Is-sensiela “Dessine-moi (Mill-pinna ta’) ...“ waslet fi tmiemha. Dawn l-artikli tal-aħħar jarrikkixxu l-firxa ta’ testimonjanzi li akkumpanjawna mill-bidu tal-pandemija. Dawn ir-rakkonti sinċieri ta’ dan iż-żmien ta’ iżolament involontarju laqtuna, ħeġġuna nfittxu s-sbuħija fl-oħrajn, inkunu aktar attenti għas-sens ta’ ħajja u aktar sensittivi għall-importanza li wieħed jaħtaf il-mument preżenti.
Grazzi lill-membri li ħadu sehem fl-aħħar episodju tas-sensiela tagħna: Claudine Otto, Giulia Barbucci, Laure Batut, Bente Sorgenfrey, Karolina Dreszer-Smalec, Dilyana Slavova, Renate Heinisch, Janusz Pietkiewicz, Jože Smole, Martin Siecker, Arnaud Schwartz.
F’isem it-tim kollu ta’ KESE info, nirringrazzjaw t-43 rappreżentant tas-27 Stat Membru li ddedikaw ħinhom u l-pinna tagħhom biex jagħtu lill-qarrejja l-pjaċir u l-opportunità li jagħtu titwila fid-dinja tagħhom ta’ emozzjonijiet u kummentarji dwar dan iż-żmien diffiċli li qed ngħixu.
