EESC info July 2020 | European Economic and Social Committee

Dearcadh na Cosmhuintire - Podchraoladh 8 : Nuair a thiteann saol na hoibre as a chéile

Nuair a bhuail COVID-19 an Eoraip, ní hamháin go raibh ospidéil ar tí titim as a chéile ach chuir sé rudaí trína chéile ar bhealaí eile chomh maith: tháinig meath ar olltáirgeacht intíre (OTI) na hEorpa, thit an tóin as an táirgeadh tionsclaíoch agus chaill na mílte a bpost. Agus níl cuma rómhaith ar an todhchaí ach an oiread. Ar chlár 8 - "Nuair a thiteann saol na hoibre as a chéile” - déanaimid machnamh ar céard a d'fhéadfadh an tAontas a dhéanamh maidir leis an bhfostaíocht, sna réimsí sin nach bhfuil ach cumhachtaí teoranta aige iontu. Labhraíomar leis an Ollamh Caroline de la Porte ó Scoil Ghnó Chóbanhávan, a thug léargas gearr dúinn ar na treoirlínte fostaíochta, uirlis a chuireann ar chumas an Aontais beartais fostaíochta na mBallstát a chomhordú. D’inis Ellen Nygren, comhalta de chuid CESE, dúinn faoin togra ó CESE maidir leis an gcaoi ar cheart athbhreithniú a dhéanamh ar na treoirlínte fostaíochta i bhfianaise ghéarchéim COVID-19 lena chinntiú go gcuideoidh na Ballstáit, i measc rudaí eile, le daoine féinfhostaithe san Eoraip – ar nós an cheoltóra Phortaingéalaigh, Tiago Rodrigues. D’inis sé a scéal dúinn, faoin gcaoi ar chaill sé féin agus a bhanna ceoil, 5EX Band, a slí bheatha thar oíche.

Dessine-moi… (Tabhair cuntas dom…)

Ní háibhéil a rá gur roinn ildathach í an roinn nua seo againn “Dessine-moi…” agus is mór an mhaise uirthi na mothúcháin, na smaointe agus na tuairimí faoin saol agus faoin am i láthair a bailíodh le chéile inti i rith an ama. Is léir ó na cuntais a sholáthair comhaltaí de chuid CESE go bhfuil a rian fágtha ag an ngéarchéim seo, a bhí fada agus crua, ar chuimhne an phobail. Gabhaimid buíochas ó chroí leis na comhaltaí sin a roinn lenár léitheoirí smaointe a rith leo le linn na géarchéime.

Míle buíochas le Irini Pari, Tellervo Kylä-Harakka-Ruonala, Reet Teder, Tatjana Babrauskiené, Gunta Anča, Kinga Joó, Sofia Björnsson, Evangelia Kekeleki, Michalis Antoniou, Philip von Brockdorff, Peter Schmidt, Cristian Pîrvulescu.

Tá na scéalta sin go léir le léamh ag an nasc seo: https://www.eesc.europa.eu/news-media/eesc-info/082020#a80501 (eh)

Available Languages:

Editorial

DUAIS NA DLÚTHPHÁIRTÍOCHTA SIBHIALTA – Duais dóibh siúd is fearr inár measc

A léitheoirí dile,

Tá an t-am sin den bhliain buailte linn arís nuair is gnách linn duais shuaitheanta CESE – Duais na Sochaí Sibhialta – a sheoladh chun aitheantas a thabhairt do thionscadail den scoth de chuid na sochaí sibhialta agus daoine aonair inar cuireadh ár gcomhluachanna Eorpacha chun cinn agus trínar neartaíodh an fhéiniúlacht Eorpach. Gach bliain, roghnaímid téama tábhachtach don duais agus ceiliúraimid an méid atá bainte amach ag an tsochaí shibhialta sa réimse áirithe sin dá cuid oibre. In 2019, b’iad siúd a throid ar son chumhachtú na mban agus an chomhionannais inscne a bhuaigh an 11ú heagrán de chomórtas Dhuais na Sochaí Sibhialta.

DUAIS NA DLÚTHPHÁIRTÍOCHTA SIBHIALTA – Duais dóibh siúd is fearr inár measc

A léitheoirí dile,

Ach ní gnáthbhliain í 2020 agus tá an cinneadh déanta againn go bhfuil gá le duais as cuimse i mbliana. Óir ní dhéanfar dearmad ar an mbliain seo de bharr go raibh sí ar cheann de na tréimhsí is crua le roinnt blianta anuas. Nuair a bhuail COVID-19 an Eoraip, tháinig sé aniar aduaidh orainn agus rinneadh slad ar go leor bealaí éagsúla dá bharr. Fuair na mílte bás mar gheall air, nó rinneadh an-dochar dá sláinte, agus tá na córais sláinte ar tí titim as a chéile dá bharr. Chuir an tAontas iachall ar thíortha ordú dianghlasála a chur i bhfeidhm, rud a bhí ina bhuille trom ar a gcuid geilleagar agus sochaithe. Fágadh na mílte Eorpach gan obair agus cuirfear leis an líon sin mar gheall go bhfuil díth maoine, nó bochtaineacht fiú, i ndán do go leor daoine. Bhí ar go leor gnólachtaí, go háirithe gnólachtaí beaga agus meánmhéide, dúnadh mar gheall ar na horduithe dianghlasála a cuireadh i bhfeidhm ar fud an domhain. Tá go leor eagraíochtaí de chuid na sochaí sibhialta ag tabhairt faoi deara go bhfuil an spás ina n-oibríonn siad ag éirí níos lú arís mar gheall ar an gcoraintín agus na bearta maidir le scaradh sóisialta nó tá sé ag dul crua orthu teacht slán as seo ar fad de bharr gur laghdaíodh, nó go laghdófar, an maoiniú a fhaigheann siad.

Mar a tharlaíonn i gcás piolóidí eile chomh maith, ní hamháin gur chothaigh ráig an choróinvíris an t-olc i ndaoine ach spreag sé an maitheas atá iontu freisin. Tá go leor daoine aonair agus eagraíochtaí tar éis iad féin a spreagadh chun cabhrú leo siúd is mó atá thíos leis an ngéarchéim nó tá iarrachtaí ollmhóra déanta acu chun cabhrú leis na daoine is leochailí inár measc. Chuir cuid eile acu tús le tionscadail éagsúla arb é is aidhm dóibh ná iarmhairtí na paindéime a mhaolú. Tá sé léirithe acu ar fad go bhfuil an dlúthpháirtíocht ríthábhachtach chun an ghéarchéim atá i ndán don Eoraip a shárú, géarchéim ar scála nach bhfacthas a leithéid ó aimsir an Dara Cogadh Domhanda.

Ó thús na paindéime, dhírigh CESE a chuid gníomhaíochtaí uile ar COVID-19 agus ar bhealaí a aimsiú chun na héifeachtaí tubaisteacha a ghabhann leis a shárú. Seachas an obair atá déanta acu trínár gCoiste, thug comhaltaí CESE faoi thionscnaimh áitiúla chomh maith agus iad ag obair ina n-eagraíochtaí náisiúnta féin. D’fhonn cé chomh tiomanta agus atá siad do dhul i ngleic le géarchéim an choróinvíris a léiriú, tá mír speisialta cruthaithe againn ar ár leathanach gréasáin "An tsochaí shibhialta i gcoinne COVID-19", a bhailíonn le chéile os cionn 50 dá gcuid scéalta.

Ní haon údar iontais é, mar sin, go bhfuilimid ag tiomnú ár nduais shuaitheanta bhliantúil don chomhrac i gcoinne an choróinvíris. D'athraíomar ainm na duaise fiú chun é seo a chur in iúl agus is cúis bhróid dom a rá go bhfuilimid ag seoladh leagan speisialta uathúil i stair na duaise seo againne i mbliana – Duais na Dlúthpháirtíochta Sibhialta. Leis an duais seo, is mian linn aird a tharraingt ar an rannpháirtíocht, ar an toilteanas chun gníomhú agus ar an obair atá déanta ag sochaí shibhialta na hEorpa agus ag go leor daoine aonair chomh maith i gcoinne an choróinvíris agus na n-iarmhairtí atá aige. Is mian linn aird a tharraingt ar an dlúthpháirtíocht sin nach bhfacthas a leithéid riamh roimhe a léiríodh le linn na tréimhse corraí seo. Is mian linn chomh maith aitheantas a thabhairt do mhisneach daoine agus eagraíochtaí na sochaí sibhialta araon, don mhéid atá déanta acu agus don tuiscint dhochreidte atá acu ar an bhfreagracht.

Bronnfar Duais na Dlúthpháirtíochta Sibhialta ar thionscadail neamhbhrabúsacha a dhéanann daoine aonair, eagraíochtaí na sochaí sibhialta agus gnólachtaí san Aontas agus sa Ríocht Aontaithe. In ionad an chúigir buaiteoirí a bhíonn againn gach bliain de ghnáth, chinneamar go mbeadh 29 mbuaiteoir againn i mbliana – ceann amháin ó gach Ballstát, ceann ón Ríocht Aontaithe agus buaiteoir eile a thaispeáin fócas trasteorann nó Eorpach. In ainneoin go bhfuil an Ríocht Aontaithe ag fágáil an Aontais Eorpaigh, níor theastaigh uainn an t-iar-Bhallstát a fhágáil as ár gcomórtas. Leis an mbeart seo, is mian le CESE a léiriú nach bhfuil sé i gceist aige droim láimhe a thabhairt le sochaí shibhialta na Ríochta Aontaithe ach – os a choinne sin – nár mhaith leis an gCoiste an dlúthchaidreamh sin a chailleadh.

Measaimid go mbeimid in ann léargas breá a thabhairt ar gach rud atá bainte amach ag an tsochaí shibhialta le linn na míonna fada seo .

Óir táimid sa bhád céanna. Ní neart go cur le chéile! Seasaimis gualainn ar ghualainn le chéile agus léirímis dlúthpháirtíocht, flaithiúlacht agus freagracht. Beimid ag súil go mbeidh na trí thréith sin ag buaiteoirí na bliana seo. Sin a bheidh á lorg againn.

Isabel Cano Aguilar

Leas-Uachtarán ar CESE atá freagrach as an gCumarsáid

Diary Dates

28 Lúnasa 2020, an Bhruiséil, an Bheilg

Éisteacht phoiblí
Dea-chleachtais maidir le bainistiú na héagsúlachta agus todhchaí bheartais éagsúlachta an Aontais d’imircigh agus do mhionlaigh eitneacha

8 Meán Fómhair 2020, an Bhruiséil, an Bheilg

Éisteacht phoiblí
An smacht reachta agus a thionchar ar an bhfás eacnamaíoch

15-16 Iúil 2020, an Bhruiséil, an Bheilg

Seisiún iomlánach CESE

Dessine - moi...

Evangelia Kekeleki: Caithfear a chinntiú go mbeidh an teacht céanna ag na Ballstáit go léir ar theiripí vacsaíne agus ar thástálacha diagnóiseacha

Ní raibh sé ródheacair ormsa a bheith sáinnithe sa bhaile. Tá a lán rudaí curtha ar an méar fhada agam le fada an lá agus thug sé seans dom díriú orthu sin. Bhain mé an-sásamh as a bheith in ann ord agus eagar a chur orthu. D’éirigh liom eagar a chur ar sheanghrianghraif agus ar sheoda cuimhne ár muintire a bhí cruinnithe le chéile agam as tithe ár dtuismitheoirí.

Bhí tocht orm agus mé ag tabhairt faoi sin. Agus bhí deis agam tabhairt faoi rudaí a d’airigh mé uaim le fada – obair cheardaíochta, bácáil cácaí, cócaireacht, agus licéir thraidisiúnta, subha agus torthaí leasaithe de chuid na Gréige a dhéanamh – rudaí nach n-éiríonn liom a dhéanamh de ghnáth agus an clog ag breith orm.

Ní raibh sé ródheacair ormsa a bheith sáinnithe sa bhaile. Tá a lán rudaí curtha ar an méar fhada agam leis na blianta agus thug sé seans dom díriú orthu sin. Bhain mé an-sásamh as a bheith in ann ord agus eagar a chur orthu. D’éirigh liom eagar a chur ar sheanghrianghraif agus ar sheoda cuimhne ár muintire a bhí cruinnithe le chéile agam as tithe ár dtuismitheoirí. Bhí tocht orm agus mé ag tabhairt faoi sin. Agus bhí deis agam tabhairt faoi rudaí a d’airigh mé uaim le fada – obair cheardaíochta, bácáil cácaí, cócaireacht, agus licéir thraidisiúnta, subha agus torthaí leasaithe de chuid na Gréige a dhéanamh – rudaí nach n-éiríonn liom a dhéanamh de ghnáth agus an clog ag breith orm.

Ar an taobh eile den scéal, bhí sé an-chrua orainn nach rabhamar in ann ár gclann a fheiceáil; ní chónaíonn siad linne. An mac is óige, théadh sé thar an teach thíos faoin mbalcóin agus d’fheicimis síos uainn é, agus b’éagmais mhór é sin orainn a bhí an-chrua. Maidir le mo mhac atá i Sasana, bhímis i dteagmháil le chéile ar líne. Agus cé gur nasc fíorúil a bhí eadrainn, bhíodh call againn leis a bheith i dteagmháil níos minice ná mar is gnách linn a bheith.

Airím gur tháinig roinnt nósanna luachmhara a bhí ligthe i ndearmad againn ar ais chugainn, mar shampla tacaíocht a thabhairt dá chéile, beannú do chomharsana nach raibh sé de nós againn a thuilleadh beannú dóibh, nó, agus muid suite ar an mbalcóin, gáire a dhéanamh le daoine a bhí ag dul tharainn thíos ar an tsráid. Le linn na paindéime, tháinig mothúcháin a bhí caillte againn, mar a tharlaíonn sé, chun cinn arís. Bhí dearmad déanta againn ar an mbuíochas. Bhí talamh slán déanta againn den tsláinte. Cé a chreidfeadh é go dtarlódh sé in 2020 go ndéanfadh víreas an oiread sin dochair, nach bhféadfadh aon bhaint a bheith againn le roinnt de na daoine is gaire dár gcroíthe, go bhfaigheadh an oiread sin daoine bás i dtír in aice linn. Fágann sin ar fad go n-athraíonn an chaoi a smaoinímid agus go ndéanaimid na bunluchanna a mairimid dá réir a mheas as an nua.

A bhuíochas don phaindéim tuigimid freisin cé chomh tábhachtach agus atá an eolaíocht inár saol. Is gá tús a chur le comhrá le go bhfeicfimid cé na tíortha is mó a buaileadh agus cén fáth, agus le go ndéanfaimid scrúdú ar ról an phobalachais agus na dteoiricí comhcheilge agus fiú ar an ngluaiseacht frithvacsaínithe sna tíortha sin. Tá roinnt tíortha amhail an Ghréig cosanta ag an nglacadh atá ag na polaiteoirí agus ag an bpobal leis an eolaíocht agus ag an muinín atá acu aisti. Sílim go gcaithfear an comhrá a dhíriú freisin ar an ról a bhí ag an eaglais, na meáin chumarsáide agus pearsana móra poiblí le linn na paindéime.

Tá sé thar a bheith tábhachtach gur tuigeadh sna tíortha éagsúla an fiúntas atá ina gcóras náisiúnta sláinte toisc gur léir dúinn le blianta beaga anuas, i bhfianaise an domhandaithe agus na béime atá á cur ag an tsochaí ar ar bhrabús a dhéanamh, nach féidir roinnt seirbhísí a chur ar fáil ag úsáid cur chuige atá dírithe ar bhrabús. Bhí faillí déanta sna córais náisiúnta sláinte agus thuigeamar an chaoi a gcaithfeadh siad feidhmiú, ní hamháin le linn paindéime, ach ó cheann ceann na bliana.
Táimid faoi chomaoin mhór ag na daoine sin a bhí i mbéal an chatha ainneoin na ndeacrachtaí go léir atá sna córais náisiúnta sláinte.

Is mian liom cúpla focal a scríobh faoi na tomhaltóirí. Ar an drochuair, mar gheall ar an bpaindéim i roinnt mhaith Ballstát, tá an chosaint a thugtar do thomhaltóirí, go háirithe paisinéirí/taistealaithe, imithe in olcas. Cé gur mhol an Coimisinéir Eorpach atá freagrach as an réimse do na Ballstáit gan reachtaíocht a chur ar fionraí a thugann cosaint do thomhaltóirí i réimsí na n-aersheirbhísí, na dturas láneagraithe agus an iompair, is é a tharla, ar an drochuair, gur chuir a lán de na Ballstáit an reachtaíocht sin ar fionraí. Dá bhrí sin, in ionad a bheith in ann ár gcuid airgid a fháil ar ais nuair a chuirimid ticéad ar ceal, ní thugtar dúinn ach dearbhán nach bhfuil aon bharántas ag dul leis i gcás ina dtitfeadh an tóin as an gcomhlacht taistil agus nach bhfuil bailí ach ar feadh 12 go 18 mí. Mura n-éireodh linn an dearbhán a úsáid sa tréimhse ama sin, bheimis i dteideal ár gcuid airgid a fháil ar ais. Sin iasacht saor ó ús atá an comhlacht taistil a fháil as póca an tomhaltóra, cé go raibh tionchar ag an bpaindéim ar an tomhaltóir freisin. Is eol dom daoine áirithe nach mbeidh an dearbhán sin uathu go deo mar gur scéal cinnte é nach n-úsáidfear é sa tréimhse 12 go 18 mí (e.g. turas scoile dalta a chríochnaigh an scoil i mbliana). Ach fágann sin go mbeidh, ar feadh 12 go 18 mí, iasacht saor ó ús tugtha ag tuismitheoir an dalta sin do na daoine a bhíonn ag eagrú na dturas sin. Ní féidir glacadh leis go bhfuil srianta á gcur i bhfeidhm ar chearta tomhaltóirí.

Lena chois sin, toisc go mairimid sa ré dhigiteach agus go bhfuilimid uile ag obair ón mbaile agus go bhfuil an t-idirlíon in úsáid againn níos minice ná riamh, tá i bhfad níos mó caimiléireachta ag tarlú ar líne, agus níos mó den bhréagnuacht á scaipeadh faoi theoiricí comhcheilge, i measc rudaí eile.

Ar an taobh eile den scéal, caithfimid a chinntiú go gcosnaítear cearta dílsithe na n-oibrithe nuair a bhíonn siadsan ag obair ón mbaile. Réimse a gcaithfear scrúdú a dhéanamh air is ea an chaoi a ríomhtar toradh oibre an té atá ag obair ón mbaile, an chaoi ar cheart an fheidhmíocht sin a mheas agus caithfear, ar aon nós, an caidreamh oibre a bhíonn ann i gcás cianoibre a mheas.

Paraiméadar an-tábhachtach eile a thosaigh CESE a chur chun cinn – agus ar léirigh an tUachtarán Luca Jahier a thacaíocht dó i dteachtaireacht Twitter – is ea an moladh a rinne príomhaire na Gréige go n-eagrófaí córas soláthair phoiblí amháin idir na Ballstáit maidir le vacsaíní, córacha leighis, cógais agus trealamh tástála a sholáthar, i gcaoi is nach bhfágfaí aon Bhallstát in éagmais na soláthairtí sin is tábhachtaí do shaol an duine.

Sin tionscnamh nach mór do CESE a chur chun cinn, i bhfoirm tuairim féintionscnaimh, lena chinntiú go mbeidh an teacht céanna ag na Ballstáit go léir ar theiripí vacsaíne agus ar thástálacha diagnóiseacha. Ní mór dom a rá gur mhór an chúis áthais dom nuair a cuireadh an tionscnamh sin faoi bhráid an Uachtaráin Luca Jahier agus Bhiúró Eorpach na gCumann Tomhaltóirí (BEUC) agus gur gheall siad go dtabharfaidís a dtacaíocht dó.

Tellervo Kylä-Harakka-Ruonala: Ó Chogadh an Gheimhridh go filíocht

Comóradh 80 bliain ó tháinig deireadh le Cogadh an Gheimhridh idir an tAontas Sóivéadach agus an Fhionlainn a bhí ann. Cuireadh an comóradh náisiúnta ar ceal mar gheall ar an gcoróinvíreas ach, mar sin féin, bhuail na cloig ar a 11 a.m. i ngach ceann de na heaglaisí Liútaracha, Ceartchreidmheacha agus Caitliceacha ar fud na tíre. Chuaigh mé amach faoin aer chun éisteacht leis an gclingireacht agus céard a bhí romham ach Heilsincí agus í beagnach tréigthe ar fad.

Mhair Cogadh an Gheimhridh ar feadh 105 lá – agus mhair mo thréimhse féinleithlisithe chomh fada céanna, tréimhse a thosaigh cothrom an lae a tháinig deireadh leis an gcogadh. Cé go dtaitníonn mo chomhluadar féin liom, scaití bhíodh sé deacair orm a bheith ag féinleithlisiú. Ansin chuir mé an cheist seo orm féin: má bhí mo thuismitheoirí in ann ag na coinníollacha uafásacha a bhain leis an gcogadh – throid m’athair sna línte tosaigh ag teocht 30 céim faoi bhun an reophointe agus bhí mo mháthair sa bhaile ina haonar agus leanbh nuabheirthe faoina cúram, céard a bhí agamsa, mar sin, le bheith ag clamhsán faoi?

Thuig mé ansin go raibh an t-ádh orm i ndáiríre; go raibh mé in ann dul amach taobh amuigh am ar bith ba mhian liom. Agus bhain mé leas as an deis sin na céadta ciliméadar a shiúl – timpeall an chósta, den chuid is mó.

Thug an eagraíocht a bhfuil mé i mo bhall di an-aird ar an méid a bhí ag tarlú i ngnólachtaí na tíre agus chuir sí moltaí ar fáil don rialtas maidir le conas gnólachtaí agus poist a shábháil. Bhí an réamhaisnéis ghearrthéarmach an-ghruama, agus níl an todhchaí chomh soiléir sin go fóill. Ach nuair a thosaigh ceannairí na ngnólachtaí ag pleanáil na mbeart chun teacht amach as an ngéarchéim seo go stuama, thosaigh dóchas nua ag soilsiú.

In éineacht le mo chuid comhghleacaithe, d’ullmhaigh mé na tograí ó Ghrúpa na bhFostóirí in CESE maidir le dul i ngleic le géarchéim an choróinvíris: an chaoi le cúnamh a thabhairt do ghnólachtaí Eorpacha teacht slán as an ngéarchéim agus gan poist a chailleadh, agus an chaoi le borradh a chur faoi théarnamh gheilleagar an Aontais. A bhuí le huirlisí digiteacha, lean mo chuid oibre le CESE ar aghaidh mar is gnách, den chuid is mó, in ainneoin na gcúinsí eisceachtúla. Thaitin sé liom nár thóg sé i bhfad go dtí go raibh mo leabharlann ar cheann de na hionaid tionóil, áit a mbuailfinn le mo chuid comhghleacaithe ó gach cearn den Aontas Eorpach.

Chuir an dianghlasáil le mo shaol pearsanta chomh maith. Bhí sé d’onóir agam a bheith i mo bhé filíochta ar líne agus gur cuireadh neart dánta chugam – gach ceann níos deise ná an ceann a tháinig roimhe. Ba mhaith liom ceann de na dánta a roinnt libh chun spiorad an mhisnigh agus na tacaíochta a léiriú, agus tá súil agam gur féidir linn go léir misneach agus tacaíocht a thabhairt dá chéile:

Ní lá i rith na seachtaine atá agam duit, ach Domhnach.

Ná ní gnáthchúraimí an lae a mbíonn an-dua leo atá agam duit.

Ach an Domhnach lena spéir ard a choinníonn súil ar an saol thíos faoi.

(aistriúchán scaoilte go Gaeilge atá anseo tar éis dó a bheith aistrithe ón bhFionlainnis go Béarla cheana féin)

Sofia Björnsson: Dlúthpháirtíocht na bhfeirmeoirí sa tSualainn

Oibrím do Chónaidhm Fheirmeoirí na Sualainne (LRF) agus, ag tús na paindéime, d'oibríomar go crua chun soláthar bia a chinntiú.

Tá scéim againn in LRF d’fheirmeoirí atá i ngátar. Má éiríonn feirmeoir tinn, tá grúpaí ann atá in ann cuidiú le haire a thabhairt d'ainmhithe nó déileáil le praiticiúlachtaí eile le linn an tinnis. Bunaíodh an scéim sin go gasta siar i mí an Mhárta.

Tá LRF ag cuidiú le gnólachtaí chun lucht cuardaithe post agus feirmeoirí nach bhfuil a ndóthain lucht saothair acu a chur i dteagmháil le chéile – mar shampla, thairg táirgeoir glasraí daoine ó óstán in aice láimhe a dúnadh a fhostú agus tá an iliomad samplaí eile den chineál sin ann. A bhuí le tionscnaimh dá leithéid agus ó tharla go raibh a lán oibrithe séasúracha ó thíortha eile in ann teacht chun na Sualainne, tá an lucht saothair atá ag teastáil ó na hearnálacha talmhaíochta agus foraoiseachta, a bhí gann i bhfoireann ar dtús, faighte acu anois, a bheag nó a mhór.

Bhí ar roinnt mhaith feirmeacha, go háirithe táirgeoirí glasraí, barra eile a fhás i mbliana agus bhí ar fhoraoiseoirí gníomhaíochtaí áirithe a chur ar athlá. Ina ainneoin sin, ar an iomlán, is beag dochar a rinneadh d’earnáil na talmhaíochta (lena n-áirítear earnáil na gairneoireachta) sa tSualainn i gcomparáid le tíortha Eorpacha eile.

Mar sin féin, creideann ár n-eagraíocht nach mór dúinn ár ndlúthpháirtíocht a léiriú lasmuigh de shaol na feirmeoireachta. Rud amháin a bhíomar in ann a dhéanamh ná bileoga plaisteacha ó na hosteilgeoirí inár n-oifig i Stócólm a dheonú chun scáthláin chosanta a dhéanamh d’oibrithe sláinte.

Ó mo thaobh féin de, tá an t-ádh dearg orm. Níor tháinig COVID-19 ar aon duine muinteartha liom.

Is féidir liom a bheith chomh táirgiúil céanna is cuma más ag obair ón mbaile nó san oifig atáim. Is féidir liom cuid de mo chomharsana a chloisteáil ag argóint san fhoirgneamh a bhfuil cónaí orm ann agus cuireann sé mé ag smaoineamh orthu siúd nach bhfuil chomh maith céanna as sa ghaibhniú seo ‒ is é sin daoine a bhfuil a bpost caillte acu, leanaí nach féidir leo dul ar scoil agus nach raibh béile scoile acu ar feadh tamall fada agus teaghlaigh a bhfuil cónaí orthu in árasáin bheaga gan mórán spáis acu chun obair ná obair bhaile a dhéanamh.

Braithim uaim mo theaghlach, go háirithe mo thuismitheoirí a bhfuil aois mhór acu. Airím uaim gnáthrudaí, mar shampla, bualadh le cuid mhór daoine ag an aon am amháin. Agus, dar ndóigh, braithim uaim an oifig agus mo chuid comhghleacaithe.

In ainneoin na péine, an chumha agus an tsuaite atá ann de dheasca COVID-19, creidim go bhfuil ceachtanna á bhfoghlaim againn uaidh. Thar aon ní eile, measaim go bhfuilimid ag foghlaim cén chaoi ar cheart dul i ngleic leis an éiginnteacht. Táimid cleachta le bheith in ann ár saol a phleanáil ach, de dheasca na paindéime, go háirithe ag an tús, ní raibh an dara rogha againn ach ár nósanna a athrú. Anois, tá nósanna nua againn ach níl a fhios againn cá fhad a mhairfidh an tréimhse éiginnteachta seo.

Nuair a thiocfaidh deireadh léi, is é an chéad rud ba mhaith liom a dhéanamh ná bualadh le mo thuismitheoirí agus le muintir mo chéile. Bhí picnic agam le mo thuismitheoirí sa pháirc lá, agus scaradh sóisialta á chleachtadh againn, ach táim ag súil go mór le ham a chaitheamh leo san fhíorshaol, faoi mar a rinneamar sna laethanta a bhí.

Irini Pari: "Chuir an ghéarchéim ar ár súile dúinn go bhfuil todhchaí an uile dhuine againn fite fuaite le chéile”

Agus mé á scríobh seo, tá geataí na dianghlasála á n-oscailt go cáiréiseach agus tá ceisteanna áirithe ag teacht chun cinn: cén sórt saoil úrnua atá i ndán dúinn? Cén sórt lorg a fhágfaidh an phaindéim seo ar ár ngeilleagair, ar ár sochaithe agus ar an saol? An bhfuil aon rud foghlamtha againn? An ndéanfaimid rudaí ar bhealach difriúil amach anseo?

Ghoill sé orm mar Ghréagach mo thír féin a fheiceáil agus í ag tabhairt aghaidh ar ghéarchéim nua, tráth atá géarchéim eile díreach curtha di aici, ceann a mhair ar feadh deich mbliana uafásacha. Bhraith mé gur éagóir a bhí ann. Bhí orainn aghaidh a thabhairt ar an bpaindéim nua seo agus ár gcóras sláinte mar aon lenár ngeilleagar lagaithe cheana féin ag an ngéarchéim a bhí ann roimhe seo. Tá bród orm inniu a rá gur dhéileáil an Ghréig leis an gcéad chéim go tapa, go réalaíoch agus go rathúil. Sheasamar ar fad gualainn ar ghualainn le chéile agus thuigeamar go raibh an aidhm chéanna againn ar fad.

Agus muid inár n-ionadaithe ar na fiontair, ba é an chéad chúis imní a bhí againn ná beatha daoine a shábháil. Chuaigh gnólachtaí i mbun gnímh go han-tapa agus rinne siad síntiúis thábhachtacha d’fhonn trealamh leighis agus cliniciúil a cheannach. Ag an am céanna, b’éigean dúinn an obair a eagrú ó chian agus oibrithe a choinneáil slán san ionad oibre, scrúdú a dhéanamh ar bhearta chun cuideachtaí agus poist a shábháil, leachtacht a éascú, na slabhraí luacha a choimeád i bhfeidhm agus muid féin a eagrú don chéad chéim eile.

Rinne an rialtas seo againn féin cinntí, ach bhí a fhios againn go maith nach bhféadfaimis aghaidh a thabhairt ar an suaitheadh neamhshiméadrach seo inár n-aonar. Bhí an tionscadal Eorpach níos tábhachtaí ná riamh! Thosaigh an Eoraip ag tabhairt aghaidh ar an ngéarchéim - “más go déanach féin é” a déarfaidh roinnt daoine - ach mar sin féin, thug sí aghaidh uirthi, agus sílim gur féidir linn, mar Eorpaigh, a bheith bródúil as an méid sin. Arís, sílim gurb é seo an chéad cheacht atá le foghlaim againn as an ngéarchéim seo: tá todhchaí an uile dhuine againn fite fuaite le chéile.

Is é an dara ceacht, sílimse, ná nach féidir linn ár n-iarrachtaí a chaitheamh in aer chomh luath agus a bheidh bagairt an choróinvíris curtha dínn againn, agus nach mór dúinn leanúint ar aghaidh le lánpháirtiú na hEorpa, go háirithe i bhfianaise a bhfuil tarlaithe idir an tSín agus SAM. Ní mór dúinn cloí leis an bplean a chuireamar le chéile agus a leagamar amach le linn na géarchéime roimhe seo chun comhtháthú níos doimhne a dhéanamh san Eoraip ó thaobh an gheilleagair de, ó thaobh airgeadais de, go fioscach, ó thaobh an chomhshaoil de, ó thaobh cúrsaí sóisialta de agus ó thaobh na polaitíochta de. Tá muinín agam go gcoinneoimid orainn lenár n-iarrachtaí an geábh seo.

Ar an tríú dul síos, roimh an bpaindéim seo fiú, chuir sé iontas orm i gcónaí an chaoi nach ndéantaí dóthain infheistíochta in dhá réimse bhunriachtanacha den saol: an tsláinte agus an t-oideachas, agus an chaoi nach dtuigtí cé chomh luachmhar agus cé chomh tábhachtach a bhí na réimsí sin. Táimid ag déileáil leis na hiarmhairtí a bhaineann leis sin - tá daoine ag fáil bháis agus tá an pobalachas ag dul ó neart go neart. Dá bhrí sin, tá sé níos tábhachtaí fós sa lá atá inniu ann go mbeadh an Eoraip níos láidre ó thaobh na sláinte agus an oideachais de.

I dtaca liom féin, le linn na géarchéime seo bhí an t-am agam roinnt téacsanna fealsúnachta a léamh agus ba mhaith liom smaoineamh álainn a roinnt libh. Chreid na Gréagaigh anallód i "gcosmas ina maireann gach rud le chéile faoi shíocháin". Bhí an dearcadh seo bunaithe ar dhá luach: αιδώς, meas a bheith agat ar dhaoine eile agus ar na dúile uile - idir phlandaí, ainmhithe agus daoine - agus δίκη, an ceartas. Mar sin, go spreaga an coincheap seo muid agus go gcothaímid an “cosmas” seo dúinn féin!

Tatjana Babrauskienė: “Má tá aon rud tagtha as an tréimhse coraintín seo, thug sé an t-am agus an deis do dhaoine a scíth a ligean agus machnamh a dhéanamh ar cé chomh tábhachtach is na caidrimh atá againn”

Is comhalta de CESE í Tatjana Babrauskienė, arb as an Liotuáin di, agus tá sí ina bhall de Cheardchumann Oideachais agus Eolaíochta na Liotuáine chomh maith. D’iarr CESE Info uirthi a cuid smaointe maidir le COVID-19 a roinnt, ó thaobh a tír féin de.

Is comhalta de CESE í Tatjana Babrauskienė, arb as an Liotuáin di, agus tá sí ina bhall de Cheardchumann Oideachais agus Eolaíochta na Liotuáine chomh maith. D’iarr CESE Info uirthi a cuid smaointe maidir le COVID-19 a roinnt, ó thaobh a tír féin de.

Cén sórt taithí a bhí agat le linn na dianghlasála?

Ba eispéireas ar leith a bhí ann, lenar bhain roinnt mhaith imní agus taomanna sceimhle de bharr go raibh nuacht faoin víreas seo, a bhí ag leathadh ar luas lasrach ar fud an domhain, go mór i mbéal an phobail.

Ach ag an am céanna, shílfeá go raibh an saol ag gluaiseacht go han-mhall, go rabhamar ag maireachtáil i ndomhan a bhí tar éis athrú thar oíche, agus bhí orainn dul i dtaithí ar an ngnáthshaol nua seo.

Bhí m’eagraíochtsa plúchta le ríomhphoist ó chomhaltaí agus ó mhúinteoirí a bhraith go raibh siad caillte dá bharr agus a raibh cúnamh ag teastáil uathu. Chruthaíomar leathanach gréasáin maidir le COVID-19 trína gcuirtear moltaí, comhairle dhlí agus eolas úsáideach eile ar fáil, chomh maith le "leathanach maidir le moltaí don chianfhoghlaim trína gcuirtear leideanna agus uirlisí teagaisc don ríomhtheagaisc agus don ríomhfhoghlaim ar fáil.

Choinnigh an méid seo ar fad muid ag imeacht agus spreag sé muid chomh maith mar gur thuigeamar go raibh roinnt mhaith daoine ag brath orainn.

Céard a bhraith tú uait le linn na tréimhse corraí seo?

Bheith ag bualadh le cairde agus comhghleacaithe, agus thar aon rud eile, le mo dhaoine muinteartha.

An Cháisc, mar shampla. De ghnáth, déanaimid an Cháisc a cheiliúradh lenár muintir. I mbliana, phéinteálamar uibheacha agus réitíomar béilí speisialta, mar a dhéanaimid i gcónaí, ach ní raibh spiorad na féile inár gceiliúradh ar chor ar bith.

Buíochas le Dia, bhí cead againn an teach a fhágáil le dul ar shiúlóid nó le píosa aclaíochta a dhéanamh, inár n-aonar nó le daoine eile ón teaghlach, agus bhain mé féin an-leas as an deis seo.

Céard iad na ceachtanna atá le foghlaim ón dianghlasáil?

Le linn na tréimse coraintín, thosaíomar ag déanamh rudaí ar bhealach eile agus tháinig nósmhaireachtaí nua chun cinn de réir mar a thosaíomar ag déanamh beagnach gach uile shórt ar líne. Beidh le feiceáil an leanfaimid orainn leis na nósmhaireachtaí nua seo nó nach leanfaidh agus an mbeidh siad mar dlúthchuid dár saol oibre agus den chaoi a ndéanfaimid cumarsáid lena chéile amach anseo, agus má thagann athrú ar cé chomh minic agus a thagann muid le chéile lenár gcuid comhghleacaithe agus ár gcuid cairde agus cé chomh fada agus a mhaireann na cruinnithe sin.

Bhí an tréimhse dianghlasála ina thurgnamh oideachais go pointe áirithe chomh maith, agus baineadh triail as teagasc ar líne le fáil amach cén chaoi a n-éiríonn le daltaí leis an modh teagaisc sin i gcomparáid leis an teagasc agus daoine os comhair a chéile sa seomra ranga. Faraor, tá méadú tagtha ar neamhionannas dá bharr, agus beidh le feiceáil an mbeifear in ann filleadh ar an status quo sna scoileanna tar éis na géarchéime seo.

Tá fianaise ann go mbaineann idirdhealú bunaithe ar aois, scaipeadh teoiricí comhcheilge agus ardú ar líon na scéalta bréagnuachta leis an aistriú digiteach de réir mar a dhéanann daoine iarracht freagraí a fháil ar na ceisteanna tábhachtacha: céard atá ag tarlú, cé atá freagrach agus céard iad na cúiseanna atá leis? Ar an taobh eile den scéal, a bhuí leis an teicneolaíocht, is féidir súil a choinneáil ar gach uile dhuine an t-am ar fad sa lá atá inniu ann. Mar sin, cén sórt tionchar a d'fhéadfadh sé seo a imirt ar ár saol pearsanta? Níor cheart iachall a bheith orainn rogha a dhéanamh idir an príobháideachas agus an tsláinte.

An dea-scéala a tháinig as an dianghlasáil ná, de bharr gur cuireadh stop leis na rudaí a bhíonn ar siúl ag daoine de ghnáth, go ndeachaigh sé sin chun sochair mhaolú an athraithe aeráide agus tá níos mó seans ann anois go ngearrfar siar ar astaíochtaí carbóin agus go dtiocfaidh athrú ar mheon na ndaoine.

Cén údar dóchais atá acu siúd a bhfuil a bpost curtha i mbaol anois aige seo ar fad?

Ní raibh an tionchar céanna ag an dianghlasáil ar gach uile oibrí. B’iad siúd, ar measadh go raibh post neamhriachtanach acu agus/nó post nárbh fhéidir a dhéanamh ón mbaile, a bhí thíos leis an gcaillteanas ioncaim is mó agus a chaill a bpost níos minice ná aon ghrúpa eile.

Tá gaol ann idir an éiginnteacht fostaíochta agus an méid a shaothraíonn duine agus an t-oideachas atá orthu. Mar sin, ní mór dúinn ár gcuid córas oideachais agus oiliúna a neartú agus an t-uas-sciliú agus an t-athsciliú is gá a chur ar fáil do gach duine ar a bhfuil sé dhíth. Ní mór dúinn a chinntiú go dtagaimid slán as an ngéarchéim seo agus muid níos láidre agus níos ullmhaithe don am atá le teacht, pé cruth nó cuma a bheidh air.

An bhfuil daoine ann ar mhaith leat a fheiceáil ach nach raibh tú in ann a fheiceáil go fóill?

Tá. Mo chuid cairde agus comhghleacaithe nach Liotuánaigh iad. Is fada liom go mbeidh mé in ann bualadh leo agus a bheith ag obair leo arís, gan aon imní orainn faoi mhascanna, an scaradh sóisialta agus díghalrán láimhe.

Tá jab iontach déanta ag an Liotuáin, ní hamháin ó thaobh an chuair a chothromú, ach fáil réidh leis ar fad. Tá ár saol sóisialta (beagnach) ar ais mar a bhí sé. Ach tá an chuma air nach bhfuil cúrsaí chomh seasmhach céanna i roinnt tíortha eile. Tá súil agam go n-éireoidh cúrsaí níos fearr dóibh go luath.

Má tá aon rud tagtha as an tréimhse coraintín seo, thug sé an t-am agus an deis do dhaoine a scíth a ligean agus machnamh a dhéanamh ar cé chomh tábhachtach is atá na caidrimh atá againn.

Reet Teder: "Is breá an rud é a bheith ar ais"

Nuair a thosaigh an ghéarchéim i lár mhí an Mhárta, ba rud fíoreisceachtúil agus dochreidte ar fad a bhí ann. Dúnadh beagnach gach rud i ngach áit san Eoraip agus ní raibh a fhios ag aon duine ag an am sin an raibh feabhas ag teacht ar chúrsaí de bharr na dianghlasála nó nach raibh. Daoine a choinneáil beo, b'in an rud ba thábhachtaí agus bhí orainn an geilleagar a fhágáil inár ndiaidh d'fhonn é sin a dhéanamh.

Nuair a thosaigh an ghéarchéim i lár mhí an Mhárta, ba rud fíoreisceachtúil agus dochreidte ar fad a bhí ann. Dúnadh beagnach gach rud i ngach áit san Eoraip agus ní raibh a fhios ag aon duine ag an am sin an raibh feabhas ag teacht ar chúrsaí de bharr na dianghlasála nó nach raibh. Daoine a choinneáil beo, b'in an rud ba thábhachtaí agus bhí orainn an geilleagar a fhágáil inár ndiaidh d'fhonn é sin a dhéanamh.

Chonaiceamar go bhfuarthas réidh le ceithre shaoirse na hEorpa thar oíche. Ba bheag gur tháinig deireadh leis an Margadh Aonair. Chonaiceamar gur chuir Ballstát amháin cosc ar sheachadtaí chuig Ballstát eile agus chonaiceamar gurbh amhlaidh go raibh ceannaitheoirí ag fanacht taobh amuigh de mhonarchana masc sa tSín le bheith ag ceantáil ar a chéile.

Ní raibh cúrsaí ródhona i mo thírse, an Eastóin. Bhí an córas sláinte in ann déileáil leis an staid, agus ní bhfuair an iomarca daoine bás mar gheall ar COVID-19 (69 nduine ar fad). Ar dtús, bhí ganntanas masc agus trealamh cosanta eile ann, ach réitíodh é sin ar deireadh thiar thall. Thaitin sé liom a fheiceáil cé chomh tapa agus a d’athraigh cuideachtaí áirithe an méid a bhí á tháirgeadh acu agus gur thosaigh siad ag monarú an trealaimh riachtanaigh fad a chuidigh cuideachtaí eile leis an trealamh sin a sheachadadh.

D'éirigh go measartha maith liom féin agus le mo chlann le linn na tréimhse sin. Níor fhulaingíomar mórán le linn na dianghlasála de bharr go bhfuil cónaí orainn i dteach dár gcuid féin le gairdín álainn i limistéar glas. Dar ndóigh, bhí beagnach gach rud – ionaid siopadóireachta, scoileanna, pictiúrlanna, amharclanna agus áiseanna spóirt – dúnta, ach bhí cead againn a bheith ag siúl taobh amuigh (chomh fada agus a chloíomar leis an scaradh sóisialta!) agus moladh dúinn é sin a dhéanamh, fiú.

Bhí sé iontach an borradh mór a tháinig faoi gach ar féidir a dhéanamh ar ríomhaire agus ar líne a fheiceáil – idir siopadóireacht, seimineáir agus cumarsáid. Go tobann, bhí gach rud á dhéanamh ar líne – an scolaíocht san áireamh. Thar oíche, thosaíomar ag teagasc agus ag foghlaim ar líne. Agus rinne na múinteoirí agus na páistí an rud céanna. D’fhoghlaim gach duine go leor le linn na géarchéime agus thóg sé mo chroí i ndáiríre a fheiceáil cé chomh mór agus a bhraith m’iníon uaithi an fhíorscoil.

Maidir le mo chuid oibre, chuir foireann dlí m’eagraíochta, Comhlachas Tráchtála agus Tionscail na hEastóine, níos mó comhairliúcháin ná riamh ar fáil le linn na tréimhse seo. Bhí an t-aitheantas a bhí á thabhairt do force majeure ag an leibhéal is airde riamh. Tá feabhas ag teacht ar an staid eacnamaíoch de réir a chéile, ach tá deacrachtaí móra le sárú ag roinnt earnálacha go fóill. Tá imní orm nach bhfuil ann ach an tús agus go bhfuil an baol ann go n-éireoidh cúrsaí níos measa san fhómhar. Tá bearta rialtais ag cuidiú le go leor daoine faoi láthair, ach céard a tharlóidh má chuirtear deireadh leo?

Is le linn tréimhsí corracha den chineál seo a spreagtar muid chun machnamh a dhéanamh ar rud ar leith, agus chun bheith buíoch as sin, is é sin, an t-ádh atá orainn lánsaol faoi shaoirse a bheith againn anseo san Eoraip agus ar leibhéal an Choiste chomh maith. Go deimhin, is mór an só é a bheith in ann taisteal agus teacht chun na Bruiséile agus díospóireachtaí a bheith againn. Tá sé thar a bheith tábhachtach go leanfaimid lenár gcuid oibre, ionas go gcothóimid nasc ceart idir daoine éagsúla i dtíortha éagsúla san Aontas, bíodh géarchéimeanna ann nó ná bíodh.

Peter Schmidt: "Ní mór dúinn bogadh i dtreo gheilleagar na dea-bhaile”

Tugann an ceardchumannaí Gearmánach Peter Schmidt léargas dúinn ar na dúshláin atá os comhair ceardchumann ina thír féin de thoradh tréimhsí scoir agus dífhostaithe chomh maith le léargas ar na hoibrithe bunriachtanacha a chuireann a sábháilteacht i gcontúirt agus iad i mbun oibre.

Tugann an ceardchumannaí Gearmánach Peter Schmidt léargas dúinn ar na dúshláin atá os comhair ceardchumann ina thír féin de thoradh tréimhsí scoir agus dífhostaithe chomh maith le léargas ar na hoibrithe bunriachtanacha a chuireann a sábháilteacht i gcontúirt agus iad i mbun oibre.

Cén sórt taithí a bhí agat ar ghéarchéim an choróinvíris go dtí seo?

Shílfeá go bhfuilimid ag maireachtáil i ré fhíoraisteach agus ag fáil amach díreach cé chomh leochaileach agus atá an tsochaí seo againn agus ár ngeilleagair.

Cén sórt tionchair a bhí ag an ngéarchéim seo ortsa agus ar d’eagraíocht?

De bharr gur ceardchumannaí mé, is den riachtanas é go dtagaimid le chéile agus go ndéanaimid cumarsáid le chéile. Is gné lárnach dár ndaonlathas í an tsaoirse comhlachais. Táimid ag fáil tuiscint ar cé chomh tábhachtach agus atá an ceart seo agus is léir dúinn go mbeidh orainn an fód a sheasamh lena chinntiú go mbeidh an ceart seo againn amach anseo chomh maith.

I gcásanna áirithe, nuair a bhí caidreamh den scoth againn leis na fostóirí roimhe sin, thángamar ar bhealaí chun an t-idirphlé sóisialta a choinneáil ag imeacht agus thángamar ar roinnt comhaontuithe fíormhaithe a bhí sásúil do gach duine. Ach i gcásanna eile, is iad na hoibrithe agus na cuideachtaí araon a bhí caillteach leis.

Cén chaoi a ndeachaigh tréimhse na dianghlasála i bhfeidhm ort?

Is é an rud is mó a chuaigh i bhfeidhm ormsa ná an méid dlúthpháirtíochta sóisialta a thug mé faoi deara idir comharsana agus cairde. Chuir an laghdú a tháinig ar ruaille buaille an tsaoil iontas orm chomh maith.

Céard é an rud is mó a bhraith tú uait le linn na tréimhse crua seo?

A bheith ag bualadh le mo chuid cairde agus le mo chuid gaolta, a bheith ag dul go bialanna.

Céard iad na ceachtanna atá le foghlaim ón dianghlasáil?

Gurb iad na haltraí, na cúntóirí siopa, na bailitheoirí bruscair, na feighlithe agus mar sin de na daoine is tábhachtaí sa phobal, ach, mar sin féin, gurb acusan a bhíonn na tuarastail is ísle. Tá ár laige eacnamaíoch tugtha chun solais ag an víreas, agus sin an fáth nach mór dúinn bogadh i dtreo gheilleagar na dea-bhaile.

An bhfuil aon údar dóchais acu siúd atá i mbaol a bpost a chailleadh?

Tá. Tá a gcuid ceachtanna foghlamtha ag na Ballstáit agus tacóidh siad leis na daoine seo ar feadh tréimhse i bhfad níos faide ná mar a chlúdaíonn a gcuid conarthaí iad.

Cé hiad na daoine ar mhaith leat a fheiceáil ar dtús nuair a bheidh sé seo ar fad thart?

Mo mháthair. Tá sí i dteach altranais atá faoi dhianghlasáil go fóill.

Kinga Joó: tá an teaghlach in ann córas imdhíonachta na sochaí a láidriú

An 10 Márta, bhí rud éigin coimhthíoch trom san aer le linn chruinniú Chomhchoiste Comhairliúcháin AE-na Seirbia a tionóladh sa Bhruiséil. A luaithe a tháinig deireadh leis an gcruinniú sin, ba léir go raibh deabhadh abhaile ar gach éinne. Agus mé ag filleadh ar an mbaile dom, thuig mé go raibh suaitheadh mór amach romhainn agus d’airigh mé gurbh í an eitilt sin an eitilt dheireanach a dhéanfadh mé go ceann scaitheamh fada. Le linn na tréimhse sin san Ungáir, ba é a bhí le sonrú i measc an phobail an éiginnteacht agus an easpa tuisceana ar an méid a bhí ag titim amach. Ach tuigeadh cé chomh tromchúiseach agus a bhí an cás, áfach, nuair a d’fhógair an rialtas go gcuirfí imeachtaí an cheiliúrtha náisiúnta a bhí beartaithe don 15 Márta ar ceal.

An 10 Márta, bhí rud éigin coimhthíoch trom san aer le linn chruinniú Chomhchoiste Comhairliúcháin AE-na Seirbia a tionóladh sa Bhruiséil. Nuair a tháinig deireadh leis an gcruinniú sin, ba léir go raibh deabhadh abhaile ar gach éinne. Agus mé ag filleadh ar an mbaile dom, thuig mé go raibh suaitheadh mór amach romhainn agus d’airigh mé gurbh í an eitilt sin an eitilt dheireanach a dhéanfadh mé go ceann scaitheamh fada. Le linn na tréimhse sin san Ungáir, ba é a bhí le sonrú i measc an phobail an éiginnteacht agus an easpa tuisceana ar an méid a bhí ag titim amach. Ach tuigeadh cé chomh tromchúiseach agus a bhí an cás, áfach, nuair a d’fhógair an rialtas go gcuirfí imeachtaí an cheiliúrtha náisiúnta a bhí beartaithe don 15 Márta ar ceal.

Ar nós a lán tíortha eile san Eoraip, dhún an Ungáir teorainneacha na tíre agus glacadh bearta sriantacha éagsúla. Cuireadh na ranganna scoile ar líne. Aon duine a bhí in ann oibriú ón mbaile, rinne siad amhlaidh. Agus ní raibh ach ciúnas uaidh sin amach sna sráideanna agus sna spásanna poiblí a mbíonn tarraingt mhór orthu de ghnáth. Cé gur fógraíodh stádas éigeandála go luath ina dhiaidh sin, níor cuireadh dianghlasáil iomlán i bhfeidhm sa tír mar sin féin. Níor dhún na spásanna poiblí go léir agus níor cuireadh bac iomlán ar dhaoine a dtithe a fhágáil. An díoltóir uachtar reoite is ansa linn, atá suite ar chúinne na sráide, d’fhan sé ar oscailt, rud a raibh mo pháistí féin an-sásta leis.

Agus bhí an-tábhacht leis na rudaí sin a thug faoiseamh éigin don dream óg le linn thréimhse sin an choraintín. Chun an fhírinne a rá, chabhraigh na páistí go mór linn, de réir mar a d’fhéadfaidís, chun cosaint éifeachtach a thabhairt dár dteaghlach. Laistigh de bhallaí an tí, rinne siad a ndícheall cluichí a imirt gan mórán torainn a dhéanamh, ghlac siad leis nach mbeadh aon chóisir acu dá mbreithlá agus chaithidís na huaireanta an chloig os comhair an scáileáin (cé go mbímis ag bagairt orthu roimhe sin dá ndéanfaidís a leithéid). Ach an oiread leis na páistí, bhí ar an dream aosta freisin iad féin a choimeád ar leithlis ar an mórgóir. In a lán áiteanna, tháinig na comharchumainn agus eagraíochtaí na sochaí sibhialta le chéile chun cúnamh a thairiscint do na daoine sin nach raibh in ann a dteach féin a fhágáil. In a lán cásanna, áfach, ba bhaill dá dteaghlach féin a raibh orthu sin a dhéanamh dóibh.

Ó mo thaobhsa de, is é a d’fhoghlaim mé ó na seachtainí sin atá imithe thart an ról tábhachtach atá ag ár dteaghlach agus ár ngaolta in éigeandáil den chineál seo. Is léir go bhfuil an teaghlach in ann córas imdhíonachta na sochaí a láidriú, ach tuigimid freisin anois cé chomh leochaileach is atá an teaghlach agus an méid cúnaimh a theastaíonn uaidh. Chuige sin, tá ról ríthábhachtach ag eagraíochtaí na sochaí sibhialta. San eagraíocht a bhfuil mé féin i mo bhall di, ba spéisiúil a fheiceáil cé chomh mór agus a bhí an gá le cúnamh meabhairshláinte, sa bhreis ar an gcúnamh praiticiúil, m.sh. síntiúis, tacaíocht lóistíochta agus cúnamh oideachais.

Philip von Brockdorff: buntáistí agus míbhuntáistí an tsaoil ar líne

Is é mo thuairim féin go raibh idir an mhaith agus an t-olc i gceist leis an dianghlasáil. Ar thaobh amháin, toisc go raibh mé ag obair ón mbaile, bhí níos mó ama agam ná mar a bhí riamh le caitheamh le mo chlann. Ar an taobh eile, bhí orm socruithe a dhéanamh chun seomra i mo theach a thiontú ina oifig. Bhíodh a lán frustrachais i gceist leis uaireanta nuair a bhímis sáinnithe sa bhaile ar feadh tréimhsí fada. Is é an leigheas a bhíodh agamsa air am a chur i leataobh don chaitheamh aimsire is ansa liom: éisteacht le ceol ar mo chóras Hi-Fi.

Is é mo thuairim féin go raibh idir an mhaith agus an t-olc i gceist leis an dianghlasáil. Ar thaobh amháin, toisc go raibh mé ag obair ón mbaile, bhí níos mó ama agam ná mar a bhí riamh le caitheamh le mo chlann. Ar an taobh eile, bhí orm socruithe a dhéanamh chun seomra i mo theach a thiontú ina oifig. Bhíodh a lán frustrachais i gceist leis uaireanta nuair a bhímis sáinnithe sa bhaile ar feadh tréimhsí fada. Is é an leigheas a bhíodh agamsa air am a chur i leataobh don chaitheamh aimsire is ansa liom: éisteacht le ceol ar mo chóras Hi-Fi.

Múinteoir ollscoile mé agus d’airigh mé uaim an teagmháil a bhíodh agam leis na mic léinn i léachtaí. Bhí teagmháil áirithe agam leo, ar ndóigh, ar Zoom agus Panopto, ach ní hí an teagmháil chéanna í agus a bhíonn agat sa seomra ranga.

Ón dearcadh acadúil, ceann de na rudaí a d’fhoghlaim mé ná an chaoi le hidirghníomhú leis na mic léinn ar líne. Cé go gcreidim gur modh teagaisc níos fearr é a bheith sa seomra ranga, is fiú glacadh leis gurb í an fhoghlaim chumaisc an modh teagaisc a bheidh againn uaidh seo amach.

Ghlac mé páirt freisin i roinnt cruinnithe ar líne, agus bhí siad chomh héifeachtach céanna ar an mórgóir le gnáthchruinnithe i seomra. D’fhéadfaí fiú leanúint de roinnt de na cruinnithe a thionól ar líne, roinnt de chruinnithe CESE san áireamh.

Amach ó mo thaithí phearsanta féin, thug an dianghlasáil fírinní áirithe chun solais – go raibh roinnt gníomhaíochtaí eacnamaíocha ann nach raibh inbhuanaithe de réir cosúlachta agus roinnt eile nach raibh an teacht aniar iontu a rabhamar ag súil leis. Dá bhrí sin, is gá athsmaoineamh a dhéanamh ar ghníomhaíochtaí eacnamaíocha i gcoitinne, agus dá luaithe a dhéanfar sin is ea is fearr é. Ach is dealraitheach go mbeidh sé deacair ar a lán daoine déileáil le héifeachtaí COVID-19 agus leis an aistriú go geilleagar níos buanseasmhaí agus níos inbhuanaithe.

Caithfidh mé a admháil go raibh mé ar dhuine de na daoine sin a raibh an t-ádh orthu, sin le rá go raibh mé in ann a bheith ag teagasc ar líne agus teagmháil a bheith agam arís le mo mhic léinn taobh istigh de sheachtain nó dhó. Is dócha gur tháinig méadú ar an ualach oibre toisc nach raibh mé ag caitheamh am i mbun taistil mar a bhínn roimhe seo. Bhí mé fós in ann bualadh le comhghleacaithe de mo chuid ar líne, comhghleacaithe ón ollscoil agus ó áiteanna eile.

Ach is eol dom a lán daoine ar cuireadh isteach go mór ar a gcuid oibre nó ar cuireadh stop lena gcuid oibre. Tá a lán acu fós ag fáil tacaíocht ón stát, agus tá an tacaíocht sin ag dul i laghad de réir mar atá an dáta deiridh ag teannadh linn. Tá a bpost caillte ag a lán daoine freisin, agus beidh sé i bhfad níos deacra dóibh siúd go háirithe obair a aimsiú anois. Is dealraitheach go dtiocfaidh méadú ar an dífhostaíocht i measc an aosa óig, mic léinn san áireamh, agus go nglacfaidh sé cúpla bliain ar a laghad sula mbeidh na geilleagair ar ais mar a bhí siad in 2019.

Toisc gur duine acadúil mé, is é an chéad rud a dhéanfainn freastal arís ar chomhdhálacha, áit ar féidir liom bualadh le comhghleacaithe agus plé a dhéanamh ar ábhair eacnamaíocha ar comhspéis linn iad. Ina dhiaidh sin, thabharfainn cuairt ar roinnt cairde i Málta atá tugtha do threalamh fuaime mar atá mé féin agus roinnfimis ár dtaithí agus ár n-eolas ar chórais fuaime le chéile.

Michalis Antoniou: Taithí agus ról Chónaidhm Fhostóirí agus Thionsclaithe na Cipire le linn phaindéim COVID-19

Ag labhairt dó leis an tír ar an 15 Márta, d'fhógair Uachtarán na Cipire roinnt bearta coisctheacha a d'fhág an tír mar aon le codanna móra den gheilleagar faoi dhianghlasáil. Ba é an teachtaireacht a bhí aige ná go raibh mórchruatan eacnamaíoch ar na bacáin agus go mbeadh orainn ar fad muid féin a réiteach don mhéid a bhí le teacht.

Ag labhairt dó leis an tír ar an 15 Márta, d'fhógair Uachtarán na Cipire roinnt bearta coisctheacha a d'fhág an tír mar aon le codanna móra den gheilleagar faoi dhianghlasáil. Ba é an teachtaireacht a bhí aige ná go raibh mórchruatan eacnamaíoch ar na bacáin agus go mbeadh orainn ar fad muid féin a réiteach don mhéid a bhí le teacht.

Agus iad ag tabhairt aghaidh ar an ngéarchéim seo nach bhfacthas a leithéid riamh roimhe sin, thug Cónaidhm Fhostóirí agus Thionsclaithe na Cipire freagairt uirthi trí na seirbhísí neamhriachtanacha ar fad a chur ar fionraí agus trí leas a bhaint as a hacmhainní agus a caipiteal daonna chun cúnamh a thabhairt don rialtas agus do ghnólachtaí an tsláinte phoiblí agus an geilleagar a chosaint.

Chuireamar chun na hoibre ar lánluas agus bhí ár gcónaidhm mar an príomhphointe teagmhála do ghnólachtaí ó thús na géarchéime i leith. Tugadh isteach beolíne a bhíonn ar oscailt ó Luan go Domhnach trína gcuirtear treoir ar fáil do ghnólachtaí agus d'eisíomar níos mó ná 175 chiorclán i bhfíor-am, trínar cuireadh eolas ar fáil agus trínar freagraíodh ceisteanna faoi phrótacail cúraim sláinte agus na scéimeanna tacaíochta gnó a cuireadh i bhfeidhm.

Bhíomar ar an raidió 67 n-uaire agus ar an teilifís 192 uair chomh maith, agus in 52 de na cásanna sin, bhíomar ar an nuacht phríomh-ama. Le linn na tréimhse 4 mhí céanna, tháinig ár gcoiste feidhmiúcháin le chéile 27 n-uaire (bíonn cruinnithe acu thart ar 10 n-uaire sa bhliain de ghnáth) agus bhuail baill an choiste le 11 dár 14 aire rialtais.

Thacaigh an pobal gnó le hiarrachtaí na Cónaidhme agus thug siad léargas luachmhar ar na fadhbanna a bhí le sárú ag an ngeilleagar. Is cúis bhróid dúinn a bheith in ann a rá go raibh dlúthbhaint againn leis an straitéis freagartha náisiúnta a chur le chéile, agus is cuid shuntasach den phlean scoir náisiúnta do COVID-19 iad ár gcuid tograí.

Bhí an phaindéim seo dian ar gach duine, go háirithe mar gheall ar an méid daoine a fuair bás. Bhí tionchar aige ar ár gcaidreamh idirphearsanta, ar an bhfostaíocht agus ar an gcaoi a ndéanaimid ár gcuid gnó. Chuaigh an dlúthpháirtíocht a léirigh daoine agus gnólachtaí, mar aon leis an gcaoi ar chloígh siad chomh maith sin leis na srianta a cuireadh orthu, i bhfeidhm orainn.

Cé go bhfuil damáiste déanta ag COVID-19, tá go leor ceachtanna foghlamtha againn dá bharr chomh maith. Tuigimid anois gur féidir leis an stát agus leis an earnáil phríobháideach a bheith ag obair as lámha a chéile go héifeachtach le linn tréimhsí a bhfuil go leor contúirte i gceist leo. Tuigimid anois gur féidir dea-thoradh a bheith ar idirghabháil chinniúnach atá bunaithe ar fhianaise eolaíoch láidir. Tá bealach nua smaointeoireachta foghlamtha againn chomh maith agus tá modhanna nua oibre againn anois, trína gcuirtear béim ar thábhacht an ríomhgheilleagair.

Faraor, ní thiocfaidh ár ngeilleagar tríd an ngéarchéim seo slán sábháilte. Ach ón tuiscint atá againn anois mar gheall ar an méid a d'fhulaingíomar go dtí seo, má bhímid chomh diongbháilte céanna sna míonna amach romhainn, is féidir linn an ghéarchéim seo a chur dínn le níos lú caillteanais agus beimid in ann filleadh ar an saol mar a bhí sé roimhe seo gan mhoill.

Gunta Anča: Is deis iontach géarchéim chun na naisc is laige a thabhairt faoi deara

Tréimhse ait féintuisceana a bhí sa tréimhse dianghlasála. Ar thaobh amháin, shamhlaigh mé gur fíorú aislinge a bhí ann... a bheith in ann fanacht sa bhaile agus neart ama a fháil chun na rudaí sin go léir a bhí curtha ar an méar fhada agam a dhéanamh faoi dheireadh. Ar an taobh eile, chuir sé ar mo shúile dom a thábhachtaí atá an sóisialú do dhaoine – a bheith in ann bualadh le daoine, labhairt leo, teagmháil a dhéanamh leo, agus iad ina steillbheatha seachas ar scáileán. Agus cé chomh deacair agus atá sé maireachtáil gan sin go léir.

Tréimhse ait féintuisceana a bhí sa tréimhse dianghlasála. Ar thaobh amháin, shamhlaigh mé gur fíorú aislinge a bhí ann... a bheith in ann fanacht sa bhaile agus neart ama a fháil chun na rudaí sin go léir a bhí curtha ar an méar fhada agam a dhéanamh faoi dheireadh. Ar an taobh eile, chuir sé ar mo shúile dom a thábhachtaí atá an sóisialú do dhaoine – a bheith in ann bualadh le daoine, labhairt leo, teagmháil a dhéanamh leo, agus iad ina steillbheatha seachas ar scáileán. Agus cé chomh deacair agus atá sé maireachtáil gan sin go léir.

An taithí sin a fuaireamar ar an ngéarchéim, athraíonn sí do chuid luachanna agus an chaoi a smaoiníonn tú. Agus léiríodh dúinn freisin go bhfuil bealaí eile ann le bheith ag obair le chéile. D’fhéadfadh sé tar éis na géarchéime seo go mbeadh níos mó cruinnithe ar líne againn, rud a d’éascódh an saol ach, ag an am céanna, nach gcabhródh linn i ndáiríre smaointe nua a chruthú le chéile agus foirmeacha nua comhair a fhorbairt.

Tá agus beidh a lán ceachtanna ann dár sochaí. Ní bheinn in ann iad ar fad a lua, ach tabharfaidh mé cúpla sampla as an réimse is mó a bhfuil eolas agam air – daoine faoi mhíchumas.

Léirigh an ghéarchéim seo dúinn cé chomh dona agus atá an cás in ionaid cúraim cónaithe. Fuair a lán daoine faoi mhíchumas agus daoine scothaosta bás sna hionaid sin agus ní dhearna roinnt tíortha na básanna sin a chur san áireamh fiú ina gcuid staitisticí faoin gcoróinvíreas. Cúig bliana ó shin, d’ullmhaigh CESE tuairim maidir le dí-institiúidiú an chúraim. Rinneadh roinnt dul chun cinn ó shin i leith, ach léirigh an ghéarchéim nach leor é agus go bhfuil a lán eile le déanamh go fóill againn.

Tá an oiread ráite faoi chórais tacaíochta do na grúpaí sin is leochailí sa tsochaí, ach, ainneoin na mbeart tacaíochta go léir atá curtha i bhfeidhm, ba ríléir le linn na géarchéime go raibh daoine faoi mhíchumas ar cheann de na chéad ghrúpaí a chaill a bpoist.

Is deis iontach géarchéim chun na naisc is laige in ár gcórais tacaíochta a thabhairt faoi deara agus seo anois an deis ár ndícheall a dhéanamh chun na naisc sin a láidriú.

Bhí ról an-tábhachtach le linn na géarchéime ag eagraíochtaí na sochaí sibhialta agus leanfaidh sin de bheith amhlaidh toisc gurb iad na heagraíochtaí sin na heagraíochtaí is gaire don tsochaí ina hiomláine. Ní mór tacaíocht a thabhairt do ghrúpaí éagsúla agus is iad eagraíochtaí na sochaí sibhialta is fearr atá in ann an tacaíocht sin a sholáthar.

Is iad na heagraíochtaí sin freisin is fearr atá ar an eolas faoin gcineál tacaíochta a theastaíonn ó dhaoine éagsúla, agus tá sé thar a bheith tábhachtach, dá bhrí sin, iad a chuimsiú sa próiseas cinnteoireachta.

Mar a léirigh an taithí a fuaireamar le linn na géarchéime in earnáil an mhíchumais, bhí níorbh ionann an cur chuige ó thír go chéile. I roinnt tíortha tá eagraíochtaí daoine faoi mhíchumas páirteach i gcomhlachtaí cinnteoireachta rialtais (an Iodáil) agus tá an deis tugtha dóibh ag tíortha eile a dtuairimí a chur in iúl ar leibhéal an-ard (an Spáinn), ach tá tíortha eile arís ann a bhfuil dearmad déanta acu ar na heagraíochtaí sin (an Laitvia). Agus léiríonn sé sin uile an meas atá ag rialtais na dtíortha éagsúla san Eoraip ar na grúpaí difriúla sin sa tsochaí.

Cristian Pîrvulescu - Tréimhse na dianghlasála: tuilleadh oibre, tuilleadh struis, níos lú scíthe

Conas a bhí an dá mhí a chaith tú faoi dhianghlasáil i mBúcairist? Bhí siad aisteach! Chuir an Rómáin na chéad bhearta sláinte i bhfeidhm an 15 Márta agus ón 18 Márta ar aghaidh b’éigean dúinn uile fanacht sa bhaile. Roimh an 15 Márta, moladh seachas oibleagáid a bhí ann, moladh go deimhin nach ndearnadh dá réir ach go hannamh, rud a d’fhág go raibh ardrioscaí eipidéimeolaíocha ann. Mhair an gaibhniú éigeantach sin go dtí an 15 Bealtaine, tráth a cuireadh staid foláirimh i bhfeidhm in áit na staide éigeandála. Geallaim duit nach laethanta saoire a bhí á gcaitheamh agam lena linn sin! A mhalairt ar fad, d’oibrigh mé níos déine ná riamh go deimhin óir bhí cúraimí ar líne le déanamh agam ar feadh os cionn 12 uair an chloig in aghaidh an lae, agus, ar uairibh, ar feadh 16 uair an chloig! Bhí orm ranganna a thabhairt agus gníomhaíochtaí eile a dhéanamh ar ardán na hollscoile, chaith mé páirt a ghlacadh i gcláir teilifíse, cuireadh faoi agallamh mé, agus d’fhreastail mé ar chruinnithe agus seimineáir ghréasáin.

Conas a bhí an dá mhí a chaith tú faoi dhianghlasáil i mBúcairist? Bhí siad aisteach! Chuir an Rómáin na chéad bhearta sláinte i bhfeidhm an 15 Márta agus ón 18 Márta ar aghaidh b’éigean dúinn uile fanacht sa bhaile. Roimh an 15 Márta, moladh seachas oibleagáid a bhí ann, moladh go deimhin nach ndearnadh dá réir ach go hannamh, rud a d’fhág go raibh ardrioscaí eipidéimeolaíocha ann. Mhair an gaibhniú éigeantach sin go dtí an 15 Bealtaine, tráth a cuireadh staid foláirimh i bhfeidhm in áit na staide éigeandála. Geallaim duit nach laethanta saoire a bhí á gcaitheamh agam lena linn sin! A mhalairt ar fad, d’oibrigh mé níos déine ná riamh go deimhin óir bhí cúraimí ar líne le déanamh agam ar feadh os cionn 12 uair an chloig in aghaidh an lae, agus, ar uairibh, ar feadh 16 uair an chloig! Bhí orm ranganna a thabhairt agus gníomhaíochtaí eile a dhéanamh ar ardán na hollscoile, chaith mé páirt a ghlacadh i gcláir teilifíse, cuireadh faoi agallamh mé, agus d’fhreastail mé ar chruinnithe agus seimineáir ghréasáin.

Chuaigh an deighilt ba chleachtach liom idir an saol poiblí agus an saol príobháideach i ndoiléire agus d’imigh an teorainn idir an dá shaol sin as radharc ar fad orm. Ina theannta sin, ag deireadh na tréimhse dhá mhí úd, níor éirigh an scéal pioc níos simplí dáiríre. Níl an saol faoi mar a bhí sé dhá mhí roimhe sin agus tá níos mó cúraimí orm anois i ngeall ar na gníomhaíochtaí nua ar líne atá le cur i gcrích fós agam anuas ar na gníomhaíochtaí a chaithim a dhéanamh i bpearsa. Ba dheacair dá réir sin cúrsaí ama a ionramháil i gceart.

Cé nach raibh mé ar dhuine díobh sin a bhí scoite amach ón saol agus iad go buan leo féin ina dtithe (bhí cead mo chos agamsa i mBúcairist go pointe áirithe dá laghad féin é mar chead), ba lú go mór na deiseanna a bhí agam chun corraí as an mbaile. Ba é seo an rud ba mhó a ghoill orm le linn na haimsire sin. Cá bhfios nach é sin a thug orm coinne a dhéanamh chun mo phas a athnuachan, mar a bheadh gníomh siombalach ann, a luaithe a tháinig deireadh leis an staid éigeandála ar an 15 Bealtaine. Ar a shon sin, de réir mar a scaoileadh cuibhreacha na dianghlasála níor cuireadh an tsaoirse gluaiseachta i réim ina hiomláine ó shin.

Is deacair fós taisteal thar lear – go dtí an Bhruiséil, mar shampla, le haghaidh cruinnithe de chuid CESE – agus ní fios an uair sin féin cén cineál eachtra a bheadh romhat! Cuirtear eitiltí ar ceal go tobann agus is deacair a thuar cad a tharlóidh. Tá athrú tagtha ar an saol ach ní athrú chun feabhais ná chun donais é; is cinnte, áfach, nach ionann an saol nua seo agus an seansaol. Agus beidh orainn sinn a chur in oiriúint dó. Go ceann tamaill, ar aon chuma. Agus arís eile, is iad na daoine is leochailí is túisce a bheidh thíos leis.

EESC News

CESE le Duais na Dlúthpháirtíochta Sibhialta a bhronnadh ar thionscadail atá dírithe ar an gcoróinvíreas a chomhrac sna Ballstáit agus sa Ríocht Aontaithe

Sheol Coiste Eacnamaíoch agus Sóisialta na hEorpa (CESE) gradam nua – Duais na Dlúthpháirtíochta Sibhialta – lena dtabharfar luach saothair do thionscnaimh a chuir daoine aonair, eagraíochtaí na sochaí sibhialta agus cuideachtaí atá faoi úinéireacht phríobháideach ar bun san Aontas Eorpach agus sa Ríocht Aontaithe chun dul i ngleic le COVID-19 agus chun éifeachtaí millteacha na paindéime a mhaolú.

Sheol Coiste Eacnamaíoch agus Sóisialta na hEorpa (CESE) gradam nua – Duais na Dlúthpháirtíochta Sibhialta – lena dtabharfar luach saothair do thionscnaimh a chuir daoine aonair, eagraíochtaí na sochaí sibhialta agus cuideachtaí atá faoi úinéireacht phríobháideach ar bun san Aontas Eorpach agus sa Ríocht Aontaithe chun dul i ngleic le COVID-19 agus chun éifeachtaí millteacha na paindéime a mhaolú.

Beidh suas le 29 nduais á mbronnadh ag CESE dar luach EUR 10 000 an ceann. Go sonrach, beidh 27 nduais ar fáil do thionscadail a cuireadh chun feidhme sna Ballstáit, aon duais amháin i gcás na Ríochta Aontaithe agus aon cheann amháin eile do thionscadal trasteorann nó ag a bhfuil fócas Eorpach.

Le Duais na Dlúthpháirtíochta Sibhialta, a bhronnfar ar bhonn eisceachtúil aonuaire agus a ghlacfaidh ionad Dhuais na Sochaí Sibhialta, gradam aitheanta de chuid CESE, i mbliana, tabharfar aitheantas do na tionscnaimh sin a rinne cion nach beag chun dul i ngleic le héigeandáil COVID-19 agus leis na hiarmhairtí iomadúla a bhaineann léi, agus a neartaigh, dá réir sin, an dlúthpháirtíocht Eorpach.

Leis an duais seo, is mian le CESE ómós a thabhairt do na daoine go léir a throid i gcoinne an choróinvíris, a léirigh misneach, tiomantas, agus freagracht thar na bearta.

Chun go mbeidh iarrthóir incháilithe le hiarratas a dhéanamh, ní mór cónaí a bheith orthu, nó iad a bheith bunaithe, san Aontas Eorpach nó sa Ríocht Aontaithe. Siúd is go bhfuil an Ríocht Aontaithe ag fágáil an Aontais Eorpaigh anois, is mian le CESE a léiriú, trí iarrthóirí ón iar-Bhallstát sin a chur san áireamh i measc na n-iarrthóirí atá incháilithe don duais, nach bhfuil sé i gceist aige na naisc leis an tsochaí shibhialta sa Ríocht Aontaithe a scor ach gur mian leis – os a choinne sin – dlúthchaidreamh a choinneáil léi.

Is é 12 p.m. an 30 Meán Fómhair 2020 an spriocdháta le haghaidh iarratas. Beidh searmanas bronnta na nduaiseanna ar siúl ag an seisiún iomlánach a reáchtálfaidh CESE i mí Eanáir 2021 sa Bhruiséil.

Tuilleadh eolais le fáil faoi conas iarratas a dhéanamh anseo.

Tá an-dóchas á chur in Uachtaránacht na Gearmáine ar Chomhairle AE

An 1 Iúil, ghlac an Ghearmáin seilbh ón gCróit ar Uachtaránacht Chomhairle AE, tréimhse ar dócha a bheidh ar an tréimhse uachtaránachta is dúshlánaí go dtí seo, agus an ghéarchéim eacnamaíoch, shóisialta agus sláinte is mó riamh i stair nua-aimseartha na hEorpa ag bagairt orainn.

An 1 Iúil, ghlac an Ghearmáin seilbh ón gCróit ar Uachtaránacht Chomhairle AE, tréimhse ar dócha a bheidh ar an tréimhse uachtaránachta is dúshlánaí go dtí seo, agus an ghéarchéim eacnamaíoch, shóisialta agus sláinte is mó riamh i stair nua-aimseartha na hEorpa ag bagairt orainn.

D’fhógair an Ghearmáin, a mbeidh an uachtaránacht ina seilbh don 13ú huair ó síníodh Conarthaí na Róimhe in 1957, go mbeidh clár na huachtaránachta dírithe ar theacht slán as paindéim COVID-19, ar théarnamh eacnamaíoch an Aontais a mhúnlú agus ar chomhtháthú sóisialta na hEorpa a neartú.

Chuir Peter Altmaier, Aire Cónaidhme Gnóthaí Eacnamaíocha agus Fuinnimh na Gearmáine, tosaíochtaí na huachtaránachta – arb é an mana atá aici “I gcomhar le chéile ar mhaithe le téarnamh na hEorpa” – i láthair ag an seisiún iomlánach a reáchtáil CESE.

Dúirt an tAire agus é ag labhairt le linn an tseisiúin iomlánaigh: "Tuigimid go léir nach féidir linn dul i ngleic go héifeachtach leis an bpaindéim seo gan aghaidh a thabhairt uirthi i dteannta a chéile. Ní bheidh aon rath orainn ach amháin má oibríonn an tAontas agus na Ballstáit i gcomhar le chéile, má léirímid dlúthpháirtíocht leis na daoine is laige atá ann, agus má thograímid gan bheith scoilte ó chéile. Sin é an fáth gur príomhthosaíocht dúinn is ea aghaidh a thabhairt ar an ngéarchéim seo. Is mian linn a chinntiú go léireofar fíor-dhlúthpháirtíocht lenár saoránaigh agus gur léir dóibh sin freisin agus go mbeidh a rian sin le tabhairt faoi deara acu ar a saol féin.”

Anuas air sin, dúirt Peter Altamaier gur céim thosaigh sa treo sin a bheadh ann dá nglacfaí gan mhoill leis an leagan athchóirithe uaillmhianach den Chreat Airgeadais Ilbhliantúil (CAI) agus le Plean Téarnaimh an Aontais (“Next Generation EU”), a mhol an Coimisiún chun freagairt d’iarmhairtí sóisialta agus eacnamaíocha na paindéime.

Taobh amuigh den chaibidlíocht faoin gCreat Airgeadais Ilbhliantúil, tá súil ag Uachtaránacht na Gearmáine díriú i gceart ar shaincheisteanna práinneacha eile freisin amhail cosaint na haeráide agus an Comhaontú Glas don Eoraip, an t-aistriú go geilleagar digiteach, an smacht reachta agus ról na hEorpa sa domhan. Ba cheart go mbeadh tionchar freisin ag téarma oifige na Gearmáine ar an gcaidreamh a bheidh ann amach anseo idir an tAontas Eorpach agus an Ríocht Aontaithe.

Tá CESE réidh chun cur le hobair Uachtaránacht na Gearmáine agus chun a chinntiú go n-éistfear le glór shochaí shibhialta na hEorpa le linn na tréimhse corraí agus tábhachtaí seo san Eoraip agus don tréimhse amach romhainn.

“Tá CESE ullamh dul i mbun comhair chun plean téarnaimh “Next Generation EU” a mhúnlú agus a chur chun feidhme le go bhféadfar teacht as an ngéarchéim thubaisteach seo agus tionscadal na hEorpa a neartú ag an am céanna. Táimid tiomanta d’obair Uachtaránacht na Gearmáine, uachtaránacht a stiúrfaidh Eoraip a bheidh in ann leigheas agus cosaint a thabhairt agus a athsheolfaidh Eoraip na dlúthpháirtíochta, na fiontraíochta agus na hinbhuanaitheachta mar chuid den rEUnaissance nua atá uainn” arsa Uachtarán CESE, Luca Jahier.

D’iarr an uachtaránacht nua ar CESE cheana féin tuairimí a ullmhú maidir le hábhair éagsúla, e.g. geilleagar na n-ardán ar líne, slabhraí soláthair inbhuanaithe, obair chuibhiúil sa trádáil idirnáisiúnta, fiontair shóisialta neamhbhrabúis agus an acmhainneacht atá iontu Eoraip atá cothrom go sóisialta a chruthú, an digiteáil agus an inbhuanaitheacht, agus a lán lán eile.

Chuir CESE in iúl gur díol sásaimh dó gur ceann de thosaíochtaí Uachtaránacht na Gearmáine é teacht ar chomhaontú maidir leis an gComhdháil ar Thodhchaí na hEorpa, a bhfuil súil ag CESE ról straitéiseach ríthábhachtach a bheith aige inti.

Is féidir tuilleadh eolais faoin gcomhar idir CESE agus Uachtaránacht na Gearmáine a fháil sa bhróisiúr seo a foilsíodh le déanaí.

Ionchur CESE i gclár oibre 2021 an Choimisiúin Eorpaigh – An chéad chéim i dtreo sochaí níos inbhuanaithe agus níos cothroime

Ag an seisiún iomlánach a bhí aige i mí Iúil, ghlac Coiste Eacnamaíoch agus Sóisialta na hEorpa (CESE) Rún maidir lena ionchur i gclár oibre 2021 an Choimisiúin Eorpaigh. Fáiltítear sa doiciméad roimh na tograí atá déanta ag an gCoimisiún Eorpach chun teacht slán as géarchéim COVID-19 agus meastar go mbeidh deis ann an bhliain seo chugainn geilleagar agus sochaí an Aontais a athstruchtúrú agus a fheabhsú.

Ag an seisiún iomlánach a bhí aige i mí Iúil, ghlac Coiste Eacnamaíoch agus Sóisialta na hEorpa (CESE) Rún maidir lena ionchur i gclár oibre 2021 an Choimisiúin Eorpaigh. Fáiltítear sa doiciméad roimh na tograí atá déanta ag an gCoimisiún Eorpach chun teacht slán as géarchéim COVID-19 agus meastar go mbeidh deis ann an bhliain seo chugainn geilleagar agus sochaí an Aontais a athstruchtúrú agus a fheabhsú.

Tugtar le fios sa rún a ghlac CESE go gcuireann sé fáilte roimh phlean an Aontais “Next Generation EU” agus roimh bhuiséad foriomlán an Aontais do 2021-2027 atá beartaithe ag an gCoimisiún Eorpach agus tugtar tacaíocht iomlán dóibh. Cuirtear in iúl go bhfuiltear ag súil leis go ndéanfar forbairt iomlán nithiúil ar an méid sin i gclár oibre 2021 an Choimisiúin.

Chuir an Coiste a thograí sonracha do chlár oibre 2021 le chéile i gcomhréir le príomhthosaíochtaí an Choimisiúin.

Dar le comhaltaí CESE, ba cheart an clár oibre a bheith dírithe ar ár sochaí agus ár ngeilleagar a athstruchtúrú agus a fheabhsú agus é a bheith bunaithe ar na prionsabail seo a leanas: cearta an duine agus cearta sóisialta a chosaint; luachanna daonlathacha agus an smacht reachta a chosaint; leas iomlán a bhaint as acmhainneacht an Mhargaidh Aonair; na Spriocanna Forbartha Inbhuanaithe (SDGanna) a bhaint amach; geilleagar ciorclach a chruthú agus aeráidneodracht a bhaint amach san Aontas faoi 2050 ar a dhéanaí; agus an dea-rialachas agus an chuntasacht dhaonlathach a áirithiú.

Phléigh CESE an imirce leis an gCoimisinéir atá freagrach as Ár nDóigh Bheatha Eorpach a chur chun cinn

Ag an seisiún iomlánach a bhí aige i mí Iúil, reáchtáil Coiste Eacnamaíoch agus Sóisialta na hEorpa (CESE) díospóireacht le Leas-Uachtarán an Choimisiúin, Margaritis Schinas, a rinne cur síos ar roinnt tionscnamh atá ar na bacáin a thagann faoina chúram chun “Ár nDóigh Bheatha Eorpach a chur chun cinn”, lena n-áirítear an Comhaontú Nua maidir le hImirce agus Tearmann, an Clár Oibre Scileanna, Clár Sláinte Poiblí an Aontais agus an Straitéis nua maidir le hAontas Slándála.

Ag an seisiún iomlánach a bhí aige i mí Iúil, reáchtáil Coiste Eacnamaíoch agus Sóisialta na hEorpa (CESE) díospóireacht le Leas-Uachtarán an Choimisiúin, Margaritis Schinas, a rinne cur síos ar roinnt tionscnamh atá ar na bacáin a thagann faoina chúram chun “Ár nDóigh Bheatha Eorpach a chur chun cinn”, lena n-áirítear an Comhaontú Nua maidir le hImirce agus Tearmann, an Clár Oibre Scileanna, Clár Sláinte Poiblí an Aontais agus an Straitéis nua maidir le hAontas Slándála.

Ba í an imirce an t-ábhar is mó a pléadh le linn na díospóireachta.

“Táimid ag súil go mór leis an gComhaontú Nua maidir le hImirce agus Tearmann ach tá imní orainn ina thaobh chomh maith. Tá súil agam go ndéanfaidh an Comhaontú athchóiriú suntasach ar chóras Bhaile Átha Cliath atá ina bhac mór ar bheartas an Aontais le fada an lá,” a dúirt Uachtarán CESE, Luca Jahier, leis an gCoimisinéir Schinas.

Dúirt Luca Jahier go bhfuil luachanna na dlúthpháirtíochta, an chomhionannais agus na cothroime, nó easpa na luachanna sin, le feiceáil go háirithe i réimse na himirce agus an lánpháirtithe. B’oth leis an t-ualach míréireach atá ar na Ballstáit i ndeisceart na hEorpa agus go bhfuil roinnt tíortha ann nach gcomhlíonann a n-oibleagáidí.

De dheasca na paindéime, b’éigean moill a chur ar an gComhaontú Nua maidir le hImirce agus Tearmann atá mar phríomhthosaíocht ag Coimisiún Von der Leyen. Tá an Comhaontú sin curtha ar atráth go dtí deireadh na caibidlíochta ar bhuiséad fadtéarmach níos láidre don Aontas.

Dúirt an Coimisinéir Schinas go mbeadh an Comhaontú Nua ina réiteach iomlánaíoch a dhéanfadh, i measc nithe eile, bainistiú láidir na dteorainneacha seachtracha a thabhairt le chéile le bainistiú comhroinnte na n-iarratas ar thearmann, rud a roinnfeadh an t-ualach go cothrom idir na Ballstáit uile.

Le linn dóibh tuairimí a mhalartú leis an gCoimisinéir, chuir comhaltaí CESE in iúl an tábhacht a bhaineann le lánpháirtiú iomlán sóisialta agus eacnamaíoch na n-imirceach agus an gá atá ann béim a leagan ar an méid a chuireann siad lenár sochaithe agus lenár ngeilleagair. (ll/ks)

An lá roimh chruinniú mullaigh an Aontais Eorpaigh, gheall Uachtarán CESE, Luca Jahier, do Choimisinéir Gentiloni go dtacódh sé gan cheist le pacáiste téarnaimh COVID-19 de chuid an Choimisiúin

Cháin an tUachtarán Jahier an togra is déanaí ó Chomhairle AE, is é sin go mbeadh sé de chumhacht ag na rialtais náisiúnta na cláir athchóirithe atá ag tír áirithe a chrosadh faoin bpacáiste. I ndíospóireacht leis an gCoimisinéir um an nGeilleagar, Paolo Gentiloni, le linn sheisiún iomlánach CESE, dúirt an tUasal Jahier go raibh tacaíocht an Choiste ina iomláine ag an gCoimisiún Eorpach.

Cháin an tUachtarán Jahier an togra is déanaí ó Chomhairle AE, is é sin go mbeadh sé de chumhacht ag na rialtais náisiúnta na cláir athchóirithe atá ag tír áirithe a chrosadh faoin bpacáiste. I ndíospóireacht leis an gCoimisinéir um an nGeilleagar, Paolo Gentiloni, le linn sheisiún iomlánach CESE, dúirt an tUasal Jahier go raibh tacaíocht an Choiste ina iomláine ag an gCoimisiún Eorpach.

Dúirt Luca Jahier go raibh an Coimisiún ag tabhairt aghaidh ar na dúshláin a bhain le géarchéim COVID-19, ar dtús trí bhearta luatha a glacadh chun easnamh buiséid agus na rialacha maidir le státchabhair a tharscaoileadh agus, ina dhiaidh sin, leis an bpacáiste Next Generation EU atá beartaithe, trína dtiomsófar thart ar EUR 5 thrilliún – arbh ionann é beagnach agus cúig huaire an méid a tugadh trí Phlean Marshall – chun dul i ngleic le hiarmhairtí ollmhóra na paindéime.

“Ba mhaith linn a fhios a bheith agat go seasann CESE ina iomláine leat, leis an gCoimisiún agus leis an bParlaimint, sa troid seo chun teacht ar chomhaontú maith – comhaontú atá inchurtha leis an dúshlán, nach bhfuil ag cúlú go contúirteach agus, thar aon rud eile, nach mbainfidh cor coise asainn, rud a d’fhéadfadh suaitheadh sóisialta tubaisteach a chruthú san Eoraip tar éis an tsamhraidh,” a dúirt an tUasal Jahier leis an gCoimisinéir Gentiloni.

Chuir an Coimisinéir in iúl go raibh tionchar ollmhór eacnamaíoch agus sóisialta ag COVID-19 agus gur chruthaigh sé an suaitheadh eacnamaíoch ba mhó ó bhí an Spealadh Mór ann. “Beidh an teacht aniar atá inár sochaithe agus inár gcuid luachanna fós mar phríomhlíne chosanta againn i gcoinne an víris agus na géarchéime. Tá sé ríthábhachtach téarnamh láidir ón ngéarchéim a bhaint amach.”

Dúirt sé freisin gur “bagairt d’inbhuanaitheacht pholaitiúil an tionscadail Eorpaigh an easpa cóineasú eacnamaíoch agus sóisialta idir stáit agus réigiúin an Aontais. Chun téarnamh eacnamaíoch inbhuanaithe a chinntiú agus chun a bheith in ann teacht aniar as suaití amach anseo agus an cóineasú a neartú san Aontas Eorpach, tá infheistíocht shuntasach maille le hathchóirithe de dhíth orainn anois níos mó ná riamh.”

Dhearbhaigh an tUasal Jahier athuair an cáineadh láidir a rinne sé i ráiteas a thug sé roimhe sin maidir leis na tograí a chuir Uachtarán na Comhairle, Charles Michel, síos le deireanas le go mbeadh glacadh ag na ceannairí stáit agus rialtais leis an bpacáiste, go háirithe an laghdú ar bhuiséad an chreata airgeadais ilbhliantúil agus rialachas an phacáiste.

Is laghdú an-bheag é, i nglanfhigiúirí, an laghdú atá beartaithe i mbuiséad foriomlán ilbhliantúil an Aontais do 2020-2024 – ó EUR 1 100 billiún a bhí luaite sa togra ón gCoimisiún mí na Bealtaine 2020 go EUR 1 074.3 billiún; mar sin féin, is é an chéad laghdú é, i dtéarmaí réadacha, a rinneadh ar bhuiséad an Aontais. Bheadh tionchar aige ar phríomhchistí an Aontais chun cabhrú le tíortha agus réigiúin atá ar gcúl. Thar aon ní eile, chuir an tUasal Jahier béim air gur pointe tosaigh a bheadh ann don idirbheartaíocht faoin gcreat airgeadais ilbhliantúil a bheidh ann amach anseo, agus d’fhágfadh sé go mbeadh cor contúirteach á chur i mbuiséad an Aontais do bhearta struchtúracha agus go bhféadfadh sé gur ag síorchrapadh a bheadh na pleananna sa réimse sin.

Bhí CESE níos criticiúla fós i dtaobh an togra maidir le rialachas an phacáiste a roinnt idir an Coimisiún (CAI) agus na rialtais náisiúnta (Next Generation EU). Chiallódh sé sin athrú ó chóras bainistíochta comhtháite, rud a thabharfadh tionchar don Choimisiún ar bhuiséad treisithe, go buiséad a bheadh ilroinnte ina dhá chuid ar a laghad.

Is cúis imní níos mó fós é, a dúirt Luca Jahier, an togra ó oíche aréir, is é sin go dtabharfaí an rogha dheiridh do thír an pacáiste a chrosadh trí chruinniú urghnách d’airí airgeadais an Aontais a thionól dá gcuirfeadh an tír sin i gcoinne athchóirithe atá beartaithe ag Ballstát áirithe faoin bpacáiste. D’fhágfadh sin, a dúirt sé, scoilt chinnte struchtúrach sa bhuiséad Eorpach, rud a bheadh contúirteach agus do-ghlactha.

Ceist thábhachtach eile a raibh fonn ar thionól CESE plé a dhéanamh leis an gCoimisinéir Gentiloni fúithi ba ea an rialú ón gCúirt Bhreithiúnais inné lenar cuireadh cinneadh Eorpach ón mbliain 2016 ar neamhní, rud a d’fhág go mbeadh ar Éirinn EUR 13 bhilliún a éileamh ar ais i gcánacha ó Apple.

Thacaigh CESE le hiarrachtaí an Choimisiúin níos mó cánacha a fháil ó na cuideachtaí móra teicneolaíochta agus éagóir scannalach a cheartú ar an gcaoi sin. Chuir an tUasal Jahier in iúl freisin gur mór aige na tograí a thíolaic an Coimisiún an lá roimhe sin chun deireadh a chur le hiomaíocht chánach mhíchuí agus neamh-inbhuanaithe idir na Ballstáit.

Nuair a ceistíodh an tUasal Gentiloni faoin dul chun cinn maidir le cáin a ghearradh ar an ngeilleagar digiteach, rinne sé cur síos ar an dul chun cinn atá déanta maidir leis an gcaibidlíocht chun teacht ar chomhaontú domhanda, nó ina éagmais sin, ar chomhaontú uile-AE, lena gcuirfí acmhainní dílse a bhfuil géarghá leo ar fáil don Aontas.

“Ba mhaith liom a bheith an-soiléir”, a dúirt an Coimisinéir Gentiloni. “Níl aon réiteach éasca ann i ngeall ar fhadhbanna polaitiúla, teicniúla, idirnáisiúnta. Ach tá rud éigin an-dearfach ann: tá méadú ag teacht ar an éileamh ón bpobal, ó Pharlaimint na hEorpa, ó bhur gCoiste féin agus ó pháirtithe leasmhara. Agus is léir do na Ballstáit gur gá don Choimisiún acmhainní dílse níos láidre a bheith aige chun an fiachas coiteann seo a aisíoc.”

Is é dúirt sé mar fhocal scoir: “Tá gá againn go deimhin le hacmhainní dílse níos láidre a bheith againn chun go n-éireoidh leis an tionscnamh Next Generation EU. Mar is léir ó thaithí an Aontais seo againne is tionscnamh fíoriontach é an tionscnamh sin. Ní rud buan é, ach má oibríonn sé, má thugann sé infheistíochtaí maithe, má chabhraíonn sé ár ngeilleagar a nuachóiriú, agus má táimid in ann acmhainní dílse a mhéadú chun an fiachas sin a aisíoc, geallaim daoibh gur fasach a bheidh ann, mar is gnách san Aontas Eorpach, a bhféadfaimis tógáil air amach anseo nuair a bheidh géarchéim eile ann nó sprioc choiteann nua againn le baint amach.” (dm)

An Coróinvíreas: tá CESE ag éileamh go ndéanfaí plean téarnaimh AE a fhormheas a luaithe is féidir

Ní mór don Aontas Eorpach níos mó a dhéanamh chun téarnamh ó phaindéim an choróinvíris agus sin a dhéanamh a luaithe is féidir, agus an dlúthpháirtíocht a léiriú mar aon le fís uaillmhianach do thodhchaí na hEorpa. Tá sé tugtha le fios ag an gCoiste i dtrí Thuairim a glacadh ag seisiún iomlánach mhí Iúil, agus i bpáipéar seasaimh, go dtacaíonn sé leis an bplean téarnaimh agus iarrann sé go ndéanfaí na tograí téarnaimh a chuir an Coimisiún Eorpach síos, lena n-áirítear an buiséad athbhreithnithe do 2021-2027, a fhormheas a luaithe is féidir.

Ní mór don Aontas Eorpach níos mó a dhéanamh chun téarnamh ó phaindéim an choróinvíris agus sin a dhéanamh a luaithe is féidir, agus an dlúthpháirtíocht a léiriú mar aon le fís uaillmhianach do thodhchaí na hEorpa. Tá sé tugtha le fios ag an gCoiste i dtrí Thuairim a glacadh ag seisiún iomlánach mhí Iúil, agus i bpáipéar seasaimh, go dtacaíonn sé leis an bplean téarnaimh agus iarrann sé go ndéanfaí na tograí téarnaimh a chuir an Coimisiún Eorpach síos, lena n-áirítear an buiséad athbhreithnithe do 2021-2027, a fhormheas a luaithe is féidir.

D’fhonn, go háirithe, geilleagar na hEorpa a atógáil a luaithe is féidir, tá sé tugtha le fios sa tuairim a dhréachtaigh Petru Sorin Dandea, Tommaso Di Fazio agus Petr Zahradník go dtacaíonn an Coiste leis an tionscnamh Next Generation EU de chuid an Choimisiúin mar gur uirlis ar leith í a chuireann le beart pras agus éifeachtach. Maidir leis an mbeartas comhtháthaithe, tacaíonn CESE leis an tionscnamh REACT-EU ón gCoimisiún agus, molann an Coiste sa pháipéar seasaimh a d’ullmhaigh Antonello Pezzini fáil réidh leis na bacainní agus na hualaí uile nach bhfuil gá leo agus a d’fhéadfadh a bheith ann sna córais riaracháin phoiblí náisiúnta agus Eorpacha agus réamh-mhaoiniú ina mbeadh 70 % ar a laghad d’acmhainní 2020 a thabhairt láithreach do na Ballstáit.

D’fhonn tacú leis an aistriú go geilleagar glas agus digiteach, tugtar le fios sa tuairim a d’ullmhaigh Dimitris Dimitriadis go bhfuil an Coiste ag seasamh leis na tograí ón gCoimisiún a chuireann comhtháthú eacnamaíoch, sóisialta agus críochach an Aontais chun cinn tar éis ghéarchéim COVID-19 trí mhaoiniú díreach ar mhórscála a chur ar fáil don infheistíocht phoiblí agus d’athchóirithe. Ar deireadh, sa tuairim a d’ullmhaigh Ronny Lannoo, is díol sásaimh do CESE go bhfuil sé beartaithe clár InvestEU a neartú agus an Ionstraim um Thacaíocht Sócmhainneachta chomhlántach a chruthú chun cabhrú le cuideachtaí ag céim an téarnaimh. (mp)

Tá an misneach a bhí ag Robert Schuman i gcúrsaí polaitíochta a dhíth ar an Eoraip

Cothrom 70 bliain an ama seo a síníodh Dearbhú Robert Schuman agus meabhraítear dúinn arís go dteastaíonn misneach i gcúrsaí polaitíochta agus fís chun difríocht a dhéanamh agus cúrsa na staire a athrú.

Cothrom 70 bliain an ama seo a síníodh Dearbhú Robert Schuman agus meabhraítear dúinn arís go dteastaíonn misneach i gcúrsaí polaitíochta agus fís chun difríocht a dhéanamh agus cúrsa na staire a athrú.

Ar thionscnamh Ardrúnaí CESE, Gianluca Brunetti, tionóladh searmanas an 7 Iúil in ómós Robert Schuman a bhí ar dhuine de bhunaitheoirí na hEorpa aontaithe. Orthu siúd a ghlac páirt sa searmanas bhí Luca Jahier, Uachtarán CESE, Jean Quatremer, saineolaí i ngnóthaí Eorpacha agus comhfhreagraí leis an nuachtán Francach Libération, agus Pierre Kroll, cartúnaí leis an nuachtán Beilgeach, Le Soir.

Is é a dúirt Jean Quatremer gurbh é a dhéanfadh Robert Schuman dá mbeadh air a achainí a dhéanamh arís inniu go ndíreodh sé a thionscadal ar an dlúthpháirtíocht idir thíortha saibhre agus tíortha daibhre agus ar luachanna na hEorpa.

Rinne na haisteoirí Aurélie Vauthrin agus Rachid Benbouchta téacs Dhearbhú Schuman a léamh agus an téacs curtha in oiriúint acu do shaol nua-aimseartha an lae inniu.

Na leathanaigh ghréasáin “An tsochaí shibhialta i gcoinne COVID-19” seolta ag CESE

Is roinn nua ar leith de chuid shuíomh gréasáin CESE é “An tsochaí shibhialta i gcoinne COVID-19”. Bailítear le chéile ar na leathanaigh sin os cionn 50 scéal i dtaobh téarnamh, dlúthpháirtíocht agus gníomhaíochtaí praiticiúla a rinneadh le linn na ráige den choróinvíreas. Seoladh na leathanaigh sin ar an 2 Iúil 2020 agus tugtar eolas faoi thionscnaimh a rinne comhaltaí de chuid CESE, trína n-eagraíochtaí áitiúla sna Ballstáit, chun déileáil leis an ngéarchéim COVID-19.

Is roinn nua ar leith de chuid shuíomh gréasáin CESE é “An tsochaí shibhialta i gcoinne COVID-19”. Bailítear le chéile ar na leathanaigh sin os cionn 50 scéal i dtaobh téarnamh, dlúthpháirtíocht agus gníomhaíochtaí praiticiúla a rinneadh le linn na ráige den choróinvíreas. Seoladh na leathanaigh sin ar an 2 Iúil 2020 agus tugtar eolas faoi thionscnaimh a rinne comhaltaí de chuid CESE, trína n-eagraíochtaí áitiúla sna Ballstáit, chun déileáil leis an ngéarchéim COVID-19.

Is í Isabel Caño Aguilar, Leas-Uachtarán ar CESE atá freagrach as an gCumarsáid, a chuir tús leis an tionscadal: “Tá súil ghéar coinnithe ag CESE ar leathadh na paindéime, agus seasaimid go dlúth leo siúd uile a ndearna an coróinvíreas dochar dóibh agus dá muintir. Is é atá i gceist againn a dhéanamh ar na leathanaigh seo ná eolas a thabhairt faoin obair dhúthrachtach atá á déanamh ag comhaltaí an Choiste ar an leibhéal áitiúil chun aghaidh a thabhairt ar éifeachtaí na paindéime”.

Tá sí ag iarraidh ar dhaoine cuairt a thabhairt ar an roinn nua seo den suíomh: “Tá na leathanaigh ghréasáin seo tiomanta don obair atá á déanamh ag CESE, comhaltaí an Choiste agus na heagraíochtaí dá ndéanaimid ionadaíocht sa tsochaí shibhialta, an obair atá ar siúl acu chun teacht tríd an ngéarchéim seo agus ullmhú don am amach romhainn. Inár n-ospidéil, inár dtíortha, inár gcathracha agus inár gceantair thuaithe, tá daoine anaithnide ag obair as lámh a chéile gan staonadh chun teacht as an ngéarchéim seo. Is tábhachtach a rá go bhfuil príomhról sa troid i gcoinne na paindéime agus san obair théarnaimh ag an tsochaí shibhialta eagraithe.”

Tá an uile chineál scéil le léamh ar na leathanaigh sin, scéalta a tháinig ó oibrithe, lucht gnó agus na comhpháirtithe sóisialta, scéalta faoin talmhaíocht, sláinte, iompar, an comhshaol, tomhaltóirí, cearta comhionanna, daoine óga, teaghlaigh agus daoine scothaosta. (mp)

An Treoir maidir le hInnealra: dar le CESE b’fhearr í a fheabhsú seachas a athrú

Le linn sheisiún iomlánach mhí an Mheithimh, ghlac CESE tuarascáil faisnéise ar an athbhreithniú ar an Treoir maidir le hInnealra. Ba dhíol sásaimh do chomhaltaí CESE na hiarrachtaí atá á ndéanamh faoi láthair ag an gCoimisiún chun feabhas a chur ar fheidhmiú Threoir 2006/42/CE, ionstraim an-tábhachtach agus rathúil do thionscail na hEorpa, agus thug sé le fios go mbeadh tionchar an-diúltach ag aon athruithe móra a dhéanfaí ar an Treoir agus nár mhór sin a sheachaint.

Le linn sheisiún iomlánach mhí an Mheithimh, ghlac CESE tuarascáil faisnéise ar an athbhreithniú ar an Treoir maidir le hInnealra. Ba dhíol sásaimh do chomhaltaí CESE na hiarrachtaí atá á ndéanamh faoi láthair ag an gCoimisiún chun feabhas a chur ar fheidhmiú Threoir 2006/42/CE, ionstraim an-tábhachtach agus rathúil do thionscail na hEorpa, agus thug sé le fios go mbeadh tionchar an-diúltach ag aon athruithe móra a dhéanfaí ar an Treoir agus nár mhór sin a sheachaint.

D’áitigh Aurel Laurenţiu Plosceanu, rapóirtéir na tuarascála, nár chóir cur chuige agus ailtireacht bhunúsach na Treorach sin a athrú. Dúirt sé go raibh sé molta acu freisin sa tuarascáil go dtabharfadh an Coimisiún aghaidh ar an tearclíon foirne, an tearcmhaoiniú agus an drochfheidhmíocht a bhaineann leis na cigireachtaí agus na rialuithe atá á ndéanamh ar innealra sa chuid is mó de na Ballstáit. “Iarraimid air beart a dhéanamh de réir briathair,” a dúirt sé.

Is é a bhí le rá ag an gcomhrapóirtéir, Enrico Gibellieri, go raibh tábhacht leis an Treoir sin don mhargadh aonair mar gur leis an reachtaíocht sin a chinntítear go mbíonn comhpháirteanna sábháilte: “Ní mór dúinn a chinntiú go bhfuil leasanna an tomhaltóra á gcosaint againn, agus ní mór dúinn a bheith in ann feabhas a chur ar an innealra sin go leanúnach le go gcinnteofar go mbeidh cosaint níos fearr ag oibrithe”.

Ar mhaithe leis an Treoir sin a nuashonrú, sheol an Ard-Stiúrthóireacht um an Margadh Inmheánach, Tionsclaíocht, Fiontraíocht agus FBManna comhairliúchán poiblí i mí an Mheithimh 2019. Tá sé beartaithe go nglacfar an reachtaíocht le linn na chéad ráithe de 2021. (ks)

Tá sé molta ag CESE ciste urghnách a chruthú chun tacú le hearnáil na talmhaíochta mar fhreagairt ar phaindéim COVID-19

Is díol sásaimh do CESE an beart nua atá molta ag an gCoimisiún Eorpach chun tacú le gabháltais talmhaíochta agus le FBManna san earnáil agraibhia a bhfuil fadhbanna leachtachta acu agus chun a chinntiú go dtiocfaidh siad slán ó thaobh na heacnamaíochta de le linn na géarchéime seo. Creideann CESE, áfach, gur cheart don Choimisiún Eorpach ciste urghnách a bhunú chun an beart a chur chun feidhme.

Is díol sásaimh do CESE an beart nua atá molta ag an gCoimisiún Eorpach chun tacú le gabháltais talmhaíochta agus le FBManna san earnáil agraibhia a bhfuil fadhbanna leachtachta acu agus chun a chinntiú go dtiocfaidh siad slán ó thaobh na heacnamaíochta de le linn na géarchéime seo. Creideann CESE, áfach, gur cheart don Choimisiún Eorpach ciste urghnách a bhunú chun an beart a chur chun feidhme.

Tá an togra ón gCoimisiún Eorpach chun an beart sin a mhaoiniú teoranta do mhodhnuithe spriocdhírithe a dhéanamh ar an rialachán maidir leis an gCiste Eorpach Talmhaíochta um Fhorbairt Tuaithe (CETFT) chun a chur ar chumas na n-údarás náisiúnta suas le 1 % de bhuiséad 2014-2020 a leithdháileadh ar an mbeart nua sin agus ar an gcaoi sin úsáid a bhaint as na cistí sin nár caitheadh ar na riachtanais urghnácha sin.

Tá dhá mhórfhadhb ag baint leis an togra sin, áfach, dar le rapóirtéir na tuairime, M. Arnold Puech d’Alissac: “Is é an chéad fhadhb ná go bhfuil na cistí faoi CETFT caite nó geallta cheana ag Ballstáit áirithe agus nach féidir leo, mar sin, leas a bhaint as an sásra tacaíochta sin. Is é an dara fadhb, agus an fhadhb is tábhachtaí, ná, go ndéanfar úsáid a bhaint as na cistí a bhí ceaptha a úsáid chun feabhas a chur ar iomaíochas earnáil na talmhaíochta agus ar an gcomhshaol, chun freagairt ar riachtanais phráinneacha airgid.

Ar an gcúis sin, measann CESE gur cheart don Choimisiún Eorpach ciste urghnách a chruthú, lasmuigh de bhuiséad an Chomhbheartais Talmhaíochta, ionas gur féidir an beart atá molta a chur chun feidhme, cosúil leis an bplean téarnaimh. (mr)

News from the Groups

Litir curtha ag Grúpa na bhFostóirí in CESE chuig an gComhairle Eorpach: Ról lárnach ag earnáil an ghnó maidir le téarnamh an Aontais ó ghéarchéim an choróinvíris

Le Grúpa na bhFostóirí in CESE

I bhfianaise a fhíorphráinní atá sé dul i ngleic le héifeachtaí eacnamaíocha ghéarchéim an choróinvíris, d’iarr Grúpa na bhFostóirí ar na ceannairí stáit agus rialtais uile san Eoraip go gcuirfí bearta uaillmhianacha i bhfeidhm go pras i litir a sheol an Grúpa chucu. Is trí chomhar idir na Ballstáit, agus tríd sin amháin, is féidir leis na bearta téarnaimh agus atógála cuidiú le rath fadtéarmach an Aontais, agus le rath fadtéarmach mhuintir agus ghnólachtaí an Aontais.

Le Grúpa na bhFostóirí in CESE

I bhfianaise a fhíorphráinní atá sé dul i ngleic le héifeachtaí eacnamaíocha ghéarchéim an choróinvíris, d’iarr Grúpa na bhFostóirí ar na ceannairí stáit agus rialtais uile san Eoraip go gcuirfí bearta uaillmhianacha i bhfeidhm go pras i litir a sheol an Grúpa chucu. Is trí chomhar idir na Ballstáit, agus tríd sin amháin, is féidir leis na bearta téarnaimh agus atógála cuidiú le rath fadtéarmach an Aontais, agus le rath fadtéarmach mhuintir agus ghnólachtaí an Aontais.

Iarradh sa litir go dtiocfaí gan mhoill ar chomhaontú réamhbhreathnaitheach maidir leis an mbuiséad téarnaimh. Ba thráth mórthábhachtach é seo lena dhéanamh i bhfianaise chruinniú na Comhairle Eorpaí an 19 Meitheamh, nuair a tugadh le fios go raibh easaontas mór idir na Ballstáit. Seoladh an litir freisin chuig Charles Michel, Uachtarán na Comhairle Eorpaí, chuig Ursula von der Leyen, Uachtarán an Choimisiúin agus chuig David Sassoli, Uachtarán Pharlaimint na hEorpa.

Cuireadh páipéar seasaimh ó Ghrúpa na bhFostóirí dar teideal Business is key to the EU’s recovery from the corona crisis [Tá na gnólachtaí ríthábhachtach má tá an tAontas Eorpach chun téarnamh ó ghéarchéim an choróinvíris] in éineacht leis an litir chuig comhaltaí na Comhairle Eorpaí. Leagtar amach sa pháipéar sin na bearta is gá a dhéanamh chun gnólachtaí agus poist a shábháil agus a athshlánú. Tá cuid mhór de gheilleagar an Aontais ag iarraidh an ghéarchéim seo a bhainistiú agus beidh deacrachtaí níos mó fós ag gnólachtaí an Aontais mura dtabharfar tacaíocht cheart dóibh, e.g. trí thacaíocht ghearrthéarmach (leachtacht) a thabhairt, tríd an margadh inmheánach a neartú, trí shuaitheadh nach beag ar an gcothrom iomaíochta a sheachaint agus trí iomaíochas domhanda na hEorpa a áirithiú.

Ní thiocfaidh geilleagar an Aontais slán mura dtiocfaidh gnólachtaí an Aontais slán agus mura mbeidh rath orthu. An comhaontú atá ann maidir leis an gciste téarnaimh, sin é an cinneadh gasta a bhí á iarraidh ag Grúpa na bhFostóirí. Ní foláir na cistí ón bpacáiste tarrthála a chur ar fáil do chomhlachtaí agus FBManna an Aontais a luaithe is féidir agus gan ró-ualach maorlathais a chur orthu. Trí bhíthin na bhfiontar príobháideach, agus trína mbíthin sin amháin, is féidir linn borradh a chur faoinár ngeilleagar an athuair. (kr)

Uair na Cinniúna buailte leis an Aontas Eorpach: Uachtaránacht na Gearmáine ar Chomhairle an Aontais agus téarnamh agus atógáil na hEorpa

Le Grúpa na nOibrithe

Tá an Ghearmáin tagtha i gceannas ar Uachtaránacht Chomhairle an Aontais ag tráth thar a bheith tábhachtach don Eoraip nuair atá cor cinniúnach roimh an Aontas amach. Tá aghaidh á tabhairt againn ar an ngéarchéim is measa dár tharla in aimsir na síochána le 90 bliain anuas, géarchéim ba chúis le níos mó ná céad míle bás san Eoraip amháin agus le turraingí eacnamaíocha ollmhóra, gan trácht ar an éiginnteacht a bhaineann le tuilleadh ráigeanna den phaindéim a d’fhéadfaí sinn a threascairt fós. Le linn na míonna crua a chaitheamar faoi dhianghlasáil, ba ar oibrithe cúraim sláinte agus ar dhaoine a oibríonn do sheirbhísí seachadta, in ollmhargaí agus i réimse na sláintíochta – ar poist neamhbhuana ar phá ró-íseal iad go minic – ba orthu siúd a thit sé cuid mhaith a ndícheall a dhéanamh ár dtíortha a choinneáil ag imeacht.

Le Grúpa na nOibrithe

Tá an Ghearmáin tagtha i gceannas ar Uachtaránacht Chomhairle an Aontais ag tráth thar a bheith tábhachtach don Eoraip nuair atá cor cinniúnach roimh an Aontas amach. Tá aghaidh á tabhairt againn ar an ngéarchéim is measa dár tharla in aimsir na síochána le 90 bliain anuas, géarchéim ba chúis le níos mó ná céad míle bás san Eoraip amháin agus le turraingí eacnamaíocha ollmhóra, gan trácht ar an éiginnteacht a bhaineann le tuilleadh ráigeanna den phaindéim a d’fhéadfaí sinn a threascairt fós. Le linn na míonna crua a chaitheamar faoi dhianghlasáil, ba ar oibrithe cúraim sláinte agus ar dhaoine a oibríonn do sheirbhísí seachadta, in ollmhargaí agus i réimse na sláintíochta – ar poist neamhbhuana ar phá ró-íseal iad go minic – ba orthu siúd a thit sé cuid mhaith a ndícheall a dhéanamh ár dtíortha a choinneáil ag imeacht.

Is mana é ‘I gcomhar le chéile ar son na hEorpa’ ar féidir linn uile tacú leis ach ní mór beart a dhéanamh i ndáiríre de réir na bprionsabal atá againn, mar atá prionsabail na hinbhuanaitheachta, na cothroime, na slándála, na luachanna coiteanna agus na nuálaíochta. Murab ionann is riamh, tá gá againn le tionscnaimh nithiúla mar chuid de Cholún Eorpach na gCeart Sóisialta amhail pá íosta Eorpach, pá comhionann in éiric obair chomhionann, postú oibrithe agus coinníollacha trédhearcacha oibre.

In ionad na mbeart déine a cuireadh i bhfeidhm le linn na géarchéime deireanaí, bearta ba chúis le poll guairneáin ó thaobh an fhiachais agus na marbhántachta de agus a d’fhág go raibh ár gcóras cúraim sláinte an-ghann ar acmhainní (ráite an méid daoine a fuair bás le déanaí, d’íocamar go daor as sin), ní mór don Eoraip comhbhearta láidre a dhéanamh mar chuid de phlean téarnaimh agus atógála, sa ghearrthéarma agus san fhadtéarma araon. Tá cúlú 15 % ar an olltáirgeacht intíre i ndán dúinn, agus ní rogha dúinn a thuilleadh an gnó mar is gnách. De réir mar a théann an ghéarchéim in olcas, ní hacmhainn do na Ballstáit uile déileáil léi ar an gcaoi chéanna; mura dtabharfar freagairt comhordaithe ar leibhéal na hEorpa uirthi tá an baol ann go dtarlóidh cliseadh sóisialta agus eacnamaíoch dá thairbhe, rud a chuirfeadh an tAontas Eorpach féin i mbaol.

Tá cúram ollmhór le cur i gcrích ag uachtaránacht na Gearmáine, ach tá baol ollmhór ann freisin go dteipfidh uirthi i gcás ina ndéanfar tuilleadh moilleadóireachta sa Chomhairle faoi na pleananna téarnaimh, ina gcuirfear ó mhaith iad de thoradh vótaí náisiúnta faoin uile euro beo atá iontu nó ina ndéanfar ‘pacáistí tarrthála’ díobh a bheidh dealraitheach leo sin a chuir an Troika ar fáil cheana a rinne damáiste don Aontas deich mbliana ó shin, rud a d’fhág é, go deimhin féin, sa riocht neamhullmhaithe ina bhfuil sé inniu féin. Bhí an méid seo le rá ag uachtarán Ghrúpa na nOibrithe: “Dá láidre atá na bearta téarnaimh agus dá mhéad atá siad curtha in oiriúint do chás na mBallstát agus a bpobal is ea is inchreidte a bheidh an Eoraip agus is ea is mó a bheidh ar a cumas dul i ngleic leis na dúshláin nach bhfacthas a leithéid cheana le linn na géarchéime seo. Dá bhrí sin, is ceist ceartais shóisialta agus dlúthpháirtíochta í, ach feidhmeoidh an plean téarnaimh seo freisin mar sciath chosanta in éadan an údarásaíochais a thiocfaí chun cinn sna Ballstáit murach sin, de thoradh neamhionannas agus deighiltí sóisialta, nuair a bheidh an chuid is measa den éigeandáil sláinte thart”.

Eagraíochtaí de chuid na Sochaí Sibhialta a chabhraíonn le Teifigh agus le hImircigh san Eoraip

Leis an nGrúpa “Éagsúlacht Eoraip” in CESE
An 22 Meitheamh, d’eagraigh an Grúpa “Éagsúlacht Eoraip” in CESE comhdháil dar teideal Eagraíochtaí de chuid na Sochaí Sibhialta a chabhraíonn le Teifigh agus le hImircigh san Eoraip, comhdháil ar ar fhreastail daoine i bpearsa agus ó chian chomh maith.

Leis an nGrúpa “Éagsúlacht Eoraip” in CESE

An 22 Meitheamh, d’eagraigh an Grúpa “Éagsúlacht Eoraip” in CESE comhdháil dar teideal Eagraíochtaí de chuid na Sochaí Sibhialta a chabhraíonn le Teifigh agus le hImircigh san Eoraip, comhdháil ar ar fhreastail daoine i bpearsa agus ó chian chomh maith.

Rinneadh iarracht le linn na hócáide an ról lárnach atá ag eagraíochtaí na sochaí sibhialta chomh maith leis na dúshláin a bhíonn le sárú acu ar bhonn laethúil agus iad ag tabhairt cúnamh do theifigh agus d’imircigh a léiriú. Lena chois sin, rinneadh iarracht an aird pholaitiúil a athdhíriú ar an tsaincheist seo agus fóram plé a chur ar fáil don tsochaí shibhialta agus d'institiúidí an Aontais, go háirithe mar chuid de phlean téarnaimh agus atógála iar-COVID-19 an Aontais.

I gcás an chéad phainéil, tugadh cuireadh d’eagraíochtaí de chuid na sochaí sibhialta ó cheithre thír éagsúla (an Ghréig, an Iodáil, an tSeicia agus an tSualainn) a dtaithí phraiticiúil a chur i láthair maidir le cúnamh a thabhairt do theifigh agus d’imircigh a slí a dhéanamh trasna na hEorpa ar theacht chun na mór-roinne dóibh mar aon le cúnamh a thabhairt dóibh iad féin a imeascadh i mBallstáit an Aontais.

Maidir leis an dara painéal, rinne Michael Shotter, Stiúrthóir na hArd-Stiúrthóireachta um Imirce agus Gnóthaí Baile, agus Erik Marquardt, comhalta den Choiste um Shaoirsí Sibhialta, um Cheartas agus um Ghnóthaí Baile (na Glasaigh/SCE, an Ghearmáin), ionadaíocht thar ceann an Choimisiúin Eorpaigh agus Pharlaimint na hEorpa faoi seach. Rinne an comhalta den Bhiúró Rossella Nicoletti (EUROCITIES) ionadaíocht thar ceann an Fhóraim Eorpaigh um Imirce.

Rinne Pavel Trantina, Leas-Uachtarán an ghrúpa “Éagsúlacht Eoraip”, achoimre ar phlé an chéad phainéil, agus chuir sé béim ar na dúshláin a bhíonn le sárú ag na heagraíochtaí seo agus iad i mbun a gcuid oibre gach lá, lena n-áirítear an easpa measa a léirítear ar theifigh agus ar na heagraíochtaí a chabhraíonn leo, bonneagar atá uireasach, tacaíocht easnamhach oideachais agus shíceolaíoch, easpa treoirlínte soiléire ó na Ballstáit mar aon le rómhaorlathas. Tá easpa cistiúcháin agus na gréasáin smuigleála ag na teorainneacha i measc na bpríomhbhacainní atá le sárú ag eagraíochtaí na sochaí sibhialta chomh maith.

Agus clabhsúr á chur aige ar an gcomhdháil, leag Séamus Boland, Uachtarán toghaí an ghrúpa “Éagsúlacht Eoraip”, béim ar an gcostas ard daonna a bhíonn le híoc ag imircigh atá ag iarraidh an Eoraip a bhaint amach, agus ar an tábhacht a bhaineann le comhtháthú sóisialta, le meas a léiriú ar a ndínit agus le bheith ag seasamh gualainn ar ghualainn leo.

Dúirt an tUachtarán toghaí go leanfadh an Grúpa “Éagsúlacht Eoraip” ar aghaidh lena chuid oibre ar an ábhar seo agus go gcomhoibreodh sé le hinstitiúidí an Aontais agus leis na Ballstáit chun aghaidh a thabhairt ar na saincheisteanna a d’ardaigh eagraíochtaí na sochaí sibhialta atá gníomhach sa réimse seo.

Chun tuilleadh eolais a fháil, féach leathanach gréasáin an imeachta. (jk)