Fil-kolonna l-ġdida tagħna Jien se nivvota. U inti? li se tibqa’ għaddejja sa Ġunju 2024, se nippreżentaw il-fehmiet tal-kelliema mistiedna tagħna dwar kif u għaliex għandna nipparteċipaw fl-elezzjonijiet Ewropej. F’din l-edizzjoni, il-mistiedna tagħna hija Konstantina Manoli, studenta ta’ 19-il sena mill-Greċja li din is-sena ħadet sehem f’L-Ewropa Tiegħek, Leħnek. 

L-avveniment ewlieni tal-KESE għaż-żgħażagħ, li ġie organizzat għall-ewwel darba matul il-Ġimgħa tas-Soċjetà Ċivili, laqqa’ flimkien ’il fuq minn 100 żagħżugħ u żagħżugħa minn madwar l-UE, pajjiżi kandidati u r-Renju Unit għal dibattiti ferventi dwar id-demokrazija u l-futur tal-Ewropa.

Konstantina Manoli tistudja l-lingwi barranin, it-traduzzjoni u l-interpretazzjoni fl-Università Jonika fil-Greċja. Hija lingwista ddedikata u għandha passjoni għad-diskussjonijiet politiċi u l-affarijiet globali.