Pajjiżi tat-tkabbir

This page is also available in:

Il-KESE jimpenja ruħu b’mod attiv fil-proċess ta’ tkabbir tal-UE u żviluppa approċċ doppju – reġjonali u bilaterali – għar-relazzjonijiet tiegħu mal-organizzazzjonijiet tas-soċjetà ċivili (OSĊ) fil-pajjiżi tat-tkabbir.

Fejn jidħol l-approċċ reġjonali, il-Kumitat ta’ Segwitu tal-Balkani tal-Punent – korp intern permanenti tal-KESE – huwa l-istrument ewlieni għall-koordinazzjoni tal-attivitajiet tal-KESE f’dan ir-reġjun. Il-Forum tas-Soċjetà Ċivili tal-Balkani tal-Punent, organizzat kull sentejn, jifforma parti mill-ħidma tal-Kumitat ta’ Segwitu.

Il-KESE jaħdem ukoll b’mod bilaterali mal-pajjiżi tal-Balkani tal-Punent u t-Turkija. Abbażi ta’ ftehimiet ta’ assoċjazzjoni bejn dawn il-pajjiżi u l-UE, bil-għan li jiġu involuti l-OSĊ fil-proċessi ta’ qabel l-adeżjoni u ta’ adeżjoni, il-KESE ħoloq tliet korpi konġunti mar-rappreżentanti tas-soċjetà ċivili – mat-Turkija, il-Montenegro u s-Serbja. Kull korp huwa magħmul minn għadd indaqs ta’ membri mill-KESE u mill-pajjiż imsieħeb u jiltaqa’ darbtejn fis-sena.

Il-KESE jżomm kuntatti regolari u jorganizza attivitajiet konġunti mal-OSĊ tal-pajjiżi tat-tkabbir li magħhom ma jkunx għadu ġie stabbilit korp konġunt ta’ rappreżentanti tas-soċjetà ċivili.

Il-ħidma tal-korpi konġunti hija komplementata mit-tħejjija ta’ Opinjonijiet tal-KESE dwar il-proċessi ta’ qabel l-adeżjoni u ta’ adeżjoni tal-pajjiżi individwali, kif ukoll dwar suġġetti ta’ interess reġjonali.

Displaying 1 - 1 of 1
  • Speaker
    Staffan Nilsson
    Organisation
    EESC
    The EESC will keep on advocating for the enlargement process to go on, in an inclusive, transparent and fair manner. Any delay due to the current turmoil in the EU has to be seen as a chance for reaching a better level of preparedness when entering the EU. But for this opportunity to be seized, the EU needs to work side by side with civil society in the region.
    President`s intervention at the Committee on Foreign Affairs (ATEF) meeting
Displaying 1 - 1 of 1