In-negozjar kollettiv, id-demokrazija u l-futur tax-xogħol: kwistjonijiet li għandhom jiġu diskussi fi tmiem is-sajf tal-2023

mill-Grupp tal-Ħaddiema tal-KESE

In-negozjar kollettiv, minkejja li huwa wieħed mill-pedamenti tar-relazzjonijiet industrijali fl-Ewropa, ivarja ħafna fost l-Istati Membri, u l-ħaddiema jiġu koperti u protetti b’livelli differenti.

Huwa parti mill-proċess tad-djalogu soċjali, li huwa wkoll wieħed mill-prijoritajiet tal-Presidenza Spanjola tal-Kunsill tal-UE. Il-Grupp tal-Ħaddiema qed jaħdem mill-qrib mal-Gvern Spanjol dwar dan, b’mod partikolari permezz tal-Opinjonijiet dwar Negozjar Kollettiv Ekoloġiku u Id-demokrazija fil-post tax-xogħol, kwistjonijiet li ser jiġu diskussi waqt l-avveniment ta’ livell għoli dwar id-djalogu soċjali f’Santiago de Compostela fil-21 u t-22 ta’ Settembru 2023, organizzat mill-Presidenza Spanjola.

Il-Grupp tal-Ħaddiema ser jiddiskuti l-importanza tad-djalogu soċjali u n-negozjar kollettiv fl-20 ta’ Settembru u jistenna wkoll li jikseb fehim aħjar u jikkjarifika l-istampa kumplessa tan-negozjar kollettiv fl-UE permezz tal-istudju li qed iwettaq, li kien miftuħ għall-espressjonijiet ta’ interess sat-8 ta’ Settembru hawnhekk.