EESC info May 2019 | European Economic and Social Committee

Lingwi Disponibbli:

Editorjal

Image
Brussels , 09/04/2018 eesc nouvelle présidence + Cabinet. Credit : Frederic Sierakowski / Isopix

Luca Jahier: Aħna l-Ewropa!

Għeżież qarrejja,

Qed noqorbu lejn il-mument meta għajnejna lkoll ser ikunu fuq ir-riżultati tal-elezzjonijiet Ewropej.

Is-26 ta’ Mejju huwa mument kruċjali għall-Ewropa. Fundamentali: hekk huwa l-involviment taċ-ċittadini li ser jivvutaw, taż-żgħażagħ li jkunu fehmu li l-futur tagħhom mhuwiex ċert u li ma jridux li xi ħadd jiddeċiedi minflokhom dwar il-futur tal-Ewropa. Ser naqbżu t-42 % tal-2014? Jekk iva, dan ifisser li nkunu fhimna dak li huwa importanti: li nżommu l-vitalità tal-proġett Ewropew u l-attrazzjoni tiegħu, li għadhom reali.

Luca Jahier: Aħna l-Ewropa!

Għeżież qarrejja,

Qed noqorbu lejn il-mument meta għajnejna lkoll ser ikunu fuq ir-riżultati tal-elezzjonijiet Ewropej.

Din id-darba, iktar minn qatt qabel, l-Ewropa tinsab f’salib it-toroq, quddiem dak li forsi jista’ jkun l-aktar mument storiku importanti minn mindu nħolqot. Dawn l-elezzjonijiet għall-Parlament Ewropew qishom il-pedament tal-futur tagħna, il-futur tagħna l-Ewropej kollha!

F’din is-sitwazzjoni, li nibqgħu siekta, li ma nitkellmux, inkunu qegħdin infissru li nimbuttaw lil dawk li, xprunati mid-diżinformazzjoni, jagħżlu li jeqirdu l-Unjoni Ewropea.

Għandna nirreaġixxu flimkien għall-periklu tal-populiżmu, ix-xettiċiżmu, l-aljenazzjoni, ir-rifjut u d-dubji. Huwa proprju meta n-nies tal-Ewropa jmorru jivvutaw li jerġgħu jsibu l-għeruq tad-demokrazija. M’hemmx soluzzjoni oħra għajr dik li nivvutaw. Dawk li ser jiġu eletti għal mandat ta’ 5 snin fil-Parlament Ewropew ser ikunu l-vġil ta’ din id-demokrazija tant għażiża għall-filosfi u l-ħassieba kbar

L-Ewropa ilha tavvanza pass wara pass għal 61 sena. Naturalment għaddiet minn mumenti ta’ kriżi, bħal dik taż-żona tal-euro, dik tal-migranti, dik tal-Brexit u dik tal-fiduċja miċ-ċittadini tagħha, li għadha perikoluża s’issa. Madankollu, minkejja dawn id-diffikultajiet, hija kapaċi tikber u tieħu proġetti ġodda. Imma liema hi l-Ewropa li tattira? Hija dik li tipproteġi, li tiddefendi l-valuri tagħna, li tiġġieled għall-klima, li tagħti akkoljenza dinjituża lill-migranti. B’riżultat ta’ diversi kriżijiet, l-Ewropa ma tieqaf qatt milli terġa’ tqum aktar b’saħħitha, bħal feniċe li jerġa’ jqum mill-irmied tiegħu

Nistieden lill-membri kollha tal-KESE, awturi tas-soċjetà ċivili, biex ikunu involuti b’mod attiv f’din il-mobilizzazzjoni biex iċ-ċittadini jieħdu sehem fil-kampanja elettorali billi jużaw il-mezzi kollha li jużaw l-opinjoni pubblika. Il-mezzi kollha ta’ komunikazzjoni huma tajba: l-opinjonijiet tagħna, id-djalogi tagħna, id-diskussjonijiet fi ħdan l-organizzazzjonijiet tagħna, il-preżenza tagħna fir-reġjuni tagħna, fit-territorji tagħna, il-kapaċità tagħna li nisimgħu u l-iskambju ma’ dawk li għandhom id-dubji, li ma jemmnux bis-suċċess tal-Unjoni b'saħħitha, magħquda u solidali.

Għandna nkunu qalbiena u ngħidu b’vuċi għolja: “L-Ewropa hija dari!” M’għandniex noqogħdu lura milli nuru l-entużjażmu tagħha għal dan il-proġett komuni. Għandna nirreżistu għar-rassenjazzjoni, l-injoranza, il-mibegħda. Il-vera periklu huwa l-indifferenza. Jekk ma mmorrux nivvutaw, xi ħadd ieħor ser jiddeċiedi flokna”

Għandna nażżardaw inkunu qalbiena! Nażżardaw nitkellmu! Iggwidati mill-għerf u mill-ispirtu ġovanili, għandna nkunu b’saħħitna quddiem l-avversarji tagħna, b’argumenti b’saħħithom dwar l-Ewropa li tħallina noħolmu!

Luca Jahier,

President tal-KESE

Fil-qosor

Jum l-Inizjattiva taċ-Ċittadini Ewropej jiftaħ kapitlu ġdid fil-parteċipazzjoni taċ-ċittadini tal-UE

“Il-Kummissjoni għandha l-obbligu morali li tirreaġixxi għall-Inizjattivi taċ-Ċittadini Ewropej” , qal l-Ewwel Viċi President Frans Timmermans

Christophe Lefevre, membru tal-KESE u President tal-grupp ad hoc tal-Inizjattiva taċ-Ċittadini Ewropej, fetaħ it-8 Jum l-Inizjattiva taċ-Ċittadini Ewropej fit-2 ta’ April.

“Il-Kummissjoni għandha l-obbligu morali li tirreaġixxi għall-Inizjattivi taċ-Ċittadini Ewropej” , qal l-Ewwel Viċi President Frans Timmermans

Christophe Lefevre, membru tal-KESE u President tal-grupp ad hoc tal-Inizjattiva taċ-Ċittadini Ewropej, fetaħ it-8 Jum l-Inizjattiva taċ-Ċittadini Ewropej fit-2 ta’ April.

Laura Sullivan, fundatriċi ta’ WeMove.EU, li tat id-diskors ewlieni, qalet li l-attiviżmu diġitali jista’ jimmobilizza gruppi akbar ta’ nies. Iservi wkoll biex jenfasizza dak li nikkondividu u l-kawża komuni tagħna, u jgħin isaħħaħ is-solidarjetà u l-impenn fl-Ewropa kollha. “Ta’ spiss m’aħniex konxji ta’ kemm għandna affarijiet komuni”, iddikjarat hi.

L-ewwel Viċi President Frans Timmermans ippreżenta r-regoli l-ġodda għall-Inizjattivi taċ-Ċittadini Ewropej. Fid-diskors tiegħu, il-Kummissarju tkellem dwar id-dimensjoni politika tal-Inizjattiva taċ-Ċittadini Ewropej: “M’hemm l-ebda obbligu li l-promoturi ta’ Inizjattiva taċ-Ċittadini Ewropej jingħataw dawk li jridu. Fil-fehma tiegħi, madankollu, hemm obbligu morali u politiku għall-Kummissjoni biex tirreaġixxi u tinvolvi ruħha f’dibattitu politiku. In-nies jistennew li nkunu ċari dwar x’għandu jsir u x’ma jistax isir.”

L-sfida għall-Kummissjoni Ewropea li jmiss kienet li tivvaluta kif id-diġitalizzazzjoni u d-demokrazija jaħdmu flimkien b’mod effettiv, anke billi nerġgħu nivvintaw id-demokrazija kif nafuha u naddattawha għad-dinja tal-lum.”

“Ilħna Diġitali” kienet it-tema tal-Jum l-Inizjattivi taċ-Ċittadini Ewropej 2019. In-nattivi diġitali m’għadhomx jistennew l-elezzjonijiet biex jesprimu l-preferenzi tagħhom; huma jitkellmu dwar it-tħassib tagħhom il-ħin kollu u f’kull opportunità.

“Li ma jitqiesux il-fehmiet espressi fid-dinja diġtali huwa għażla injoranta u saħansitra stupida”, qal is-Sur Lefevre, “iżda l-istituzzjonijiet u l-gvernijiet tal-UE jridu jkunu kapaċi jadattaw għal din it-tendenza u jkollhom responsabbiltà partikolari fir-rigward tal-informazzjoni korretta u d-difiża u r-rispett tal-prinċipji etiċi.” (sma)

“Aħna kollha migranti”

Fit-2 ta’ April, il-President tal-KESE Luca Jahier, akkumpanjat mill-membri tal-KESE Isabel Cano, Stefano Mallia u Cristian Pirvulescu, żar il-Mużew Red Star Line f’Antwerp – post simboliku għall-migrazzjoni Ewropea. Żewġ miljun passiġġier ivvjaġġaw minn Antwerp, il-port ewlieni Ewropew tal-kumpanija Red Star, abbord il-vapuri tagħha, lejn l-Amerika ta’ Fuq.

Il-KESE u l-Kunsill Ekonomiku, Soċjali u Ambjentali Franċiż flimkien għal parteċipazzjoni wiesgħa fl-elezzjonijiet Ewropej

Plenary session March 2019 - day 22 - bilateral meeting - presidents Jahier and Bernasconi

“Irridu nivvintaw l-Ewropa mill-ġdid b’entużjażmu u proġetti li huma qrib in-nies”, qalu l-Presidenti Patrick Bernasconi u Luca Jahier fis-sessjoni plenarja ta’ Marzu tal-KESE.

Aħbarijiet tal-KESE

Miljuni ta’ ċittadini b’diżabilitajiet mhux se jkunu jistgħu jitfgħu l-vot tagħhom fl-elezzjonijiet Ewropej

Madwar 800 000 ċittadin tal-UE li jbatu minn problemi ta’ saħħa mentali jew b’diżabilità intellettwali se jiċċaħħdu mid-dritt tal-vot tagħhom minħabba r-regoli nazzjonali li huma fis-seħħ f’16-il Stat Membru. Barra minn hekk, miljuni ta’ votanti se jaqtgħu qalbhom minħabba ostakli tekniċi fil-postijiet tal-votazzjoni li ma jqisux il-bżonnijiet li jirriżultaw mid-diversi tipi ta’ diżabilità tagħhom, qal il-KESE f’rapport.

“Għad għandna ħafna x’nagħmlu biex niżguraw li ċ-ċittadini b’diżabilità fl-Ewropa jkunu jistgħu jivvutaw”

Il-KESE Info intervista lill-membru tal-KESE Krzysztof Pater dwar ir-rapport tiegħu dwar "id-Drittijiet reali tal-persuni b'diżabilità biex jivvutaw fl-elezzjonijiet tal-PE".

Il-KESE Info intervista lill-membru tal-KESE Krzysztof Pater dwar ir-rapport tiegħu dwar "id-Drittijiet reali tal-persuni b'diżabilità biex jivvutaw fl-elezzjonijiet tal-PE"

KESE Info: X’ispirak tibda taħdem fuq dan ir-rapport?

Krzysztof Pater: Fid-dokumenti ta’ programmar, id-dikjarazzjonijiet politiċi u l-inizjattivi leġislattivi tagħhom, l-istituzzjonijiet Ewropej ta’ spiss jesprimu tħassib dwar id-drittijiet fundamentali ta ’diversi gruppi soċjali fl-UE. Aħna nemmnu li s-soluzzjonijiet legali eżistenti fl-UE jistgħu jkunu mudell għal reġjuni oħra madwar id-dinja. Ħafna politiċi huma kompjaċenti u jemmnu li d-demokrazija tagħna hija pjuttost perfetta.

Ma naqbilx ma’ din l-attitudni. Fl-opinjoni tiegħi, għad hemm ħafna xogħol xi jsir f’dan il-qasam. Wieħed mill-ewwel passi għandu jkun li jiġi żgurat li l-persuni kollha b’diżabilità jkollhom drittijiet reali u attivi għall-vot kif ukoll il-possibilità li jivvutaw. Jiena konvint li soċjetà li taċċetta sitwazzjoni fejn xi ħadd b’diżabilità huwa mċaħħad mid-dritt tal-vot minħabba r-regolamenti fis-seħħ qatt mhu se tkun tista’ taċċetta għalkollox id-drittijiet ta’ gruppi oħra li huma soġġetti għal diskriminazzjoni. Fit-tħejjija ta’ dan ir-rapport, xtaqt li fuq kollox jinxteħet dawl fuq l-ostakli li jeżistu għall-eżerċitar tad-dritt tal-vot u tinġibed l-attenzjoni fuq l-iskala ta’ dawn l-ostakli. Iżda fl-istess ħin jien tassew xtaqt nuri eżempji pożittivi minn xi pajjiżi li juru l-approċċ tagħhom lejn id-drittijiet tal-vot tal-persuni b’diżabilità.

X’tittama li tikseb permezz ta’ dan ir-rapport? Kellek xi feedback?

Dan ir-rapport juri realtà mhux tant sabiħa. Għal ħafna nies, dan jikkonferma dak li n-nies ilhom jgħidu ħafna snin. Iżda fl-istess ħin, dan huwa ġabra enormi ta’ eżempji pożittivi. Għall-organizzazzjonijiet li jaħdmu fl-Istati Membri għad-drittijiet tal-persuni b’diżabilità jew, b’mod aktar ġenerali, dwar id-drittijiet tal-bniedem, huwa manwal uniku ta’ struzzjonijiet li juri d-direzzjoni potenzjali tal-iżviluppi fi Stati Membri speċifiċi. Id-deċiżjoni tal-Qorti Kostituzzjonali Ġermaniża li tippermetti lil persuni b’diżabilità intellettwali jivvutaw fl-elezzjonijiet tal-Parlament Ewropew 2019, li ttieħdet xahar wara li ġie adottat ir-rapport tal-KESE, hija eżempju ieħor tat-tneħħija tal-ostakli eżistenti.

Ir-rapport intbagħat ukoll lil ħafna istituzzjonijiet responsabbli għat-tmexxija tal-elezzjonijiet fl-Istati Membri. Għandu jippermettilhom iqabblu l-livell ta’ adattament tal-arranġamenti għall-ħtiġijiet tal-persuni b’diżabilità mal-arranġamenti li saru f’pajjiżi oħra u jniedu inizjattivi leġislattivi essenzjali.

Allura, fl-elezzjonijiet tal-Parlament Ewropew li jmiss fl-2024, il-maġġoranza tal-votanti b’diżabilità se jkunu jistgħu jivvutaw?

Hemm żewġ modi kif jistgħu jinbidlu l-kundizzjonijiet eżistenti. L-ewwel wieħed hu li jinbidlu r-regoli li jirregolaw l-elezzjonijiet għall-Parlament Ewropew. Peress li l-UE teħtieġ li ċ-ċittadini li jgħixu fi Stat Membru ieħor ikollhom id-dritt li jivvutaw fl-elezzjonijiet Ewropej, huwa possibbli wkoll li tiġi adottata leġislazzjoni li tiggarantixxi d-dritt tal-vot għall-persuni kollha b’diżabilità li tibda mill-elezzjonijiet tal-2024. Jekk dawn il-miżuri jiġu adottati, allura nistgħu nistennew li bidliet simili fl-elezzjonijiet nazzjonali jew lokali jiġu implimentati b’mod indipendenti mill-Istati Membri. It-tieni wieħed, li huwa aktar bil-mod, huwa permezz ta’ bidliet leġislattivi fil-livell tal-Istati Membri. B’dan il-mod huwa possibbli wkoll li jittejjeb b’mod sinifikanti l-eżerċizzju tad-drittijiet tal-vot minn persuni b’diżabilità fl-elezzjonijiet tal-Parlament Ewropew li jmiss.

Il-KESE jippreżenta pjan ta’ azzjoni għall-Futur tal-Ewropa

Il-President Jahier se jippreżentah f’Sibiu fid-9 ta’ Mejju

L-UE jeħtieġ li tkun eqreb taċ-ċittadini tagħha u ssir il-mexxej globali fl-iżvilupp sostenibbli, isosnti l-KESE f’opinjoni b’saħħitha dwar il-futur tal-UE. Il-Kumitat jappella għal strateġija ġdida tal-UE li tkun ibbażata fuq approċċ olistiku u transettorjali li jiffoka fuq il-ħtiġijiet tal-Ewropej u s-sostenibbiltà, u jippreżenta rakkomandazzjonijiet ta’ politika li jkopru l-ħdax-il prijorità. Strateġija globali ġdida għall-implimentazzjoni tal-Aġenda 2030 trid tkun appoġġjata minn baġit ambizzjuż tal-UE.

Il-President Jahier se jippreżentah f’Sibiu fid-9 ta’ Mejju

L-UE jeħtiġilha tkun eqreb taċ-ċittadini tagħha u ssir il-mexxej globali fl-iżvilupp sostenibbli, isosnti l-KESE f’opinjoni b’saħħitha dwar il-futur tal-UE. Il-Kumitat jappella għal strateġija ġdida tal-UE li tkun ibbażata fuq approċċ olistiku u transettorjali li jiffoka fuq il-ħtiġijiet tal-Ewropej u s-sostenibbiltà, u jippreżenta rakkomandazzjonijiet ta’ politika li jkopru ħdax-il prijorità. Strateġija globali ġdida li timplimenta l-Aġenda 2030 trid tkun appoġġjata minn baġit ambizzjuż tal-UE.

Ir-rakkomandazzjonijiet ta’ politika tal-KESE huma marbuta ma’ ħdax-il prijorità, inkluż il-prijorità dwar il-governanza. Taħt din il-prijorità, il-KESE jirrakkomanda li l-politiki interni u esterni kollha tal-UE għandhom ikunu koerenti u konformi mal-SDGs, li jagħtu lok għall-prinċipji ta’ effiċjenza u proporzjonalità.

Taħt il-prijorità "Ewropa tal-poplu", il-KESE jipproponi li jiġu adottati miżuri li jsaħħu aktar il-parteċipazzjoni ċivika fit-tfassil tal-politika tal-UE sabiex jerġgħu jinkisbu l-appoġġ u l-fiduċja tal-poplu għall-proċess tal-integrazzjoni tal-UE.

Komunikazzjoni mtejba dwar il-politiki tal-UE għandha tkun prijorità oħra għall-istrateġija l-ġdida. Informazzjoni sostanzjali, kredibbli u vivaċi tista’ tgħin, fost oħrajn, biex jiżdied l-għarfien taċ-ċittadini dwar il-kisbiet tal-UE u l-valur tal-azzjoni komuni.

Skont ir-rakkomandazzjonijiet ta’ politika taħt il-prijorità dwar l-iżvilupp sostenibbli, l-istrateġija futura tal-UE għandha twettaq l-impenji internazzjonali tal-UE dwar il-klima, il-bijodiversità u l-ilma. Dan ifisser li hija trid tal-inqas tiżgura implimentazzjoni sħiħa u immedjata tal-Ftehim ta’ Pariġi u tħaffef it-tranżizzjoni ġusta u sostenibbli lejn livell għoli ta’ provvista ta’ enerġija rinnovabbli.

Il-ħdax-il prijorità jinkludu wkoll dimensjoni soċjali b’saħħitha, li għandha ssaħħaħ il-konverġenza fi ħdan l-UE, pereżempju billi jitjieb u jiżdied l-investiment fis-sistemi edukattivi b’mod ġenerali. Objettiv ieħor għandu jkun l-iżvilupp ta’ approċċ komuni, komprensiv u bilanċjat dwar il-politika tal-migrazzjoni.

Fl-aħħar nett, in-negozji Ewropej iridu jsiru atturi sostenibbli globali aktar b’saħħithom. In-negozji sostenibbli għandhom ilaħħqu b’suċċess mat-trasformazzjoni diġitali u jibqgħu jixprunaw l-innovazzjoni u l-kreattività. Ekonomija sostenibbli tinvolvi kummerċ ħieles u ġust, regoli speċifiċi għall-beni u s-servizzi pubbliċi u tassazzjoni ġusta.

Il-President tal-KESE Luca Jahier se jippreżenta l-pjan ta’ azzjoni tal-KESE għall-Futur tal-Ewropa fil-konferenza Il-Futur tal-Ewropa. Perspettivi tal-Iżviluppi Kontemporanji li se ssir f’Sibiu flimkien mas-summit tad-9 ta’ Mejju dwar il-Futur tal-Ewropa.

Sommarju fil-qosor tal-pjan ta’ azzjoni tal-KESE għall-futur tal-Ewropa huwa disponsibbli fuq: https://www.eesc.europa.eu/mt/node/69817. (jk)

Il-plenarja tal-KESE tospita l-promoturi tal-Inizjattiva taċ-Ċittadini Ewropej “Inwaqqfu l-estremiżmu”

Il-Kumitat Ekonomiku u Soċjali EwropEW (KESE) laqa’ lil Sebastian Reimer u lil Michael Laubsch, tnejn mill-inizjaturi u promoturi tal-Inizjattiva taċ-Ċittadini Ewropej “Inwaqqfu l-estremiżmu”, li ġabbret madwar 1.6 miljun firma, li issa jridu jiġu vvalidati mill-Istati Membri.

Fil-kummenti ta’ introduzzjoni tiegħu, il-President tal-KESE Luca Jahier ikkonferma mill-ġdid l-impenn kontinwu tal-KESE – li ħareġ b’mod prattiku ħafna fil-Jum annwali tal-Inizjattiva taċ-Ċittadini Ewropej (ara l-artiklu hawn taħt) – biex jittejjeb l-istrument tal-Inizjattiva taċ-Ċittadini Ewropej, biex isir aktar faċli biex jintuża u biex jiġi żgurat li jkollu impatt ġenwin. Dawn l-isforzi fl-aħħar kienu qed iħallu l-frott.

Is-Sur Laubsch qal li permezz tal-Inizjattiva taċ-Ċittadini Ewropej Inwaqqfu l-estremiżmu, l-inizjaturi riedu jqajmu lin-nies mill-“għeja mill-UE” tagħhom u jlaqqgħu flimkien il-politika tal-UE, l-istituzzjonijiet tal-UE u l-poplu tal-Ewropa biex jiddiskutu kif għandu jiġi miġġieled l-estremiżmu. “Il-mibegħda qed tibda tħarbat lis-soċjetà tagħna. Id-drittijiet fundamentali tagħna jeħtieġu appoġġ mill-ġdid, b’mod speċjali mill-pubbliku”

"Ma huwiex biżżejjed li niġġieldu l-estremiżmu, jeħtieġ li nipprevenuh. Dan jibda fl-iskejjel, billi ż-żgħażagħ jingħataw is-setgħa li jkunu reżiljenti meta jħabbtu wiċċhom ma’ diskors estremist, speċjalment fil-pjattaformi soċjali onlajn. Irridu nindirizzaw ukoll il-problemi soċjoekonomiċi li jwasslu għall-esklużjoni u l-aljenazzjoni”, qal Oliver Röpke, il-President tal-Grupp tal-Ħaddiema tal-KESE.

Bl-istess mod esprima ruħu Gonçalo Lobo Xavier (Grupp ta’ Min Iħaddem): ”Neħtieġu nipproteġu l-mudell Ewropew. Il-libertà hija dritt inaljenabbli, li aħna nħaddnu b’mod ċar. M’għandniex biss nimponu l-liġijiet, iżda rridu nirrispettaw l-għażliet ta’ kulħadd u l-libertà ta’ kulħadd fi ħdan il-qafas tad-drittijiet u l-valuri fundamentali tagħna”.

Fl-aħħar, Cillian Lohan (Grupp Diversità Ewropa) qal:“Huwa importanti li nħarsu lejn il-kawżi tal-estremiżmu u ż-żieda fil-popoliżmu fl-UE. Ir-realtà li n-nies qed iħossu hija pjuttost differenti mill-fehmiet ta’ dawk fil-poter, u dan joħloq skonnessjoni sħiħa bejn dawk fil-poter, il-gvernijiet u ċ-ċittadini normali”. (sma)

Il-KESE jipproponi pjan biex l-UE ssir mexxejja fil-bini tal-paċi kemm fl-Ewropa kif ukoll mad-dinja kollha

Fil-plenarja tiegħu f’Marzu l-KESE adotta Opinjoni li tiddeskrivi strateġija globali mmexxija mill-UE għall-bini tal-paċi li tinkludi l-ħolqien tal-“WhiteDoveWay”, mogħdija ta’ paċi mill-Irlanda ta’ Fuq sa Nikosija, għall-promozzjoni tad-djalogu, ir-rikonċiljazzjoni u l-prevenzjoni ta’ kunflitti.

Fil-plenarja tiegħu f’Marzu l-KESE adotta Opinjoni li tiddeskrivi strateġija globali mmexxija mill-UE għall-bini tal-paċi li tinkludi l-ħolqien tal-“WhiteDoveWay”, mogħdija ta’ paċi mill-Irlanda ta’ Fuq sa Nikosija, għall-promozzjoni tad-djalogu, ir-rikonċiljazzjoni u l-prevenzjoni ta’ kunflitti.

Wasal iż-żmien biex l-UE, l-akbar proġett tal-paċi fl-istorja moderna, issir mexxejja globali fil-bini tal-paċi fl-Ewropa u fid-dinja. Dan huwa l-messaġġ ewlieni tal-opinjoni fuq inizjattiva proprja The White Dove Way – Proposta għal strateġija mmexxija mill-UE għall-bini tal-paċi adottata mill-KESE. Kif iddikjarat Jane Morrice, ir-relatur tal-Opinjoni, "l-UE għandha obbligu morali, lil hinn mill-interessi ġeopolitiċi jew ekonomiċi, li ssib modi biex tiġi protetta l-ħajja ta’ vittmi innoċenti maqbuda f’kunflitt, b’mod partikolari t-tfal".

Il-KESE jħeġġeġ lill-UE biex toħloq u tiffinanzja Strateġija ta’ Bini tal-Paċi Globali ġdida li tinkludi bħala karatteristika ewlenija l-ħolqien ta’ WhiteDoveWay, mogħdija tal-paċi li testendi 5,000 km madwar l-Ewropa, mill-Irlanda ta’ Fuq sa Nikosija, il-belt kapitali ta’ Ċipru. Din ir-rotta għandha ssegwi fuq il-passi ta’ Columbanus, il-pellegrin Irlandiż tas-sitt seklu li vvjaġġa mill-Irlanda sal-Italja u li ġie deskritt minn wieħed mill-fundaturi tal-UE, Robert Schuman, bħala "il-qaddis patrun ta’ dawk kollha li jħabirku biex jibnu Ewropa unita".

L-inizjattiva tinkludi wkoll il-ħolqien ta’ Ċentri Ewropej għall-Paċi u r-Rikonċiljazzjoni fl-Irlanda ta’ Fuq u Nikosija u ċentri ta’ tagħlim li jgħaqqdu siti strateġiċi li jinsabu tul il-WhiteDoveWay, kif ukoll ir-rikonoxximent mill-UE tas-simbolu tal-Ħamiema Bajda bħala t-“trade mark” għall-proġetti kollha ta’ paċi tal-UE. (dgf)

Jeħtieġ li l-UE tiddefinixxi strateġija ċara dwar il-konnettività bejn l-UE u l-Asja

Fis-sessjoni plenarja ta’ Marzu, il-Kumitat Ekonomiku u Soċjali Ewropew (KESE) adotta Opinjoni dwar il-Komunikazzjoni Konġunta Konnessjoni bejn l-Ewropa u l-Asja – Elementi fundamentali għal Strateġija tal-UE, maħruġa mill-Kummissjoni Ewropea u r-Rappreżentant Għoli tal-UE f’Settembru 2018. Fil-fehma tal-KESE, hija opportunità mitlufa b’mod serju, b’bosta lakuni strateġiċi sinifikanti, ftit li xejn ambizzjoni u l-ebda profondità reali fir-rigward tal-iżvilupp tar-relazzjonijiet tal-UE u l-konnettività mal-Asja.

Fis-sessjoni plenarja ta’ Marzu, il-Kumitat Ekonomiku u Soċjali Ewropew (KESE) adotta Opinjoni dwar il-Komunikazzjoni Konġunta Konnessjoni bejn l-Ewropa u l-Asja – Elementi fundamentali għal Strateġija tal-UE, maħruġa mill-Kummissjoni Ewropea u r-Rappreżentant Għoli tal-UE f’Settembru 2018. Fil-fehma tal-KESE, hija opportunità mitlufa b’mod serju, b’bosta lakun i strateġiċi sinifikanti, ftit li xejn ambizzjoni u l-ebda profondità reali fir-rigward tal-iżvilupp tar-relazzjonijiet tal-UE u l-konnettività mal-Asja.

Il-KESE jemmen li ma ġewx riflessi realtajiet ekonomiċi u ġeopolitiċi ewlenin, u li kien hemm ftit li xejn rikonoxximent biċ-ċar tad-diversità jew tal-kumplessità wiesgħa tal-Asja. Huwa josserva “bi tħassib serju” tal-inqas 17-il qasam fejn ma ssir kważi l-ebda referenza għal żviluppi ta’ importanza kritika li saru dan l-aħħar li jolqtu kemm lill-UE kif ukoll l-Asja.

Fost dawn il-lakuni, l-Opinjoni tosserva li ma ssir l-ebda referenza għall-inizjattiva taċ-Ċina “Belt and Road” (BRI), strateġija ta’ żvilupp adottata mill-gvern Ċiniż li titqies bħala sinjal qawwi tax-xewqa taċ-Ċina li taqdi rwol akbar fil-livell dinji u li żżid l-isfera ta’ influwenza tagħha. Il-KESE jemmen li huwa fundamentali li l-UE tagħti rispons formali lill-BRI.

Il-KESE jiddispjaċih ukoll li ma hemm l-ebda referenza għal kwalunkwe wieħed mid-djalogi eżistenti tas-soċjetà ċivili bejn l-UE u l-Asja fil-Komunikazzjoni, l-iżjed il-korpi ewlenin ta’ monitoraġġ tas-soċjetà ċivili mwaqqfin taħt dawn il-ftehimiet kummerċjali sinifikanti. Kif semma Jonathan Peel, ir-relatur għall-Opinjoni, approċċ universali ma jkunx tajjeb, u l-Asja qatt ma tista’ tirrifletti l-UE. Madankollu, ir-relatur jgħid ukoll li “l-UE jeħtieġ li taħdem aktar biex tirbaħ il-qlub u l-imħuħ fl-Asja” u li kien diżappuntanti li l-Komunikazzjoni ftit li xejn issemmi d-drittijiet tal-bniedem, l-istat tad-dritt, il-governanza tajba u d-demokratizzazzjonioni. (dgf)

L-interferent endokrinali: leġislazzjoni armonizzata se tħares liċ-ċittadini Ewropej b’mod aktar effettiv

L-interferenti endokrinali huma sustanzi partikolarment ta’ tħassib, u għalhekk jeħtieġ li leġislazzjoni tal-UE tkun koerenti u armonizzata sabiex tindirizza l-modi li bihom dawn jintużaw. Il-KESE jappella għal strateġija konsistenti u olistika li tkun ibbażata fuq l-għarfien xjentifiku u li tinkludi pjan ta’ azzjoni b’miri u skadenzi ċari.

L-interferenti endokrinali huma sustanzi partikolarment ta’ tħassib, u għalhekk jeħtieġ li leġislazzjoni tal-UE tkun koerenti u armonizzata sabiex tindirizza l-modi li bihom dawn jintużaw. Il-KESE jappella għal strateġija konsistenti u olistika li tkun ibbażata fuq l-għarfien xjentifiku u li tinkludi pjan ta’ azzjoni b’miri u skadenzi ċari.

Il-KESE jqis li huwa essenzjali li jitwettaq kontroll tal-idoneità sħiħ fuq il-leġislazzjoni attwali, inkluż l-impatt soċjali u ekonomiku tagħha, sabiex tiġi stabbilita s-sitwazzjoni attwali reali.

"Il-leġiżlazzjoni attwali hija frammentata u xi kultant inkoerenti minħabba nuqqas ta’ koordinazzjoni. Jeħtieġ li noħolqu qafas leġislattiv li jippermettilna nittrattaw l-użu tal-interferent endokrinali b’mod koerenti, konsistenti u xjentifiku. L-użu tal-interferent endokrinali jrid ikun ibbażat fuq il-prinċipju ta’ prekawzjoni u b’hekk ikun konformi mad-dispożizzjonijiet li diġà ġew adottati dwar il-bijoċidi u l-pestiċidi,” qal Brian Curtis, ir-relatur tal-Opinjoni tal-KESE Lejn qafas tal-Unjoni Ewropea dwar l-interferenti endokrinali adottata f’Marzu. Barra minn hekk, strateġija fit-tul għandha tissaħħaħ bi pjan ta’ azzjoni realistiku sabiex jiġu stabbiliti l-miri u l-iskadenzi.

Il-Kumitat jipproponi l-istabbiliment ta’ mekkaniżmu finanzjarju li jappoġġja kemm l-intrapriżi kif ukoll il-ħaddiema matul il-perjodu ta’ tranżizzjoni.

Is-soċjetà ċivili tista’ taqdi rwol kruċjali fl-iżvilupp jew l-appoġġ tal-kampanji nazzjonali ta’ sensibilizzazzjoni, billi tgħaddi l-informazzjoni dwar il-miżuri tal-UE li jħarsu s-saħħa tal-Ewropej flimkien mal-inċentivi tal-edukazzjoni u t-taħriġ. (sma)

Il-KESE jappoġġja l-pjan ta’ azzjoni tal-UE dwar id-diżinformazzjoni

Il-KESE ta l-appoġġ tiegħu għall-pjan ta’ azzjoni dwar id-diżinformazzjoni mressaq mill-Kummissjoni u mir-Rappreżentant Għoli tal-UE. F’Opinjoni ta’ Ulrich Samm u Giulia Barbucci adotata fis-sessjoni plenarja ta’ Marzu, il-KESE josserva li d-diżinformazzjoni tista’ tiġi definita bħala informazzjoni falza jew qarrieqa b’mod verifikabbli li tinħoloq, tiġi ppreżentata u tinxtered għal gwadann ekonomiku jew biex tqarraq bil-pubbliku intenzjonalment, tikkawża ħsara lill-pubbliku u thedded id-demokrazija.

Il-KESE ta l-appoġġ tiegħu għall-pjan ta’ azzjoni dwar id-diżinformazzjoni mressaq mill-Kummissjoni u mir-Rappreżentant Għoli tal-UE. F’Opinjoni ta’ Ulrich Samm u Giulia Barbucci adottata fis-sessjoni plenarja ta’ Marzu, il-KESE josserva li d-diżinformazzjoni tista’ tiġi definita bħala informazzjoni falza jew qarrieqa b’mod verifikabbli li tinħoloq, tiġi ppreżentata u tinxtered għal gwadann ekonomiku jew biex tqarraq bil-pubbliku intenzjonalment, tikkawża ħsara lill-pubbliku u thedded id-demokrazija.

“It-tixrid tad-diżinformazzjoni sar jagħmel parti minn gwerra ibrida b’għan politiku ċar,” qal is-Sur Samm. “Apparti l-informazzjoni falza, hemm theddid ieħor għal-libertajiet, id-drittijiet fundamentali u d-drittijiet tal-minoranzi tal-persuni, inkluża infomazzjoni selettiva ħafna, id-difamazzjoni, it-tixrid tal-biża’ u l-inċitament għall-mibegħda.”

L-iżjed diżinformazzjoni effettiva dejjem fiha ċerta verità u għal din ir-raġuni huwa diffiċli ħafna li tiġi miġġielda b’mod effettiv. “Neħtieġu tipi differenti ta’ azzjoni mill-partijiet interessati kollha biex tiġi pprovduta informazzjoni ta’ kwalità tajba u jkun hemm sensibilizzazzjoni. Huwa għal din ir-raġuni li aħna nappoġġjaw l-inizjattiva għal azzjoni kkoordinata biex l-UE, u l-istituzzjonijiet u ċ-ċittadini tagħha jiġu protetti kontra d-diżinformazzjoni,” enfasizzat is-Sinjura Barbucci. “Jeħtieġ li naġixxu issa peress li l-elezzjonijiet Ewropej ta’ Mejju 2019 daqt magħna.”

Il-parteċipazzjoni attiva tal-organizzazzjonijiet tas-soċjetà ċivili hija fundamentali għal tweġiba komprensiva għad-diżinformazzjoni. Il-KESE jimpenja ruħu b’mod proattiv fl-appoġġ ta’ sforzi konġunti biex tiġi indirizzata d-diżinformazzjoni, u jieħu azzjoni fuq bażi regolari permezz tal-Opinjonijiet tiegħu u billi jorganizza seduti, avvenimenti lokali u għadd ta’ attivitajiet oħra. (mp)

Il-politika ta’ koeżjoni trid tkun parti integrali minn strateġija ġdida għall-UE

L-UE teħtieġ b’mod urġenti strateġija ġdida, ambizzjuża u ċara għall-futur tagħha f’konformità mal-Aġenda 2030 tan-NU, l-SDGs u impenji internazzjonali oħra. Il-politika ta’ koeżjoni trid tkun parti integrali minnha. Din l-istrateġija l-ġdida għandha tipprovdi wkoll viżjoni għall-politika ta’ koeżjoni futura nnifisha. Id-dispożizzjonijiet ġodda għall-politika ta’ koeżjoni wara l-2020 għandhom jipprovdu biżżejjed riżorsi u jiggarantixxu titjib fl-effiċjenza u l-viżibbiltà tal-politika, iħeġġeġ il-KESE f’opinjoni esploratorja dwar il-futur tal-politika ta’ koeżjoni.

L-UE teħtieġ b’mod urġenti strateġija ġdida, ambizzjuża u ċara għall-futur tagħha f’konformità mal-Aġenda 2030 tan-NU, l-SDGs u impenji internazzjonali oħra. Il-politika ta’ koeżjoni trid tkun parti integrali minnha. Din l-istrateġija l-ġdida għandha tipprovdi wkoll viżjoni għall-politika ta’ koeżjoni futura nnifisha. Id-dispożizzjonijiet ġodda għall-politika ta’ koeżjoni wara l-2020 għandhom jipprovdu biżżejjed riżorsi u jiggarantixxu titjib fl-effiċjenza u l-viżibbiltà tal-politika, iħeġġeġ il-KESE f’opinjoni esploratorja dwar il-futur tal-politika ta’ koeżjoni. .

Filwaqt li l-opinjoni tal-KESE tħeġġeġ li l-isfidi speċifiċi attwali ma jitħallewx li jintnesew, tenfasizza l-importanza li tiġi żviluppata politika ta’ koeżjoni għall-perjodu 2021-2027. Politika li tibqa’ valida fil-futur għandha tkun miftuħa għar-reġjuni kollha u tipprovdi l-għodod meħtieġa biex jiġu indirizzati l-isfidi futuri bħat-tħaddin ta’ teknoloġiji ġodda, il-kisba ta’ livell għoli ta’ kompetittività u l-ġestjoni tat-tranżizzjoni lejn żvilupp sostenibbli filwaqt li jinħolqu impjiegi ta’ kwalità.

Il-tnaqqis baġitarju kif propost mill-Kummissjoni mhuwiex aċċettabbli għall-KESE, peress li l-politika ta’ koeżjoni hija waħda mill-pilastri fundamentali biex l-UE titqarreb lejn iċ-ċittadini tagħha u jitnaqqsu d-disparitajiet bejn ir-reġjuni tal-UE u l-inugwaljanzi fis-soċjetà. Fid-dawl ta’ dan u bi sfidi emerġenti ġodda, il-baġit għandu jibqa’ mill-inqas fil-livell tal-perjodu preċedenti.

L-opinjoni tenfasizza wkoll li l-impatt tal-politika ta’ koeżjoni jrid jiġi kkomunikat b’mod aktar effettiv. L-obbligi attwali ta’ pubbliċità għal proġetti ffinanzjati għandhom għalhekk jiġu aġġornati b’mod sinifikanti sabiex il-valur miżjud tal-integrazzjoni tal-UE b’mod ġenerali u l-politika ta’ koeżjoni b’mod partikolari jsir aktar viżibbli għall-pubbliku.

Approċċ territorjali qawwi, aktar koerenza u kontinwità bejn l-istrateġiji tal-UE u dawk nazzjonali, aktar simplifikazzjoni u involviment tas-soċjetà ċivili lkoll jistgħu, fil-fehma tal-KESE, jikkontribwixxu għal titjib fl-effiċjenza tal-politika. (jk)

Fir-ritratt: veduta ġenerali tal-pjazza f’Lubaczow (il-Polonja) bil-bini tas-sala muniċipali li ġie rinnovat reċentement bis-saħħa tal-fondi tal-UE.

In-“netwerk tan-netwerks” tal-ekonomija ċirkolari tal-Ewropa qed jilqa’ l-isfida tat-tranżizzjoni ċirkolari

Aktar minn 350 parti kkonċernata tal-ekonomija ċirkolari mill-Ewropa kollha qasmu l-istejjer ta’ suċċess tagħhom u l-isfidi li jħabbtu wiċċhom magħhom waqt it-tieni jum tal-Konferenza tal-Partijiet Interessati tal-Ekonomija Ċirkolari, ospitata mill-Kumitat Ekonomiku u Soċjali Ewropew fis-7 ta’ Marzu 2019.

Aktar minn 350 parti kkonċernata tal-ekonomija ċirkolari mill-Ewropa kollha qasmu l-istejjer ta’ suċċess tagħhom u l-isfidi li jħabbtu wiċċhom magħhom waqt it-tieni jum tal-Konferenza tal-Partijiet Interessati tal-Ekonomija Ċirkolari, ospitata mill-Kumitat Ekonomiku u Soċjali Ewropew fis-7 ta’ Marzu 2019.

Il-membru tal-KESE Cillian Lohan talab lill-parteċipanti biex jirriflettu fuq mistoqsija ewlenija għall-iżvilupp tal-Ekonomija Ċirkolari: Min ser imexxi l-bidla? Għandhom ikunu l-konsumaturi, in-negozji jew dawk li jfasslu l-politika:min għandu jkun l-ewwel?

“Ikolli ngħid li l-konsumaturi m’għandux ikollhom ir-responsabbiltà tal-bidliet inizjali,” qal Lohan, li enfasizza wkoll: “Hija l-bidla fil-prattiki kummerċjali, appoġġjata mill-bidliet tal-politika u l-infrastruttura tal-politika li fil-verità ser joħolqu l-ambjent fejn il-konsumaturi jkollhom l-għażliet affordabbli u aċċessibbli li ser jippermettulhom jagħmlu għażliet ċirkolari u sostenibbli.”

Ladeja Godina Košir, President tal-Pjattaforma Ewropea tal-Partijiet Interessati tal-Ekonomija Ċirkolari, talbet lill-parteċipanti biex jisfruttaw il-Pjattaforma bħala netwerk ta’ sostenn sabiex jgħinu jsolvu l-problemi li jiltaqgħu magħhom fil-proġett tagħhom dwar l-ekonomija ċirkolari. Kellha messaġġ ċar: “Irridu nkunu n-netwerk tan-netwerks għal kulħadd.”

Joanna Drake, Deputat Direttur Ġenerali, DĠ Ambjent, enfasizzat ir-rwol kruċjali tal-involviment tal-partijiet interessati fl-inizjattivi tal-Kummissjoni Ewropea relatati mal-ekonomija ċirkolari u qalet: “Parti mis-suċċess tagħhom tinsab fl-approċċ minn isfel għal fuq, li jikkonsisti f’li jinkisbu l-appoġġ u l-impenn mal-partijiet interessati permezz tal-kooperazzjoni, pjattaformi, skambju tal-aħjar prattiki u approċċi volontarji tan-negozji.”

Saru diskussjonijiet fi tmien workshops interattivi li ffukaw fuq dawn is-suġġetti:

L-inventarju tal-istrateġiji ċirkolari fl-Ewropa

Il-kummenti mill-konsumaturi għall-ekonomija ċirkolari

Id-dimensjoni soċjali tal-ekonomija ċirkolari

Il-bliet ċirkolari kontra t-tibdil fil-klima

L-akkwist pubbliku ċirkolari

L-għodod li jkejlu t-tranżizzjoni ċirkolari

Innovazzjoni kreattiva għall-ekonomija ċirkolari

Bliet bioċirkolari għall-iżvilupp rurali

Il-ġurnata ntemmet bit-tnedija tal-wirja Kindred Spirits .

Il-parteċipanti kienu ispirati wkoll minn diskors mhux konvenzjonali dwar il-possibbiltajiet li jiġu esplorati l-istadji li jmiss tal-ekonomija ċirkolari minn Rieta Aliredjo, President tal-Fondazzjoni Stars Are Circular. Il-messaġġ tagħha?

Ir-rapporti bil-kummenti minn kull workshop jinsabu hawnhekk. (dm)

Il-Jum Ewropew tal-Konsumatur 2019 jidentifika l-isfidi ewlenin marbutin mal-adattament tal-politika tal-konsumatur tal-UE għall-ġenerazzjonijiet aktar żagħżugħa

Il-politika tal-konsumatur hija mmirata lejn iż-żgħażagħ? Kif nistgħu nappoġġjawhom biex jagħmlu għażliet sostenibbli? Kif nistgħu nintroduċu xejriet ġodda fil-politiki tal-konsumatur? Fis-27 ta’ Marzu, fi Brussell sar dibattitu mqanqal li indirizza dawn il-mistoqsijiet. Kamra mimlija studenti, assoċjazzjonijiet tal-konsumatur, negozji u rappreżentanti tas-settur elettroniku indirizzaw kwistjonijiet li jvarjaw mit-titjib tal-mobilità u l-evitar tal-ħela tal-ikel sa kif nagħmlu l-moda mgħaġġla (fast fashion) sostenibbli u sal-fehim tar-rwol tal-ICTs biex jixprunaw il-bidla.

Il-politika tal-konsumatur hija mmirata lejn iż-żgħażagħ? Kif nistgħu nappoġġjawhom biex jagħmlu għażliet sostenibbli? Kif nistgħu nintroduċu xejriet ġodda fil-politiki tal-konsumatur? Fis-27 ta’ Marzu, fi Brussell sar dibattitu mqanqal li indirizza dawn il-mistoqsijiet. Kamra mimlija studenti, assoċjazzjonijiet tal-konsumatur, negozji u rappreżentanti tas-settur elettroniku indirizzaw kwistjonijiet li jvarjaw mit-titjib tal-mobilità u l-evitar tal-ħela tal-ikel sa kif nagħmlu l-moda mgħaġġla (fast fashion) sostenibbli u sal-fehim tar-rwol tal-ICTs biex jixprunaw il-bidla.

L-għan ewlieni tal-avveniment kien li jiġu indirizzati l-isfidi l-ġodda marbutin mas-sostenibbiltà u mat-Teknoloġiji tal-Informazzjoni u l-Komunikazzjoni (ICTs), l-aktar influwenzi b’saħħithom fuq iż-żgħażagħ.

Il-Viċi President tal-KESE Isabel Caño fetħet il-21 Jum Ewropew tal-Konsumatur billi esprimiet l-appoġġ tagħha għall-mobilizzazzjoni tal-massa taż-żgħażagħ favur il-klima u r-rabta mill-qrib bejn il-konsum u l-ambjent u l-importanza ta’ politika tal-konsumatur li tkun taqbel mal-ambizzjonijiet klimatiċi taż-żgħażagħ.

"L-influwenza tagħkom hemm bżonn issir aktar b’saħħitha u aktar b’saħħitha fl-isfera politika. Iż-żgħażagħ jeħtieġ ikollhom rwol essenzjali fit-tfassil tal-politika attwali u futura tal-UE. B’dan il-Jum Ewropew tal-Konsumatur, nixtiequ nenfasizzaw li huwa ta’ importanza kbira li leħinkom jissemma’ fi Brussell" hija qalet.

Youna Marette, ta’ sbatax-il sena, waħda mill-figuri ewlenin tal-protesti favur il-klima fil-Belġju, tkellmet f’isem il-ġenerazzjoni tagħha: “Iż-żgħażagħ huma konsumaturi. Huma konxji tal-kwistjonijiet ewlenin involuti. In-nies jgħidu li m’aħniex, iżda dan mhux minnu," qalet. "Jien twelidt f’sistema bbażata fuq tkabbir u profitt li ma jispiċċaw qatt. Kif nistgħu noħorġu minn din is-sistema mingħajr ma niġu marġinalizzati? Ir-risposta hija sempliċi, nemmen li kollox irid jinbidel, u t-tibdil diġà qed iseħħ.."

It-tema dwar kif ix-xejriet tal-konsum tal-ġenerazzjoni żagħżugħa huma differenti minn dawk ta’ konsumaturi akbar fl-età kienet suġġett komuni matul il-jum kollu. Studji reċenti dwar l-imġiba tal-konsumatur mill-Kummissjoni u minn CRÉDOC urew xejriet u sfidi ġodda. Jekk il-millennials huma aktar konxji ta’ kwistjonijiet ambjentali minn ġenerazzjonijiet aktar anzjani, li għalihom is-sostenibbiltà kienet tema pjuttost astratta, xorta jagħżlu l-prezz u l-konvenjenza aktar mid-durabbiltà tal-prodott, għalkemm il-kapaċità tal-akkwist limitata tagħhom tidher li hija r-raġuni għal dan.

Studju ieħor mis-CEPS wera li l-millennials jonfqu l-introjtu tagħhom b’mod differenti. Il-komunikazzjoni hija spiża kbira u hija meqjusa bħala ħtieġa bażika, l-istess bħall-ikel u l-akkomodazzjoni. Is-sjieda tal-ismartphones għal din il-ġenerazzjoni hija kważi ta’ 100 %, u dan għandu impatt fuq il-mod kif jikkunsmaw, filwaqt li x-xiri online għandu sehem kbir.

Biex nifhmu aħjar l-isfidi l-ġodda għall-politiki tal-konsumatur, tliet workshops paralleli investigaw tliet industriji ewlenin: l-ikel, il-mobilità u l-ilbies.

F’dibattitu dwar l-influwenza tal-midja soċjali il-kelliema qablu li n-netwerks soċjali huma u x’aktarx se jibqgħu kruċjali għall-ħajja taż-żgħażagħ. Għalhekk kien essenzjali li nifhmu jekk għandhomx jiġu rregolati u kif jeħtieġ jiġu rregolati. L-ICTs jista’ jkollhom vantaġġi u żvantaġġi: għodda b’saħħitha u demokratika li tista’ tlaqqa’ miljuni ta’ nies flimkien - iżda wkoll mod kif tinkiseb data privata u n-nies jitħeġġu jikkunsmaw aktar permezz ta’ reklamar immirat.

Rapport li jistabbilixxi s-sejbiet ewlenin tal-ġurnata huwa disponibbli minn here. (dm/ss)

L-UE għandha taġixxi biex issaħħaħ ir-rwol internazzjonali tal-munita unika.

Fost il-prerekwiżiti biex jiġi żviluppat bis-sħiħ il-potenzjal tal-euro bħala munita internazzjonali hemm politiki makroekonomiċi b’saħħithom fl-UE, it-tisħiħ tal-UEM u t-tlestija tal-Unjoni Bankarja u tal-Unjoni tas-Swieq Kapitali (CMU). Madankollu, qabel kollox jinħtieġu fiduċja reċiproka u viżjoni kondiviża fost l-Istati Membri dwar il-futur tal-ekonomija tal-UE. Dawn huma l-konklużjonijiet ewlenin tas-seduta ta’ smigħ dwar It-tisħiħ tar-rwol internazzjonali tal-euro, organizzata reċentement mill-KESE.

Fost il-prerekwiżiti biex jiġi żviluppat bis-sħiħ il-potenzjal tal-euro bħala munita internazzjonali hemm politiki makroekonomiċi b’saħħithom fl-UE, it-tisħiħ tal-UEM u t-tlestija tal-Unjoni Bankarja u tal-Unjoni tas-Swieq Kapitali (CMU). Madankollu, qabel kollox jinħtieġu fiduċja reċiproka u viżjoni kondiviża fost l-Istati Membri dwar il-futur tal-ekonomija tal-UE. Dawn huma l-konklużjonijiet ewlenin tas-seduta ta’ smigħ dwar It-tisħiħ tar-rwol internazzjonali tal-euro, organizzata reċentement mill-KESE.

Euro aktar b’saħħitha tissarraf f’kostijiet ta’ tranżazzjoni u riskji aktar baxxi għall-industrija u l-konsumaturi Ewropej. L-Ewropa tista’ ssaħħaħ l-influwenza tagħha fid-dinja u tagħti spinta lis-sovranità tagħha. Fil-fehma tal-kelliema fis-seduta, raġuni oħra għal aktar tisħiħ tar-rwol internazzjonali tal-ewro hija li il-munita ewlenija tad-dinja attwali, id-dollaru Amerikan, saret aktar politiċizzata tul dawn l-aħħar snin. F’dan l-isfond, l-euro għandha l-potenzjal li tgħin biex tinbena sistema finanzjarja internazzjonali multipolari u aktar reżiljenti.

Il-kelliema ġeneralment laqgħu l-inizjattiva tal-Kummissjoni li ssaħħaħ l-euro, iżda kienu kritiċi dwar il-kamp ta’ applikazzjoni possibbli tagħha. Id-dollaru Amerikan ikun u jibqa’ b’saħħtu fis-swieq, minħabba l-profondità u l-likwidità tas-suq. Fil-livell tal-UE, is-CMU se jkollha l-potenzjal li tiżviluppa u tintegra s-suq, li jkun importanti għar-rwol internazzjonali tal-euro.

Il-kelliema kkunsidraw konverġenza ekonomika ‘l fuq, żieda fil-koeżjoni soċjali, diplomazija Ewropea aktar attiva fil-fora internazzjonali u viżjoni Ewropea komuni dwar ċerti kwistjonijiet strateġiċi bħala kundizzjonijiet essenzjali oħra għal euro b’saħħitha, flimkien ma’ rispons effiċjenti għat-tibdil industrijali u fil-klima mis-sistema finanzjarja Ewropea.

Is-seduta ta’ smigħ ipprovdiet kontribut siewi għall-ħidma tal-KESE fuq l-opinjoni tiegħu relatata mal-Komunikazzjoni tal-Kummissjoni Ewropea Lejn rwol internazzjonali aktar b’saħħtu għall-euro. (jk)

Il-Forum Ewropew dwar il-Migrazzjoni jagħmel għaxar rakkomandazzjonijiet għat-titjib tal-UE dwar il-migrazzjoni

Fit-3 u l-4 ta’ April, il-Kumitat Ekonomiku u Soċjali Ewropew u l-Kummissjoni Ewropea organizzaw il-Forum Ewropew dwar il-Migrazzjoni ta’ dis-sena (EMF), li analizza r-rwol tas-soċjetà ċivili u l-awtoritajiet lokali fil-ġestjoni tal-migrazzjoni u l-iżgurar ta’ passaġġi siguri u regolari lejn l-UE.

Fit-3 u l-4 ta’ April, il-Kumitat Ekonomiku u Soċjali Ewropew u l-Kummissjoni Ewropea organizzaw il-Forum Ewropew dwar il-Migrazzjoni ta’ dis-sena (EMF), li analizza r-rwol tas-soċjetà ċivili u l-awtoritajiet lokali fil-ġestjoni tal-migrazzjoni u l-iżgurar ta’ passaġġi siguri u regolari lejn l-UE.

Il-Forum – li qed jiġi organizzat għall-ħames darba – ipproduċa għaxar rakkomandazzjonijiet, li kienu l-frott ta’ diskussjonijiet bejn madwar 250 professjonist mill-organizzazzjonijiet tas-soċjetà ċivili tal-UE u rappreżentanti minn awtoritajiet lokali, reġjonali u nazzjonali, istituzzjonijiet Ewropej u organizzazzjonijiet internazzjonali.

L-avveniment ġie inawgurat mill-Kummissarju għall-Migrazzjoni, Dimitris Avramopoulos, u l-President tal-KESE, Luca Jahier, li t-tnejn li huma saħqu fuq il-ħtieġa għal politika tal-UE intelliġenti u kkontrollata kif imiss dwar il-migrazzjoni legali, li mbagħad tkun tista’ tgħin lill-UE tisfrutta l-benefiċċji tal-migrazzjoni, tippromovi l-koeżjoni soċjali u tipproteġi l-aktar persuni vulnerabbli fost il-migranti.

Il-Forum Ewropew dwar il-Migrazzjoni xeħet dawl fuq is-setgħa tal-livell lokali li jagħmel differenza f’dak li jirrigwarda l-ġestjoni b’suċċess tal-migrazzjoni u enfasizza l-ħtieġa urġenti li jiġu inklużi l-fehmiet tal-migranti meta jkunu qed jiġu żviluppati l-politiki tal-integrazzjoni.

Proposti oħra fil-quċċata tal-lista tar-rakkomandazzjonijiet iffukaw fuq il-kontribut tas-soċjetajiet ospitanti fil-proġetti favur l-inklużjoni tal-migranti, il-bżonnijiet speċjali tal-gruppi vulnerabbli, l-inċentivi għar-riintegrazzjoni tal-migranti fil-pajjiżi ta’ oriġini tagħhom wara soġġorn fl-UE għall-finijiet ta’ xogħol jew studju u kwistjonijiet oħra. (ll)

Aħbarijiet mill-Gruppi

L-impjegaturi Ewropej jappellaw għal UE miftuħa, magħquda u b’saħħitha

Mill-Grupp ta’ Min Iħaddem tal-KESE

Inqas minn xahrejn qabel l-elezzjonijiet Ewropej, il-Grupp ta’ Min Iħaddem jappella għal UE miftuħa, magħquda u b’saħħitha. Ir-rappreżentanti tan-negozju jimpenjaw ruħhom li jaħdmu għal UE b’saħħitha u prospera. Is-saħħa tal-UE tinsab fl-attraenza tagħha. Biex inkomplu nibbenefikaw minn dan l-“istil Ewropew ta’ ħajja”, għandna bżonn ambjent tan-negozju kompetittiv. Dawn huma biss uħud mill-messaġġi ewlenin li ħarġu mid-Dikjarazzjoni Politika li l-Grupp ta’ Min Iħaddem adotta dan l-aħħar.

Mill-Grupp ta’ Min Iħaddem tal-KESE

Inqas minn xahrejn qabel l-elezzjonijiet Ewropej, il-Grupp ta’ Min Iħaddem jappella għal UE miftuħa, magħquda u b’saħħitha. Ir-rappreżentanti tan-negozju jimpenjaw ruħhom li jaħdmu għal UE b’saħħitha u prospera. Is-saħħa tal-UE tinsab fl-attraenza tagħha. Biex inkomplu nibbenefikaw minn dan l-“istil Ewropew ta’ ħajja”, għandna bżonn ambjent tan-negozju kompetittiv. Dawn huma biss uħud mill-messaġġi ewlenin li ħarġu mid-Dikjarazzjoni Politika li l-Grupp ta’ Min Iħaddem adotta dan l-aħħar.

Fid-9 ta’ April, il-President tal-Grupp, Jacek Krawczyk, ta d-dikjarazzjoni lill-Viċi President tal-Kummissjoni Ewropea, Jyrki Katainen. “Adottajna din id-dikjarazzjoni sabiex insemmgħu leħinna dwar l-appoġġ tal-impjegaturi għall-UE. Il-benefiċċji li ġġib magħha l-UE huma ovvji għal kull min jagħmel in-negozju, iżda ta’ spiss ninsewhom fil-ħajja ta’ kuljum. L-impjegaturi jridu li dan jinbidel”, qal il-President Krawczyk.

Id-dikjarazzjoni titlob li jkun hemm ekonomija miftuħa – bi swieq miftuħa u kompetizzjoni ġusta. Ekonomija miftuħa trid tkun akkumpanjata minn soċjetà miftuħa li tiddependi mid-djalogu u l-governanza tajba. L-Ewropa teħtieġ politiki abilitanti u inkoraġġanti li jistimulaw il-kreattività, l-innovazzjoni u spirtu intraprenditorjali.

L-impjegaturi huma fiduċjużi li l-ftuħ iżid l-istabbiltà u s-sigurtà, kemm fl-ekonomija kif ukoll fis-soċjetà. Ekonomija u soċjetà miftuħa huma ta’ benefiċċju għal kulħadd. Din hija t-triq ’il quddiem biex ikun hemm fiduċja ġdida fl-UE.

Id-Dikjarazzjoni hija disponibbli bi 23 lingwa uffiċjali tal-UE hawnhekk: bit.ly/2X6Swgu (lj)

Il-ħaddiema jistudjaw l-aħjar mod kif jista’ jiġi miġġieled id-dumping soċjali filwaqt li jisfruttaw b’mod sħiħ l-opportunitajiet offruti mill-mobilità

mill-Grupp tal-Ħaddiema tal-KESE

Il-Grupp tal-Ħaddiema tal-KESE ospita lill-Professur Roberto Pedersini mill-Università ta’ Milan, li ppreżenta l-istudju tiegħu dwar kif għandha titfassal l-Awtorità Ewropea tax-Xogħol biex jiġi miġġieled b’mod aktar effiċjenti d-dumping soċjali u tal-pagi. Oliver Röpke, il-President tal-Grupp tal-Ħaddiema, enfasizza r-rwol importanti li għandhom l-imsieħba soċjali, u speċjalment it-trejdjunjins, biex jiżguraw li l-leġislazzjoni tax-xogħol tiġi implimentata.

mill-Grupp tal-Ħaddiema tal-KESE

Il-Grupp tal-Ħaddiema tal-KESE ospita lill-Professur Roberto Pedersini mill-Università ta’ Milan, li ppreżenta l-istudju tiegħu dwar kif għandha titfassal l-Awtorità Ewropea tax-Xogħol biex jiġi miġġieled b’mod aktar effiċjenti d-dumping soċjali u tal-pagi. Oliver Röpke, il-President tal-Grupp tal-Ħaddiema, enfasizza r-rwol importanti li għandhom l-imsieħba soċjali, u speċjalment it-trejdjunjins, biex jiżguraw li l-leġislazzjoni tax-xogħol tiġi implimentata.

In-numru ta’ nies li jgħixu u jaħdmu fi Stat Membru Ewropew differenti minn dak tal-oriġini rdoppja matul l-aħħar għaxar snin, u laħaq is-17-il miljun fl-2017. Fil-kuntest tal-Pilastru Ewropew tad-Drittijiet Soċjali, il-Kummissjoni ħabbret li ser tinħoloq Awtorità Ewropea tax-Xogħol, li ser tibda taħdem fl-2019. Il-Professur Pedersini spjega li l-“għan tal-Awtorità Ewropea tax-Xogħol huwa li jonqos l-isfruttament qarrieqi tal-ħaddiema filwaqt li jittieħed vantaġġ sħiħ mill-mobilità tax-xogħol.” Prinċipalment ser taqdi rwol abilitanti u tappoġġja lill-awtoritajiet nazzjonali tax-xogħol fl-investigazzjonijiet u l-kooperazzjoni transkonfinali.

Carlos Trindade, membru tal-Grupp tal-Ħaddiema tal-KESE u relatur tal-,a href="https://www.eesc.europa.eu/en/our-work/opinions-information-reports/opinions/european-labour-authority">Opinjoni tal-KESE dwar l-Awtorità Ewropea tax-Xogħol, ikkwota lill-President tal-Kummissjoni Juncker: “Jidher assurd li għandha Awtorità Bankarja biex tikkontrolla l-istandards bankarji, iżda m’għandha l-ebda Awtorità tax-Xogħol komuni għas-Suq Uniku tagħna.” Huwa enfasizza wkoll iż-żieda fil-ksenofobija u n-nazzjonaliżmu b’riżultat ta’ snin ta’ dumping soċjali u inugwaljanza, u appella biex l-imsieħba soċjali jingħataw rwol akbar fil-governanza tal-Awtorità Ewropea tax-Xogħol. (jh)

Il-grupp Diversità Ewropa jiddiskuti r-rwol tas-soċjetà ċivili fiż-żamma tal-valuri kondiviżi tal-Ewropa

Mill-Grupp Diversità Ewropatal-KESE

Il-Grupp Diversità Ewropa ser jorganizza l-laqgħa straordinarja li jmiss tiegħu nhar is-7 ta’ Mejju, f’ Bucharest. Din il-konferenza ta’ livell għoli se ssir fl-Atrium tal-Librerija Nazzjonali, u s-suġġett tagħha se jkun Ewropa ta’ Valuri Kondiviżi u s-Soċjetà Ċivili.

Mill-Grupp Diversità Ewropatal-KESE

Il-Grupp Diversità Ewropa ser jorganizza l-laqgħa straordinarja li jmiss tiegħu nhar is-7 ta’ Mejju, f’ Bucharest. Din il-konferenza ta’ livell għoli se ssir fl-Atrium tal-Librerija Nazzjonali, u s-suġġett tagħha se jkun Ewropa ta’ Valuri Kondiviżi u s-Soċjetà Ċivili.

Jumejn biss qabel is-Summit tal-UE f’Sibiu dwar il-Futur tal-UE, il-konferenza se tindirizza tliet dimensjonijiet fundamentali mill-perspettiva tas-soċjetà ċivili Ewropea:

Il-garanzija tal-valuri u d-drittijiet fundamentali Ewropej

It-tibdil fir-rwol tas-soċjetà ċivili Ewropea

Il-futur tal-UE

Huma mistennija madwar 140 parteċipant, inklużi l-membri tal-KESE mill-Istati Membri kollha tal-UE, kif ukoll mill-organizzazzjonijiet tas-soċjetà ċivili Rumena, rappreżentanti mid-dinja akkademika u rappreżentanti tal-Presidenza Rumena tal-Kunsill tal-UE.

Il-Presidenza Rumena tal-Kunsill tal-UE identifikat l-“Ewropa ta’ valuri komuni” bħala waħda mill-prijoritajiet tagħha. Il-grupp Diversità Ewropa jappoġġa bis-sħiħ dan l-objettiv, li jikkomplementa x-xogħol konsiderevoli li diġà sar fuq dan is-suġġett mill-Grupp tagħna u l-KESE b’mod ġenerali.

Id-diskussjoni dwar kif inħarsu d-demokrazija u l-valuri tagħha, kif nikkomunikaw u nispjegaw il-benefiċċji tas-sħubija fl-UE u kif is-soċjetà ċivili tista’ ssawwar l-Ewropa tal-ġejjieni hija fil-qalba tal-attivitajiet tagħna. (ih)

Daqt fl-avvenimenti kulturali / tal-KESE

Jum għall-Pubbliku tal-KESE 2019

Id-9 ta’ Mejju huwa Jum l-Ewropa u hija tradizzjoni stabbilita li l-istituzzjonijiet tal-UE jiftħu l-bibien tagħhom għall-pubbliku fl-ewwel Sibt tax-xahar, din is-sena fl-4 ta’ Mejju. It-tema se tkun l-elezzjonijiet Ewropej tat-23-26 ta’ Mejju, li se jsejħu liċ-ċittadini Ewropej biex joħorġu jivvutaw u jagħżlu r-rappreżentanti tagħhom għal ħames snin kruċjali.

Id-9 ta’ Mejju huwa Jum l-Ewropa u hija tradizzjoni stabbilita li l-istituzzjonijiet tal-UE jiftħu l-bibien tagħhom għall-pubbliku fl-ewwel Sibt tax-xahar, din is-sena fl-4 ta’ Mejju. It-tema se tkun l-elezzjonijiet Ewropej tat-23-26 ta’ Mejju, li se jsejħu liċ-ċittadini Ewropej biex joħorġu jivvutaw u jagħżlu r-rappreżentanti tagħhom għal ħames snin kruċjali.

Bħala parti mill-inizjattiva tal-Parlament Ewropew thistimeimvoting.eu, il-kampanja tal-KESE qed tħeġġeġ għadd akbar ta' votanti, li jista’ jagħti aktar saħħa u leġittimità lill-proċess demokratiku tal-UE.

Il-ġurnata se tkun organizzata madwar tliet temi ewlenin - Ewropa sostenibbli, Ewropa inklużiva uEwropa miftuħa. Il-KESE ser jippreżenta l-ħidma tiegħu f’setturi diversi bħalma huma l-iżvilupp sostenibbli, it-tibdil fil-klima, l-obsolexxenza programmata, l-impjieg, id-diżabilitajiet, ir-relazzjonijiet bejn l-UE u l-bqija tad-dinja.

Il-membri u l-persunal tal-KESE se jilqgħu lill-viżitaturi u jiddiskutu magħhom dwar l-elezzjonijiet li ġejjin u l-futur tal-Ewropa kif ukoll jispjegaw ir-rwol tal-KESE fil-proċess tat-teħid tad-deċiżjonijiet tal-UE. Logħob interattiv u attivitajiet divertenti flimkien ma’ mużika live se jgħinu biex l-Ewropa ssir aktar aċċessibbli għall-pubbliku ġenerali.

Jum għall-Pubbliku tal-UE 2019 - KESE - Bini Jacques Delors, Rue Belliard 99, 1040 Brussell. (mp)

Il-pajsaġġi Rumeni ta’ Sorin Onisor għall-wiri fil-KESE

Il-KESE se jospita l-wirja ta’ fotografija Pajsaġġi Rumeni ta’ qalbi li tikkonsisti fix-xogħol tal-fotografu Rumen magħruf Sorin Onisor.

Il-KESE se jospita l-wirja ta’ fotografija Pajsaġġi Rumeni ta’ qalbi li tikkonsisti fix-xogħol tal-fotografu Rumen magħruf Sorin Onisor.

Il-wirja se tkun esebita fil-KESE mit-23 ta’ April sas-26 ta’ Mejju 2019 flimkien mal-Presidenza Rumena tal-Kunsill tal-UE.

Il-wirja se tinfetaħ fil-15 ta’ Mejju flimkien ma’ lejla Rumena, matul is-sessjoni plenarja ta’ Mejju. Aktar informazzjoni: https://www.eesc.europa.eu/en/agenda/our-events/events/romanian-landscapes-my-heart