Coiste Eacnamaíoch agus Sóisialta na hEorpa
Tá CESE ag obair i gcomhar lena mhacasamhail d'eagraíochtaí i Meiriceá Laidineach agus i Muir Chairib ó na 1990idí i leith. Roinnt de na tuairimí atá curtha amach ag CESE, is dírithe ar an gcaidreamh leis an réigiún seo ar an leibhéal réigiúnach, foréigiúnach agus náisiúnta atá siad. Áirítear ar thosaíochtaí CESE forbairt eagraíochtaí sochaí sibhialta, forbairt eacnamaíoch agus shóisialta, lánpháirtiú réigiúnach agus comhar sa réimse iltaobhach.
Ar an leibhéal réigiúnach, reáchtálann CESE cruinnithe débhliantúla idir ionadaithe ó eagraíochtaí sochaí shibhialta san Eoraip, i Meiriceá Laidineach agus i Muir Chairib, mar cheann de na himeachtaí ullmhúcháin faoi chomhair Chruinniú Mullaigh AE-CELAC.
Ar an leibhéal foréigiúnach agus ar an leibhéal náisiúnta, cuireadh roinnt struchtúir bhuana ar bun: sa bhliain 2009, bhunaigh CESE Cruinniú Comhchéime na Sochaí Sibhialta i gcomhar le Comhairle Eacnamaíoch agus Shóisialta na Brasaíle chun fóram idirphlé agus comhar leanúnach a chothú idir ionadaithe na Sochaí Sibhialta sa Bhrasaíl agus san Eoraip. Thug an Comhaontú Comhlachais idir an tAontas Eorpach agus an tSile sainordú don Choiste Comhchoiste Comhairleach a bhunú i gcomhar lena mhacasamhail d'eagraíocht sochaí sibhialta sa tSile chun monatóireacht a dhéanamh ar an gcomhaontú, a bunaíodh faoi dheireadh in 2016. Maidir le tíortha Chomhphobal na nAindéas, glacann CESE páirt sa mhonatóireacht a dhéanann an Grúpa Comhairleach Baile ar an gcomhaontú saorthrádála idir an tAontas Eorpach agus an Cholóim/Peiriú/Eacuadór. Glacann sé páirt freisin i gCoiste Comhairleach CARIFORUM-AE a dhéanann monatóireacht ar an gComhaontú Comhpháirtíochta Eacnamaíche CARIFORUM-AE. Tá buanchaidreamh curtha ar bun ag CESE lena mhacasamhail d'institúidí i dtíortha Mercosur (an Fóram Comhairleach Eacnamaíoch agus Sóisialta) agus i Meiriceá Láir (Coiste Comhairleach Chóras Lánpháirtithe Mheiriceá Láir).
On 4 and 5 October 2016 the first meeting was held of the EU-Chile Civil Society Joint Consultative Committee (JCC), established by the EU-Chile Association Agreement (AA). With the establishment of this Committee, the final provision of the Association Agreement is being implemented, eleven years after the Agreement entered into force. The JCC will be made up of...
