Il-Kumitat Ekonomiku u Soċjali Ewropew (KESE), bħala l-imsieħeb istituzzjonali tas-soċjetà ċivili, huwa kburi jħabbar it-tieni edizzjoni tal-Ġimgħa tas-Soċjetà Ċivili!
Il-Kumitat Ekonomiku u Soċjali Ewropew (KESE), bħala l-imsieħeb istituzzjonali tas-soċjetà ċivili, huwa kburi jħabbar it-tieni edizzjoni tal-Ġimgħa tas-Soċjetà Ċivili!
Ir-reġistrazzjoni tiftaħ fi Frar 2025. Dalwaqt se jkun hemm aktar informazzjoni fuq il-paġna tal-avveniment #CivSocWeek u l-mezzi tal-media soċjali. Kompli segwina!
Minn Stefano Mallia, President tal-Grupp ta’ Min Iħaddem
“Nisfruttaw il-Kompetittività għal Prosperità Kondiviża” huwa l-għan ewlieni tal-prijoritajiet tal-Grupp tagħna li għadhom kif ġew adottati.
Quddiem l-isfidi globali attwali, il-prijoritizzazzjoni tal-kompetittività u l-ħolqien ta’ ambjent favorevoli għan-negozju jridu jkunu fuq quddiem nett tal-aġenda politika, appoġġjati minn azzjonijiet ta’ politika konkreti.
F’UE li tiffavorixxi n-negozju, il-kompetittività hija bbażata fuq l-eċċellenza u l-kompetizzjoni soda u mhux fuq is-sussidji jew il-protezzjoniżmu, u n-negozji għandhom aċċess kompetittiv għar-riżorsi kollha tal-produzzjoni li jeħtieġu.UE li tiffavorixxi n-negozju tfisser ukoll li jkollna regolament li jwassal għan-negozju u l-produttività, fejn il-piż amministrattiv jiġi minimizzat, u fejn is-Suq Uniku jiffunzjona bis-sħiħ. Barra minn hekk, fiduċja soda bejn l-intrapriżi u dawk li jfasslu l-politika hija kruċjali biex jiġi attirat l-investiment. Daqstant ieħor hija kruċjali l-ħtieġa li jiġu ssalvagwardjati l-interessi tal-kumpaniji tal-UE fil-konfront tal-kompetituri internazzjonali tagħhom.
Huwa għalhekk li qed nappellaw għal 10 settijiet ta’ azzjonijiet ta’ politika favur in-negozju bħala prijoritajiet ewlenin:
Riforma radikali tal-approċċ regolatorju
Sistemi ta’ Innovazzjoni Produttiva li jiffukaw fuq l-investiment u l-innovazzjoni
Kapaċità Teknoloġika Għolja fid-difiża, is-sigurtà u t-tranżizzjoni ekoloġika u l-appoġġ għal negozji ġodda fil-qasam tat-teknoloġija
Bażi Industrijali b’Saħħitha
Swieq Finanzjarji Integrati permezz tal-iżvilupp tal-Unjoni tas-Swieq Kapitali u l-Unjoni Bankarja
Aċċess Adegwat għax-Xogħol
Sistemi ta’ Enerġija u Trasport Effettivi
Kundizzjonijiet Indaqs tan-Negozjar
Tranżizzjoni Ekoloġika orjentata lejn in-Negozju
Finanzi Pubbliċi Effiċjenti
Dawn l-azzjonijiet huma urġenti jekk irridu nisfruttaw l-impatt pożittiv tan-negozji kompetittivi fuq ekonomija robusta u UE influwenti fil-livell globali.
Ir-rapporti ta’ Letta u ta’ Draghi kienu twissija: jekk l-UE mhix se terġa’ tikseb il-kompetittività tagħha, tista’ tħabbat wiċċha ma’ kompromessi diffiċli fil-qasam tal-benesseri, l-istandards ambjentali u l-libertajiet fundamentali.
Għall-edizzjoni ta’ din is-sena ta’ L-Ewropa Tiegħek, Leħnek, il-KESE rċieva mijiet ta’ applikazzjonijiet mill-iskejjel sekondarji fl-UE, mill-pajjiżi kandidati u mir-Renju Unit.
Għal l-edizzjoni ta’ din is-sena ta’ L-Ewropa Tiegħek, Leħnek, il-KESE rċieva mijiet ta’ applikazzjonijiet mill-iskejjel sekondarji fl-UE, mill-pajjiżi kandidati u mir-Renju Unit.
L-organizzaturi ta’ “L-Ewropa Tiegħek, Leħnek” eżaminaw u vvalutaw bir-reqqa l-applikazzjonijiet kollha, u għażlu 36 skola sekondarja li ser jieħdu sehem fl-avveniment “L-Ewropa Tiegħek, Leħnek 2025” nhar it-13 u l-14 ta’ Marzu!
“L-Ewropa Tiegħek, Leħnek”, li huwa l-avveniment annwali ewlieni tal-KESE għaż-żgħażagħ, din is-sena ser ilaqqa’ flimkien kważi 100 student u 37 għalliema. Dan l-avveniment ser ikun intitolat “Nagħtu vuċi liż-żgħażagħ” u ser isir fuq ġurnata u nofs. Ser jiffoka fuq ir-rwol li ż-żgħażagħ jista’ jkollhom biex isawru futur reżiljenti. Għandu l-għan li jawtonomizzahom jieħdu sehem f’azzjoni ċivika u jikkontribwixxu b’mod attiv għad-demokrazija parteċipattiva, kemm fil-komunitajiet tagħhom kif ukoll lil hinn minnhom.
Waqt li l-KESE jħejji biex jilqa’ lill-parteċipanti kollha ta’ “L-Ewropa Tiegħek, Leħnek”, il-membri tal-KESE ser iżuru l-iskejjel magħżula fil-bidu tal-2025 biex jiltaqgħu mal-istudenti u jiskambjaw l-ideat qabel l-avveniment ewlieni.
Is-sessjoni inawgurali u dik tal-għeluq tal-14 ta’ Marzu 2025 ser jixxandru dirett. Il-link li trid tuża biex tara dawn is-sessjonijiet ser tiġi ppubblikata fuq is-sit web tal-KESE, fuq il-paġna web uffiċjali ta’ L-Ewropa Tiegħek, Leħnek! 2025 | KESE, fejn tista’ ssib ukoll aktar informazzjoni u aġġornamenti dwar l-avveniment.
Immexxi mill-produttur tal-films Latvjan Gints Zilbalodis, dan il-film animat mfaħħar mill-kritiċi huwa koproduzzjoni bejn il-Latvja, Franza u l-Belġju. Dan kiseb rikonoxximent globali, u rebaħ il-Golden Globe Award for the Best Animated Feature u l-aqwa premjijiet f’festivals bħall-Annecy International Animation Film Festival, in-New York Film Critics Circle Awards u l-European Film Awards.
Segwi l-vjaġġ ta’ Cat, li rnexxielu jsalva u jinsab solitarju wara għargħar post-apokalittiku, huwa u jaffaċċja realtà ġdida u jitgħallem jikkollabora ma’ annimali sħabu fuq dgħajsa tas-salvataġġ.
L-avveniment huwa parti mis-sensiela ta’ skrinjar tal-films tal-KESE li tinsab għaddejja, organizzata fi sħubija ma’ LUX – Premju Ċinematografiku Ewropew tal-Udjenza tal-Parlament Ewropew, bl-għan jippromovi d-diversità kulturali u jqanqal djalogu dwar kwistjonijiet soċjali urġenti.
Eluf ta’ kopji tal-aħħar edizzjoni tal-fuljett popolari tal-KESE, il-Passaport għad-DemokrazijaEwropea, issa qed jitqassmu madwar l-Ewropa. Qed tistaqsi jekk il-Passaport għad-Demokrazija Ewropea huwiex disponibbli wkoll f’format elettroniku? It-tweġiba hija iva!
Eluf ta’ kopji tal-aħħar edizzjoni tal-fuljett popolari tal-KESE, il-Passaport għad-DemokrazijaEwropea, issa qed jitqassmu madwar l-Ewropa. Qed tistaqsi jekk il-Passaport għad-Demokrazija Ewropea huwiex disponibbli wkoll f’format elettroniku? It-tweġiba hija iva!
Il-verżjoni interattiva online, li fiha filmati, kwiżżijiet, mapep u ħafna aktar, diġà hija disponibbli fi 13-il lingwa, u huma ppjanati verżjonijiet lingwistiċi addizzjonali! Agħtiha titwila u skopri kif tista’ verament tagħmel differenza!
Fl-okkażjoni tal-20 anniversarju tal-Grupp ta’ Kuntatt tal-KESE, il-fundaturi u l-membri attwali tal-Grupp appellaw għal passi attivi intiżi li jiddefendu d-demokrazija Ewropea, l-ispazju pubbliku miftuħ u Ewropa ġusta.
Fl-okkażjoni tal-20 anniversarju tal-Grupp ta’ Kuntatt tal-KESE, il-fundaturi u l-membri attwali tal-Grupp appellaw għal passi attivi intiżi li jiddefendu d-demokrazija Ewropea, l-ispazju pubbliku miftuħ u Ewropa ġusta.
Fil-11 ta’ Diċembru, il-Kumitat Ekonomiku u Soċjali Ewropew (KESE) ospita l-20 anniversarju tal-Grupp ta’ Kuntatt tiegħu man-networks Ewropej tas-soċjetà ċivili, l-uniku korp permanenti għad-djalogu politiku u l-kooperazzjoni strutturata bejn l-organizzazzjonijiet tas-soċjetà ċivili u l-istituzzjonijiet tal-UE. Matul iż-żewġ deċennji ta’ eżistenza tiegħu, il-Grupp ta’ Kuntatt kellu rwol ewlieni biex isemma’ l-ilħna tas-soċjetà ċivili organizzata u jinkorpora l-preokkupazzjonijiet tagħha fl-aġenda Ewropea. Il-Grupp jinkludi 45 netwerk tas-soċjetà ċivili attivi fil-livell Ewropew, li jħaddnu bis-sħiħ il-prinċipji minquxa fl-Artikolu 11 tat-Trattat.
“Aħna u niċċelebraw l-20 sena tal-Grupp ta’ Kuntatt tal-KESE, nonoraw mhux biss il-kisbiet notevoli tiegħu iżda wkoll is-sħubijiet dejjiema li sawru d-demokrazija parteċipattiva fl-Ewropa. Fi żmien żewġ deċennji, il-Grupp ta’ Kuntatt kiber fi pjattaforma vibranti, li ssemma’ l-ilħna tas-soċjetà ċivili u trawwem kollaborazzjoni bejn diversi partijiet ikkonċernati. Aħna u nħarsu lejn il-futur, ejjew inkomplu ningħaqdu flimkien biex insaħħu l-valuri demokratiċi, nespandu l-ispazju ċiviku, u noħolqu Ewropa li tabilħaqq taqdi lill-poplu kollu tagħha,” qal il-President tal-KESE Oliver Röpke fid-diskors tal-ftuħ tiegħu.
“Il-vjaġġ tagħna ma kienx faċli,” spjegat Brikena Xhomaqi, Kopresident tal-Grupp ta’ Kuntatt, “iżda tgħallimna nafdaw lil xulxin. U nittama li nsaħħu l-kooperazzjoni tagħna biex niġġieldu flimkien għal strateġija koerenti tas-soċjetà ċivili Ewropea”.
Fid-diskors ewlieni tagħha, Katarina Barley, Viċi President tal-Parlament Ewropew, responsabbli għar-relazzjonijiet mal-organizzazzjonijiet tas-soċjetà ċivili ddikjarat li “Bħala l-Parlament Ewropew, aħna lesti nsaħħu l-kooperazzjoni tagħna mal-Grupp ta’ Kuntatt. Neħtieġu kooperazzjoni dejjem aktar strutturata mal-organizzazzjonijiet tas-soċjetà ċivili. Flimkien, irridu nagħmlu aktar biex niġġieldu kontra t-theddid għad-demokrazija fl-Unjoni Ewropea, li huwa akbar milli fi kwalunkwe żmien ieħor fl-istorja tal-UE”, u żidiet tgħid li, fir-rigward tal-Grupp ta’ Kuntatt, “Kieku qatt ma eżista, kien ikollu jinħoloq”.
Fl-avveniment dinamiku li jfakkar l-20 anniversarju tal-Grupp ta’ Kuntatt ħadu sehem aktar minn mitt mistieden, inklużi diversi personalitajiet ewlenin tas-settur tas-soċjetà ċivili. Dawn kienu jinkludu rappreżentanti tal-organizzazzjonijiet tas-soċjetà ċivili mis-Serbja u l-Moldova, f’konformità mal-politika tal-KESE li tistieden rappreżentanti tal-pajjiżi kandidati tal-UE biex jipparteċipaw fil-ħidma tiegħu. Attendew ukoll erba’ eks Presidenti tal-KESE, Staffan Nilsson, Henri Malosse, Luca Jahier u George Dassis. Is-Sur Jahier enfasizza li l-KESE għandu r-responsabbiltà li jistabbilixxi u jżomm pjattaforma għad-djalogu ċivili, u s-Sur Dassis qal li “l-iżjed ħaġa importanti hija li jkollna l-paċi, u biex niksbu l-paċi, irridu nkunu b’saħħitna u magħqudin.”
Jekk ma stajtx tattendi, tista’ tisma r-reġistrazzjoni tal-avveniment, tikkonsulta l-istqarrija konġunta tal-presidenza tal-Grupp ta’ Kuntatt, tara l-filmat tal-għeluq u r-ritratti, u taqra l-istqarrija għall-istampa fil-paġna tal-avveniment hawnhekk. (lm)
L-aħħar pubblikazzjoni tal-Kumitat Ekonomiku u Soċjali Ewropew tinkludi sensiela ta’ 11-il storja dwar il-kisbiet reċenti tiegħu.
Dawn juru kif il-KESE ħadem biex jiżgura li l-kwistjonijiet ekonomiċi u soċjali ewlenin, identifikati mill-imsieħba soċjali u s-soċjetà ċivili, jiġu diskussi u indirizzati fil-livell Ewropew.
Dawn l-istejjer juru wkoll kif, permezz tal-ħidma konsultattiva tiegħu, il-KESE jinfluwenza l-leġiżlazzjoni tal-UE u jimmonitorja li din tiġi implimentata b’mod adegwat.
Jekk l-UE trid tibqa’ ħajja, trid tikkomunika b’mod effettiv, speċjalment fil-kuntest attwali ta’ diżinformazzjoni sfrenata, iż-żieda rapida tal-intelliġenza artifiċjali u żieda fit-tendenzi awtoritarji. Biex tilħaq lil kulħadd, il-komunikazzjoni dwar l-UE jeħtieġ tasal fil-livell lokali.
Jekk l-UE trid tibqa’ ħajja, trid tikkomunika b’mod effettiv, speċjalment fil-kuntest attwali ta’ diżinformazzjoni sfrenata, iż-żieda rapida tal-intelliġenza artifiċjali u żieda fit-tendenzi awtoritarji. Biex tilħaq lil kulħadd, il-komunikazzjoni dwar l-UE jeħtieġ tasal fil-livell lokali.
Rebranding Europe, il-ktieb il-ġdid tal-istrateġista tal-komunikazzjoni u awtur Stavros Papagianneas, iwitti t-triq għal diskussjoni kritika dwar ir-rwol tal-UE fix-xena globali, li l-Ewropa tinsab f’salib it-toroq fid-dawl tal-aggressjoni Russa kontra l-Ukrajna, li qed tidħol fit-tielet sena tagħha, il-gwerra fil-Lvant Nofsani u sensiela ta’ sfidi ġeopolitiċi u ekonomiċi.
Il-preżentazzjoni tal-ktieb saret fit-3 ta’ Diċembru fir-Residence Palace fi Brussell, li għaliha attenda l-Viċi President tal-KESE għall-Komunikazzjoni Laurenţiu Plosceanu, li ħa sehem fid-dibattitu dwar il-pożizzjoni tal-Ewropa f’arena globali turbolenti u l-ħtieġa li l-UE tikkomunika l-valuri tagħha b’mod effettiv.
“L-UE tinsab f’mument determinanti. Biex tiżgura l-futur tagħha, l-Ewropa jeħtiġilha tikkomunika viżjoni ċara u konvinċenti liċ-ċittadini tagħha u lid-dinja. Din mhix kwistjoni ta’ politika, iżda ta’ fiduċja, identità u skop kondiviż,” spjega Papagianneas.
Il-parteċipanti fid-dibattitu enfasizzaw li komunikazzjoni effettiva mhijiex biss għażla iżda ħtieġa għas-sopravivenza tal-UE, speċjalment fl-era attwali mifnija diżinformazzjoni, l-użu tal-intelliġenza artifiċjali, u awtoritarjaniżmu li qed jinfirex dejjem aktar. L-Ewropa trid tkun minn ta’ quddiem fil-promozzjoni tad-demokrazija u d-drittijiet tal-bniedem. Ir-rwol tal-media huwa essenzjali fit-tiswir tal-isfera pubblika tal-Ewropa, kif irrikonoxxa Colin Stevens, kap editur ta’ EU Reporter u moderatur tad-diskussjoni. “Aħna, il-media, irridu nispjegaw u nirrepetu bla heda li l-Ewropa tikkonċerna lil kulħadd. U rridu nwasslu dan il-messaġġ kuljum,” qal Stevens.
L-esperti jaqblu li huwa diffiċli ħafna li nikkumbattu l-miżinformazzjoni jew l-aħbarijiet foloz f’ras il-għajn, b’mod partikolari minħabba l-użu mifrux tal-intelliġenza artifiċjali. L-aktar kontromiżura effettiva hija li tinħoloq reżiljenza fi ħdan il-popolazzjoni.
Is-Sur Plosceanu qal li “wasal iż-żmien li niftħu widnejna sew għal dak li qed jgħidulna ċ-ċittadini, aktar milli nitkellmu magħhom. Iċ-ċittadini jridu aktar involviment u parteċipazzjoni. Huwa saħaq l-importanza tal-kooperazzjoni mal-istampa reġjonali u ħeġġeġ lill-Istituzzjonijiet tal-UE biex jiżviluppaw sħubijiet mal-media reġjonali u jistiednu lill-ġurnalisti reġjonali fi Brussell. Huwa temm jgħid li l-Ewropa jeħtieġ tilħaq il-livell lokali, il-livell taċ-ċittadini.
Peress li l-maġġoranza taċ-ċittadini Ewropej l-ewwel jaħsbu mill-perspettiva lokali, wara reġjonali, imbagħad nazzjonali, u fl-aħħar nett dik Ewropea, il-komunikazzjoni dwar l-Ewropa trid tadatta għal din ir-realtà u tirrikonoxxi li biex jintlaħqu ċ-ċittadini, in-narrattivi jridu jkunu lokali, reġjonali u nazzjonali. (mt)
Fl-2025, għandna responsabbiltà kondiviża biex nibnu Ewropa aktar b’saħħitha
Hekk kif dħalna fl-2025, il-Presidenza Pollakka tal-Kunsill tal-Unjoni Ewropea ġġib sens ta’ urġenza u determinazzjoni biex jiġu indirizzati l-isfidi kumplessi li jsawru l-preżent u l-futur tal-Ewropa. Bit-tema ġenerali ta’ sigurtà, it-tmexxija tal-Polonja twiegħed li tiggwidana matul sena li se tkun kruċjali għar-reżiljenza, il-koeżjoni u l-progress tal-UE.
Fl-2025, għandna responsabbiltà kondiviża biex nibnu Ewropa aktar b’saħħitha
Hekk kif dħalna fl-2025, il-Presidenza Pollakka tal-Kunsill tal-Unjoni Ewropea ġġib sens ta’ urġenza u determinazzjoni biex jiġu indirizzati l-isfidi kumplessi li jsawru l-preżent u l-futur tal-Ewropa. Bit-tema ġenerali ta’ sigurtà, it-tmexxija tal-Polonja twiegħed li tiggwidana matul sena li se tkun kruċjali għar-reżiljenza, il-koeżjoni u l-progress tal-UE.
Il-prijoritajiet deskritti mill-Presidenza Pollakka jirriflettu approċċ komprensiv għas-sigurtà fil-ħafna dimensjonijiet tagħha. Is-sigurtà interna, b’enfasi fuq il-protezzjoni tal-fruntieri u l-ġlieda kontra d-diżinformazzjoni, tenfasizza l-ħtieġa għal viġilanza kontra t-theddid emerġenti. Is-sigurtà esterna se tiffoka fuq it-tisħiħ tal-kapaċitajiet tad-difiża, it-trawwim tal-innovazzjoni, u li jiġu aċċellerati l-isforzi tat-tkabbir biex tiġi żgurata l-istabbiltà fil-viċinat tagħna. Sadanittant, is-sigurtà ekonomika, tal-enerġija, tal-ikel u tas-saħħa se tibqa’ ċentrali biex jiġu żgurati l-indipendenza tal-Ewropa u l-benesseri taċ-ċittadini tagħha.
Fil-Kumitat Ekonomiku u Soċjali Ewropew (KESE), aħna lesti li nappoġġjaw bis-sħiħ l-aġenda tal-Presidenza, billi nisfruttaw ir-rwol uniku tagħna bħala l-vuċi tas-soċjetà ċivili. Il-KESE ser jikkontribwixxi b’mod attiv għad-diskussjonijiet dwar kif tista’ tiġi ssalvagwardjata l-kompetittività tal-Ewropa filwaqt li jiġi żgurat li ħadd ma jitħalla jibqa’ lura fit-tranżizzjonijiet li qed niffaċċjaw – kemm jekk ikunu diġitali, ekoloġiċi jew ekonomiċi.
Din is-sena hija kkaratterizzata wkoll minn tiġdid politiku, bil-Kummissjoni Ewropea li għadha kif ġiet iffurmata tibda l-mandat tagħha. Dan jipprovdi opportunità ġdida biex jitfasslu oqfsa ta’ politika u jiġu implimentati inizjattivi li jallinjaw mal-aspettattivi taċ-ċittadini Ewropej. Il-KESE se jaqdi r-rwol tiegħu fl-appoġġ ta’ dan il-kapitolu l-ġdid, u se jiżgura li l-perspettivi tas-soċjetà ċivili u tal-imsieħba soċjali jkunu fil-qalba tat-teħid tad-deċiżjonijiet tal-UE.
Hekk kif inħarsu ’l quddiem lejn l-2025, niftakru fir-responsabbiltà kondiviża tagħna li nibnu Ewropa aktar b’saħħitha u aktar inklużiva. Il-KESE ser ikompli jippromovi l-istat tad-dritt, l-iżvilupp sostenibbli u l-koeżjoni soċjali, u se jiżgura li l-kontributi tas-soċjetà ċivili jsawru l-prijoritajiet tal-aġenda tal-UE. Flimkien mal-Presidenza Pollakka, ser nistinkaw biex nindirizzaw l-isfidi urġenti tal-lum u nwittu t-triq għal Ewropa sigura, kompetittiva u magħquda għall-ġenerazzjonijiet li ġejjin.
L-akkomodazzjoni trid tiġi ttrattata bħala dritt fundamentali, biex tiġi żgurata akkomodazzjoni deċenti u sostenibbli għall-Ewropej kollha, inklużi ż-żgħażagħ u l-gruppi vulnerabbli.
L-akkomodazzjoni trid tiġi ttrattata bħala dritt fundamentali, biex tiġi żgurata akkomodazzjoni deċenti u sostenibbli għall-Ewropej kollha, inklużi ż-żgħażagħ u l-gruppi vulnerabbli.
Din hija s-sejħa qawwija mressqa mill-Forum tal-KESE dwar l-Akkomodazzjoni, li sar għall-ewwel darba fis-sessjoni plenarja ta’ Diċembru fil-5 ta’ Diċembru 2024. Id-dibattitu kien jinkludi l-parteċipazzjoni ta’ kelliema prominenti u l-adozzjoni ta’ opinjoni dwar is-suġġett.
Wara l-ħatra ta’ Dan Jørgensen bħala Kummissarju għall-enerġija u l-akkomodazzjoni, il-President tal-KESE Oliver Röpke laqa’ d-deċiżjoni storika li jinħoloq portafoll speċifiku dwar l-akkomodazzjoni fi ħdan il-Kummissjoni l-ġdida. Is-Sur Röpke qali li: ‘“L-akkomodazzjoni hija dritt fundamentali, mhux privileġġ, u ma nistgħux naċċettaw l-esklużjoni ta’ popolazzjonijiet vulnerabbli minn din il-ħtieġa essenzjali. Hekk kif qed naffaċċjaw kriżi serja tal-akkomodazzjoni li taffettwa kważi kull Stat Membru, nenfasizza l-ħtieġa urġenti li jiġi żgurat li l-akkomodazzjoni affordabbli, sostenibbli u deċenti ssir realtà għal kulħadd.”
Huwa u jappella għal perspettiva ġdida li tqis l-akkomodazzjoni bħala infrastruttura essenzjali għas-soċjetà, fuq l-istess livell bħas-saħħa u l-edukazzjoni, Bent Madsen, il-President ta’ Housing Europe, qal: “Aħna nilqgħu s-sentiment li juri l-Kummissarju l-ġdid għall-akkomodazzjoni meta qal li l-approċċ tagħna għandu jkun ibbażat fuq valuri, regoli u investiment. Aħna lesti bħala kooperattiva pubblika u bħala fornituri tal-akkomodazzjoni soċjali biex nuru t-triq biex jiġu pprovduti d-djar li n-nies u s-soċjetajiet tagħna jeħtieġu.”
Fl-Opinjoni dwar L-akkomodazzjoni soċjali fl-UE – deċenti, sostenibbli u affordabbli, abbozzata minn Thomas Kattnig u Rudolf Kolbe, il-KESE jirrikonoxxi li kien hemm falliment tas-suq fl-akkomodazzjoni. Dan irid jiġi indirizzat billi jittejbu l-kundizzjonijiet qafas bħad-data, il-koordinazzjoni, il-proċeduri ta’ approvazzjoni u r-regoli dwar l-ippjanar tal-użu tal-art, jiġi stabbilit dritt fundamentali għall-akkomodazzjoni, jiġi pprovdut finanzjament suffiċjenti, jiġi implimentat l-approċċ ‘L-Akkomodazzjoni l-Ewwel’ għall-persuni mingħajr dar, u billi ssir enfasi akbar fuq is-sostenibbiltà u l-ħtiġijiet taż-żgħażagħ. (mp)
