L-AKP u l-Afrika

This page is also available in

Mill-ewwel Konvenzjoni ta’ Lomé (1975) sal-Ftehim ta’ Cotonou (2000-2021), is-Sħubiji AKP-UE rregolaw ir-relazzjonijiet bejn l-UE u 79 pajjiż mill-Grupp ta' Stati  Afrikani, tal-Karibew u tal-Paċifiku (AKP), li dan l-aħħar sar l-Organizzazzjoni tal-Istai Afrikani, tal-Karibew u tal-Paċifiku (OACPS).

Matul dan il-perjodu, il-KESE flimkien mas-soċjetà ċivili tal-AKP ġġieldu għar-rikonoxximent tar-rwol essenzjali tal-operaturi mhux statali fil-proċess ta’ żvilupp sakemm dan inkiseb fil-Ftehim ta’ Cotonou, li ta mandat lill-KESE biex  jorganizza attivitajiet u konsultazzjonijiet ma’ gruppi ta’ interess ekonomiku u soċjali tal-AKP u l-UE bil-għan li jinġabru l-fehmiet tas-soċjetà ċivili organizzata u biex din tingħata leħen. L-għan kien li jiġu promossi l-iskambji u jitressqu rakkomandazzjonijiet dwar kwistjonijiet u politiki relatati mar-relazzjonijiet tal-AKP-UE, li mbagħad jiġu indirizzati mill-mexxejja tal-UE u tal-AKP.

F'termini prattiċi, l-attivitajiet tal-KESE dwar ir-relazzjonijiet bejn l-UE u l-OACPS jitwettqu prinċipalment taħt il-gwida tal-Kumitat ta’ Segwitu UE-AKP, magħmul minn membri tal-KESE u delegati li jirrappreżentaw lill-gruppi ta’ interess ekonomiku u soċjali mill-AKP.

Il-Kumitat ta’ Segwitu UE-AKP jżomm kuntatti regolari mar-rappreżentanti tas-soċjetà ċivili fil-pajjiżi AKP f’diversi livelli, permezz ta’ dawn li ġejjin:

  • laqgħat regolari tal-Kumitat ta’ Segwitu UE-AKP;
  • Seminars Reġjonali fil-pajjiżi AKP, li jipprovdu forum għad-diskussjoni ta’ suġġetti ta’ interess komuni mar-rappreżentanti tas-soċjetà ċivili li jalternaw bejn reġjuni differenti,
  • Laqgħat Ġenerali triennali bejn gruppi ta’ interess ekonomiku u soċjali mill-AKP u l-UE fi Brussell.

Il-KESE jżomm ukoll kuntatti regolari mar-rappreżentanti tal-gruppi ta' interess ekonomiku u soċjali tal-Unjoni Afrikana fil-qafas tal-Istrateġija Konġunta Afrika-UE. B'mod partikolari, il-KESE jorganizza laqgħat annwali man-Network tal-Partijiet Interessati Ekonomiċi u Soċjali UE-Afrika.

Il-KESE ilu snin twal iżomm kuntatt regolari mal-Assemblea Parlamentari Konġunta AKP-UE billi jippreżenta rapport dwar l-attivitajiet tiegħu fis-sessjonijiet tal-Assemblea Plenarja.

Bl-istess mod, il-KESE jinsab f’kuntatt mill-qrib ma’ organizzazzjonijiet internazzjonali ta’ min iħaddem, il-ħaddiema, il-bdiewa, il-kooperattivi u l-konsumaturi. Dawn l-organizzazzjonijiet jinnominaw ir-rappreżentanti tal-AKP li jiġu mistiedna għal-laqgħat tal-KESE, inkluż il-Kumitat ta’ Segwitu UE-AKP.

Displaying 1 - 2 of 2
02/12/2019
News

On 22 November, participants in the 17th regional seminar of ACP-EU economic and social interest groups adopted a declaration highlighting the potential of the blue economy as a key factor for development in many eastern and southern African countries. The event, hosted by the EESC in Mauritius, was also an opportunity for civil society representatives to call for a greater role for civil society in the negotiation of Economic Partnership Agreements and bilateral Sustainable Fisheries Partnership Agreements (SFPAs) and to acknowledge the role played by African and EU economic and social groups in the development of infrastructure.