità klimatika huma l-kliem ewlenin.
F’termini ta’ ċirkolarità, ir-rwol tal-UE ma għandux għalfejn jintwera aktar, iżda jeħtieġ li nagħtu attenzjoni biex nibbilanċjaw il-kompetizzjoni bejn l-operaturi.
Il-qafas leġiżlattiv tal-UE dwar id-diġitalizzazzjoni huwa prekursur: konnettività, IA, data, eċċ. F’dan il-qafas leġiżlattiv, jeħtiġilna nilqgħu l-isfida li nibbilanċjaw l-aspetti umani mal-wegħdiet tat-teknoloġija diġitali.
L-edukazzjoni u t-taħriġ iridu jkunu kapaċi jindirizzaw l-isfidi demografiċi u soċjoloġiċi.
F’termini ta’ awtonomija strateġika u kummerċ, id-dipendenzi tagħna huma d-dgħufijiet tagħna. In-negozji jeħtieġ li jorganizzaw lilhom infushom mill-ġdid u l-UE jeħtieġ li tipprovdi qafas abilitanti li jindirizza din l-isfida.
Fl-aħħar nett, dwar is-suq uniku, aħna ntennu bis-sħiħ il-ħtieġa li l-Istati Membri jsegwu r-regoli tal-acquis communautaire u l-prinċipji tat-Trattati. It-tneħħija tal-ostakli u kontroll ġenwin. Ir-rieda politika tal-gvernijiet tal-UE biex jimplimentaw dak li jinnegozjaw fi Brussell, u l-kapaċità tal-Kummissjoni li taħdem f’servizzi interdipartimentali u mhux b’mod kompartimentalizzat li jikkontribwixxi għal aktar inkonsistenzi. Dan huwa dak li għandna bżonn.
Qatt mhu se ngħiduh biżżejjed.
U f’dan il-kuntest, ejjew inserrħu fuq Brussell għar-riżultati tal-kontrolli tal-kompetittività u nużaw ir-raggruppamenti industrijali reġjonali fil-livell nazzjonali. L-għodod hemm qegħdin, ejja nużawhom.
Għall-kolonna tagħna “Mistoqsija lil ...” staqsejna lil Emilie Prouzet, membru tal-KESE u relatur tal-Opinjoni tal-KESE dwar “Il-kompetittività fit-tul tal-UE: inħarsu lil hinn mill-2030”, x’inhu meħtieġ biex tiġi żgurata l-kompetittività fit-tul fl-UE. L-Opinjoni hija ppjanata għall-adozzjoni fis-sessjoni plenarja ta’ Marzu.
Għall-kolonna tagħna “Mistoqsija lil ...” staqsejna lil Emilie Prouzet, membru tal-KESE u relatur tal-Opinjoni tal-KESE dwar “Il-kompetittività fit-tul tal-UE: inħarsu lil hinn mill-2030”, x’inhu meħtieġ biex tiġi żgurata l-kompetittività fit-tul fl-UE. L-Opinjoni hija ppjanata għall-adozzjoni fis-sessjoni plenarja ta’ Marzu.
Mill-istabbiliment tas-suq uniku Ewropew ’il hawn, l-armonizzazzjoni u r-rikonoxximent reċiproku tal-istandards ippermettew lill-kumpaniji jbigħu l-prodotti tagħhom f’suq ta’ aktar minn 450 miljun persuna. Is-suq uniku jirrappreżenta 61 % tal-kummerċ intra-UE mill-kumpaniji, u huwa l-bażi tal-prosperità ekonomika tal-Ewropa, u b’hekk jibbenefika liċ-ċittadini, lill-konsumaturi, lill-ħaddiema u lill-kumpaniji tagħha. Il-Kummissjoni Ewropea tistma li 25 % tal-prodott domestiku gross tal-UE huwa ġġenerat mis-suq intern.
Mill-istabbiliment tas-suq uniku Ewropew ’il hawn, l-armonizzazzjoni u r-rikonoxximent reċiproku tal-istandards ippermettew lill-kumpaniji jbigħu l-prodotti tagħhom f’suq ta’ aktar minn 450 miljun persuna. Is-suq uniku jirrappreżenta 61 % tal-kummerċ intra-UE mill-kumpaniji, u huwa l-bażi tal-prosperità ekonomika tal-Ewropa, u b’hekk jibbenefika liċ-ċittadini, lill-konsumaturi, lill-ħaddiema u lill-kumpaniji tagħha. Il-Kummissjoni Ewropea tistma li 25 % tal-prodott domestiku gross tal-UE huwa ġġenerat mis-suq intern.
Madankollu, l-iżviluppi l-ġodda, bħat-trasformazzjoni diġitali u t-tranżizzjoni lejn ekonomija inqas intensiva fil-karbonju u aktar sostenibbli, jeħtieġu aġġustamenti ġodda, kif jirrikjedu wkoll il-ħtiġijiet li qed jinbidlu tal-konsumaturi, l-impjegati u l-kumpaniji u l-kundizzjonijiet ġeopolitiċi l-ġodda.
Il-kontinwazzjoni b’suċċess tas-suq uniku teħtieġ titjib f’diversi oqsma – fost l-oħrajn fil-politika Ewropea dwar l-enerġija u l-industrija –, kif ukoll unjoni tal-enerġija, unjoni bankarja, qafas aktar favorevoli għan-negozji kbar u żgħar, aktar appoġġ pubbliku għall-proġett Ewropew, servizzi pubbliċi aktar effiċjenti u infrastruttura mtejba għall-IT, l-enerġija u t-trasport.
Fid-dawl taż-żewġ rapporti storiċi mfassla mill-Eks Prim Ministri Taljani, Enrico Letta (“Il-Futur tas-Suq Uniku”) u Mario Draghi (dwar il-futur tal-kompetittività Ewropea) u li se jiġu ppubblikati fl-ewwel nofs tal-2024, il-Grupp ta’ Min Iħaddem tal-KESE ġabar fil-qosor il-messaġġi ewlenin tiegħu għall-futur ta’ suċċess tas-suq intern tal-UE f’dokument ta’ paġna waħda dwar “Is-suq uniku tal-UE: il-ġenerazzjoni li jmiss”.
Il-5 Rapport dwar l-Iżvilupp Sostenibbli tal-Ewropa żvela li bir-ritmu attwali, l-UE mhix mistennija tilħaq terz tal-Għanijiet ta’ Żvilupp Sostenibbli (SDGs) sal-2030. Ir-rapport, li tfassal b’mod konġunt mas-soċjetà ċivili, jenfasizza l-istaġnar u r-rigressjoni fl-għanijiet ambjentali u soċjali f’ħafna pajjiżi Ewropej, u li aggravaw bil-kriżijiet li seħħew wara l-2020. L-SDGs ikopru oqsma bħalma huma t-tnaqqis tal-faqar, l-ebda ġuħ, is-saħħa, l-edukazzjoni, l-ugwaljanza bejn il-ġeneri, l-azzjoni klimatika, u l-ilma nadif.
Il-5 Rapport dwar l-Iżvilupp Sostenibbli tal-Ewropa żvela li bir-ritmu attwali, l-UE mhix mistennija tilħaq terz tal-Għanijiet ta’ Żvilupp Sostenibbli (SDGs) sal-2030. Ir-rapport, li tfassal b’mod konġunt mas-soċjetà ċivili, jenfasizza l-istaġnar u r-rigressjoni fl-għanijiet ambjentali u soċjali f’ħafna pajjiżi Ewropej, u li aggravaw bil-kriżijiet li seħħew wara l-2020. L-SDGs ikopru oqsma bħalma huma t-tnaqqis tal-faqar, l-ebda ġuħ, is-saħħa, l-edukazzjoni, l-ugwaljanza bejn il-ġeneri, l-azzjoni klimatika, u l-ilma nadif.
Biex dan jiġi indirizzat, ġew proposti għaxar azzjonijiet politiċi deċiżivi biex jiġu evitati punti kritiċi ambjentali u soċjali irriversibbli. Din l-urġenza ġiet enfasizzata matul avveniment koospitat mis-Sezzjoni għall-Agrikoltura, l-Iżvilupp Rurali u l-Ambjent (NAT) tal-Kumitat Ekonomiku u Soċjali Ewropew (KESE) u min-Network ta’ Soluzzjonijiet ta’ Żvilupp Sostenibbli tan-NU (SDSN). Ir-rapport għandu l-għan li jiggwida lill-UE biex tagħti spinta lit-tmexxija tagħha rigward l-SDGs qabel l-elezzjonijiet Ewropej ta’ Ġunju 2024 u s-Summit tal-Futur ta’ Settembru 2024 li tlaqqa’ mis-Segretarju Ġenerali tan-NU.
Fl-avveniment, il-kelliema enfasizzaw il-ħtieġa għal azzjoni minnufih qabel l-2030 biex jiġu evitati punti kritiċi irriversibbli. Camilla Brückner min-NU/UNDP, Zakia Khattabi, Ministru Federali Belġjan għall-Klima, u Petra Petan mill-Kummissjoni Ewropea, saħqu dwar l-importanza li nżommu l-impenn għall-Aġenda 2030 u l-Ftehim ta’ Pariġi dwar il-Klima.
Guillaume Lafortune, Viċi President tal-SDSN tan-NU, ippreżenta r-rapport u l-għaxar azzjonijiet prijoritarji mmirati lejn il-partiti politiċi, il-Parlament Ewropew li jmiss, il-Kummissjoni Ewropea li jmiss, il-Kunsill Ewropew, u l-Istati Membri. Is-sejħa għal azzjoni, iffirmata b’mod konġunt mill-KESE u l-SDSN, tħeġġeġ lill-mexxejja Ewropej jaħdmu flimkien għal Patt Ewropew għall-Futur li jkun ekoloġiku, soċjali u internazzjonali. Peter Schmidt, il-President tas-Sezzjoni NAT tal-KESE, enfasizza li s-sitt snin li ġejjin huma kruċjali biex jintlaħaq progress fl-Aġenda 2030, u enfasizza l-impenn tal-KESE li jħeġġeġ lill-istituzzjonijiet tal-UE favur l-SDGs u l-involviment sinifikanti tas-soċjetà ċivili. Is-sejħa għal azzjoni tinsab f’pożizzjoni li tiggwida lill-mexxejja Ewropej lejn patt Ewropew komprensiv allinjat mal-għanijiet ekoloġiċi u soċjali li l-KESE jippromovi. (ks)
Il-Kumitat Ekonomiku u Soċjali Ewropew (KESE) qed ifassal viżjoni għall-Politika Agrikola Komuni (PAK) ta’ wara l-2027 biex jiġu żgurati r-reżiljenza u s-sostenibbiltà fl-agrikoltura Ewropea. Il-KESE ngħata l-kompitu mill-Presidenza Belġjana tal-Kunsill tal-UE u abbozza Opinjoni, adottata f’Jannar, li fiha enfasizza l-ħtieġa għal qafas ta’ politika stabbli u fit-tul li jappoġġja l-produzzjoni sostenibbli tal-ikel, l-awtonomija strateġika miftuħa, u l-iżvilupp rurali.
Il-Kumitat Ekonomiku u Soċjali Ewropew (KESE) qed ifassal viżjoni għall-Politika Agrikola Komuni (PAK) ta’ wara l-2027 biex jiġu żgurati r-reżiljenza u s-sostenibbiltà fl-agrikoltura Ewropea. Il-KESE ngħata l-kompitu mill-Presidenza Belġjana tal-Kunsill tal-UE u abbozza Opinjoni, adottata f’Jannar, li fiha enfasizza l-ħtieġa għal qafas ta’ politika stabbli u fit-tul li jappoġġja l-produzzjoni sostenibbli tal-ikel, l-awtonomija strateġika miftuħa, u l-iżvilupp rurali.
B’94.8 % tal-azjendi agrikoli fl-UE li huma proprjetà tal-familja, is-settur qed jiffaċċja sfidi bħal introjti aktar baxxi, tnaqqis fl-għadd ta’ azjendi agrikoli, diffikultajiet fit-tiġdid ġenerazzjonali, u ħruġ sinifikanti tal-forza tax-xogħol. Minkejja t-tnaqqis fl-allokazzjonijiet baġitarji għall-PAK (inqas minn 25 % tal-2021), il-KESE jappella għal finanzjament tal-PAK li jkun proporzjonat mal-għanijiet ta’ sostenibbiltà tagħha. Hija rakkomandata bidla minn appoġġ bażiku għall-introjtu għal inċentivi finanzjarji għal servizzi ambjentali u soċjali, li tippermetti flessibbiltà għal azjendi agrikoli żgħar tal-familja matul perjodu ta’ tranżizzjoni.
It-tħassib dwar standards tal-għajxien ġusti għall-bdiewa tal-UE, aggravat mill-inflazzjoni, il-volatilità tas-suq tal-enerġija u t-tibdil fil-klima, jenfasizza l-ħtieġa għal riformi tal-PAK. Il-KESE jixtieq jara li dawn l-isfidi jiġu indirizzati fil-PAK ta’ wara l-2027 li għandha tiffoka fuq kundizzjonijiet tax-xogħol deċenti, tippromovi dieti aktar tajbin għas-saħħa, tnaqqas il-ħela tal-ikel, u tirregola s-swieq tal-ikel. Qed jiġu proposti komponenti kontroċikliċi u appoġġ għall-produzzjoni tal-enerġija rinnovabbli biex jittaffa l-impatt taż-żidiet fil-prezzijiet tal-enerġija u tal-interruzzjonijiet fil-provvista. L-iskemi tal-assigurazzjoni tas-sħubija pubblika-privata u l-investiment fl-innovazzjoni u fit-teknoloġiji diġitali huma miżuri ssuġġeriti biex jiġu miġġielda l-kundizzjonijiet klimatiċi estremi u l-bdiewa jiġu awtonomizzati.
Bi tħejjija għall-elezzjonijiet tal-Parlament Ewropew tal-2024, il-KESE jenfasizza l-ħtieġa li l-PAK tissawwar biex tissodisfa l-ħtiġijiet soċjetali u agrikoli li qed jevolvu. Huwa jenfasizza l-importanza tal-involviment tal-partijiet ikkonċernati, il-flessibbiltà għall-Istati Membri, u proċessi amministrattivi semplifikati fit-tfassil u l-adattament tal-pjani strateġiċi. Fl-aħħar nett, il-KESE jipprevedi PAK li ssib bilanċ bejn l-iżgurar tas-sigurtà tal-ikel, il-protezzjoni tal-ambjent u l-promozzjoni tal-benesseri tal-bdiewa Ewropej quddiem l-isfidi globali.(ks)
